رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #
 

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #
 

اقتباس:

بس أبي أسـألـك الصور المرفقـه رمزيــه للموضـوع .. ؟! أم هي القعدان المراد أختيـار الانسب منهـا .. ؟!

الصور المرفقـه رمزيــه للموضـوع فقط ..

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #
 

هلا يابو بندر

موضوع مهم جداً وعلى قولك اذا القعود الشين ساسه طيب بالحيل بهده ولاني مفكر في شي

الزين يجي صدفه يمكن القعود الزين الي ما عرفت ساسه جاء صدفه ولاهي متكرره

ولاني مستعد اغامر دامي عارف سر البعير الشين

اعرف قعود انعرض على احد الاخوان وساسه طيب بالحيل مخلاص عن 15000 ورفض اخذه لنه شين بالحيل وقصير وردي

وباعه راعيه بنفس القيمه وسدد راعيه وانتاجه الان يباع منه بقيام غاليه جداً والي يشوفه مايبي يضرب فيه بس لاشاف انتاجه غير كلامه

واعرف بعير زين شكل وبيع بقيمه غاليه وانتاجه جاء صفر وهذا توفيق من الله

على العموم انا من الي اهتم بالساس وبعده الراس بالنسبه للبعير

ودمت بود

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #
 

الزين مثل الحيا متبوع....



لاهنت اخوي طلال

استطلاع في منتهى الروعه

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #
 

والله يا أخ طلال ماني بمضرب بالثنين مدامني بأحصل غيرها وإن حدت أم غلاب و إنحديت فحيل الله أقوى بأهد الثنين واللي بينتج لي حيران طيبه بأحطه في الضلال وبأكثر عليه طيب الفال,واللي حيرانه مش ولابد باضرب جنبه بعصا وباحمله لملحمة عوضين وبأقوله إنحره وأنا أشوف حتى لايتوهق به غيري..
وسلامتك ياولد روق..

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #
 

الساس الساس الساس


والجنادريه خير دليل مليانه فحول اشكالها فاخره والنتيجه تسام قصب ب5000 و6000

بس صورة المقارنه اللي انت حاطها تخوف اهد فحل شكله عادي بس زي اللي انت حاطها

عقوووووووووووووبه حط صورة مقارنه معقوله

بالتوفيق ومشكور على الموضوع الهادف

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #
 

بهدهن كلهن واشوف انتاجهن

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #
 

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #
 

موضوع واستطلاع هام اخي طلال
يهد الزين اذا انا محتد عليهن اما ابومخيط فمااك لوا

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #
 

السلام عليكم ورحمة الله وبركاته
المثل يقول مامن نار من غير دخان والقعود الزين ومجهول الاصل من وين جاه الزين والقعود اللي المعروف اصله من وين جاه الشين
اخوي يقل العرق دساس وبخوصص القعودين اللي فالصوره اذا كانن لك اقضبهم اثنينهم لان احتمال يتغر القعود الايسر اما اذاكانو معروضين عليك اخذ الايمن هذا والله اعلم
وتقبل تحياتي

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #
 

اضم صوتي لأخي محمد الروقي

والدليل رح لسوق الأبل وشوف الشكل الي يعجبك واشتر بالقيمة الرخيصة وهده .

بس صوووور المقارنة هي الي مسوية تخوف من الثاني .

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #
 

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #
 

اولا الانتاج ماهو بسيط وودك الواحد ما يحط ابله حقل تجارب للبعارين تبين انتاجها لانك بتقعد لك سنه وانت ترجا ذا الحوار ولا تدري وايش يطلع ..على شان كذا ما ودك تضرب ناقتك الا ببعير منتج انه عندك والا تعنا له ولو بعيد اما مجهول الساس وشين الراس فمستواها عندي حول بعض واذ باجرب بناقه والا ناقتين جربت الطيب لان زينه ما جا الا من زين يمكن يطلع في انتاجه ويمكن ما يطلع لكن باجربه بناقة ما تمسك حاشيها يعني تجيب شكل البعير والا عموقه وهذي موجوده في اغلب الاذواد وعقبه اقدر اقرر اما هديته والا تركته ولا خسرني وقت وجهد

والتوفيق عند الله وسلامتكم جميع

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #
 

الله لا يهينك على هذا الموضوع المتميز جداااااااااااااااا وانا متأثر من مقولة محمد ال جابر هههههههههههههههههههههههههههههههههه

واشكرك

رد: # دلـونـي عـلى الأنـسـب يا أعـضاء مـزايـن . أيـهمـا أختـار .؟ #
 

مالك الا تنتظر لين يصيرن فحول .

أعزل لكل واحد نياق

الانتاج يبين من ثلاث خلفات .


اللي انتاجه أطيب احتفظ به .