|
تحيه الاخ حكيم نسال اله ان يبارك لنا ولكم القعود طال عمرك ما يصلح فحل قعود عادي جدا المزحمي |
الف شكر لك أخي عبدالله |
تحيه الاخ محمد لا شكر على واجب |
جزاك الله خير ، وبارك الله فيك |
تحيه الاخ حكيم نسال الله ان يبارك لنا ولكم ولجميع المسلمين ولا شكر على واجب المزحمي |
يالمزحمي الله لايهينك عطني رايك فالبكره وقلي كم تسوى عند اهل البل البكره لقحه باولها وساسها من طفحان بعير الامير فهد بن سلطان http://up4.m5zn.com/9bjndthcm6y53q1w.../s949ef0se.jpg |
أخوي عبدالله السلام عليكم ورحمة الله وبركاته إذا امكن تكلمني على 0505912381 أو ترسلي رقم جوالك للستفسار عن حوارة مزاين |
تحيه الاخ حاتم السلام عليكم ورحمة الله وبركاته نسأل الله ان يبارك لنا ولكم ولجميع المسلمين البكره بدويه ما شاء الله عليها وسرتها طيبه فيها اللون الطيب والظهر اللي ما عليه كلام والبكره متسنده فيه ملاحظات عرقوبها اركز وجرمها مهوب اللي وكذلك تصاغر راسها والبكره مثل ما قلتلك بدويه وان شاء الله تطلع في المستقبل ولكن استعجلتو على ضرابها واظن لو انتم متاخرين بضرابها احسن المزحمي |
تحيه وعليكم السلام ورحمة الله وبركاته الاخ سعد الهاجري ابشر طال عمرك المزحمي |
~.~ كفيت ووفيت يالمزحمي ~.~ |
أخوي عبدالله ترى أمهات البكار عاديات |
بارك الله فيك وجزاك الله خيرا وغفر الله لك أبو مطلق على ماقدمت وماتقدم للأخوان بالتوفيق |
تحيه الاخ عبيد نسال الله ان يبارك لنا ولكم بالنسبه للبعير عادي جدا وفيه عذارييب كثيره منها الظهر والرقبه واضحه وكذلك في بناته حاول انك تدور لك فحل غيره والتوفيق على الله سبحانه |
تحيه الاخ عبدالكريم جزاك الله خير على الدعاء الطيب ونسال الله ان ينفعنا واياكم |
أخـوي / عبداللـه بـن مطلق المزحمــــــــــي ... جــزآك اللــه خيـــــر ... وبيض اللـــــــه وجهـــــــــــكـ والطيب مآيستغرب عليــك .. وعلـى شـروآكـ .... ووآضــح من ردودك أن عنـدك نظـــر .. وخبـره .. اللـه لايهينــــــــكـ ... , , , تقديــــــــــرررررررري |
رأيك اخوي عبد الله هلا اخوي عبد الله ومشكور على خدمتك لا خلا ولاعدم ولاتهون ابي رايك بالبكره ؟ http://mzayan.com/vb/attachment.php?...1&d=1260708349 http://mzayan.com/vb/attachment.php?...1&d=1260708436 http://mzayan.com/vb/attachment.php?...1&d=1260708436 http://mzayan.com/vb/attachment.php?...1&d=1260708436 http://mzayan.com/vb/attachment.php?...1&d=1260708436 http://www.mzayan.com/vb/attachment....8&d=1260360254 انتظر خبراتك ورايك ؟؟ |
تحيه الاخ مشعل شكرا على الكلام الطيب ونسأل الله ان ينفعنا واياك المزحمي |
صبحت بالخير ياوجه النقا يا ابومطلق انا اشهد انك من هل الطيب وجزاك خير على مساعدتك لاخوانك اخوي ابو مطلق واضح عليك (ماشاء الله لاقوة الا بالله ) انك من اهل النظر والعرف لذلك اخوي عندي استفسار بسيط وهو موضوع كتبته سابقا وابي ردك الله لايهينك انا بانسخ الموضوع كما كتبته سابقا والله يبيض وجهك على الرد مقدما وهذا هو الموضوع السلام عليكم ورحمة الله وبركاته وصبحكم الله بالخير يالربع اخواني حقيقة انا لم ارى منتدى متميز بعرضه وبسلامة صدور اعضائه وتكاتفهم كما رأيت في هذا المنتدى الطيب يعلم الله يالربع ان هالكلام ماهوب وسيلة لموضوعي ولا هو بمجاملة لكنه والعالم الله من صميم القلب وبما اني جديد في هالمنتدى باستشيركم ياهل البل يا المناعير اخواني انا عاشق للمغاتير وما سبق اني قنيتها لكن عرضت علي اربع بكار ويقول راعيها وعلى ذمته ان فيها بكرة من مزرعة العاذرية مزرعة الامير عبدالعزيز بن فهد(الله يشفيه) ووحدة ضاربها فحل من فحول الامير ونا صراحة مالي خبرة في الابل وزينها سوى ما اشاهده في المزاينات والمنتدى وانا شفت هالبكار وما شفت فيها صفات الابل المعروضه في المزاينات من طول السنام وتاخره وتهدل المشافر وصاحبها عارضها علي ب 29 الف ريال( سعر شامل للاربع) وما ادري يالربع وابي شورتكم اتوكل على واخذها ولا اخليها وانا مالي غير هداية الله ثم شوركم فلاتبخلوا علي بالرد وبيض الله وجيهكم اخوكم ياسر الحربي |
تحيه الاخ ياسر ابشر بسعدك ولكن مافيه صور عشان نقولك الراي المزحمي |
تحيه الاخ سلمان السلام عليكم ورحمة الله وبركاته الرد تلقاه ان شاء الله في رسايلك على الخاص المزحمي |
اقتباس:
وبيض الله وجهك |
تحيه ووجهك ابيض يا ياسر |
الله يجزاك خير انت ادرى وصاحب نظر مافيه شك وأنا ممتن لك وبناته سيمن بخمس وثلاثين يمكن الصور ماعطته حقه |
قعود فاخر وامه وسط السلام عليكم ورحمة الله وبركاته أخي الفاضل عبدالله و لا يهونون الإخوة عرض علي قعود فاخر أبوة يسام وقت ضراب امه بمليون و ستمية ألف ريال أم الفحل ناقه راسها و رقبتها عادية الغارب و الظهر ماعليه وسنامها على ردوفها القعود كله ابوه وامه ما أخذ منها شي هل يسوى اللي يشتريه عشان يفحله أو لا خاصة إذا كان السعر ماهو غالي حيل؟ جزاك الله خير |
تحيه الاخ عبيد نسأل اله ان يبارك لنا ولكم ولجميع المسلمين بعض الصور طال عمرك تظلم المطيه فيه ناس مصورين بكار في الصور ما تسوى شي ويوم شفتها على الطبيعه ما عرفتها لذلك ما فيه احسن من تصوير الفديو ولك جزيل الشكر |
تحيه الاخ ثامر وعليكم السلام ورحمة الله وبركاته رايي لا تشتري قعود امه عاديه ولو كان ابوه طيب لان الام طال عمرك اذا صارت كما قلت ان راسها ورقبتها عاديه ما تنفع تفحل ولدها لان القعود ينتج اغلب الاحيان على امه وثانيا يمكن القعود الحين صغير وشكله زين ولكن اذا صار لقي او جذع يرجع على شكل امه لذلك انصحك لا تفحل قعود الا امه طيبه شكل وساس وكذلك ابوه اذا بغيت ابل طيبه ومزايين اما اذا كنت تبيع وتشتري ولقيت سعره رخيص ما فيه مانع تشتريه وترزق الله سبحانه المزحمي |
وصلت بيض الله وجهك ومن يفرا |
الأخ عبد الله المزحمي السلام عليكم ورحمة الله وبركاته الله لا يهينك يا ابو مطلق عطني رايك بالقعود ولك جزيل الشكر ( مع العلم ان ساسه طيب ) http://www.mekshat.com/pix/upload03/...8813_111-1.jpg http://www.mekshat.com/pix/upload03/...8%28044%29.jpg http://www.mekshat.com/pix/upload03/...8%28051%29.jpg جزاك الله عنا خير الجزاء ووفقك لما يحب ويرضي |
ابو مطلق سلام الله عليك احد الاخوان طلب مني انك تعطية الرأي بهذا القعود سنة جذع وللعلم الرجال يدعيلك بالتوفيق http://www.alhadafa.com/uploadedfiles/images/3903.jpg |
تحيه الاخ ثامر و وجهك ونسأل الله ان يوفقنا واياك |
تحيه الاخ عادل وعليكم السلام ورحمة الله وبركاته نسأل الله ان يبارك لنا ولكم بالنسبه للقعود فيه خمسة عذارييب اللون الرقبه والجرم والراس عادي والقعود ماهوب سخيف لونه ماهوب الوضاح المطلوب وكذلك جرمه صغير ورقبته قصيره ولحمه واجد اما ظهره متنكس وكذلك عرقوبه طيب ورايي اذا ابلك طيبه وتبغى انتاج طيب شف لك قعود غيره المزحمي |
تحيه الاخ مبارك وعليك السلام ورحمة الله وبركاته ونسأل الله ان يوفقنا واياك وجميع المسلمين ويتقبل من صاحبك الدعاء لو صاحبك مصور القعود وهو معترض افضل حتى يبين القعود زين والواضح من القعود ان سنامه متقدم وراسه عليه ملاحظات كثيره منها صغر الراس واذنه واقفه وخده ماهوب عريض وكذلك اللون اشقح وجرمه صغير ولاهو بواضح عرقوبه واظن عرقوبه اركز القعود بوجه عام اقل من الوسط اخوك المزحمي |
1 مرفق الاخ عبدالله المزحمي وش رايك بالبعير من ناحية الانتاج وليس المزاين |
1 مرفق السلام عليكم أخوي عبدالله بغيت رأيك بالناقة وتقبل تحياتي |
مجهود تشكر عليه يابو مطلق ومن قرابة الخمس سنوات لم تبخل على من استشارك الله لايضيع لك تعب ويوفقك . |
تحيه الاخ بندر صورة البعير ماهيب واضحه لان طال عمرك اذا صورت البعير وهو معطيك جنبه وماهوب ملتفت تقدر تحكم عليه زين تشوف رقبته وجنبه وظهره وكل حاجه اما في صورتك ذي والواضح منها البعير فيه ملاحظات ثلاث البعير ماهوب نظير البعير متساوي وماهوب متسند وعرقوبه اركز و خذها عندك قاعده كل بعير متساوي يجي عرقوبه اركز اما رقبته غيرواضحه وراسه اللي مبين منه انه ماهوب شين .واذنه طيبه وراسه مايقاله صغير لونه طيب واعتقد طال عمرك والعلم عند الله انك اذا هديته في ابل بداوه يبا ينتج |
الله يعطيك العافيه أخوي عبدالله ونشكرك على جهودك العظيمة وحبيت أذا ماكون ثقلت عليك ماذا تقصد بأن البعير يكون متسند وشكرا لك |
أفا.............! أخوي عبدالله عسى ماشر ما ترد عسى الداعي خير !:( |
تحيه الاخ ناصر وعليكم السلام ورحمة الله وبركاته اسمحلي على التأخير بسب كثر المشاغل تصويرك ماهو واضح .اذا بغيت تصور الناقه صورها وهي معطيتك جنبها الناقه طال عمرك مبروكه فيها جرمها ادون شوي وكل مافيها صغير اذنها واقفه الناقه متسنده وظهرها زين ونسأل الله اخ ناصر ان يبارك لنا ولك ولجميع المسلمين |
| الساعة الآن 06 : 01 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |