|
أســتفسار : عن الفحل تمام ومسيرة هذا الفحل من ..و.. حتى السلام عليكم ورحمة الله وبركاته أخواني كثر الكلام عن الفحل المشهرو تمام الذي يملكه الشيخ / هيف بن عبود القحطاني لذلك نريد ان نعرف تاريخ الفحل من حيث الاصل وكذلك من كان عنده ومن الذين تداولوا على بيعه وشراءه حتى وصوله إلى الشيخ / هيف بن عبود ومتى كان ذلك أو في اي سنه ولكم تحيتي اخوكم / ابوحمد |
مرحبا ومسهلا بالنسبة لتمام فحسب علمي ان هيف اشتراه مع ابل جمل من احد الامراء وقبل الامير من دري منهو على حظه |
يعطيك العافيه بس ياليت توضح مدى شراه يعني عام كم صار على حض هيف بن عبود ودمت بخير |
نبي بس متى صار البعير ملك الهيف عام كم ؟؟؟ من لديه معلومه يفيدنا الله لا يهينكم ؟؟؟؟؟؟؟؟؟؟؟؟؟؟؟؟؟ |
انا سمعت ان اصل البعير انه من ابل سبيع هذا والله اعلم |
صحيح اصله من اسبيع بس ابي متى شراه هيف في عام كم وش كان سنه ذاك الوقت يعني سيره عن هذا الفحل المميز ولك تحيتي |
بالنسبه للبعير تمام انا عندي معلومات وان شاء الله تكون صحيحه تمام اشتراه هيف مع مجموعة ابل من الامير سلطان بن سعود بن محمد الكبير ولااعرف القيمه بالضبط ولكن سمعت انها مليونين للبعير والابل ماادري وبالنسبه لتاريخه ابوه من بعارين ابن صاهود السبيعي هاده او شاريه ابن فريج الدوسري ابن فريج اهدى الامير الناقه على مااعتقد وهي لقحى ان شاء الله اني ذكرت الصحيح اللي نقل لي وسامحوني على التقصير |
أســتفسار : عن الفحل تمام ومسيرة هذا الحفل من .. حتى وعليكـــم السلام ورحمة الله وبركاته اشتراه عام 1422ه وسنة 1423ه دخل المزاين في ام رقيبه وتمام موجود مع الابل واضربو عنده كثير من البدو وسلامتك |
مرحبا للجميع الكلام الصحيح اللي ذكره ابن عصاي ولكن السعر الله واعلم عنه لان هيف اشترى اللبل جمله والبعير من جملتها وشكرا |
الله يعطيكم العافيه كلكم والله لا يهينكم |
حسب علمي ما اسمعته من بعض الروايات ان تمام ابن لفحل عند ابن فريج الدوسري والفحل هذا ابوه عليان بعير ابن صاهود الحمر الذي اهدي على الامير سعود بن محمد الكبير والفحل اخذ جوله عند الامير سعود بن محمد ثم اعيد في الصيف لفهد بن فريج ومات لم يلقح عن ابن فريج الدوسري ولا ناقه عليه وفي جواله الفحل عند الامير سعود انتج تمام وعلال وبعد الفحل الاخرى ولاكن كانت ام تمام العنقوديه موجوده عن هيف الان قبل بيع الفحل لهيف استهده الامير خالد بن فيصل بن تركي وجاب معزي الفحل الذي انتقل الى الامير عبدالعزيز بن فهد مؤخرا وبعد النياق الى عند الامير خالد بن فيصل على تمام الهرش والان اعمارها ربعات او سدس المهم الفحل تقريبا بيع وهو ثني او رباع ويقال ان تمام عليه نياق طلعت انيابها عند هيف وعند الامير فيصل بن سعود بن محمد والله اعلم |
]]يالربع العلم ألأكيد تمام من سلالة ابل ابن صاهود وشرا ألامير عبدالله بن فراج بن نادر الدوسري رحمه الله ابل من ابن صاهود ومنها لقحات ولدن عنده في السليل ومن الي ولدن تمام بعدها باع الابل ابن نادر على ابن فريج الدوسري ومنها تمام كان مفرود وباعها على الامير المطوع والامير باعها على هيف وسلامتكم |
السلام عليكم ورحمة الله وبركاتة تمام ابوه عويجين بعير ابن صاهود السبيعي وتمام امة الرهيفة من ابل الامير سلطان بن سعود وتمام اشتراه هيف بن عبود مع جملة البل البعير بمليونين ونصف والبل على 350 الف و سلطان بن سعود الله يحفظة سلعتة مبروكة وعين منها هيف بفضل الله خير كبير وكل من ضرب عنده او اشترى منه عين خير وهو يمنح اطيب الفحول وفحولة عمرت كثير من حلال الناس وفي جميع الالوان والحين عنده المعنى اجمل فحول الصفر وعنده نوادر الابل على مستوى الجزيره العربية وكذلك الهجن وكان عنده فحل اسمة سهيل اوضح انتاجة مثل انتاج تمام منحة ناس ومات عندهم وسهيل انتاجة موجود عند بعض اهل الابل و ان شاء الله له مستقبل كبير وان شاء الله اذا فيه فرصة صورت لكم وعرضت الصور بموضوع مستقل |
لاهنتم شكراا على كل من علق على هذا الموضوع وبصراحه هذا من أغلى وأفخر انواع الفحول في الجزيره العربيه ويجب ان نوضح مسيرة هذا الفحل من .... الى .... ولكم تحيتي |
السلام عليكم ورحمة الله وبركاته اخواني جميعاً عن الحديث عن تمام واصله للتوضيح كلام الاخ سلطان المطيري كلامه صح 100% نعم واحب ازيد عليه لان هذا الكلام ماهو كلامي كلام سمو الامير سلطان بن سعود بن محمد اولاً الفحل تمام انا اقول لكم كيف صار .. 1_ قام سلطان بن سعود واخذ بعير قصير وشكله محقور ولابعد ضرب ولا بعد شافو اهله انتاجه واعتقد اخذ الفحل من الدوسري ابن فريج .. واخذ البعير وضرب عند الامير سلطان بن سعود ثلاثه من الابل او اربعه وانتج البعير والبعير رجع الى صاحبه الاساسي في اخر الشتويه وحول القيض وماضرب عند الدوسري ولا ناقه ومات وانتجت الابل عند الامير سلطان بن سعود بن محمد وجابت الابل ثلاثه فحوله وناقه فقط 1- تمام 2- علال 3- فحل والله نسيت اسمه عند احد الامراء وباقي ناقه والله ماني عارف هي عند هيف او انها راحت الى احد الامراء وهذ الكلام في مجلس الامراء وانا شخصياً كنت موجود في مجلسهم وجالس معهم وكلام الامير سلطان بن سعود . والبعير اصله من اباعر ابن صاهود وابوه يقال انه عويجن ويقال انه اخو عويجن الي مات والاقرب الي انا سمعت انه اخو عويجن يعني تمام وعلال عمهم عويجن ولاني متاكد بصراحه لان انا سمعت مثل هذا الكلام ولا من ناحيه اصل تمام هذا اصله وكيف انتج عند من ومن ابوه ... ودمتم .... |
هذا الفحل ولا بلاش الله يعطيه من خيره ويكفيه شره |
يفيدونك الاخوان. |
لا هنتم ونريد المزيد عن هذا الفحل الذي صار طاريه على كل لسان |
من سلالة بعارين ال صاهود من سبيع |
اللى اعرفة ان هيف مشترية من سلطان بن سعود ابن محمد ابن عبدالعزيز بمليونين ونصف والاخوة الباقين ماقصرو بالعلوم |
السلام عليكم ورحمة الله وبركاتة تمام ابوه عويجين بعير ابن صاهود السبيعي وتمام امة الرهيفة من ابل الامير سلطان بن سعود وهذا اللي اعرفه تقبلوا مروري |
بيض الله وجيهكم وياليت الكل يأتي بصوره لهذا الفحل الطيب وكذلك صور ابنائه وذكر من تواجد عندهم ولكم تحيتي |
كلام سلطان كله صحيح اما بخصوص امه فكلام مشاري السبيعي امة الرهيفة من ابل الامير سلطان بن سعود واما العنقوديه ضربها تمام وهي عند الأمير سلطان قبل الأبل تنشرا ولا ضرب كثير عند الأمير واكبر عياله سهيل هذا رباع والدليل لدا الشيخ فيصل بن بندر الدويش قعود وامه العنقوديه وولد عند الأمير عند شراء الأبل وهذي صوره للقعود وهو جذع وسنه السنه هذي يدخل رباع http://www.mzayan.com/vb/images/uplo...139d2bd9c4.jpg |
الاخ محمد السلام عليكم ورحمة الله وبركاته لقد كثر الحديث عن تمام وفتح الموضوع اكثر من مره وقد كتبت شخصيا فيه موضوع كامل منذ سنوات و حسب ما وصلت له من معلومات في وقت سابق فاني اميل لما اورده الاخ نواف الحربي فهو الاقرب للصواب مع احترامي وتقديري لكل من ادلى بدلوه في هذا الموضوع ولكن دعني اوضح لك وللاخوان نقطة مهمه : ان التعامل مع الابل وتحديد اصول انتاجها قد يكون بالشيء الصعب خصوصا في ضل ظروف وطريقة تربيتنا حيث الابل تكون في مراعي مختلطة وليست في احواش مغلقة لتعرف تحديدا ما اذا كان الانتاج ينتمي لفحل معين ام لا ناهيك عن من يملكون الرعايا الكبيرة يكون لديهم اكثر من فحل وكل يوم يهدون فحل ويضرب ويسجل على اي الفحول تم تضريبها، ولكن بعد ذلك هل يضمن ان الناقه لم ياتيها فحل اخر في فترة غيابه سوى المالك او الوكيل او في ظل تكاسل الراعي ويضربها سوى في المرعى او في مزرعته ان كان لديه اكثر من فحل ؟؟ دعني اعطيك مثال وقع لي قبل اعوام : لدي ناقة وضربتها على بعير طيب اوضح وتفاجائت بانها انتجت قعود مجهم وعند التقصي وراء ذلك اكتشفت ان الناقه كانت معشر وكسرت وجاها بعير مجهم في المفلى وضربها والراعي خاف يقول والنتيجه كما ترى !! خلاصة القول : ان ما ذكر عن تمام كله يضل في حكم الغيب وليس بامكان اي شخص ان يجزم من يكون ابوه ولكن المؤكد انه من سلالة بعير ابن صاهود عليان سوى ابن لعويجين ام ابن لاخوه وتمام اللان هرش وانتاجه لا نعرف عنه الا ما يصرح به لنا صاحبه الحالي ولم نرى له انتاج عند غيره الا اليسير جدا فهو اشبه بما يكون اللان بالاسطورة التي يضيف لها الناس كل يوم شيء جديد الى ان اصبحت واقع يصدقه الكثير ولكن دون اثباتات وتقبلوا تحياتي |
عبدالرحمن بن عبد العزيز السلام عليكم اخي ادليت وفيت وبيض الله وجهك على كل حال أهم شي الدقه على ما قلت والأمانه وكل شخص يذكر هذا الشي يذكره ويعرف ان الله سبحانه وتعالى يراقبه تسلم ولك تحيتي ويبقى الاسطوره اسطوره على ما قلت الكل يريد التقرب والتمسك بها |
سمحولي الأخوان كيف نعطي تمام الأسطوره وهو ليس عند هيف وحده وعياله توزعت عند الناس قبل لا يجي هيف نرفض التشكيك وكثير من عياله باعهم هيف واهداهم وان امه وابوه تمام سلالة كانت محتكره قبل ان يضربو عياله وعياله بالوقت الحالي وصل سنهم الي رباع قد انتجو وتوزع انتاجه لدا الناس كلهم .. واما نطلق على التمام الفحل المنتج الوحيد فهذا بخص بحقوق فحول ناس كثيره هناك فحول انتجت وهيف لو تمام انتاجه مكفيه ولا في اطيب منه ما يشتري ودخل في ابله |
الاخ محمد بن شريه للاسف تعقيبك غير واضح بالنسبة لي فهل بالامكان توضيحه اكثر وتقبلوا تحياتي |
طيب بالنسبه للفحل تمام .... وانه يراد تسويق قعود او بكره وانها عليه فهذا الأمر يحتاج التدقيق من الشاري حتي لو وصل للتحليل اولا يستغرب ان يكون انتاج تمام متوفر بكثره عيال تمام اطلعو قبل ان يشتري الفحل هيف والدليل الفحل الي وضحت فوق وهناك فحل ثاني لدا أبن قاسي العجمي واهل الفحلين يضربون للناس كلهم ولا يردون احد عن الفحول وهيف باع قعدان عليه وهناك الكثير من الناس لديهم فحول على تمام فالسلاله منتشره لدا الناس وليست محتكره بمعني ان اكبر اولاد تمام رباع الأن وقبل ان يضربو عياله كان محتكر لهيف والأن انتشر بكثره عياله الي يضربون ويباع من انتاجهم واما ان تمام اسطوره فهذا شي . لا اوافقك الراي عليه .... لان اغلب الناس عارفين خبره ومن الناس الي يروون القصه بن عميش وكيل الأمير سلطان ولا تدخل ناقه ولا تخرج الي عنده خبر فيها والي انعرفه ان تمام الهرش في مزرعه لدا هيف ولا يضرب منه لأحد ولاكن يضرب من عياله للناس واما بخصوص ان الفحل المنتج الوحيد فهذا بخص في حق ناس واجد لديهم فحول منتجه والدليل لو هيف مكتفي من انتاج التمام كما وصف انه افضل فحل منتج لما شرا أبل وأدخلها والمعروف لدا الناس ان الي يشتري ناقه ترفع من الأبل ما يجيب ناقه تضيع وسط الأبل فموضوع تمام اخذ اكبر من حجمه بالدعايه حتي صار يسوق له في كل مكان وهذا رأي شخصي ارجو ان تكون وصلت الفكره |
وصلت الفكره يا اخ محمد ومن قال باني هنا ابخس الفحول الاخرى حقها !! يبدولي بان هناك سوى فهم في مصطلح ( اسطوره ) فكلمة اسطوره المقصود بها في كلامي هو المعنى الصحيح للاسطوره وهو : جل ما يذكر من نسج الخيال وليس صحيح ، اي من الاساطير ( الروايات الخياليه ) إن موضوع تمام اصبح سالفة تتداول بين الناس صحيحها قليل وكثيرها مشكوك في صحته وقد مللنا من سماعها فكلا يزيد وينقص حسب رغبته بدون قيد او شرط واستغل وللاسف الشديد هذا الفحل كماده تسويقيه لدى بعض الباعة ليس هذا تحامل على هذا الفحل ولكن من وجهة نظري بانه فحل منتج كغيره من الفحول المنتجة الاخرى التي لدى كثير من اهل الابل بل وارى ان بعضها افضل منه ولكن لم تخدم اعلاميا وتقبلوا تحياتي |
كلامك يا عبدالرحمن و محمد كله تمام التمام وشكرااا نعم هناك كثير ولاكن يبقى اسم تمام له ايقاع معين والله يبيض وجيهكم ولاهنتم ولكم تحيتي |
اشكرك اخي عبدالرحمن على التوضيح الوافي وجهة نضرك في محلها |
لا هنتم جميعا وبيض الله وجيهكم كلكم |
اخي ابو حمد مساك الله بالخير ومشكور على هالفكره الجميله وانا من وجهة نظري للفحل فحل مافيه كلام كايف وجميل وانتاجه جميل ولكن اخذ حجم اعلامي كبير وانا اشوف انه فيه فحول انتاجها من وجهة نظري اجمل ولم يكسبوا على الاعلام اللي يشهر بحلالهم مثل بعير الباتل وانتاجه حشاره بعير ابن غصين وانتاجه كحيلان وانتاجه عند الطهيمي بعارين العونه وانتاجها مع اكثر ملاك الابل بعارين الغييثات وانتاجها معرووف انا لا اهضم حق تمام وانتاجه بالعكس انا من المعجبين به وبانتاجه ولكن اقول انه اخذ حجم اعلامي ربما يفتقد المصداقيه اقصد انتاجه وانا اشكرك مررره اخرى وتقبل تعليقي |
شكرااا على مرورك وكلامك تمام التمام ولك تحيتي |
ونتظر ما قيل عن الاسطوره هذه السنه !!! |
أخوي محمد مساك الله بالخير أبي اعرض مشاركتي عن اسرار تمام وهو ساسه من ابل ابن صاهود السبيعي ابوه مشري ب30000 وسنه حق وامه مالها شكل من ابل ابن صاهود شاريه فهد بن فريج الشكره الدوسري وأهداه على ابن نادر الوداعين وباع ابن نادر الابل والبعير ماباعه ورده على فهد وخذاه الامير سلطان بن سعود الكيبر منيح ورده الامير في الصيف ومات عند فهد وانتج عند الامير تمام وخواته انا ماخذ الكلام هذا من فهد براسه واشكر الجميع على المشاركات وتقبل تحياتي |
يعطيك العافيه وشكراا على هذا المرور بس ياليت نعرف هل تمام من أباعر سبيع ولا الدواسر ؟؟؟؟؟؟؟؟؟؟؟؟؟؟؟؟؟؟ ولكم تحيتي |
من ابل اسبيع بلا قصور في ابل الدواسر |
Hساس تمام من ابل ابن صاهود بن شويه السبيعي وهي سلاله لها تاريخ مع اهل الابلH |
المؤكد اللي انا سمعته من ناس ثقاة ان تمام انتاج من ابل الشيخ فهد بن فريج الشكرة وابوه من ابل بن صاهود السبيعي |
| الساعة الآن 03 : 04 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |