منتـديـات مــزايـن - @@وانا على استعداد للتنحي @@

اقتباس:

المشاركة الأصلية كتبت بواسطة خالد الحجي (المشاركة 56109)

يابو علي علمك طيب وبيض الله وجهك على اللي تسوونه وتتعبون عليه بداية من صاحب الموقع والمشرفين وماأظن احد معترض لكن أتوقع تأخر الأعضاء بالمشاركه كل واحد يبي غيره يبدأ من باب الإطلاع قبل المشاركه !!!!
يابو علي لاتأجلون ولاشيء بس اعلنوا أن بداية المشاركه محدده للالوان كل لون أسبوع بتاريخ معين وصدقني حيشاركون اغلبهم مايعرف متى ينزل الصور والا كل شيء جاهز والناس انشغلت بالمزاينات ومتابعة قناة الساحه هههه ماعاد تدخل النت !!!

اقتباس:

المشاركة الأصلية كتبت بواسطة بندر بن معيض المطيري (المشاركة 56141)

ابو علي علمك غانم وخيرك سابق ولا نرضى انسحابك تبون تأجلون هذي شي انتم اعلم به لكن انسحابك مرفوض جمله وتفصيلاً وما اقول الا ابيض وجه ورايتك بيضاء

اقتباس:

المشاركة الأصلية كتبت بواسطة تركي القريني (المشاركة 56149)

بيض الله وجهك يابو علي مامنك قصور

بس يمكن مزاين قبيلة عتيبة و مزاين ام رقيبة صار فيه تشبع ودخول موسم الحج

له أسبابه الخاصه ولو يمدد الفترة الى نهاية شهر محرم القادم يكون أفضل

اقتباس:

المشاركة الأصلية كتبت بواسطة مسعود العماري (المشاركة 56169)

مرحبا ومسهلا ابو علي

علمك غانم وانت راعيه

وجود مثلك وشرواك ضروري وسبب لنجاح اي مهرجان وليس فشله

فانا ضد انسحابك

وضد تمديد المزاين والسبب ان الاعضاء قد لاتوجد لديهم اي نية للمشاركة

وعدم تفاعلهم مع المهرجان سوء بالمشاركة او شرح اسباب عدم المشاركة

دليل على ذلك ولو ان صاحبي حي (ن) تحرك

اقتباس:

المشاركة الأصلية كتبت بواسطة تركي الصويمل (المشاركة 56177)

يابو علي

وجهك ابيض ولا جاء منك قصور والكل هنا يشيد بجهودك
وعلمك غانم

اقتباس:

المشاركة الأصلية كتبت بواسطة فهد الأحمد (المشاركة 56181)

علمك غانم يا بوعلي وأنسحابك مرفوض
إن كان به قصور فهو منا يا أعضاء المنتدى

بيدنا إنجاح الفكرة إن أردنا .. ولكن مثل ما قال أخوي مسعود العماري

(( لو ان صاحبي حي (ن) تحرك ))

اقتباس:

المشاركة الأصلية كتبت بواسطة محمد الزعبي (المشاركة 56190)

بيض الله وجهك يابو علي مامنك قصور

فانا ضد انسحابك
ويد فكرة اخوي تركي القريني على التاجيل

اقتباس:

المشاركة الأصلية كتبت بواسطة خالد السديري (المشاركة 56194)

ابيض وجه يابو علي............لن نرضى ان تتنحى

وانا مع فكرة اخي تركي القريني وجاءة الفكره المزاين مع مزاينات القبائل ودخول وقت الحج.

اقتباس:

المشاركة الأصلية كتبت بواسطة محمد بن شريه المطيري (المشاركة 56200)

بسم الله الرحمن الرحيم

اولا نرفض تنحيك يا ابوعلى

وانت رجال ونعم فيك وكفو انشاءالله

وتأخير المشاركين والله كان بسبب انشغال الناس بالوقت الحالي

انا اتكلم عن نفسي انا بالكويت وابلي بالسعوديه وانشغالي بدراست اولادي وعملي بالكويت
لم تحصل لي الفرصه للمشاركه وانا ان راد الله راح اكون بالسعوديه يوم غد وبشارك بالشعل والصفر

والله يوفق الجميع

اقتباس:

المشاركة الأصلية كتبت بواسطة عيدالمنصورى (المشاركة 56203)

ابيض وجه يابو علي............لن نرضى ان تتنحى
قالوها من سبقوني بالرد واكررها الف انت دايم سباق لجمع الشمل وانا اول من جرب ذلك
اما بالنسبه لعزوف المشاركين فالمزاين اعتقد بأن الاسباب من خارج المنتدى
والمنتدى والقائمين عليه ماقصروا واللجنه كفوواكثر والدعم المادي و العيني والمعنوي كله متوفر ماقصرتوا
ولا اظن ان هناك عزوف بمعنى ما فسر فقط ترقب وحذر من المشاركين كلن مايبي يعرض قبل الثاني

واولا واخيرا اللي يقصربك يشملنا جميعا واللي يقول فيه قصور يعلمنا ويبشر بسعده

اقتباس:

المشاركة الأصلية كتبت بواسطة راشد العرق (المشاركة 56207)

اوافق ابو احمد الراي
وبالنسبه لتاخير الاشتراك فانا ارى انه لو قمت انت وفهد بن صلبوخ ومن هو عازم على المشاركه ومجهز من وقت بتنزيل مشاركته لرايتو المشاركات في اليوم الواحد اكثر مما تتوقعون فاكثر المشاركين يقتدون بمن يرون انه من المنافسين الاوائل

والمشاركه اخواني الاعضاء مثل اي رد على اي موضوع
وانا سوف ابذل ما في وسعي لانجاح هذا المزاين ولو بمشاركين جدد خصيصا لانجاح هذا المزاين مع احترامي لاخواني الاعضاء في وضع الانتظار والترقب الحذر

اخوكم راشد العرق

اقتباس:

المشاركة الأصلية كتبت بواسطة عبدالعزيز بن سعود التميمي (المشاركة 56211)

ابو علي

بيض الله وجهك

وعلمك غانم

ولافيك قصور

لاكن التوقيت هوسبب العزوف

وإن شاء الله في القادم من الايام تتحسن الاوضاع

اقتباس:

المشاركة الأصلية كتبت بواسطة حمد بن سنيد المري (المشاركة 56230)

ابوعلي

بيض الله وجهك وعلمك غانم ولكن قالوا الرياجيل قدامي وبقول واكرر

انت لها ولا غيرك يقدر يتحمل المسؤلية بدون قصور في الربع ولكن ما للحمول الا جملها

ولا اقدر ازيد على كلام اللي قدامي

وانا معارض لفكرة خروجك

اقتباس:

المشاركة الأصلية كتبت بواسطة طالب راشد المري (المشاركة 56332)

حنا عصافيرن وبو زيد سدره * من ذل منا يبو زيد التوا بها

اقتباس:

المشاركة الأصلية كتبت بواسطة عساف السبيعي (المشاركة 56372)

ان تنحيت اعرضت انا عن المشاركة

وجودك معنا بحده ناموس

وانت محل ثقة ومحبة الجميع

اخوك السبيعي

سلام عليكم

اشكركم جميعا على ثقتكم بي

والله يقدرني واكون قد ثقتكم

وصدقوني انا ابحث عن سبب

عدم مشاركه لاعضاء

وحن بشر والبشر خطاوون

ومافيه حد مايخطي .