منتـديـات مــزايـن - كتاب عن وسوم 113 قبيله عربيه حاضره وباديه .... اسئل نجب ..!@!!

منتـديـات مــزايـن (http://www.mzayan.com/vb/index.php)

- خيمة العلوم والأفكار التطويرية للابل (http://www.mzayan.com/vb/forumdisplay.php?f=184)

اقتباس:

المشاركة الأصلية كتبت بواسطة عبدالرحمن المقباس

السلام عليكم ورحمة الله وبركاته
اخوي فهد
انا واعوذ بالله من كلمة انا من اللي يرجعون لي عند اختلافهم في وسم لكن انا عندي ناقه اشتريتها من ابل عبد العزيزالدمخ وعليها وسم الدمخ وعليها وسم اخر وهو عندي وسم للوداعين وهو مبيعيج على الفخذ من يسار وتحته مطرق مطاوله وهي عندي للوداعين والجماعين خصوصا وانا اعرف ان العزه سبيع ياسمون ايضا المبيعيج ومن يسار ايضا واكثر الوداعين من يمين وجاءني سبيعي وقال ان الناقه من ابل سبيع العزه وليست للوداعين واكد لي 0000 ولان الناقه طيبه جدا ومن ابل التحدي فقد ادعاها الوداعين والسبعان في الاصل 0000
وانا الان اطرح الموضوع وهي ناقه صفراء خيار جدا ومن تكون هل تكون للعزه سبيع او للوداعين الدواسر
شاكرا لك

السلام عليكم ورحمة الله

الاخ عبدالرحمن المقباس

بالنسبة للعزة من سبيع فوسم ابلهم هو المشعاب (( المبيعيج )) على الفخذ من يسار

وأنا مسئول عن هذه المعلومة

أما الوداعين من الدواسر فوسم ابلهم هو المبيعيج على الفخذ من يمين، ما عدا الولامين وسم ابلهم هو المشغار على الرقبه من يمين

المصدر: كتاب من أشعار الدواسر

وللجميع أطيب تحية

مع كلام ابو عبدالله

****************************

بالنسبة للعزة من سبيع فوسم ابلهم هو المشعاب (( المبيعيج )) على الفخذ من يسار

أما الوداعين من الدواسر فوسم ابلهم هو المبيعيج على الفخذ من يمين، ما عدا الولامين وسم ابلهم هو المشغار على الرقبه من يمين

السلام عليكم ورحمة الله

الأخ فهد بن صلبوخ
الله لا يهينك على كل حال

وأشكرك على جهودك الواضحه للجميع
الله لا يهينك بغيت أسألك عن وسوم قبيلة زعـب

وشكرآ

عساكم على القوه

مشكور ياابن صلبوخ ولاهنت

شكرا جزيلا اخوي فهد

الف شكر اخوي موضوع مميز وشيق

جهود طيبه
مشـــــــــــكورين

لاهنت وعساك ذخر يابن صلبوخ

وتقبل تحياتي ,,,

بيض الله وجهك

مشكور وعساك على القوه

اهلين اخوي فهد حبيت استفسر عن هالوسم لاي قبيله وارجو ان تفيدني واكون لك من الشاكرين
وهذا رسم للوسم وهو على فخذ المطيه من اليسارhttp://www.mzayan.com/vb/images/uplo...2faefe247b.jpg

مطرق وجنب المطرق من يمين حلقه وتحت الحلقه هلال متنكس تحت
اذكرو انه من اوسوم قحطان وحبيت اعرف لاي فخذ من حطان
ولك تحياتي اخوك طلال العبدلي

ارحبو جميعا

واشكر كل من مر من هنا والقى التحيه وانتو غالين يالربع كلكم

اما عن سوالك اخي طلال العبدلي

فلم اجد هذا الوسم فالكتاب كله ولاحتى في وسوم قبايل قحطان

معذرتاً والبحث جاري

اول ما القاه راح اعطيك الخبر

اخوك

&اللة لايهينك على الموظوع المميز&

السلام عليكم

أنا أحب أزوّدكم بوسوم قبيلة السهول

يسمح لي صاحب الموضوع بعد اذنه طبعاً

http://www.suhol.com/up/uploads/3eb19ac2c9.jpg

http://www.suhol.com/up/uploads/87528bdc22.jpg

http://www.suhol.com/up/uploads/12fb72ec89.jpg

منقوله من مؤرّخ ونسابة قبيلة السهول / فهاد بن سعد بن هملان

,,,