&اللة لايهينك على الموظوع المميز&

لاهنت يابن صلبوخ ابي اسأل عن وسم قبيلة الحموم

حياكم الله جميعا واشكر كل من رد وتجاوب مع الموضوع

ومن زاد على الموضوع انما زد خير وبركه ومنكم نستفيد

اخوكم

مرحبابك اخي محمد

وياليت توضح لنا اسم القبيله او اسم الفرد منهم لاني مالقيت فالكتاب قبيلة الحموم فهل لهم مرجع اخر ارجو الافاده

اخوك

بيض الله وجهك

ووجهك

لاهنت


اخوك

بعد اذنك يا فهد بن صلبوخ اجيب على اخونا مهنا العتيبي

يامهنا انا كان لي صديق قديم من آل مرة وفرقتنا الايام واتذكر قال لي قصة

يقول جدي كان عاشق له بنية وكانت البنت ترسم بالكحل تحت شفايفها هالوسم اللي تسأل عنه

فقال قام جدي ووسم ابلة كلها بنفس الوسم اللي تحت شفايف البنت

من هذا المنطلق اعتقد ان هذا الوسم يرجع لأحد عوائل قبيلة آل مرة والله اعلم ..

وشكراً ..

مرحبا ومسهلا اخي فهد

وشهادتك وسام على الصدر

اما من صوب الوسم مالقيت فالكتاب طال عمرك الا وسم السدارى من البدارين وهو حلقتين ومطرق ( الهودج ) على الفخذ من يسار

هل فيه اسم اخر او رمز يمكن افيدك طال عمرك

وترا الكتاب فيه نقص واجد مايكمل الا وجه الله سبحانه

اخوك

مرحبابك يالسمي
اهالي البير وسمهم (( يشترك الجميع بوسم واحد ولكل عائله شاهد يختصون به ))
اما ال موسى اهلي البير وسمهم هلال وحلقه على الفخذ من يمين
كما هو مبين فالصوره :

http://www.mzayan.com/vb/images/uplo...5feec07d7b.jpg


واما من صوب العيسى :
عندك ال عيسى من اهالي الحصون ( سدير ) وسمهم البرثن على الفخذ من يسار
عندك ال عيسى من اهالي عودة ( سدير ) وسمهم البرثن على الفخذ من يسار ايضا
وعندك ال عيسى من اهالي تمير ( سدير) وسمهم المشعاب على الفخذ من يسار

وايضا الصبيح من اهالي تمير ( سدير ) وسمهم مطرق ورقمه على الفخذ من يمين

واما ال موسى اهالي عودة سدير وسمهم العرقاه
اما ال موسى اهالي التويم ( سدير ) وسمهم مطرق ورقمتين
اما ال موسى اهلي الروضه ( سدير ) وسمهم البرثن على الفخذ من يمين

اما الصبيح من اهلي تمير ( سدير ) وسمهم مطرق ورقمه على الفخذ من يمين


واتمنى ان قد وفقت في ايصال المعلومه

والله ولي التوفيق

اخي فهد اشكرك جزيل الشكر على هذا المجهود الطيب عندي استفسار عن وسم القلاده والعاضد من يمين منه له
وهل هناك قبائل او فخوذ مختلفه يتشابهون او ياسمون نفس الوسم وتقبل اجمل تحياتي والله يعطيك العافيه

مرحبا اخي حمد

ولاشكر على واجب طال عمرك

اما من صوب القلاده فاكثر من ياسمها هم الدواسر ومنهم من ياسم القلاده الطويله مثل معدا ال بوعقيل من ال بوسباع
ومنهم من ياسم القلاده مثل الغييثات والهوامله واما من صوب العاضد فاعتقد انه شاهر الفخذ او القبيله نفسها

وفيه ناس من القبايل ياسمونها ايضا غير الدواسر ومعدودين فقط

اما تشابه الوسم فاكيد كذا قبيله او كذا فخذ من قبيله يتشابه مع الوسم ومنهم من يرفع فوق ومنهم من ينزله ومنهم من يكبره ومن يصر الوسم


وسلامتك وعفاااك


تحياتي

جزاك الله الف خير