|
أنا أرشــح مولجان بعير أبو صلـــعاء ألي أنكـسر من الثفنه ولده مولجان فاز بالمركز الثاني في شوط الـشيوخ في فــردي الركاب قبل سنتين وهو سنه ثني وبناته فازت بالمراكز المتقدمه في الظفره والركاب المنتجه أنتاج فردي واااااجده وتحضرني ولكن نعطي الفرصـــه للأخريين |
السلام عليكم ورحمة الله وبركاته مرحبا بالجميع وحياكم الله وارجو المعذره من الجميع انا كلامي واضح يالربع والموضوع هدفه اسمى من مجازاة الردي من الرجال اللي يمنع البعير ارجو قراءه ماكتبت وعدم الخروج من الموضوع جعل شيبانكم في الجنه وهذا ماكتبت في اول مشاركه (ويقتصر الموضوع على الركاب اللي انتاجها ياخذ المراكزالمتقدمه في اشواط التحدي المفتوحه التي يشارك فيها ابناء جميع القبايل بغض النظر هل راعي البعير يسمح به او يمنع وكل رجل يبي يذكر بعير لازم يذكر انجازات انتاجه في المحافل الكبيره والمفتوحه للجميع مثال بنته او ولده اخذ المركز الاول او الثاني في شوط التحدي المفتوح في المزاين الفلاني والمشرفين الله لا يهينهم يقومون بجمع انجازات انتاج البعير في المشاركات المتفرقه وتكون مثل الاحصائيه ومرجع لاهل البل وشهاده لانتاج الركاب يرجع لها في حال انه اختلف يعني البعير اللي ما لانتاجه انجازات قويه لا يذكر ولو كان عند العامه واهل الابل من اشهر الركاب نبي نشهر اللي يستاهل بادله وبراهين وهذا اقل حقه علينا هو وراعيه ) كما ارجو من اخواني مشرفين هذا القسم او المراقبين ومن عندهم صلاحية الحذف حذف اي مشاركه تخرج عن صلب الموضوع مع الاحترام لكاتبها بغض النظر من هو وانتم يا اخوان اكبر من ان تختلفون ويشتد بينكم الجدال على لا شي الا الانسياق خلف مايزينه لنا الشيطان حتى يفرقنا ويجعل في نفوسنا شيئا على الاخر هنا نريد الكاب المنتجه انتاج فاخر انجز في المحافل الكبيره وفي اشواط التحدي نبي زبدة الموضوع نشوف اكثر الركاب انتاج فاخر ونبي نرقى بالموضوع الى المستوى اللي يشرف جميع اعضاء منتدى مزاين الذين شاركو فيه من لم يشارك ايضا اخوكم ومحبكم راشد العرق |
بـــسم الله الرحمن الرحيم أخواني الكــرام ,,, يــرجى أتــباع التعليمات أرجو منكم عـــدم تكرار المشاركات التي سبق وأن كتبتوها وسوف تحذف مشاركة اي شخص يخرج خــارج نطاق الموضوع وإذا أراد أحدا" منكم طــرح رأيــه ففيه قــسم مخصص لطــرح الأراء والاســئـلــه لـــذا نــرجو من الجميع الألـــتزام بالأدب والتقيد بشـروط المنتدى وشكـــرا للجمـــيع |
انا ارشح معديان بعير هديان بن سالم الدوسري وله ولانتاجه الكثير من الانجازات وهو موجود على الرابط http://www.mzayan.com/vb/showthread.php?t=27186 ولي عودة بمشاركه ثانيه |
[QUOTE=راشد العرق;347330]السلام عليكم ورحمة الله وبركاته مرحبا بالجميع وحياكم الله وارجو المعذره من الجميع انا كلامي واضح يالربع والموضوع هدفه اسمى من مجازاة الردي من الرجال اللي يمنع البعير ارجو قراءه ماكتبت وعدم الخروج من الموضوع جعل شيبانكم في الجنه وهذا ماكتبت في اول مشاركه (ويقتصر الموضوع على الركاب اللي انتاجها ياخذ المراكزالمتقدمه في اشواط التحدي المفتوحه بيض الله وجهك وكلامك واضح 1- لا تشهير لردي الي يمنع البعير 2 يقتصر على الركاب المنتجه التي اخذ انتاجها مراكز متقدمه في اشواط التحدي المفتوحه |
لاهنت يالعرق وبيض الله وجهك كلامك طيب وواضح والي يمنع البعير مايستاهل المدح لكن على شان منع الحساسيات ،،، انا ارشح وحيدان ال جهيم كأفضل فحل من ناحية الانتاج من بداية المزاينات إلى ذالحين ،،، |
السلام عليكم ورحمة الله وبركاته أخواني الأعزاء أما انا فارشح الوافي بعير بن قروش لأنه فعلا يستحق الترشيح ولأنه البعير الوحيد والنادر في الجزيرة العربية الذي جمع بين زين الشكل وزين الأنتاج ويستحق لقب ( بـــعــير الـــمـملكة ) والمعروف عن الوافي أنه مايجيب إلا فردي من الناحيتين البكار والقعدان حيث أن البدو لم يعرفوا الزين النادر من البكار والقعدان الإ بعد ماجاء الوافي بالفعل أن الوافي لايستحق المقارنة مع أي شي من الركاب الأول منها ولا التالي مع العلم كذلك بأن عيال الوافي كذلك انتجت انتاج مميز البعض منها رقم أرقام متقدمة في المزاينات العامة |
وعليكم اليسلام ورحمه الله وبركاته مرحبا يابو علي ولاهنت على الموضوع الطيب اللي يستحق الاشاده فانا كما فهمت من موضوعك انه ذكر الركاب وليس ترشيحها كما فعل بعض الاخوان في مشاركاتهم فالموضوع مفتوح للجميع لذكر الفحول المنتجه دون ترشيح شي على شي فقط لكي يستفيد الجميع ويعرفون بعض الركاب المنتجه الي تخفى البعض وهذا هي الفكره الاساسيه من الموضوع وبها تعم الفايده بالنسبه للفحول المنتجه واجد لكن باكتفي بذكر بعضها مثل الوافي بعير بن قروش فحل اشتهر بزين الشكل والانتاج بكار وقعدان واذكر الفحل وحيدان بعير الجهيم من الفحول المشهوره بزين الانتاج والفحل عسران لالمنيه اشتهر بالانتاج قبل وحيدان وقبل الوافي وحرصان ولد خشبان بعير ابن لاخن العرجاني ومن الركاب المنتجه في الفتره الاخيره خاصه في زين الحيران بعير سعد الحبصي الدوسري |
مرحبا بالجميع ومبروك عليكم الشهر وفقنا الله وياكم لصيامه وقيامه وتقبل الله منا ومنكم صالح الاعمال يالربع الموضوع ما ادري فهمتو قصدي فيه ولا لا الموضوع ذكر اسم البعير وهو فلان بعير فلان بن فلان اذا كان لانتاجه انجازات وذكر انجازات انتاجه بنته فلانه لفلان بن فلان حققت المراكز التاليه او ولده وهكذا نصل الى موضوع ينفع الجميع وتقبلو تحياتي |
السلام عليكم ورحمة الله وبركاته لقيت الكثير من الردود هنا في هذا الموضوع لبعض الاعضاء لطرحهم كثير من الفحول المنتجه الفاخره وانا من وجهة نظري ومن باب اعطاء كل ذي حق حقه ف ( هجفان ) ال جلمود يستحق الاشاده ابو البل الي عنده الحين في وقتنا الحالي اكثر من 100 فحل من سلالة هذا الفحل في بادية الخليج وبأقيام خياليه وسبق لسلالته احتلال مراكز قويه جداً ومتقدمه فهو يعد من المرابط الطيبه جداً والسلالات النادرة ولكل فحل من انتاجه سلاله اخرى ربي يبارك لبن جلمود فيما اعطاه |
اقتباس:
مرحبا ياعبدالرحمن المطلوب الله يطول عمرك ماهو ذكر اسامي الركاب ومدح وبس كل الركاب اللي ذكرتو معروفه ولا جبتو شي جديد حنا نبي انجازات انتاج الركاب في الظفره او المزاينات المفتوحه القويه والبعير اللي بتذكرون انجازات انتاجه ولا لا تذكرونه الوافي وحيدان مشعوفان كلها نعرفها وفيه ركاب غيرها واجد ومنها واطيب ومن هذا الموضوع بيبين الطيب بانجازه وبالدليل بتحقيق المراكز المتقدمه وكثره الانتاج اللي حقق انجازات قويه يالربع لا احد يرشح او يقول فلان وفلان نبي اسم البعير ومن انجازات انتاجه المركز الفلاني والمركز الفلاني ووووووووو ولا لاتذكرون بعير بدون ذكر ولو واحد من انتاجه وانجازاته هذا موضوع اثبات حقائق وانجازات ماهو ترشيح اللي يبي يرشح يروح للرابط التالي وهو موضوع لترشيح افضل فحل مجهم للاخ راشد المري http://www.mzayan.com/vb/showthread.php?t=1645 يالربع الرجاء التفريق بين الموضوعين الترشيح يروح للرابط ويرشح اللي يبي والموضوع هذا لاثبات حقائق وانجازات وبادله وسلامتكم الله يطول عماركم |
السلام عليكم ورحمة الله وبركاته كيف حال الجميع يالربع الرجاء من الجميع عدم الخروج من الموضوع والمشاركه بما يفيدنا ويفيد الجميع |
اخواني الافاضل الله يرحم والديكم ويجمعكم بهم في جنات الخلد اللي عنده مشاركه يتفضل واللي ماعنده الا تعليق يوفره جعل شيبانه في الجنه كثرة التعليقات حولت الموضوع وغيرت مساره وارجو منكم جميعا بدل التعليق التكرم بمشاركه فعاله ولا هي بصعبه على اعضاء منتدى مزاين ولكم كل الاحترام والتقدير اخوكم راشد العرق |
سلام عليكم ورحمة الله وبركاته نا اشرح عن وريك وانتاجه نادره ماخذه سياره عام 2009 رهيبه ماخذه العاشر عام 2010 معوضه ماخذه دراجه في مزاين غياثي معوضه ملك سعيد زايد بن فطيس المنصوري |
رد: اشهر الركاب المجاهيم بانتاج فرديات الاشواط الرئيسيه ماشاء الله |
| الساعة الآن 09 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |