|
بيض الله وجهك او سود الله وجهك / ماذا تقول...؟ ماذا تقول عن هذا الرجل / بيض الله ؤجهك او سود الله وجهك الخبر ... أن مواطن اشترى سيارة كورلا 2008 من شركة تويوتا بنظام التأجير ولكنه تاخر عن التسديد مما جعل الشركة تعمم عنه وتطلبه عن طريق الشرطة وعندما حس المواطن بذلك أخذ ينتقل من منطقة إلى أخرى مبتعداً عن أعين رجال الأمن وأثناء مروره بنقطة أمن الطرق بالشرائع استوقفه رجل الأمن فخاف وارتبك ولكنه سرعان ماهدأت سريرته عندما وجد أن رجل الأمن الذي استوقفه ماهو إلا أحد أبناء عمومته وعندما عاد رجل الأمن لعمليات الأمن وجد أن صاحب السيارة معمم عنه ومطلوب لعدم التزامه بالسداد فذهل صاحب السيارة عندما شاهد رجل الأمن «ابن عمه» يصر على تسليمه لقسم الشرطة وأخذ يذكره بالقربى وبأواصرها وأنه احد أبناء عمومته ولكن كل ذلك لم يشفع له حيث أصر رجل الأمن على تسليمه رغم تدخل البعض من رجال الامن أن يثنوا رجل الأمن عن قراره مذكرينه بأواصر القربى وأن هذا العمل سيولد البغضاء والكراهية بين أبناء العمومة بوجود طرق ثانيه غيرهذي الطريقه ـــــــــــــــــــ عن نفسي انا اقول سود الله وجهك وانت ماذا تقول عن رجل الامن ...؟ |
ألاً ......... بيض الله وجهه :::: إذا كان ولد عمه مهو مسدد وش له ياخذ السياره كان قعد بدون سياره وبيرزقه الله """" هذا رأيي الشخصي .... محبكـ تركـــــي الكبــــــرى ..... |
اقتباس:
يعني افهم من ردك لو كنت مكان رجل الامن وجاك ولد عمك من لحمك ودمك راح تسوي معه نفس التصرف هذا حتى لو قوبل تصرفك بنقد من قبل رجال الامن في نفس النقطه ...؟ |
الا بيض الله وجهه هذا حرامي ولا ارضاها حتى على اخوي وهاذا امر يحتاج الوقوف عنده وهو يحصل السوال بطريقه ثانيه اذا انت صاحب الشركه وش موقفك اذا دريت ان شرطي اوقفه وفكه |
الابيض الله وجهه ماسواها اللي يبيه يخلص من المشكله ووظيفة رجال الامن ماهيب سهله التلاعب فيها |
اما انا على حسب الامر.... اذا كان الامر مثل سياره وماسياره... الا بقول سود الله وجه رجل الامن اما اذا كان امر اكبر مثل مخدرات او ماشابه ذلك لا والله بسلمه للامن... وجعلنا مانجي في ذالامور... تحياتي ياتركي |
الي سود الله وجهه هذا لحمه لو انه عفن يبقا لحمه المصيبه ان رجال الأمن الي ماهم بني عمه يترجون ابم عمه يفكه والله ماله الي سواد الوجه الله يقطعه من ابن عم الرجال ممسوك ممسوك يمسكه غيري ولا اطلع بسواد الوجه قدام بني عمي واهلي |
بالنسبة لي لكل حادث حديث |
انا اقول انه ارخمه واللي سواه ماهو من حرصه على اداء الواجب وحفاظا على الامن والامانه لكنه يكره من قلبه ولا يدانيه قدام يجيه في النقطه ولا ماكان طلب اثباته وراح يفتش عليه تعميم ولا ما عليه واللي سواه واجب عليه بغض النظر عن الصله والرجال قام بالواجب ولاهمه راي اخوياه اللي يطلبونه لابن عمه ( جعله فداهم)ولا لوه يقدره ماكان امسكه ولو امسكه كان فرح يوم طلبوه زملائه انا اقول انه يبغضه من كل قلبه وهذا السبب اللي خلاه يمسكه وده يضره لا اكثر ولا اقل |
السياره بامسكهاااااااااااا وابن عمي باوقف اقرب سياااره وقولهااااااااا توكل على الله رح الهلك والا باعطيه سيارتي يروووح عليهااااااااااااا هذا الحل بكل بساطه |
خلوني افكر .................... |
هذا رخمه يدور ل اللحاس عند ابوجميل (يدور للتمر عند مصاص العجم الا سود الله وجهه |
الموقف صعب , لأن العسكري بين امرين , تأدية الواجب العسكري ( الوطني ) , والفزعه لابن عمه , والحقيقه انه امر محير , الرجل مايبي يتأخر عن تأدية واجبه الوطني , ولايبي يتردى فابن عمه , وابن عمه جاه بسواد وجه , والا شاللي يخليه مايسدد , ويومه يدري انه مايقدر يسدد من الاول ليه مشكل نفسه باقصاد وهو مهوب كفو , لكن انا بالنسبه لي بحاول اساعده بالتسديد , لأني ان مشيته انا مسكه غيري , وابتلش ابن عمي , لكن الفزعه الحقيقه , اني اخلصه من المشكله مره وحده ,بعطيه اللي الله يقدرني عليه لين يسدد , وبعدين يحلها الف حلال , وجعلني مااطيح بمثل هالموقف , |
اقتباس:
ردك سليم يا الهاجري |
اقتباس:
|
اقتباس:
|
اقتباس:
ماتبي تفكير |
الا سوّد الله وجهه لو ان بيني وبين ابن عمي مشاكل والله ماوقفه |
طبق النظام |
لو كنت محل العسكري أخذة ولد عمي يم الوكالة وسددة عنه القصد وسحبت التبليغ. |
هـو لـيش يـدور عـن ابـن عـمـه ويشـوف عـلـيـه بـلاغـاات إلا ردي و اسـود وجـه ، أنا لـونـي مـحـلـه ودريـت انـه مـا سـدد خـلـيته يـروح و تـفـاهـمـنا عـلـى انـفـرااد ،، |
سود الله وجهه وجعل اللي مثله ماله صيب اما اني امسك ولد عمي علشان شركه تطلبه في فلوس لا والله اللي ماقالو تم لو انه ماهوب ولد عمي القايم بعد مانيب ماسكه لو انه ابن عم من اقصى العرب |
لاتعليق الله لايجيب الموقف لي |
| الساعة الآن 27 : 09 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |