|
تحيه الاخ عادل الروقي وعليكم السلام ورحمة الله وبركاته نسأل الله ان يبارك لنا ولكم القعود مبروك وفيه مميزات وفيه عذارييب القعود فيه خنبه واذنه رديه وكذلك لونه ماهو الوضاح المطلوب وتشره على سباله خد القعود ماهوب شين وكذلك رقبته ما عندها خلاف والاهم من كل اللي قلناه الساس .اكبر غلط طال عمرك انك تشتري قعود ما شفت ابوه وامه وخواته ولا عليك من كلام الناس المفروض قبل لا تشتريه انك شايفن ابوه وامه ومتأكد من ساسه لان اللي يخاف من الله قليلفي هاذي الايام الا من رحم الله .وياما شفنا من الكذب الكثير والغش ولا يخفى عليك.وتقدر الان اذا انت عارف الرجال اللي شريت منه ان تسأله قله ابغى اشوف ابو القعود واتأكد من ساسه والله يوفقنا واياك |
تحيه الاخ عادل الناصر لا شكر على واجب ونسأل الله ان ينفعنا واياكم التصوير يا اخ عادل يظلم المطيه ظلم كثير فيه صورة ناقه شفتها ما تسوى 10الاف ويوم شفتها على الطبيعه ولا هي عكس الصوره الا اذا كان راعي الناقه يعرف التصوير يقدر يطلع الصوره كويس ومرحبا بك |
يا أبو مطلق , الله يمسيك بالخير , كفيت ووفيت , الله يبيض وجهك . وعلومك كلها غانمه وسمينه . الله يبارك فيك . ويجزاك خير الجزاء . |
الله لايهينك يابومطلق وعسا عمرك طويل وعلمني بالقعود ( السابق ) أفحله او ماينفع فحل عليه العلم وحط في بالك شكله الحين وهو مفرود وكل ماكبر يتغير الشكل واذا فرضنا انه من ساس هياف وتأكدنا - عطني العلم الوكاد . ادري اني كثرت عليك وزودتها معك بس أموووون وتحملنا وابشورك في القعود هذا - واشكرك على سعة صدرك . http://mzayan.com/vb/attachment.php?...1&d=1271241311 http://mzayan.com/vb/attachment.php?...1&d=1271241453 http://mzayan.com/vb/attachment.php?...1&d=1271241523 http://mzayan.com/vb/attachment.php?...1&d=1271241601 http://mzayan.com/vb/attachment.php?...1&d=1271241683 |
1 مرفق ابو مطلق الله لايهينك ابي رايك بهالقعود |
تحيه الاخ عبدالله الجدعان الله يمسيك بمثله وجزاك الله خير على الدعاء |
تحيه الاخ عادل الروقي اذا تأكدت من ساس القعود فيه كلام ثاني يمكن طال عمرك ان ام القعود ولا ابوه اما اشعل ولا اصفر تأكد ونسأل الله ان يعين |
ابو مطلق بانتضار ردك والله لايهنك |
تحيه الاخ مشعل بن فهد السلام عليكم ورحمة الله وبركاته نسأل الله ان يبارك لنا ولكم القعود اظنه طوله زين و وضاحه طيب وعذارييبه القعود اركز ومتساوي وغاربه ردي وكذلك ظهره ووجه القعود عادي جدا وعليه ملاحظات كثيره وانصحك لا تفحله شف لك قعود غيره ونسأل الله التوفيق لنا ولكم ولجميع المسلمين |
اخوي عبدالله ماقصرت جهودتشكرعليها من الجميع المطلوب رايك يابومطلق في القعود الحمر ابوه ساحلي ومعروف وامه ايضا ساحليه وتوه حوارماكمل سنه. ------------------------------------------  الصوره الثانيه  الصوره الثالثه  |
تحيه الاخ فيصل السلام عليكم ورحمة الله وبركاته اذا مواصفات البعير الساحلي مثل مواصفات بعارين المزاين اللي نعرفها فالقعود هذا ما يصلح فحل لان فيه عذارييب كثيره |
جزاك الله الف خير اخوي عبدالله بن مطلق على ما تبذله لاخوانك بدون انقطاع وبدون ملل....الله لا يحرمك الاجر دنيا واخره.. |
تحيه الاخ تركي جزاك الله خير ونسأل الله ان ينفعنا واياك ويفقنا لما يحبه ويرضاه المزحمي |
الاخ بندر رايي القعود عايدي ولا فيه شي يميزه السنام متقدم والقعود متساوي والراس عادي ونسال الله التوفيق |
بسم الله الرحمن الرحيم اول مشاركه الله يمسيكم بالخير جميع البدايه احب اشكر اخونا عبد الله بن مطلق وبيض الله وجهك على خدمة اخوانك بارك الله فيك انا لا املك خبره عن البل شريت قعود من واحد وحلفلي ان ابو القعود مبيوع 950 الف واتكلت على الله وشريته يا ريت اخوي عبدالله تعطيني رايك فيه http://up6.up-images.com/up//uploads...1a1a0ca5a8.jpg..[/URL] http://up6.up-images.com/up//uploads...ae0d144cda.jpg..[/URL] http://up6.up-images.com/up//uploads...2d96f88889.jpg..[/URL] http://up6.up-images.com/up//uploads...36bca9867c.jpg..[/URL] اخوي عبدالله المطلق عطني رايك والف شكر |
تحيه الاخ علي السلام عليكم ورحمة الله وبركاته لا شكر على واجب ونسأل الله ان يوفقنا واياك القعود طال عمرك مجهم ولا اقدر اعطيك فيه راي لان موضوعنا عن المغاتير فقط وانا لا املك الخبره في المجاهيم حتر اعطيك الراي |
الف شكر اخوي عبدالله بن مطلق على سرعه تجاوبك وبيض الله وجهك والله يعطيك الف الف عافيه |
طلب راي ابو مطلق السلام عليكم ورحمة اللة هذي بكرة لاقح تجذع سهيل الجاي ياليت رايك فيها بكل صراحة راعيها طلب ان اعرضها عليك |
طلب راي ابو مطلق السلام عليكم ورحمة الله هذي بكرة لاقح تجذع سهيل الجاي ياليت رايك فيها بكل صراحة راعيها طلب ان اعرضها عليك |
السلام عليكم ورحمه الله وبركاته اولن اشكر الاخ المزحمي علي البادرة الطيبه والمجانيه الي عرضها والموضوع الرائع الي يصب في مصلحه المنتدي وبيض الله وجهك وماقصرت يالغالي ولك مني اجمل تحيه وشكرااا |
تحيه الاخ بندر المقاطي السلام عليكم ورحمة الله وبركاته القعود عليه ملاحظات كثيره مثل صغر الراس واذنه واقفه وماله سبال عرقوبه اركز واللي شفت فيه من زين القعود متسند ورايي طال عمرك تشوف قعود غيره ونسأل الله ان يبارك لنا ولكم ولجميع المسلمين |
تحيه الاخ عبدالرحمن السلام عليكم ورحمة الله وبركاته الصوره ما طلعت ارجو ارسالها مره اخرى المزحمي |
تحيه الاخ عبيد وعليكم السلام ورحمة الله وبركاته لا شكر على واجب ووجهك ابيض |
لاهنت على الموضوع |
تحيه الاخ رجا لا شكر على واجب ونسأل الله ان نكون عند حسن ظن الجميع |
بسم الله الرحمن الرحيم كل عام وانتم بخير اخوى عبد الله بس حبيت استشيرك واستشير اصحاب الخبرة عندي قعود توة مابعد ضرب كل المواصفات الزين موجوة مافيه اي عذروب بس حاجة واحدة ونا مادري تعذرب ولا لا الرقبة (الغارب ) لاحم يعني فيه الحم والعرض قليل والغارب مد وعلى العلم الون اشعل ولكم جزيل الشكرا |
تحيه الاخ سعد الحائلي وعليكم السلام ورحمة الله وبركاته سؤالك طال عمرك غير واضح ولكن ارسل صوره للقعود افضل من الوصف وابشر بكل خير |
يعطيك الف عافية اخوووووي عبدالله وناارسلت على الخاص |
السلام عليكم اخوي ودي تعطيني ريك في هذا الفحل علمن انهو سيم وهوى جذع 350 الف وسنه احين ثني وهل يجيب اكثر علمن انهو انتج عندي انتاج زين علي نياق اقل من الوسط الله يحفظك http://www.alhadafa.com/uploadedfiles/vedios/2022.mp4 http://www.alhadafa.com/uploadedfiles/vedios/2015.mp4 |
رد: اللي عنده سوال عن زيان الابل ما عدا المجاهيم الاخ عبدالعزيز نسأل الله ان يبارك لنا ولكم ولجميع المسلمين بعيرك في هذا السن ما عاد يحكم عليه من ناحية الشكل يحكم عليه من ناحية انتاجه اذا كان انتاجه خصم قيمته غاليه واجد واذا كان انتاجه ادون قيمته تجي رخيصه وسلامتك |
رد: اللي عنده سوال عن زيان الابل ما عدا المجاهيم اقتباس:
السلام عليكم اي اخوي عندي قعوين عليه مشاء الله زينه وكل من شاف انتاجه قل امسك بعيرك بعير منتج وعليه ابكار زيون وحده احسن من اقعدان واخوي البعير يجيب علي العاديه زين من نحيه الوجه وشكل اما لون كله صفر بس على الاحمر يجيب احمر وشقحه يجيب اشقح وضح مجرابن عليهم يقولون ان اول انتاجه اللون ميمسك عليه الثاني انتاج شهر 12 اشوف ضرابن مجهيم واذ صار مزين فحل وانتاجه ممكن اشراك به لن انتاجه طيب عند الامير بدون ذكر اسمه اخوه هو احسن من اخوه بشكل لني مشفت انتاج اخوه وخواته البعير مزاين وشفتهم ابو بعيري مات عند الامير من 3 سنين ووكيل الامير ورعينه يقلون لي صوره خلنا نوريه لامير وان رفض ودي ترد علي |
رد: اللي عنده سوال عن زيان الابل ما عدا المجاهيم الاخ عبدالعزيز نسال الله ان يبارك لنا ولكم اذا البعير يعدي الحوار أمه وساسه طيب تجود فيه |
رد: اللي عنده سوال عن زيان الابل ما عدا المجاهيم بــســـــــــــــــــــــــــــم الله الرحـــــــــــــــــــــــمـــن الرحــيــــــــــــــــــــــــــم السلام عليكم ورحمه الله وبركاته سؤال يدور في بالى من فتره وهو اذا كان البعير او الناقه من المزاين من ناحيه الراس العرنون الخشم بس لاكن البرطم (السبله) مايكون نازل هل يأثر على زين البل عموم |
رد: اللي عنده سوال عن زيان الابل ما عدا المجاهيم السلام عليكم مشكور اخوي عبدالله بن مطلق على الموضوع اخوي الله لا يهينك عندي حواره ويهمني رايك فيها على هالرابط http://www.mzayan.com/vb/showthread.php?t=28484 |
رد: اللي عنده سوال عن زيان الابل ما عدا المجاهيم السلام عليكم ورحمة الله وبركاته جزاك الله الف خير يابو مطلق علي الجهد المبذول يابومطلق عندي قعود وهذة علومه الاب/ الكايد بعير الامير سلطان بن عبد العزيز الذي اشتراة من ابن صاهود الام /ناقة شعلا طيبة دائما مشاركة في ام رقيبة وبعير الامير انتقلت ملكيته الي واحد من اهل الجمعة راعي شعل وهد الفحل علي خمس نياق شعل فقط وولدن النياق 4 بكار وقعودي البكار وحده عند عصيمي تسام 450 الف وبكره طيبة بالحيل ومتوقعين لها مستقبل زاهر وبكره تسام 150 الف وبكره تسام 50 الف وش رايك بهالعلوم وانشاء الله راح انول صورته مع العلم ان القعود سيم مني 113 الف وسنه الان لقي |
رد: اللي عنده سوال عن زيان الابل ما عدا المجاهيم السلام عليكم كيف الحال أخوي عبدالله أبي رايك بهذي الناقة وأعتذر عن وضوح الصورة http://img5.imageshack.us/img5/2930/230520102982.jpg http://img36.imageshack.us/img36/9600/23052010297o.jpg http://img801.imageshack.us/img801/8066/23052010296.jpg |
رد: اللي عنده سوال عن زيان الابل ما عدا المجاهيم السلام عليكم ورحمة الله وبركاتة هذة صورة القعود السن حقhttp://http://up4.m5zn.com/9bjndthcm.../qtmb7q3oq.jpg |
رد: اللي عنده سوال عن زيان الابل ما عدا المجاهيم الاخ سعد الحائلي السلام عليكم ورحمة الله وبركاته بالنسبه لسؤالك السبال من مكمالات الزين في المطيه ويوخذ فيه عند اختيار عن ابل يعني لو كان فيه ناقتين الزين فيهن متساوي يختارون اللي اسبالها اضفى من الثانيه المزحمي |
رد: اللي عنده سوال عن زيان الابل ما عدا المجاهيم الاخ محمد الدغيلبي وعليكم السلام ورحمة الله وبركاته الفلم ما يشتغل ارسله مره ثانيه وابشر بكل خير المزحمي |
رد: اللي عنده سوال عن زيان الابل ما عدا المجاهيم الاخ سليمان التميمي وعليكم السلام ورحمة الله وبركاته ونسأل الله ان يبارك لنا ولكم ولجميع المسلمين من ناحية اصل القعود ما فيه كلام ولكن الصوره اللي ارسلتها ما تطلع ارسلها مره ثانيه ونشوفها ولكن على حسب كلامك ان ساس ابوه على بعارين ابن صاهود وامه من اللي يشاركن في ام رقيبه ان شاء الله ما يردي المزحمي |
| الساعة الآن 04 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |