|
رد: كم عدد ابلك واعلمك وش علفها اسعد اللة مساكم اتمنى من اللة العزيز القدير ان يسبل ثوب الصحة والهعافية على والدة اخينا محمد وابن الاخ خالد الفالح شكرا اخ محمد على الرد وسوف اتبع البرنامج اللة يثيبك انت والاخ وافى وجمبع المشاركين |
رد: كم عدد ابلك واعلمك وش علفها اقتباس:
وصحيح انا من اهل الكويت لكن البل في الشقيقه تبعد عن محافظة عنيزه حوالي 30 كم والشعير مهوب متوفر امسك سرا فالجنادريه واودي للبل مترت خط القصيم رايح جاي |
رد: كم عدد ابلك واعلمك وش علفها الاخ محمد اشكرك على طرح الموضوع واحب اضيف ان نوع التعليف يعتمد على عوامل كثيره منها العامل الاقتصادي وانا ذكرته مهوب لاجل اني ادور الربح لان البداوه والابل مافيها اي جدوى وخساير مالها حدود لكن نريد ان نعلف بالمعطيات اللتي لدينا بمعنى انه لو ان سين من الناس راتبه احدى عشر الف وابله ثلاثين ونقول ونطرح عليه برنامج قيمته الشهريه بقيمة راتبه غير رواتب العمال ومصاريفهم واصلاح السيارات ومصاريف راعي الابل اللي تعرفونها فما بالك بمن رواتبهم اقل من ذلك بكثير وهم السواد الاعظم والاغلبيه . ثانيا الحشايش اللتي ذكرت تحتاج الى ان تكون قريب من المدن او توجد لديك القدره لنقلها لمحلك وهذا متعب لان جدل الاعلاف متعب ويعيفك الحلال والنقطه هاذي اللي تميز الاعلاف المكيسه ( شعير ومكعبات ) يعني قرب اللوري حمل علف شهر ووده للابل حتى لو ماعندك لوري نقلها اسهل بكثير من الحشايش علاوه على ذلك بالكميات الكبيره تحتاج الى شبوك حتى ماتوصل لها الابل وهذا تصلح لرجال مستقر في محله وقريب من المدن اللي ودي اوصله انه لا غنى لنا عن الاعلاف المكيسه جمعت بين الجدوى الاقتصاديه ( قلة خساير ) وسهلة الحمل والتخزين وتظهر فايدتها في حوال ابلك اكثر من الحشايش وتقبل تحيات اخوك |
رد: كم عدد ابلك واعلمك وش علفها البقاء اخوي محمد التميمي بارك الله فيك واستاذنك لي تعقيب على احد الاخوة بعد اذنك طال عمرك اخوي الفاضل بن عمير تقول عسى عمرك طويل (( وحب اعقب علا كلام وافي ابن موطان كلامه عزالله سليم مفيه غنا عن الشعير قلناها وبنقولها لو يوصل سعر الكيس 100ريال بس بصراحه فيه تناقض بطريقة التعليف ماادري وين التناقض في كلامي ؟؟ ليتك توضحه لي بارك الله فيك كيف انه ضد الحشائش وع الشعير ويعلف طحين وتبن وبرسيم وتمر وخبز وشعير مكلف مره وغير مفيد وفيه خطوره على الابل وحتى حليبها مايشرب والمراح.......!!. محمد تقول غير مفيد مافهمت وش قصدك بالفايدة ؟؟ يعني قصدك مايتفع الحلال مثلا ؟؟ باختصار يالربع هذي ابل مدري وش اقول:- بس والله انه يضيق صدري لاشفت احد يعلف خبز وتمر وطحين محمد الابل من خلقت الدنيا واهلها اذا بغو يكرمونها عطوها تمر قبل يجي الشعير والمكعب والحشايش الابل من اول حتى الماء لاصار مهوب صافي ماتشربه واى الان كذا مدري كيف غييرتوها وصارت تاكل طحين وغيره )) الى هالحين الابل تعاف الماء الي مهوب صافي ولا له ريحه ولا تشربه لكن مدري وش وجه المقارنه بين الماء وعلفنا !!؟؟ |
رد: كم عدد ابلك واعلمك وش علفها اقتباس:
ارحب ثم ارحب ياوافي صحيح اقصد الفايده من العف اللي هو الطحين والا التمر معروف 100% للدم ومضاد لللامراض وجه المقارنه بين الماء والطحين اكيد بتنقعه مع ماء والا وشلون تعلف لازم يعجن انا مدري بصراحه ما قد جربته والتناقض اقصد التكلفه كثرة التنويع فالعلف تزود المصروف والله يوفقك ويبارك لك فالذود وفي كل ماتملك |
رد: كم عدد ابلك واعلمك وش علفها يالتميمي الله يعينك علي شتت موضوعك وفرعته لكن تحملنا يابن الكرام :mwalat41: البقاء يابن عمير بخصوص الفايدة لطحين شحم شحم وبخصوص طريقة التعليف فيه من يخليه شرب مع الماء بس مااحب انا هالطريقه وفيه من يخليه سف بدون ماء وفيه من يعجنه وانا منهم انا اخلطه بالماء واخليه بين المعجون والمبثوث واخلطه بالملح ثم الله لايوريك (( وخر يدك عن يدي )) يجي مداحم مهوب طبيعي :mwalat40: وبخصوص التكلفه انا اعطيها كيسين على 28 يعني 56 والابل عددها حول 30 (( يعني اقتصادي للغاية )) بس للامانه تراه ثقيل على بطن المطيه ويزيد في بطنها (( يعني يبي له من يدرجه لها ولا يكثره )) وحسبته غير الشعير 30 من الابل حقها 3 اكياس شعير اقل شي الطحين في رايي ل30 كيسين من وراها مع الحشايش والتمر طال عمرك ايام وبي ينزل سعره ويصير شبه بلاش (( الي هو الحولي وزود الرطب الي في المزارع يخرفونه يابس ويعبونه في خياش)) وكل هالمحاولات والتعب على شان الحلال ماينزل في الوقت المدهر وهالاسعار الخياليه والشح ونقص الاعلاف (( لنا حول سنه والازمه ضرت اابلي بالحيل )) وللامانه لو توفر الشعير ورخص ماراح اجنب عنه وابي اقيل في بيتي وافتك من دورة التمر والطحين (( صار شراه غثاء مايعطون الا على كيس كيسين )) واسفين على الاطاله يامحمد يابن عمير والله يوفقنا وياك لما يحبه ويرضاه والمسلمين اجمعين |
رد: كم عدد ابلك واعلمك وش علفها أليكم جدول أبلـي اللقاح :- حبـة رودس كل يـوم أو كل يومين على حسب الخلفات :- حبـة رودس كل يوم أو يومين على حسب و نعطيها عند الضحى حوالي 4 إلى 6 برسيم الباقية من المفرودة إلى الثنية وبعض أبـل المزايـن :- نعطيها حبـة رودس كل يوم أو يومين على حسب و نعطيها برسيم الفحـول :- نعطيها رودس و برسيم و الحمدالله سمان و بعافية و لا كـن الفحـول رايـح حالهــا لو تعطا شعير كان زان حالها ================= لا هنت يا محمــد على الموضـوع المميــز و الله يشفي والدتك آمــــيــــن و شـكـرًا |
رد: كم عدد ابلك واعلمك وش علفها اقتباس:
وبن عمير معرفته طويله ويستأهل الطيب[/type] |
رد: كم عدد ابلك واعلمك وش علفها اقتباس:
بس هالبرنامج على كم العدد وكانه من الثلاثين وفيها انشهد انه وافي والله يبارك لكم في حلالكم |
رد: كم عدد ابلك واعلمك وش علفها هلا يامحمد عز الله انك تستاهل البل وكل رجال يكرم البل يستاهلها وشتان ما بين من قناها طرب ولع ومن قناها تجاره والله لو كل واحد منا يبحسب مخاسيره في البل وكل شي صرفه عليها ما قناها هذا من غير التعب وغيره وغيره ..................الخ العلوم الغانمة والمراجل ودعاء المسلمين والوناسه وسعت الخاطر ودوى الجروح المعاطيب بها لا شفتها تمشى قدامك والشحم رادم وخاطرها طيب مااقول الا الله يلوم اللي يلومك وانا ما الومك بغلاها لأنها سحر لكن بالنسبة للعلف اللي ذكرته لنا انا اخالفك في الاستغناء عن الشعير او الوافي في حاله توفرهما لان التكلفه تقل كثير وصحيح ان لمكعب الوافي عيوبه لكن فيه الصوامع افضل منه كثير بعدين الناقه لا ردمت شحم على الشعير او الوافي ما تنزل بسرعه لا نقطعت منه بعكس البرسيم والاعلاف الاخرى اذا قطعتها عنها تلاحظ الفرق بوقت سريع وممكن العلف اللي ذكرته ينفع في وقت ازمة الشعير لكن بكمية اقل من اللي ذكرت اما بالنسبة لكمية الشعير او المكعب فخلها قاعده كل 10 نياق كيس واذا تبيه ينقع حط كيس وربع |
رد: كم عدد ابلك واعلمك وش علفها شكرا على الطرح الرائع الجميل والتفاعل الذي يهدف للمشاركة الاخوية بين الاحبة في موضوع يكثر الحديث عنه خصوص وقت الازمات و قرب موسم البيع والشراء في مزاين ام رقيبة |
رد: كم عدد ابلك واعلمك وش علفها سـلام عليكم ورحمة الله وبركاته الله يعطيكم العافيه على الموضوع المتميز جدا واللى ينفع اهل البل والحمدلله المناقشات كلها فعاله وفي مصلح الكل مافيها هياط ولا فيها مبالغه والموضوع مشووق جدا ومن كثر ماهو مشوق قريت كل الردود والحمدلله ابلنا سمان وعافيتها زينه ولا عليها خلاف طعامها متوازن ومكانا زين والحمدلله على كل حال بس انا عندي واحد من الشباب عنده ابل وكل مره له جدول ويالت تعطونه جدوول ينفع حاله وحال حلاله ابله كله من 13 لين 16 ماحسبت ابله بس تقريبا وللعلم الحشايش لا تحسبونها احسبو العلف ولا الشعير وهل لو عطا علف فقط يظر بدون شعير وتقبلو تحياتي |
رد: كم عدد ابلك واعلمك وش علفها الله يعطيكم العافيه حقيقة موضوع طيب حيل واستفدنا منه |
رد: كم عدد ابلك واعلمك وش علفها اخوي محمد اذا كان عندي لقحه وحده كيف طريقة تعليفها. واذا كانت خلفه يختلف التعليف. الله يعطيك الف عافيه |
رد: كم عدد ابلك واعلمك وش علفها [FONT="Book Antiqua"]السلام عليكم كيفكم جميعا انا بقولكم طريقه حلوه بدون نقل الاعلاف وشيلها وتخزينها وعناها وكل يوم جيب برسيم جيب رودس حمل اربط هذي شدتها صغيره هاذي فيها نداه انا بقولكم وبعد تجربه 3 سنوات متواصله ما شريت البرسيم ولا الرودس عدد الابل 30هذي القحات اعطيها 2 كيسين شعير المغرب و1 كيس مكعب الوافي الصبح فقط لا حشائش نهائيا والحمد لله ماتماشاء من الشحم اوقات ماتظوي المغرب تبرك قبالتنا سمان وشعرتها زينه ملاحظه الشعير المجروش لازم ترشه بمويه رش بس لان البل تغص اذا نا شف والمكعب اذا اول مره تحطه لازم تكون عند ابلك لان بعض البل الى مو متعوده عليه تعافه وتتركه وتطيح فيه الابل الباقيه ويغثها وخطير لازم تشوف اذ تركنه تدرجه عليها وتشيل الزود[/FONT] |
| الساعة الآن 22 : 01 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |