|
هذا الرابط يوجد فيه تقرير مصورعن حرصان بعدسه وقلم الاخ حمد السحيمي http://mzayan.com/vb/showthread.php?t=1222 |
السلام عليكم ورحمه الله وبركاته اتفق مع مبارك و حمد الغواص اللي عرفناه وسمعناه على لسان راعي الفحل نفسه ان حرصان على خشبان العصلب |
مافيها نشدة شيخ حرصان ولد خشبان وامه مضربة بخشبان العصلب في عريق القرضي في لغف الدهنا. |
وعليكم السلام ورحمة الله وبركاته ارحب يابن صنهات الله يعطيك العافيه على العرض الطيب وحرصان ولد خشبان العصلب على كلام راعيه والبعير الي في الصوره يشبه بعير ابن الخن والعلم عند الله |
ماشاء الله تبارك الله الله يبارك فيه والله يعطيك العافيه على المقطع |
السلام عليكم ورحمه الله وبركاته الاخ محمد بن صنهات الدوسري حسب موضوعك الي شاركت فيه ونوهت ان حرصان ولد الهرش فلحان وانا اعتقد الخطاءالي ورد منك غير مقصود والقد اتصلت اليوم ب عبدالرحمن محمد حسن بن الاخن العرجاني صاحب الفحل الرجل الي مايرد المسلمين جزاه الف خير وستفسرت منه بخصوص حرصان واثبت ان ابوه خشبان العصلب وليس كما كتبت نرجوا منك التأكد في المعلومه والي يبي رقم جوال صاحب حرصان يراسلني على الخاص عليه وجب التنويه والله علام الغيوب |
ما شاء الله تبارك الرحمن الله يبارك لراعيه ويرزقه الانتاج الطيب ولاهنت يابن صنهات على العرض الطيب |
السلام عليكم ورحمة الله وبركاته وكل عام وأنتم بخير الأخوان الأعزاء سلطان الشيباني خالد الشيباني راشد المطيوعي تركي الكبيري سعيد ابو جعشه فهد بن صلبوخ ياسر الحربي سعد بن عبيد الهاجري محمد العنبسي عبدالعزيز سعود التميمي فيصل محمد الحقباني سعود بن جبر مبارك المري حمد الغواص عبدالله المري علي المرعي راشد المري خالد العرجاني بندر مطر البقمي مرحبآبكم جميعآ ولا هنتوا جميعآ على المرور ومشكورين على التفاعل مع الموضوع وابداء الراي والحقيقه ماعليها غبار تظهر وتبين ولو طال الزمن ولكني أستغرب صراحه من اللي مروا على المقطع وشاهدوه ومع ذلك يضيرونه على خشبان ومع ذلك اقولهم ركبت نهوم يالربع0 لا يريدون ان يعترفون بالصحيح و ماعرفوا حرد البعير من البعير وهم لو يضيع لهم مطيه ويلقون جرتها عقب سنين عرفوها ان كانكم تقولون عنه ياهل الابل انه على خشبان عطونا وش خذا حرصان من خشبان اقنعونا حتى نكون معكم ونصدقكم الله عطانا وعطا غيرنا نظر وعرف يدله لاصار في الامور اشتباه وهذي ذمم لايمكن التلاعب فيها او مجاملة شخص على حساب آخر وانشاء الله ان نظركم على الظن وأطيب ولا تتبعون هوى النفس0 والمنتدى هذا نستفيد منه في مثل هاذي الامور وكلن منا يحاول يجيب المعلومه الصحيحه فيه0 أخوكم / محمد ابن صنهات الدوسري |
السلام عليكم ورحمة الله ياكبر البلام كبراه ، يابن صنهات لاا ... وبالاحمـر العريض اقول : والكلام للجميع اقطعوا بها يد ، ذياب بن غانم ان كان / حرصان ماهو بـ على حنج بعير الأكلبـي بالشكل والممشى وانا تراني مابعد وقفت على الاثنين ، لكـن حسب شوفي لها في هذا المنتدى .. والسـلام ختام |
الاخ/ محمد بن صنهات المقطع لا يعمل الرجاء التحميل مرة اخرى او الاخوة اللي فتح معهم الملف يرسلونه على الايميل والشكر للجميع |
محمد الدوسري في البداية اريد ان اوكد لك اننا لا نحمل اي مصلحة شخصية في نسب حرصان لخشبان لان سلالة خشبان معروفة ومنتجة ويكفيها ابل اهلها آل عصلب ومن ((ناحية التظييير)) فكلامي انا والاخوان اللي عقبوني كان بناء على مالدينا من معلومات يتداولها العامة ويقولها صاحب الفحل نفسه اما اذا كنت تقصد التخمين والتشبيه فهذا امر آخر ولايمكن الاخذ به او الجزم بناء عليه الا اذا تطور الطب البيطري واحدث وسيلة لتحليل الحمض النووي DNA لحرصان( وبقايا) خشبان اذا كان بالامكان العثور عليهافي الربع الخالي |
| الساعة الآن 57 : 11 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |