|
رد: هل اصابنا رهاب انقطاع الشعير ؟؟ الحمدلله الفلوس اللي كنت اشتري بها شعير شريت فيه برسيم وكثرت للحلال برسيم والا ها الحين وحلالي ما فيه خلاف بدين ولا ضعف ولا خلاف وتركت سرى الشعير وريحت بالي ويا ليت الناس تترك الشعير وتتجه لغيره وتقاطعه مدة شهر كان يصير لتجار الشعير ما صار لشركة المراعي يوم رفعت السعر المقاطعة للشعير ثم المقاطعة للشعير ثم المقاطعة للشعير تكفون يرجال قاطعوهم خلو نعطيهم الدرس اللي اخذه غيرهم |
رد: هل اصابنا رهاب انقطاع الشعير ؟؟ ألاّ صابنا رهاب الشعير وفقّرنا بعد . والله اني آخذه من 55 قبل امس من الحراميه وبعضهم يبيع من 60 ومتوفر بهالاقيام . اما الاربعين تجي تريـلات والناس يمسكون عليه سراء يادافع البلا واللي يجيه 5 واللي 10 وش تسوي ؟؟ ورغم ان صدر اوامر ملكيه ودعم وسمعنا وسمعنا وسمعنا ولاعيّنا شي .. ! الله يحلها ... |
رد: هل اصابنا رهاب انقطاع الشعير ؟؟ مرحبا بالجميع ومبارك عليكم الشهر وعسى الله يعينا ويعينكم على صيامه وقيامه أخواني الكرام انا مادري ليش العالم كلهم مالهم غناه من الشعير يااااجماعة الخير والله أني عينت ألي أفضل منه مليون مــره وأنا مجرب الشعير يحد المطيه على أنها عزكم الله تاكل دمنها وهذا الشي لاهوب من صالحها في لبنها سوا" لحوارها أو للي بيشرب من لبنها وتشوفها في ردا من ناحية الغزل والربخه هو يعطيها سناااام بس لا سره ولا لون ماعليكم من ألي يقول الشعير لون .. لون لانه يعطيها برسيم مع الشعير الطعاااااام ألي أنا مجرب ومغنيني عن الشعير والوافي والأعلااااف كلهاااا هو الروووودس أأأي والله ياجماعه والله أن أبلي ماتسير من الشحم والعاااافيه ماشاء الله كان بس الخلفاااات أخصها بالبرسيم الصبح وباقي الوقت منقع الرودس عندها يومها كله فا ياخواني خلو منكم الشعير ألي ملعوزكم وذابحينكم عليه رواده خلوهم يغطونه على كبووودهم والله أن أتشوفونهم موفرينه لا وبعرض مغري بعد والسلام عليكم ورحمة الله وبركاته أخوكم : ســـالم المحميد |
رد: هل اصابنا رهاب انقطاع الشعير ؟؟ الشعير المفروض مايهتم بتواجده إلا الشاوي فقط,ولاراعي البل أعلاف إبله كثير وأخير من الشعير مليون مره..! |
رد: هل اصابنا رهاب انقطاع الشعير ؟؟ اقتباس:
عسانا انتعلم لكن اللي اشوفه يبو غنام وين العلم من واقع السروات وهو متوفر لو حن تعلمنا دروس كان جربنا بدائل او على الاقل تركناه لين يدود في مستودعاتهم ولا على الاقل خذنا حاجتنا الاسبوعيه بدون تخزين ولكن العرب لا يتعلمون الدروس |
رد: هل اصابنا رهاب انقطاع الشعير ؟؟ والله اليوم اشوف السرا وش طوله في الجنادريه الحل المقاطعه يابوفالح والله لامسكت سرا والله ماشريته والحمدلله والمنه فعلا الناس استغلثت على الشعير الان وقت تصريف من التجار |
رد: هل اصابنا رهاب انقطاع الشعير ؟؟ اقتباس:
ما ضاقت الا انفرجت ونرجي الله ما نرجيهم يا سلطان خل ابن عمك يشري ويتبدوا والسكر والضغط ما سلم منه البعيد عن الحلال فلاهوب جايه الا ما كتبه الله عليه |
رد: هل اصابنا رهاب انقطاع الشعير ؟؟ اقتباس:
الله يبارك لك في حلالك يا ناصر والبدائل موجوده ولكن البلاء فينا اكثر من حلالنا شكلنا انا اللي ادمنا السرى عليه |
رد: هل اصابنا رهاب انقطاع الشعير ؟؟ اقتباس:
هذا بزاتو اللي انا اعنيه التريلات واجد والناس ما سكه سرى خل كلن ياخذ كفايته لشهر ماهو اسبوع وشف كيف يغرق السوق هم قاعدين يصرفون بكميات اقل حتى يصرفو على المدمغ اللي يخزنون وشف بعد العيد وش يصير بتشوف السوق غرقان |
رد: هل اصابنا رهاب انقطاع الشعير ؟؟ اقتباس:
بديل من البدائل والتجربه خير برهان الله يديم عليك وعليها العافيه يا سالم فعلا ادمان شعير هل تعتقد ان الشعير مضاف له مواد تساعد على الادمان لدرجة الوقوف في السرى كل يوم عشان خمس اكياس ويمكن ما تحصل |
رد: هل اصابنا رهاب انقطاع الشعير ؟؟ اقتباس:
ارحب يا السمي انا اعرف الجنادريه منذو نعومة اضافر رجليني تكرم وعدد التريلات اللي تجي للسوق يوميا ما قد تعدت عشر وتقعد باليومين والاربع والاسبوع ما صرفت الحين تجي 16 والسرى طول ابليس ولا يلحق اخرهم الا بكره ومن خمسه اكياس بس الله يعين !!! الخمسه فينا فينا حتى في سرى الشعير على طرياها يقولون ان الكويت يسمونا ابو خمسه ؟؟؟؟؟؟؟؟؟ هذا الكلام والقصد من طرحي لهذا الموضوع هو هل التولع ذا طبيعي ولا ادمان ورهاب الانقطاع ؟ ولا البدائل موجوده وتجارب اهل حلال ومربين واستغنوا عنه اذا لماذا هذه الطوابير اذا ؟؟؟؟؟؟؟؟؟؟؟؟؟؟؟؟ رهاب وادمان وعاده |
رد: هل اصابنا رهاب انقطاع الشعير ؟؟ لاهنت على الموضوع |
رد: هل اصابنا رهاب انقطاع الشعير ؟؟ اقتباس:
لا هنت على المرور |
رد: هل اصابنا رهاب انقطاع الشعير ؟؟ اليوم لقيت تريلتين ما عليها احد في الجنادريه بالرياض يقول حمل اللي تبغى خذيت 10 اكياس وهذا اثبات ان الازمه سببها الناس والتخزين ونتاج ما سبّبّه رهاب انقطاع الشعير |
| الساعة الآن 41 : 10 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |