|
تحيه الاخ عطيه الشريف السلام عليكم ورحمة الله وبركاته الابل الساحليه زي مواصفات الابل العمانيه ولكن تمتاز الابل العمانيه عن الساحليه بالطول حيث ان الابل الساحليه اغلبها قصار.وكذلك الساحليه الوانهاا حمر وشقح وزرق المزحمي |
الأخ/ عبدالله المزحمي السلام عليكم ورحمة الله وبركاته،،، وفقك الله ، وشكرا على الرد ولكن لدي ملاحظة أرجو أن يتسع لها صدرك الكبير: وهي يا ابو عابد طول الله عمرك ألاحظ عليك استخدام عبارة (( ردي)) كأن تقول لونها ردي أو رقبتها ردية فالإبل خلق الله سبحانه وتعالي بل من معجزاته وكلمة ردي تقال للأشياء التي تكون من صنع البشر لأنها وصف يدل على الذمامة والقبح والسوء لذلك ما أظن أن عطايا الله تستاهل هذا الوصف على اختلاف اشكالها وأوصافها قلت ذلك لإعجابي بمواضيعك وآراءك ، ولعلمي أنك تستطيع أن تستعيض بكلمة تؤدي نفس الغرض وتقبل يالغالي غزير احترامي وتقديري |
تحيه الاخ عطيه الشريف وعليكم السلام ورحمة الله وبركاته نعم صدقت خلق الله سبحانه وتعالي كله زين والكمال له سبحانه جل شانه والابل خلق من مخلوقات الرب سبحانه وتعالي وكما قلت من احدى معجزاته وانا اخي الفاضل عند استخدامي لكلمة ردي لان هذه الكلمه الدارجه عند اهل الابل وعندما يوصف احد الابل لا يخلو كلامه من هاذه المفرده وانا صراحه كان في نفسي شي من كتابتة هاذه الكلمه ويمكن لاحظت في تعليقاتي على النياق كنت اذكر قبل التعليق انا الناقه المعروض صورتها انها مبروكه وان خلق الله سبحانه وتعالي كله زين . وبعض المرات اتعمد اني اكتبها لاحد الاخوان اللي يرسلون لي على الخاص حتي احذرهم من عذارييب في ناقه يبغون يشترونها وفي الختام اشكرك اخي عطيه على التنبيه ونسال الله العظيم رب العرش العظيم ان يوفقنا واياك لما يحبه ويرضاه عبدالله بن مطلق المزحمي |
مرحبا يا ابو مطلق وكفيت ووفيت ولاهنت يا ولد العم وفالك الخير ان شاء الله وانت نفعت الكثير ووضحت لهم وجزاك الله خير تقبل تحياتي أخوك علي بن عبدالرحمن |
اتمني تكون الاجابه بالتفصيل الممل السلام عليكم كيف حالكم ياخوان سؤالي خاص لبو مطلق بدون حقران لشخص ثاني بخصوص الزين ...... وش الطريقه المناسبه اللي يتخذها الشاري ويركز عليها هل الراس او القارب الخ هل الراس لابد تتوفر فيه مميزات ؛ والقارب والطول والقصر وفي مصطلحات اكثيره مثل اركز وغيرهوش تعني اتمني تشرح الموضوع وتعم الفايده للعموم واتمني تطرح مواصفات القعدان والنياق من زينها بالاضافه اولويه التركيز على الزين |
تحيه الاخ زياد العاطفي وعليكم السلام ورحمة الله وبركاته وابشر بعزك ان شاء الله في القريب العاجل تشوف اللي يسرك المزحمي |
السلام عليكم و رحمة الله و بركاته اخوي عبدالله بن مطلق المزحمي اشكرك على موضوعك الطيب وهذا من طيبك وانا يابو مطلق مالي خبره كبيره فالبل فحبيت اعرف رايك بالفحل الاوضح الموضح بالصور وانا لقيت صور هالفحل بالموقع ومعلوماته انه معروض للبيع بمزاين ام رقيبه عام 1425 هـ وانا اشوفه طيب وحاب اني اعرف رايك بالتفصيل فيه بحكم انك خبير فالبل عامه والمغاتير خاصه وارجوا انك توضح زينه وشينه وشو الزين فيه ووشو الشين فيه وكم يسوا ؟ وكم تتوقع عمره ؟ و لو تبي تسومه كم تحط عليه ؟ وماهي متطلبات الزين بأي فحل اوضح غير الاصل ؟ واسمحلي وان شاء الله ماكون ثقلت عليك وهذي الصور http://www.mzayan.com/albums/album16/IM000062.sized.jpg http://www.mzayan.com/albums/album16/IM000063.sized.jpg http://www.mzayan.com/albums/album16/IM000064.sized.jpg http://www.mzayan.com/albums/album16/IM000066.sized.jpg والله يعطيك العافيه |
تحيه الاخ زياد العاطفي الله لا يهينك واسمحلي على التأخر في الرد بسبب انشغالي اما بالنسبه لسؤالك الاول (وش الطريقه المناسبه اللي يتخذها الشاري ويركز عليها هل الراس او القارب الخ) الشاري يركز على اشياء كثيره وكل ما اكتمل زين المطيه يكون افضل وفي وقتنا الحالي الناقه المكتمل زينها قيمتها عاليه جدا وانت اذا بغيت تشتري ركز على تكون سالمة العذارييب وابتعد عن الناقه الواضح عذارييبها وتبدا اول شي في -الراس والرقبه والغارب ثم الظهر والجنب والجرم ثم يجيك العرقوب والنحر وهاذي الاشياء الاساسيه ويجيك مكملات الزين مثل الذيل العصل والوبره وموقع الاذن والسبال .............. اما سوالك الثاني هل الراس لابد تتوفر فيه مميزات نعم الراس لابد له من مميزات كثيره كبر الراس وعرض الخد وطول الخشم وطول السبال وصغر الاذن العرقوب الاركز يعني ان لا تكون رجلين الناقه مستقيمه اي مثل رجلين الطير وارجو ان اكون اجبت على اسئلتك باختصار وان اصبت من الله وان اخطئت فمن نفسي والشيطان اخوك المزحمي |
تحيه الاخ بدر سعيد وعليكم السلام ورحمة الله وبركاته وشكرا لك على طلب رايي مع ما اعتبر نفس من اهل النظر ولكن نسال الله ان ينفعنا واياك العلم النافع اما بخصوص البعير سعر البعير قد سمعت له سوم غالي جدا واسعار الفحول ما يحكمها شكلها فقط واكثر ما يحكم سعرها انتاجها واللي يبغا يتعلم وانا اخوك يتعلم من واحد راعي صنف ويروح ويجي معه في الاسواق ويزور اهل الابل عند حلالهم ويسالهم اما الصور فايدتها قليله يعني لابد انك تشوف الناقه على الطبيعه وقد سال عبدالله بن عباس رضي الله عنهما كيف اكتسبت العلم قال (اكتسبت العلم بلسان سؤول وقلب عقول ) اخوك عبدالله بن مطلق المزحمي |
لاهنت يابو مطلق وبيض الله وجهك ويرحم والديك |
تحيه حياك الله يا العاطفي ونسال الله الفايده لنا ولك ولجميع الاخوان المزحمي |
أخي العزيز ابو مطلق بالنسبه للمغاتير هل هناك سن معين تتضح عنده كامل مواصفات الفحل او الناقه اي انه بعد ذلك العمر لن يتغير اي شي جذري ؟؟ واذا كان هناك فكم عمر الفحل او الناقه التي تعتقد انه لايتغير بعدها بالنسبه للزين والشين ؟؟ تقديري لصراحتك وصدق نصيحتك بارك الله لك في المال والولد اخوك راكان الرميح |
تحيه الاخ راكان الرميح السلام عليكم ورحمة الله وبركاته الله لا يهينك ونسال الله العظيم رب العرش العظيم ان ينفعنا واياكم بالنسبه لسؤالك هل يوجد سن معين يكتمل فيه الزين اقول نعم اذا ظهر ناب البعير اي بعد اكماله سن ثمان سنوات يكتمل زين البعير ارجو ان اكون جاوبت على سوالك وانا حاضر لاي سوال حسب معرفتي ونسال الله ان يوفقنا واياك لما فيه خير وصلاح اخوك المزحمي |
ممكن رايك اخوي عبدالله بهالمفرودة http://www.arbup.net/arbup7/al1.jpg http://www.arbup.net/arbup7/al2.jpg http://www.arbup.net/arbup7/al3.jpg http://www.arbup.net/arbup7/al4.jpg http://www.arbup.net/arbup7/al5.jpg http://www.arbup.net/arbup7/al6.jpg http://www.arbup.net/arbup7/al7.jpg http://www.arbup.net/arbup7/al8.jpg http://www.arbup.net/arbup7/al9.jpg http://www.arbup.net/arbup7/al10.jpg وبعد تعليقك لي تعليق دمت بخير |
تحيه الاخ بندر رايي البكره عايديه ولا فيها شي يميزها عن البكار الثانيه المزحمي |
اقتباس:
احترم رايك ياخبير المنتدى والبكره مسيومه بخمسين هل تعتقد ان السعر اكبر منها ؟؟؟؟؟؟؟؟ ,,,,,,,, |
تحيه الاخ العزيز بندر المطيري شكرا على سعة صدرك وتقبل اراء الناس اما بالنسبه لسعر البكره فهو رزق لك من الله سبحانه وتعالى ولا يخفي عليك ان اسعار الابل وصلت القمه وصار فيه اقبال كبير مما رفع اسعارها وخاصة الوضح اخوك المزحمي |
الاخ ابو مطلق اسعد الله اوقاتك ما هو السن الذي يبداء فيه البكره او القعود بالتغيرات و النمو السريع ومن ثم يقف هذا النمو السريع وتبداء التغيرات الطفيفه ؟؟ وتقبلوا تحياتي |
تحيه استاذنا الفاضل عبدالرحمن السلام عليكم ورحمة الله وبركاته مما يزيدني شرف مشاركتك استاذنا الفاضل في الموضوع لما تتمتع فيه من علم واخلاق وادب وكذلك استاذي الفاضل يعجز القلم من الاشاده فيك وفي علمك واختيارك للمواضبع التي تطرحها في المنتدى واما عن سؤالك يبدا القعود من ولادته في النمو طبيعي حتى يبلغ حق ويبدأ في نمو سريع اذا بلغ لقي وهذا شي انا لاحظته كثير انه القعود من حق الي لقي يتغير كثير جدا ومن ثم ينمو حتى يبلغ ثني هنا يعطيك 90بالميه من شكله وعشره بالميه تكمل اذا شق نابه هذا رايي فان اصبت من الله واذا اخطئت فمن نفسي والشيطان اخوك عبدالله بن مطلق المزحمي |
اسئل الله ان يزيدك من نعيم فضله وان يسدد خطاك يا ابو مطلق وفيت وكفيت ومشكور على التوضيح وتقبلوا تحياتي |
تحيه لا شكر على واجب المزحمي |
السلام عليكم ورحمة الله وبركاته بارك الله فيك يالمزحمي وجزاك الله كل خير على رأيك و استفدنا منه كثيرا من خلال اطلاعنا على الردود السابقه وهذا يعد من النصيحه الغاليه ولا يسمى انتقاد او عذربه بحلال الناس الجميع هنا يسئلون والمكان مخصص للاستفسارات والاستشارات وفرق كبير بين الرأي هنا والرأي في منتدى البيع والشراء وردك يعتبر نصيحه غاليه وجهد تشكر عليه وفي الحقيقة يميز هذا المنتدى ان يكون فيه من اهل الخبرات واهل النظر وهذا يفيد كل مقتني للابل وكل هاوي لتربيتها وهذا المنتدى الطيب داعم لهذا نشكر كل القائمين عليه ونسأل الله ان يجزيهم خير الجزاء والابل عز لاهلها ومن كبار الصحابة رضوان الله عليهم من اعتزل حياة الامارة والسعي خلفها وهو اهل لها بعد توقف الفتوحات الاسلاميه وعاش مع ابله في المراعي حتى وافاه الاجل سؤالى اخوي الفاضل وشرايك بالمفرود اصله مافيه كلام و شكله نود ان نسمع منك المرغوب والغير مرغوب فيه عند اهل الابل والقعود واقف بارض منحدره كثير يسار http://www.9m.com/upload/14-05-2007/...1179165548.jpg |
تحيه الاخ نواف الحربي وعليكم السلام ورحمة الله وبركاته الله لا يهينك ونسأل الله ان ينفعنا واياك صورة القعود غير واضحه وانا ما اقدر اعطيك رايي في الصور ه والا اكون ظالم للقعود واذا عندك صوره لابوه وامه وتذكر ساسه لانك تبغا تفحل والفحل كايد يعني لازم تدقق في كل حاجه وانت تشوف في الوقت الحالي كلن عنده فحل واثين ثلاثه ولا تشوف فيهن ما يميزهن عن الفحول الاخري لان اهلها فحولها بدون معرفه ولا استشاره واذا كبر القعود باعوه قصب صار يعلفونه سنين وبعدين خساره في خساره في الختام ارسل للقعود صور غيرها وابشر بكل خير اخوك عبدالله بن مطلق المزحمي |
بارك الله فيك مشرفنا الطيب وان شاء الله احاول تنزيل مزيد من الصور بعد تحميلها ونعوذ بالله من الخساره لنا ولكم ولجميع الاخوان شكرا لكرم المرور وروعة التعليق حفظك الله |
تحيه الاخ نواف الحربي وفيكم بارك ونسأل الله لنا ولكم التوفيق المزحمي |
السلام عليكم ورحمه الله وبركاته اخي عبدالله المزحمي الله يجزيك خير على مجهودك و خدماتك للاخوه اعضاء المنتدى واود ن اسألك عن مزاين الاصايل او العمانيات هل مواصفات الزين فيهن مثل الزين في المغاتير ام لهن مواصفات خاصه وهل ترى ان هناك مستقبل لمزاين الاصايل |
تحيه الاخ طلا الشامسي وعليكم السلام ورحمة الله وبركاته بالنسبه لسؤالك عن مواصفات العمانيات وماصفات ابل المزاين بالتأكيد انها تختلف اختلاف كبير اعطيك مثال بسيط في الراس راس العمانيات اغليه صغير والاذاني واقفه بعكس ابل المزاين اللي تمتاز بالراس الكبير والاذن المنفهقه اما هل هناك مستقبل للاصايل اقول والعلم عند الله سبحانه ان اهل الابل المشهورين والتجار قامو يشترون ذود كامل اصايل ويهتمون فيه يعني تلقا عندهم ابل مزاين وكذلك اصايل اخوك المزحمي |
الاخ عبدالله المزحمي اشكرك على ردك حيث اني كنت في حيره شديده من هذا الموضوع فكما تعلم الغالبيه العظمى من ابلنا هنا في الامارات هي من الاصايل و كنت اظن انهن يعدن من المغاتير ويا ريت لو توضح لي مواصفات الزين فيهن ان كان لك خبره بمزاين الاصايل جزاك الله خيرا |
نيلان السلام عليكم أولا احب أشكرك يا أخ عبدالله على سعة صدرك ونصايحك اللي ما نستغني عنها وخاصة نحن أهل بادية العراق سابقا حيث ان مواصفات الزين عندنا تختلف تماما عن ما يطلبه السوق حاليا فقد كنا نكره الناقه ذات الراس الكبير وذات اللحي الطويل ونبيعها للقصابين ولكن بفضل الله ثم وجود أمثالك استطعنا أن نواكب الذوق العام ونتعلم مواصفات الزين المرغوبه في الجزيرة العربيه وأصبحنا نبحث عن الزين ونميزه ولكن ذلك لا يغنينا عن سؤال أهل العرف أمثالك . أتمنى تعطيني رأيك في هالبعير وتعطيني عذاريبه ومميزاته بالتفصيل ان لم يشق عليك الامر وهل يصلح أهده في شعل متوسطة ولكن دائما لونها يغلب على لون الفحل http://www.mzayan.com/vb/images/uplo...e243f70800.jpg ولك مني جزيل الشكر |
هذه صور لقعود عمره 3 سنوات ونصف اطلب راي الاستاذ عبدالله بن مطلق المزحمي عن مواصفاته وعيوبه ... ولكم جزيل الشكر والعرفان .... http://www.m5zn.com/uploads/5f2e80b31d.jpg http://www.m5zn.com/uploads/fa1ba4f394.jpg |
تحيه الاخ طلال الشامسي لا شكر على واجب وحياك الله في كل ساعه أما بالنسبه لمزايين الاصايل (رحم الله أمرئ عرف قدر نفسه ) لا أستطيع ان اجاوبك عن الاصايل ونسأل الله ان ينفعنا واياك وجميع المسلمين أخوك عبدالله بن مطلق المزحمي |
تحيه الاخ سليمان المنتفجي وعليكم السلام ورحمة الله وبركاته لاشكر على واجب ونسال الله ان يعلمنا ما يفعنا أما بالنسبه للبعير أظن والعلم عند الله سبحانه انه باكستاني .والباكستاني مثل ما تعرف غير مرغوب فيه عند أهل الجزيزه لاسباب كثيره اليعير يا اخ سليمان عادي وعذاريبه كثيره من عذارييبه الراس وسط واذنه رديه ورقبته قصيره وسنامه متقدم وجنبه قصير وجرمه صغير وكذلك لونه ورايي انك تدور بعير غيره اخوك عبدالله بن مطلق المزحمي |
تحيه الاخ محمد العبدالعزيز السلام عليكم ورحمة الله وبركاته بالنسبه للقعود عذارييبه كثيره وجهه عادي ماله خشم طافح ولا له سبال ضافيه ولا له خد عريض واذنه رديه لون القعود ماهوب الوضاح المطلوب وكذلك جرمه ادون شوي وااقعود ماهو بسخيف اقصد لحمه واجد يقولون أهل النظر اذا بغيت تفحل قعود تخيل انه بكره وركب عليها جنايب اذا سويت هاذي الطريقه تقدر تحكم على القعود هذا رايي ان اصبت من الله واذا اخطيت فمن نفسي والشيطان اخوك عبدالله بن مطلق المزحمي |
الاخ عبداللة كفيت ووفيت والله يوفقك لخدمة اخوانك بالمنتدى000 |
مشكور يا اخ عبدالله الزحمي وكثر الله من امثالك |
تحيه الاخ طلال حياك الله ونسال الله ان ينفعنا واياك المزحمي |
اقتباس:
كيف حالك ياعبدالله اشكرك على بادرتك الطيبة وهذا شيء ماهو مستغرب منك ولامن أهل مزاين أثناء تصفحي لموضوعك لقيت ردك السابق وحبيت أستفسر منك عن النقطتين المذكورة اعلاه 1-هل البعير الصخيف أطيب من الي المليان لحم؟كيف حددت أن البعير ماهو صخيف؟هل بالنظر لسنامه أو لرقبته أو لجنبه أو كيف؟ 2- ليتك تشرح المقولة الي حطيتها(مقولة أهل النظر) وشكرًا |
تحيه الاخ خالد المضياني وعليكم السلام ورحمة الله وبركاته البعير السخيف افضل من البعير اللي لحمه واجد وكيف تعرف البعير السخيف تعرفه بقل اللحم اللي عليه اما مقولة اهل النظر اي اذا شفت قعود في سواء في سوق او عند بدوي تخيل القعود بكره وشفه كم يسوى وتخيل زينه اتمنى ان اجبت على اسئلتك اخوك عبدالله بن مطلق المزحمي |
اقتباس:
وشاكر لك ردك الكريم ولكن لين الحين فيه شي ماهو واضح أنا أدري أن البعير السخيف هو قليل اللحم ولكن هل المقصود به لحم رقبته وجنبه وقوائمه ولا أنه سمين بشكل عام؟؟وهل الهزيل(من الجوع)أفضل من السمين؟؟ وبخصوص مقولة أهل النظر يعني أتخيل ان القعود بكرة وأشوف كم سعره بالنسبة للبكار ، هل لو كان بكرة يكون سعره اغلى من البكار الي حوله بالعمر أو لا؟؟ أنا فهمتها كذا فإن كان صح هذا ماأرجوه وان كان خطأ أرجو تصحيح خطأي وشكرًا |
تحيه الاخ العزيز خالد المضياني لا شكر على واجب وانا ما حطيت الموضوع الا حتى استفيد انا واخواني الاعضاء ونسال الله العظيم رب العرش العظيم ان يرزقنا الاخلاص وان يبارك لنا ولكم المقصود انه عاري من اللحم يعني لحم البعير كله من رقبته الي ذيله اما بخصوص مقولة اهل النظر كما قلت وتقبل تحياتي عبدالله بن مطلق المزحمي |
| الساعة الآن 39 : 08 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |