|
مرحبا بك ابوخالد مرحبا بصاحب الفكر الراقي المتجدد ------------------------------------------------------ اولا اسمح لي ان اعلق على الموضوع من حيث عدم توافق العنوان مع محتوى المشاركة وكذلك تشعب الموضوع واجابة فقراته بعضها على البعض الآخر. ------------------------------------------------------------------------------------- واليك رأيي بالتفاصيل 1-العنوان اعتبره سؤال مستقل: هل الفحل انتاج ام شكل ؟؟ الاجابة على السؤال ان الامر يرجع لرغبة المالك فالفحل طبعا انتاج لمن يبحث عن الانتاج الطيب وشكل لمن يشارك في المزاين( التحدي) بغض النظر عن الانتاج فكثير ما نشاهد فحول حصدت الكثير من الجوائز دون ان يذكر عليها اي من الحيران. ------------------------------------------------------------ الامر الاخر ذكرت انه اذا سلمنا بالاصل فمعنى ذلك ان الاصل متحقق في الحوار بغض النظر عن زينه وهذا سبب كافي لان تفحله لموسم واحد او تهده في بعض البل وتشوف انتاجه ان زان والا القصاب يحتريه . واما الحوار الزين اللي زينه مظهر روحه بهده وانا مغمض بغض النظر عن اصله ... وان اجتمع مخبر ومنظر فهذا المبارك. ---------------------------------------------------------------------------------------------------------- ماذا تتوقع ان يكون انتاج هذا الحوار بعد ان ينتج بمشيئة الله هل ممكن يطرح على شكل ابوه، امه، جده، جدته ؟؟ الجواب والعلم عند الله ان الانتاج منوع ما بين الفحل واسراره والام واسرارها ( العرق دساس) فأحينا يكون الفحل طيب واماته طيبة ويضرب ابل رديه او ساسها ردي ولايعمرها . |
الاخوان نواف ، محمد ، راشد ، خالد سعدت با اضافاتكم للموضوع الاخ مسعود اتمنى ان اكون كما وصفتني به ولكني لا اتوقع ان اكون كذلك :) ملاحظاتك في محلها ورئيك له اعتباره لدى الجميع عندما طرحت الموضوع كان الغرض منه ان يكون مدخل صحيح لما سوف اقوم بعرضه مستقبلا من معلومات قد تفيد ملاك الابل واحببت ان استائنس باراء ومعلومات الاخوان الاعضاء فيما يختص بهذا العلم الكبير والكبير جدا الا وهو علم الوراثه شاكرا ومقدرا جميع من شارك وانار المنتدى بعلمه ومعرفته وتقبلوا تحياتي |
اخي العزيز مسعود العماري ولايهونون باقي الاخوان انت تقول واما الحوار الزين اللي زينه مظهر روحه بهده وانا مغمض بغض النظر عن اصله وانت تقول بعد فكثير ما نشاهد فحول حصدت الكثير من الجوائز دون ان يذكر عليها اي من الحيران. اي انها لم تنتج اي انك بتهد الزين ولو اصله ردي وانت مغمض فهل اذا طلع انتاجه ردي بتهده ولا بتبيعه و انا اقول ان الفائده من هداد البعير هو انتاجه فان صلح انتاجه والا اضن انه يصلح في شبك بروحه ولا معه الا الحيل فان القح الحيل فهذه فائده كبيرهومكسب وان لم يلقح فهو للمشاركه في مزاين الفحول ويكفي الجوائز التي يحصدها والانتاج بهد غيره بعير منتج ولا وش رايك اخوك راشد العرق |
السلام عليكم ورحمة الله وبركاته قد اشاركم الحديث ولكن وباختصار الفحل من طيب اصله وبالذات امه . ومثل ما سبق الحديث ممن سبقوني بان الشكل ليس من الاهميه للفحل فمثلا فحول مشهوره ولكن وين انتاجها ؟ دائما نبحث عن الاصل وهو الأم ومربط الام هو الشيء المطلوب . |
اقتباس:
يشرفني مناقشت مثلك وشرواك ---------------------------------------------- وبالنسبة لسؤالك فطبعا اذا كان انتاج الفحل ردي وش الفايدة منه ؟ يكثر المقاصب !! ومعك في كلامك اما الزين شين الوالدين فالرجال بيهده لعل وعسى يجيب حيرانه وان تردى انتاجه فسوق المزاين يحتريه وعلى العموم لو سألتك بعد هل بتفحل ولد البكر؟ متأكد انك بتقول لا . وانا اقول بفحله عساه يجي مثل وحيدان لانه حسب علمي ان وحيدان ولد بكر فالرجاء ولا الياس والفيصل الانتاج عسى فرجا ً عسى اعلل نفسي بعسى . ولك ولجميع الاخوان جزيل الشكر |
اقتباس:
الأخ مسعود عندي سؤال لك وش معنى ولد البكر؟؟ يعني ولد الناقة الأول(أول ولده للناقة) إذا كان الجواب نعم ، ليش مايفحل ؟ وش العله من عدم تفحيله؟(مجرد أستفسارات للأستفادة وليس للمناقشة ، لإن أول مرة أسمع بقولك وودي أستفيد) وشكرًا |
أسئله جميله واجابات وافية من الاخوان عندي ان الانتاج اهم من الشكل لراعي المقاني والشكل اهم من الانتاج للتجار واهل المزاين زرت أحد ملاك الابل المغاتير قبل فترة وجيزه وبهرني جمال البكار (تبارك الله) فسألت عن الفحل وهم يشيرون له وانا ماشوفه واقول ماني شايف فحل .........وبعد ماشفته تحاقرت شكله وصغر حجمه حيث ان البل غاطته بينها فقالوا هذي البكار من انتاجه .... تحياتي |
- اذا كان شكل الاب والام يحملان الكثير من المواصفات الجماليه بالمختصر (مزايين) والحوار عادي هل تفحله ؟؟ السلام عليكم كثير من الناس يقول فحل القعود الي ساسه طيب حتى لو شكله عادي طيب كيف جاء عادي وساسه طيب ماجاء عادي الا من ساسه الردي |
البدو يهدون لبعير الي عموقه طيبه يعي اصله طيب واذا كان شكله زين بعد احسن وفيه بعير هاد روحه يعني ماتعرف امه ولا ابوه بس هو زينه هايل من جميع النواحي |
السلام عليكم ورحمة الله وبركاته حاب اجاوب بصوره مجمله ان سمحت لى الكل يقول الاصيل طيب ماهو مفهومنا للبعير والناقه الاصيله اخى الاصيل من هو يورث الزين او السبق لمعضم انتاجه ان حصلت ناقه او بعير على حسب المفهوم السابق فحل وقلبك قدك والشاهد على كلامى كم بعير وناقه زينه بس الانتاج مايطلع نفس المستوى لانها ما تورث الزين لعيلها ولذالك تلقى الفحول والنياق الاصيله نادره |
في مداخله على الموضوع السؤال هو الفحل العادي الشكل وانتاجه طيب شنو السر اللي فيه هل هوابوه طيب وامه عاديه او العكس لان ظهر شكله عادي؟ وانتظر ردودكم |
السلام عليكم ورحمة الله وبركاته اخى بدر العازمى اسمح لى ان ارد على استفسارك حسب خبرتى المتواضعه طالما الفحل انتاجه طيب والشكل عادى فهذا يدل على ان اصله طيب من ناحية الام والابو وعرقه وساسه طيب وشكله ماهى دلاله على اصله يمكن يكون طاقه عرق من ساس قديم بس انتاجه دل على اصله بحيث ان انتاجه ماتردى بل زاد وفخر وفى الختام تقبل تحياتى |
انا عتقد الفحل تهده خواته والام مهمه والشكل غير مهم هذي وجهة نظري الشكر موصول لراعي الموضوع عبدالرحمن |
اقتباس:
كلامك هذا ياخوي راشد يؤكد ان المسألة توفيق وارزاق يقسمها الله بين خلقة 0 |
ساس الفحل المنتج مهم جدا جدا وليس الشكل ؟ والناقة من الوسط وفووووق يجي الانتااااج طيب فالساس دساس والفحل الطيب يحمل 50%100 والناقة الطيبه تحمل 50%100 |
| الساعة الآن 27 : 06 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |