|
رد: منافسه بين اهل المجاهيم والمغاتير والهجن .....! وضحا لها دبدوبه __ العرب منهوبه وضحا لها سفيفه __ ون درهمت خفيفه ياهل المغاتير ترا ابلكم هي الابل الي عليها العلم ولا ترا المجاهيم الي روحت تسحب رجليها الوحده قلبها ميت انا ابي الابل الي ممشاها عجل لياصحت وهوبلت جني هجيج وقامت تدحم الشداد ماهي اباعر معها رحولين وحده قداام ووحده خلاف الابل عشان تمشي يابو خالد وش معجلكم على الفرز انا اقول لو تخلونه اسبوع بعد ازين:mwalat19: |
رد: منافسه بين اهل المجاهيم والمغاتير والهجن .....! سودً لحمها قاصرً من رقابها = ومدققن اعناقها كبر روسها تم التصويت للمجاهيم يبوخالد , |
رد: منافسه بين اهل المجاهيم والمغاتير والهجن .....! (مجاهيم) تم التصوووويت فجحا وخفٍ ثقيلٍ ساعه تشله يعجبك مع وسع منحرها مدبرها |
رد: منافسه بين اهل المجاهيم والمغاتير والهجن .....! اقتباس:
يامرحبا ومسهلا يابوسعود مداخله جزله وقويه ورائعه وصح السانك يالسبيعي مافيكم حيله يااهل المجاهيم حاصرتوا اهل الوضح حصار شنيعي:mwalat18: |
رد: منافسه بين اهل المجاهيم والمغاتير والهجن .....! اقتباس:
وضحا لها دبدوبه __ العرب منهوبه وضحا لها سفيفه __ ون درهمت خفيفه  يامرحبا يامتعب تراحيب المطر الله عطاكم المهربات ثلاث ايام يااهل الوضح بطلب من الاخ متعب .... نبي نقصرها مانبيها تطول ....اجمع ربعك واشعم نارك وكثر الحطب ليلكم ليل سرمدي :mwalat18: تم تمديد التصويت ثلاث ايام:mwalat18: |
رد: منافسه بين اهل المجاهيم والمغاتير والهجن .....! اقتباس:
يامرحبا ومسهلا بالاخ نايف التميمي مداخله قويه ورائعه مافيكم حيله يااهل المجاهيم :mwalat32: اثخنتوا في القتل :mwalat18: لاهنت يالقرم |
رد: منافسه بين اهل المجاهيم والمغاتير والهجن .....! اقتباس:
يامرحبا ومسهلا يالسمي تراحيب المطر  لاهنت يالقرم |
رد: منافسه بين اهل المجاهيم والمغاتير والهجن .....! نحتج ونعترض على التمديد يا بو خــالد كيف تمدد لهل الوضح وين راحت الطياحي :mwalat18: الهجيج والصياااح مافيه تمديـــد القدر فااااح واخلص علينا خل الرحول اللي اول البل تنفعهم راحو عليهم هل المجاهيم نوووووم عيني والله |
رد: منافسه بين اهل المجاهيم والمغاتير والهجن .....! اقتباس:
واهل الوضح اطلبوكم يااهل المجاهيم ....زابنين يبون السلامه والثلاث ايام مهربات ماعاد وراها شئ ياابوصنهات ههههههههههههه خل الرحول اللي في اول الابل تنفعهم :mwalat18: ماتدري يمكن الدايره تدور ويغدي للطيب بينا وبينهم مجال:mwalat32: وانتم يااهل المجاهيم اهل الاوله ....وراعي الاوله مايلحق |
رد: منافسه بين اهل المجاهيم والمغاتير والهجن .....! تم يبو خالد دامهم طلبو التمديد فهم محتاجين وانا قادرين لهم 3 ايام وانا امون على اهل المجاهيم ولا هم راديني كاسبين الناموس دايم ولا هي غريبه عليهم مير اخاف انكم ما تدسمون ويكبر الفارق مير اعرفو لها دام الفرق مغير 30 % اخاف يصير الفرق اكبر من 50 % ثم وش عذركم بعدين |
رد: منافسه بين اهل المجاهيم والمغاتير والهجن .....! يومن كل شعى لذوده وشاش *** شش يا بعد راسي للمجاهيم شش يالربع ترى ما جاكم غير طشاش من اهل المجاهيم وين يام وين بني مره وين الدواسر وين عتيبه وين قحطان وين بني هاجر وين البقوم وين تميم وين الحضري وين البدوي وين الاماراتي وين القطري وين الكويتي وين الخليجي وين العرب لو جا ربعهم طش الميزان وطاش لين يبو خالد راسك شاش ولسانك جرحه العطاش وغطى بعض الرجاجيل روسهم بالفراش وراحت العشر ثنتين وامسى هل المغتر على ابلهم محادين |
رد: منافسه بين اهل المجاهيم والمغاتير والهجن .....! يااهل المغاتير كل ن يرفع شعاره//الزين واضح مثبت بالموازيني كدوا علاهم بغاره من ورى غاره// لعيون وضح غلاها مايخليني |
رد: منافسه بين اهل المجاهيم والمغاتير والهجن .....! دوه ونوه واجمع البل كلها **** والسود منها كلنا نفطن لها لعدة اسباب منها : المجهم لا مشت تخايل للسماء وكنها تشم في القاع جيفه ما توطي راسها وفي ممشاها ثقه ميزها خالقها بها وناقةٍ رااااكده وفيها من الله قبله وقبول . والمغتر كثيرها لا مشت كنها تدور لها شي ضايع في الارض راسها محول وممشاها محول . والمجاهيم لا هدفت عليك عشر منها تشوفها ماليتن الارض وكنها ثلاثين . والوضح لا هدفت عليك الخمسين تشوفها عشر . المجاهيم كبار الخفاف ووساع النحور وطوال الذيول واذانيها حراب مرتكزه ووووووووووووووو لو اعد مزاياها شهر ما وفيتها . والوضح ضغار الخفاف وقصار الذيول واذانيها كنك داقها بمسامير ما تشوفها امحق اذان ولو اعد عذاريبها شهر ما كملتها . المجاهيم لا دورت اناقة اللي تفوز في الفردي ما دبرت بها بـ خمسة ملايين . والوضح ناقة الفردي نصف مليون تغني راعيها منها . تم التصويت لجلال العظام وزيان الخشوم المجاهيم جعله عليها نذر اللي ينقص من قدرها ومكانتها |
رد: منافسه بين اهل المجاهيم والمغاتير والهجن .....! إبلٍ مجاهيـمٍ تحـوز الحـلا زيـن=ما فرّطوا فيها على العسر والكـود سودٍ كما الغربان أو كحلـة العيـن=قدمي شحمها كنّه نصـال ولهـود فج المناحـر والغـوارب ذراعيـن=والورك باب القصر ومن طوفته زود وإذنين مثل حراب جنـد السلاطيـن=والعرف يا سبحان من صاغه جعود ما تلحق الخضره من سبالها ليـن=قد للعرب شهرين من زمة العـود لا قرّبوا منها مـع القـدر قدريـن=فاضت ويبقى فـي مواخيرهـا زود وإلى تكلّم مـن هواهـا بصوتيـن=تكسر له الحقّه له الشوف مشـدود >المجاهيم> مع احترامي لهل المغاتير مدد لهم المده اللي يبون والتصويت حامي |
رد: منافسه بين اهل المجاهيم والمغاتير والهجن .....! اقتباس:
خيال العشوا راعيها اقفوا كما طير قلب راسه الحوم والتصويت بين الاجاويد حامي ياراعي المقهور مرحوم مرحوم قدمك شيوخ متيهين الجهامي ان اشهد ان التصويت حامي :mwalat18: |
| الساعة الآن 15 : 10 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |