|
الله لا يهينك ياعبدالله وماقصرت |
تحيه الاخ خالد المضياني من يقول وحياك الله اخوك المزحمي |
اقتباس:
|
تحيه الاخ سليمان المنتفجي الله لا يهينك اخوك المزحمي |
الاخ عبدالله مساء الخير عطني رايك عن القعود ولد بعير الدولي . السن لقي اسهيل الجاي رايك يهمني لاني ابشري القعود ان شاء الله . اذا عطيتني رايك http://www.j1jj.com/uploads/9c8395dd53.jpg |
تحيه الاخ سعود الزيادي القعود فيه عذارييب اولها اللون غير مرغوب بالمره وثاني شي القعود ماهوب حق في نظري انه يجذع سهيل الجاي وفيه امر ان الناس يحسبون ان كل بعير طيب ومشهور يجي انتاجه كايف ولا كان ماشفت اهل المزاين يشرون من البدو راس القعود ماعجبني وكذلك رقبته قصيره ووجهه تقول وجه ناقه وان اقترح عليك انك تدور قعود غيره هذا رايي فن اصبت من الله وان اخطئت فمن نفسي والشيطان اخوك عبدالله بن مطلق المزحمي |
السلام عليكم ورحمة الله وبركاته الاخ الغالي عبدالله .مساء الخير اشكر على اهتمامك بالموضوع واعطاء الراي بكل تجرد .لك مني كل التقدير والاحترام .وجزاك الله كل خير اخوك / سعود الزيادي |
تحيه وعليكم السلام ورحمة الله وبركاته حياك الله في كل حزه ونسأل الله العظيم رب العرش العظيم ان ينفعنا بما علمنا اخوك عبدالله بن مطلق المزحمي |
سبحان الله |
الاخ عبدالله ابى رايك فى القعود الى فى التوقيع السن/لقى يستجذع سهيل المقبل الاصل من ابل سموالامير فهد بن سلطان امير منطقة تبوك ولك جزيل الشكر |
تحيه الاخ محمد العطوي صورة القعود غير واضحه لذلك ما اقدر اعطيك رايي حاول ترسل صوره واضحه وابشر بكل خير اخوك عبدالله بن مطلق المزحمي |
|
تحيه الاخ محمد القعود فيه عذارييب ماله خشمن طافح واذنه رديه وله عيز واظن ان جرمه ادون شوي ولو انك ماصورته زين القعود عادي مافيه شي يجذب واذا انت متأكد من ساسه وتعرف ابوه وامه وشايف خواته ضرب فيه ناقتين ولا ثلاث وشف برقه هذا رايي فان اصبت من الله واذا اخطئت فمن نفسي والشيطان اخوك عبدالله بن مطلق المزحمي |
السلام عليكم ورحمة الله وبركاته استاذي الفاضل عبد الله المزحمي لو تكرمت الله لايهينك اذا عندك اى معلوم عن ابل الامير / فهد عبدالله ال سعود قائد البحرية طبعا ســــــــــــــــــؤالي عن الوضح ولو تفيدنا اذا يوجد عندك صور لها اخوي عبدالله امتلك من ابل الامير قعود وجزاك الله عنا خير الجزاء ووفقك لما يحب ويرضي |
تحيه الاخ سعود اما بالنسبه لابل الامير فهد بن عبدالله ما شفتها ولكن الامراء ما يقنون الا الطيب اما بالنسبه للقعود اللي عندك لو انك قبل لا تشتريه قلت لراعيه ابغى اشوف ابوه وامه واخواته لانك شاري قعود تبغى تفحله اما المشتري من ناس يقولون هذا ساسه من كذا ماهوب صحيح ويعلم الله انا كنا ننصح الناس انهم لا يشرون قعدان ما يعرفون ساسها واسمحلي على عدم افادتك اخوك المزحمي |
الاخ الفاضل ابومطلق اولا : شكرا على تجاوبك ثانيا : ابشرك ولله الحمد لدي فحل طيب وقعود طيب علي احد زمول ابن فنيسان ولكن حبيت استزيد من الابل الطيبه ومن باب التنويع بين معامق الفحول المعروفة و لا اخفيك اني شفت مجله عرضت فيها ابل الامير قبل ثلاث سنوات ورايت الفحل وعليه ملاحظات كثيره من قصر الرقبه وبعير اسطل ولكن المساله معمق والقعود اللي عندي متاكد من اصله وشكلة قريب من ابوة وسؤال لك يا بومطلق توقعت معرفتك بابل الامير ولتوضحلي اكثر من صورة مجلة ولك جزيل الشكر |
تحيه الاخ سعود البدراني نسأل الله ان يوفقنا واياك لما يحبه ويرضاه اما بالنسبه لشكل بعير ما عليك منه ,واهل النظر والامراء والتجار عندهم وكلاء اهل صنف ولا يفحلون بعير الا شايفين انتاجه . تأكد من ساس القعود ومن امه وتوكل على الله سبحانه وحياك الله في كل حزه اخوك المزحمي |
الســــــــــــــــــــــــلام عليكم ورحمة الله وبركاته كيف الحال يابو مطلق هذي صورة بعير الامير فهد قائد البحريه ابو القعود اللي ذكرتلك اتمنى يابو مطلق ابداء مرئياتك حول البعير ولك جزيل الشكر اخوك سعود http://www.0sss0.com/up/uploader_files21/NDc63347.jpg |
تحيه وعليكم السلام ورحمة الله وبركاته الاخ سعود البدراني عذارييب البعير كثيره لو ان راس البعير ماهو بواضح ولكن سيف لحيه قصير وتصاغر راسه ورقبته رديه وقصيره ومطلعها ردي جرم البعير ادون اللون شقح والبعير جنبه قصير وغاربه كذلك ولافيه سنده وذيله طويل وعرقوبه اركز وهذا بالنسبه لشكل البعير اما مايحكم البعير في سنه هذا انتاجه والامراء مثل ماقلتلك مايهدون بعير الا عارفين ساسه وشافين انتاجه وانت ارسل صورة القعود واذا امكن صورة امه وابشر بكل خير اخوك المزحمي |
الســـــلام عليكم ورحمة الله وبركاته اخوي ابو مطلق هذي صور القعود وعمرة لقي ولك الود والاحترام http://www.0sss0.com/up/uploader_files21/6Vd52120.jpg http://www.0sss0.com/up/uploader_files21/VUS52399.jpg http://www.0sss0.com/up/uploader_files21/05m52431.jpg http://www.0sss0.com/up/uploader_files21/y9n52523.jpg http://www.0sss0.com/up/uploader_files21/Puz52650.jpg http://www.0sss0.com/up/uploader_files21/nAz52692.jpg http://www.0sss0.com/up/uploader_files21/9jz52742.jpg |
تحيه الاخ سعود البدراني نسال الله ان يبارك لنا ولكم ويرزقنا الاخلاص في الاقوال والافعال وانا ابغا اعطيك رايي وبعيد عن المجامله لانه من استشارك دخل في ذمتك الاخ سعود القعود مبروك وعذارييبه مثل عذارييب ابوه ورايي انك ما تفحله وتشوف لك قعود غيره اخوك المزحمي |
ابو مطلق القعود ماني ناوي افحلة انشاء الله ولكن وش رايك بهالهرش علما بان انتاجه من جميع الوان المغاتير http://www.0sss0.com/up/uploader_files21/ZLn68763.jpg |
تحيه الاخ سعود البعير عذارييبه كثيره الراس تصاغره وتركيبته ماهيب التركيبه المطلوبه والبعير جرمه ادون واللون اشقح والذيل طويل ولكن البعير في هذا السن مايبغاله رايي يحكمه انتاجه اذا كان انتاجه طيب هذا المطلوب اخوك المزحمي |
بيض الله وجه الجميع |
تحيه الاخ صالح البلوي ووجهك ابيض اخوك عبدالله المزحمي |
اخي عبدالله بن مطلق السلام عليكم ورحمة الله وبركاته الحقيقة اني قرات كل المشاركات الموجودة في هذا الموضع وتبين لي انك لاتجامل في النصح ابداً وهذا طيب وايضاً صراحتك المطلقة وهذا ايضاً حسن و قد ذكرتني ببيتاً للشاعر بن السبيل يوم يقول(يدي شرهه ما كل عود تعصاه... ولاهي على عوج العصي امحدوده) بارك الله فيك وجزاك الله خيراً0 اخوك/خالد العبد الكريم |
تحيه الاخ خالد العبدالكريم وعليكم السلام ورحمة الله وبركاته شكرا لك على الكلام الجميل ونسأل الله العظيم رب العرش العظيم ان يرزقنا واياك الاخلاص في الاقوال والاعمال لانه كما قيل (كل شي لغير الله يضمحل) ودمت سالما اخوك المزحمي |
عساك على القوه |
السلام عليكم ورحمة الله وبركاته الاخ العزيز عبدالله المزحمي نشكرك على هذا الموضوع الطيب .... ممكن تعطيني رايك في الفحل هذا وارجو انك لا ثقل عليه وترى مازعل من رايك واشكرك على تقديرك مسبقا... ترى عمره العام اول اضراب له يعني الحين ثني انشاء الله . |
السلام عليكم ورحمة الله وبركاته الاخ العزيز عبدالله المزحمي نشكرك على هذا الموضوع الطيب .... ممكن تعطيني رايك في الفحل هذا وارجو انك لا ثقل عليه وترى مازعل من رايك واشكرك على تقديرك مسبقا... ترى عمره العام اول اضراب له يعني الحين ثني انشاء الله . http://www.mekshat.com/pix/upload/im...70802(004).jpg |
جهود طيبه كل الشكر لك اخوي عبدالله |
الف شكر اخوي موضوع مميز وردود طيبه |
تحيه الاخوان فلاح -وعلي وراشد لا شكر على واجب الاخ عيد بالنسبه للبعير البعير مبروك ونسال الله ان يبارك لنا ولك ولكن البعير ما فيه شي يجذب مثل راسه ماهوب التركيبه المطلوبه وكذلك جرم البعير تشره عليه وغاربه قصير ولونه كنه اشقح اخوك المزحمي |
الله يعطيك العافيه ويقبل منك ومنا يصيامنا وقيامنا وسائر المسلمين تنصحني انتظر واشوف بناته فعلا البعير اشقح تحياتي |
تحيه الاخ عيد الله يعافيك ويطول عمرك على طاعته اما بالنسبه للبعير رايي انك تشوف لك بعير غيره واذا ما تستطيع والبعاريين غاليه شف لك احد من اهل الفحول الطيبه وضرب نياقك وترجى الله سبحانه اخوك المزحمي |
مشكور وماقصرت |
تحيه الاخ سعود البدراني لا شكر على واجب ونسال الله ان ينفعنا واياك اخوك المزحمي |
السلام عليكم لا هنت يأبو مطلق وش رئيك في هذا الفحل مع العلم بأن سنه جذع و أبوه هو الفحل حوران بعير محمد الجليدي و أمه بعد عفراء وهل يعتبر أصفر او حمر و إذا الواحد يبي يهده في وضح أو صفر http://www.mzayan.com/vb/images/uplo...80fc9a831b.jpg http://www.mzayan.com/vb/images/uplo...80fdb13f37.jpg http://www.mzayan.com/vb/images/uplo...80fea13853.jpg و هذي صورة أبوه http://www.mzayan.com/vb/images/uplo...81011d3d26.jpg |
تحيه الاخ حسين العصيمي في نظري ان القعود ماهو حمر القعود ان قلت اصفر اصفر وان قلت اشعل اشعل القعود غير واضح لانه مطير وبرته وطبعا ابوه اطيب منه واجد اطيب من راس وخشم واذن واطيب رقبه مافيه مقارنه بينه وبين ابوه والقعود فيه عذارييب كثيره فيه مطلع الرقبه تشره عليها وكذلك سنامه مندفن شوي ولا بين زينه لحد الان واذا انت شايف امه ومتأكد انه ولد حوران ضرب عليه ناقه ولا ناقتين واصبر عليه سنه ان انتج يبين اكثر . والقعود مثل ما قلتلك مابين زينه لحد الان ولكن اذا طلعت ثناياه وشفت انتاجه تقدر تحكم عليه زين اما بالنسبه لانتاجه والعلم عند الله يمكن يلون يعني يبا يطرح صفر ويطرح وضح هذا رايي ان اصبت من الله وان اخطئت فمن نفسي والشيطان اخوك عبدالله بن مطلق المزحمي |
مشكور و ماقصرت و جزاك الله خير يابو مطلق أنا على كل حال سواتي وافقت شورك الطيب أضربت منه بكرتين شقح طيبات ونترجى الله منه خير تقبل إحترامي |
| الساعة الآن 13 : 08 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |