|
رد: كم عدد ابلك واعلمك وش علفها بسم الله الر حمن الرحيم اخوي الفاضل محمد بارك الله فيك اولا بيض الله وجهك على حرصك الواضح على اخوانك وعلومك كلها غانمة وانا مقدر حنقك على تجار الشعير ولا الومك والله يلوم من يلومك (( في نفسي اكثر مما في نفسك عليهم )) يعيفونا حلالنا الله لايوفقهم لكن للاسف هم شر لابد منه مانقدر ننحاش من الرمضاء ونطيح في النار وانت طال عمرك تذكرني بالوالد الله يطيل في عمره يقول شبعها ولا بعها وهذا صعب بيعها صعب بالحيل واني اخليها تاكل علي يدها اصعب ودنا والله بس في هالوضاع وهالازمات مانقدر لكن اببشرك ولله الحمد ماباتت يوم عندي جوعانه والله لايجعلها تجوع يقول هالكلام شخص مسخر راتبه كله لها ومازاد منه مشيت به وضعي وعلفها عندي الطحين + الخبز اليابس + التمر + المكعب + مانحصل من شعير + البرسيم + الذرة + المخلوط+ تبن اعزكم الله... (( مانيب معلمكم عن باقي الخلطات السريه :mwalat29: )) والله ييرزقها بالعشب وترعى القفر عاجل غير اجل ويفكها من الشعير والحشايش ونجلس في المرباع يالتميمي نتعير على تجار الشعير ولا الومك يالتميمي في حبها عطايا الله وانت كريم من كرام والكريم مايرضى على عطايا الله وادنى مايجزعه فيها لكن الوسطيه مطلوبه اذا انت ناوي تورثها لعيالك بعد عمر طويل عمي باع الابل الخيار بسبب هالقاعده لذلك اكرهها جدا لان شي اشوى من شي خل احوالها وسط اخير من شوف الشريطيه وسطها ويعزلون فيها هذا والله الي يخلي الكبد تفتت صدق ولا احد يفهم من كلامي اني ابي اجوعها ولا اخليها هزلا لا ابدا الي بيهينها يبيعها اخير له ولعطايا الله والي بيتكلم من الجانب الاقتصادي الابل مافيها مردود ابد ابد تسحب ولا تعطي الا الوناسه والطنخة ومعرفة الرجال والديار لا احد يستكثر مايدفع فيها من مصروف اذا الشخص قادر ولا يكون على حساب بيعها بعد فترة اذا صارت الابل عليها كبر روسها وشعرتها طيبه وبطونها رابخه هذا كافي في نظري في هالضروف للحديث بقيه لكن بسئلك قبل انت ضد الشعير بشكل عام ولا ضد الازمة فقط يعني لو توفر الشعير وصار سعره 20 ريال هل بتعلف به ولا ؟؟ ولا تبي تستمر على الحشايش ؟ |
رد: كم عدد ابلك واعلمك وش علفها اقتباس:
ابك البقا يامحمد وانت كريم من كرام وغالين من غالين عدد الابل 30 دق وجل وكنت قبل اعلف 2شعير 4 برسيم 6تبن من 3شهور صرت اعلف 10 بريسم 4تبن فقط رودس ما اعلف فيه الا كذا فسقه فالسنه مره لانه غثيث وشيله وتنزيله يبيله عمال ودربها لاتدربيها....وغير كذا التبن افود منه قبل ازمة الشعير كنت اعلف 3اكياس شعير و5 تبن وحالها 1000000000000% حالن يسر واللحين اللقحات حالها طيب والعشاير لاوالله مع اني اشملها من الصبح الى المغرب والدق مخطي ومصيب بعضها حالها طيب وبعضها وسط مع العلم ان العشاير مهيب ضعاف بس انا من وجهة نظري لابغيت تعرف راع الابل مكرم ابله والا لا شف عشايره وان طعتني عود على الشعير وبتحمد ربك اوفر واحسن وبره وشكل وكلش ومن ناحية الدمن غير مراحك كل اسبوعين والا اسبوع وبس وانت طريقة علفك 1000% بس التكلفه غاليه مره وصدقني لو تشد شده طويله نقض حال ابلك وحب اعقب علا كلام وافي ابن موطان كلامه عزالله سليم مفيه غنا عن الشعير قلناها وبنقولها لو يوصل سعر الكيس 100ريال بس بصراحه فيه تناقض بطريقة التعليف كيف انه ضد الحشائش وع الشعير ويعلف طحين وتبن وبرسيم وتمر وخبز وشعير مكلف مره وغير مفيد وفيه خطوره على الابل وحتى حليبها مايشرب والمراح.......!!. باختصار يالربع هذي ابل مدري وش اقول:- بس والله انه يضيق صدري لاشفت احد يعلف خبز وتمر وطحين الابل من اول حتى الماء لاصار مهوب صافي ماتشربه واى الان كذا مدري كيف غييرتوها وصارت تاكل طحين وغيره |
رد: كم عدد ابلك واعلمك وش علفها كيف الحال يالربع كلن باسمه اخ محمد عدد البل الكلي 45 عطنا العلف المناسب مع انها تسرح والارض وسط علفها الحالي 7 برسيم 2 ذره 1 وافي |
رد: كم عدد ابلك واعلمك وش علفها اقتباس:
|
رد: كم عدد ابلك واعلمك وش علفها اقتباس:
مرحباً عبدالعزيز ويعلها تبارك ابسئلك البل وين محلها والشعير متوفر في الديره اللي انت فيها برنامج طيب بس اذا كان الشعير في متناول اليد وبدون عنا جيبته واسعاره معقوله واللي اعرف ياعبدالعزيز انك من اهل الكويت الحبيبه ولا لي علم عن الأعلاف واسعارها عندكم |
رد: كم عدد ابلك واعلمك وش علفها اقتباس:
والي بيتكلم من الجانب الاقتصادي الابل مافيها مردود ابد ابد تسحب ولا تعطي الا الوناسه والطنخة ومعرفة الرجال والديار لا احد يستكثر مايدفع فيها من مصروف اذا الشخص قادر ولا يكون على حساب بيعها بعد فترة اذا صارت الابل عليها كبر روسها وشعرتها طيبه وبطونها رابخه هذا كافي في نظري في هالضروف تكفيني هالسطور ياوافي وكلامك عين العقل سوالك عن الشعير ونزوله أنا مو ضد الشعير ياوافي أنا ضد هالازمه لعبة في النفسيات حديث المجالس هالشهور اللي فاتت يااخي اقل صفعه لهم اننا نقاطعم ونبحث عن البدائل ولقينا البدائل حتى لو زاد مصروفها شوي اهم شي لإيفهم مربي الابل ان ابله ماتعيش بدون شعير. اقوله ترا فيه بدائل افضل من الشعير ولو صار الكيس بعشرين اسعار الأعلاف بتكون اقل مثلا برسيم شد متر8 ريال تبن شد متر 6 ريال رودس لفه ب 70 ريال يعني نقع عند خشومها البرسيم |
رد: كم عدد ابلك واعلمك وش علفها اقتباس:
في نظري ان علفك فيه موازنه بس ياليت تخلط لك لبنتين تبن مع هالبرنامج ويكتمل البرنامج بنشدك عن حالها الحين ومن متى انت ماشي في هالبرنامج |
رد: كم عدد ابلك واعلمك وش علفها اقتباس:
وعشايرها عليك بحبوب الدود وافرد عيالها تدريجيا اما عن الشعير يبطون امسك سرا واحط رقبتي في يديهم ولا انتهت الازمه الكل بيعين خيرر الله يبارك لك ياابوعمير في حلالك [/COLOR] |
رد: كم عدد ابلك واعلمك وش علفها عدد البل 20 خابط علفها كيس ونص مكعب + لبنتين برسيم + لبنة تبن بوجه العدو واحوالها طييبه بلحيل شايلة شحم وقلة امراضها ولا نعرف الخراجات ولله الحمد والمنة |
رد: كم عدد ابلك واعلمك وش علفها اقتباس:
وعشايرها عليك بحبوب الدود وافرد عيالها تدريجيا اما عن الشعير يبطون امسك سرا واحط رقبتي في يديهم ولا انتهت الازمه الكل بيعين خيرر الله يبارك لك ياابوعمير في حلالك |
رد: كم عدد ابلك واعلمك وش علفها اسعد اللة مساكم اتمنى من اللة العزيز القدير ان يسبل ثوب الصحة والهعافية على والدة اخينا محمد وابن الاخ خالد الفالح شكرا اخ محمد على الرد وسوف اتبع البرنامج اللة يثيبك انت والاخ وافى وجمبع المشاركين |
رد: كم عدد ابلك واعلمك وش علفها اقتباس:
وصحيح انا من اهل الكويت لكن البل في الشقيقه تبعد عن محافظة عنيزه حوالي 30 كم والشعير مهوب متوفر امسك سرا فالجنادريه واودي للبل مترت خط القصيم رايح جاي |
رد: كم عدد ابلك واعلمك وش علفها الاخ محمد اشكرك على طرح الموضوع واحب اضيف ان نوع التعليف يعتمد على عوامل كثيره منها العامل الاقتصادي وانا ذكرته مهوب لاجل اني ادور الربح لان البداوه والابل مافيها اي جدوى وخساير مالها حدود لكن نريد ان نعلف بالمعطيات اللتي لدينا بمعنى انه لو ان سين من الناس راتبه احدى عشر الف وابله ثلاثين ونقول ونطرح عليه برنامج قيمته الشهريه بقيمة راتبه غير رواتب العمال ومصاريفهم واصلاح السيارات ومصاريف راعي الابل اللي تعرفونها فما بالك بمن رواتبهم اقل من ذلك بكثير وهم السواد الاعظم والاغلبيه . ثانيا الحشايش اللتي ذكرت تحتاج الى ان تكون قريب من المدن او توجد لديك القدره لنقلها لمحلك وهذا متعب لان جدل الاعلاف متعب ويعيفك الحلال والنقطه هاذي اللي تميز الاعلاف المكيسه ( شعير ومكعبات ) يعني قرب اللوري حمل علف شهر ووده للابل حتى لو ماعندك لوري نقلها اسهل بكثير من الحشايش علاوه على ذلك بالكميات الكبيره تحتاج الى شبوك حتى ماتوصل لها الابل وهذا تصلح لرجال مستقر في محله وقريب من المدن اللي ودي اوصله انه لا غنى لنا عن الاعلاف المكيسه جمعت بين الجدوى الاقتصاديه ( قلة خساير ) وسهلة الحمل والتخزين وتظهر فايدتها في حوال ابلك اكثر من الحشايش وتقبل تحيات اخوك |
رد: كم عدد ابلك واعلمك وش علفها البقاء اخوي محمد التميمي بارك الله فيك واستاذنك لي تعقيب على احد الاخوة بعد اذنك طال عمرك اخوي الفاضل بن عمير تقول عسى عمرك طويل (( وحب اعقب علا كلام وافي ابن موطان كلامه عزالله سليم مفيه غنا عن الشعير قلناها وبنقولها لو يوصل سعر الكيس 100ريال بس بصراحه فيه تناقض بطريقة التعليف ماادري وين التناقض في كلامي ؟؟ ليتك توضحه لي بارك الله فيك كيف انه ضد الحشائش وع الشعير ويعلف طحين وتبن وبرسيم وتمر وخبز وشعير مكلف مره وغير مفيد وفيه خطوره على الابل وحتى حليبها مايشرب والمراح.......!!. محمد تقول غير مفيد مافهمت وش قصدك بالفايدة ؟؟ يعني قصدك مايتفع الحلال مثلا ؟؟ باختصار يالربع هذي ابل مدري وش اقول:- بس والله انه يضيق صدري لاشفت احد يعلف خبز وتمر وطحين محمد الابل من خلقت الدنيا واهلها اذا بغو يكرمونها عطوها تمر قبل يجي الشعير والمكعب والحشايش الابل من اول حتى الماء لاصار مهوب صافي ماتشربه واى الان كذا مدري كيف غييرتوها وصارت تاكل طحين وغيره )) الى هالحين الابل تعاف الماء الي مهوب صافي ولا له ريحه ولا تشربه لكن مدري وش وجه المقارنه بين الماء وعلفنا !!؟؟ |
رد: كم عدد ابلك واعلمك وش علفها اقتباس:
ارحب ثم ارحب ياوافي صحيح اقصد الفايده من العف اللي هو الطحين والا التمر معروف 100% للدم ومضاد لللامراض وجه المقارنه بين الماء والطحين اكيد بتنقعه مع ماء والا وشلون تعلف لازم يعجن انا مدري بصراحه ما قد جربته والتناقض اقصد التكلفه كثرة التنويع فالعلف تزود المصروف والله يوفقك ويبارك لك فالذود وفي كل ماتملك |
| الساعة الآن 04 : 09 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |