|
ملتقى ملاك مزايين الابل وعشاقها بدل المزاينات السلام عليكم ورحمة الله وبركاته اخواني اعضاء وزوار منتدى مزاين الكرام عندي اقتراح وارجو من الجميع المشاركه فيه لعلنا نصل الى فائده تنفع اهل الابل وعشاقها كما تعلمون ان المزاينات نفعت الكثير واستفادت منها شريحه كبيره من المجتمع بيع وشراء وارتفعت اسعار الابل الى ان وصلت الى هذه الاسعار واهتم الكثير بتحسين السلالات لعلهم يرزقون بشي فاخر تنفعهم قيمته ولكن المشكله ان المزاينات الخاصه منعت من الحكومه لما يحصل فيها من مشاكل واختلافات بسبب تصرفات بعض الجهال والتي تسببت في منع المزاينات تفاديا لمثل هذه المشاكل اقتراحي هو ان يكون هناك تجمع لاصحاب الحلال الطيب وعشاقه والراغبين في الشراء وهو عباره عن سوق للنوع الفاخر من الحلال وبدون مزاين وكل شخص او مجموعه اشخاص يكونون في عزبه كما هو الحاصل في المزاينات وعرض للحلال ويكون هناك بيع وشراء وتحريك للسوق بدون ان يكون هناك تنافس بينهم ولايكون هناك بيض الله وجه اللجنه ولا سود الله وجه اللجنه والمقصد تجمع الرجال في مكان وتحريك سوق الحلال الطيب بدون مخالفة ولي الامر او التجاهل لمنع المزاينات وفي انتظار آرائكم واقتراحاتكم لعلنا نجد طريقه او فكره مناسبه تخدم الجميع اخوكم راشد العرق |
مرحبااااا اخوي راشد اقتراحك عين الصواب وفعلآ ان المزاينات هي عباره عن تحريك السوق وانعدام المزاينات ليس في صالح اهل الحلال والله يوفق الجميع |
بيض الله وجهك يا راشد اقتراح طيب ومفيد |
مرحباً تراحيييييييييييييييييييب الـــمـــطـــر ياراشــــد أقتراحك طيب إلى أبعد الحدود خصوصاً إذا وضع له مكان معروف ومحدد خلال السنة يجتمع فيه أصحاب الحلال الزين واللي له رغبة في الشراء يتجه له ويحصل مطلوبه هناك ويكون المكان متوسط بين دول الخليج لكي يخدم الجميع وتقبل خالص تحياتي،، |
بيض الله وجهك يا راشد اقتراح طيب ومفيد |
اقتراح طيب وبيض الله وجهك يا راشد ولو تم الموافقه عليه اتمنى يكون على خط الجافوره لأن راح يخدم أهل قطر وأهل الأمارات وأهل عمان والسعوديه |
عز الله جبتهاااا يابو علي اقتراحاتك دايمااا مفيده بس الاقتراااح ذااا غير لاكن هل من مجيب او منفذ؟! |
فكره رائعه جدا ولو يكون في الاسواق المعروفه مثل الجنادريه والحسا والخرج بيكون اسهل واكثر تجاوب وامن من المنع لانهم ماهم بمخلين في حالهم |
عز الله جبتهاااا يابو علي اقتراحاتك دايمااا مفيده |
مرحبا يا بوعلي انا مؤيد للقتراح لوجود طريقة لتواجد سوق للنوع الفاخر من الابل ولكن ليس بطريقة التجمع في عزبة اوماشابه. لانها قد تسبب بعض الحرج لصاحب العزبه ويرافقها بعض السلبيات التي حدثت في المزاينات وتوقفت بسببها |
هذي الفكرة حصرية يا ابو علي واقامة ملتقى مزايين الابل فكرة ممتازة واتوقع ان لايكون لها معارضة من الجهات الرسمية واتمنى تطبيق هذه الفكره عاجلا لتحريك اسعار الابل واستفادة اهلها ولاهنت ابو علي على طرح المفيد |
فكره ممتازه ويجب التسويق لها بالشكل الي يخدم هذا الملتقي بالشكل المطلوب والأعتماد بيكون على اهل الحلال اكثر من الشريطيه اايد الفكره بقوه |
ما منع المزاينات الا الاسعار الغااااااااااااااااليه بعدين في مزاين ام رقيبة كل سنه ومزاين نوفا كل سنتين وكلها بالربيع تصير اما بخصوص فكرتك تراهي حلوه وناجحه بوسليط |
بالمناسبة شاهدت احدى القنوات الشعبية تعرض برنامج مزاد الابل وهذا بديل للمزاينات بعد ان اصتدمت بجواجز المنع والتصاريح وقد تدعم هذه البداية فكرتك يا ابو علي |
ارحب يا علي فكره طيبه من راسً طيب ولكن وين يكون موقع الملتقى ومن الضامن لحضور اهل الابل الفاخره وهل يحتاج له تصريح من الجهات المسئوله وكيفة التريوج له وظهاره للناس اصحاب النظر اللي تشتري الفخار تحياتي |
مرحبا بالجميع واهتمامكم بالاقتراحات وارائكم هي اللي تدعم الاقتراحات وتطورها للافضل |
اقتباس:
مرحبا يامحمد وانت ما فهمت قصدي انا قلت(وكل شخص او مجموعه اشخاص يكونون في عزبه كما هو الحاصل في المزاينات وعرض للحلال ويكون هناك بيع وشراء وتحريك للسوق بدون ان يكون هناك تنافس بينهم ) اقصد ان يكون هناك تجمع في مكان متفق عليه يخدم الجميع وكما هو الحاصل في مثل هذه التجمعات كل رجال او مجموعه تكون عزبتهم وحده وكل على هواه عزبه بتلقى فيها رجال واحد وعزبه بتلقى فيها مجموعه |
راشد العرق الفكرة طيبة وغير مسبوقة ولكن ما اسهل الكلام وما اصعب تنفيذه كان بودي ان كل واحد ياتي بخطة معينة لتنفيذ الفكرة عل وعسى ان يكون الفرج لاصحاب الحلال على ايدينا بعد وأد المزاينات والحقيقة اني عصرت مخي وطلعت ببعض الافكار وباعرضها عليكم : 1- اقامة فعاليتين بنفس الوقت مع اختلاف المكان واحدة للمجاهيم واخرى للمغاتير بسبب بعد المسافات 2- تحديد مكان معين وليكن حسب رأيي بالقرب من هجرة تماني لتوسطها بين السعودية وقطر والامارات بالنسبة للمجاهيم وام رقيبة لاهل المغاتير 3-تحديد تاريخ لبدء الفعاليات ولتكن لمدة اسبوع 4-يكون مسمى الملتقى (سوق منتديات مزاين الاول لنخبة الابل المجاهيم )و( وسوق منتديات مزاين الاول لنخبة الابل المغاتير) لاني اعتقد ان الحكومة لن تمانع باقامة السوق بعكس الملتقى اللي ربما يجد معارضة 5-عند الاتفاق على التاريخ يتم الاعلان عنه في المنتدى ويتم طباعة اوراق محتوية على كافة التفاصيل ويقوم كل عضو بتوزيعها في منطقته 6- يتطوع احد الاعضاء بوضع لوحة في مكان السوق لتدل الناس عليه وسلامتكم |
اقتباس:
مرحبا اخوي مبارك واقتراحاتك طيبة واعتقد ان راشد العرق يقصد التقاء ملاك مزايين الابل ولايريد حصر ذلك على لقاء المنتدى لان فتح الامر اقوى للعرض والطلب وشكرا |
اقتباس:
والهدف من طرح الاقتراح هو الظهور بفكره ناجحه تخدم الجميع ولن تنجح الفكره الا بابداء الاقتراحات اللتي تخدم الفكره وتنقحها واقتراحك طيب ونبي نشوف اقتراحات مثله ان شاء الله من الاخوان بيض الله وجيهكم |
مرحبا يا بوعلي انا قصدي هذا التجمع راح يأتية جمهور واصحاب نظر والناس الذين يريدون ان يشتروا و..........................،في المزاينات هناك المرجعية للمنظميين ، ولكن في التجمع هذا سوا العزبة فيها شخص او عشرة لابد ان يكون احتكاك بين اصحاب الحلال والشراية او الجمهور من يكون المسؤل |
مسعود الاسم فقط(سوق منتديات مزاين) لاعطاء المنتدى احقية الفكرة والا السوق لن ينجح الا بكونه مفتوح للجميع |
اقتباس:
وياليت احد يفيدنا عن الاجراء الرسمي والسماح بإقامة هذا السوق والحكومة من كل خير قريب وهدفها التنظميم والمحافظة على استتباب الامن وعدم اثارة المشاكل والفتن وهذا الامر لايتعارض مع المبادئ والاهداف الامنية |
أبـو علي أحــسنت الأقــتراح وبيض الله وجهك عزالله أنها فكره طيبه وتقتصـر الوقت على من له الرغبه في عرض وشراء حلاله المجاهيم الغوالي ولا المغاتير الغوالي وهاذي فكره أنا أيدها وبقوه وراح يكون لها صدى قوي من ملاك وهواة الأبل الغوالي وبالنسبه لأختيار مكان ملتقى أصحاب المجاهيم أنا مع الأخ مبارك يكون على طريق الجافوره ويستحسن بأن يكون بالقرب من الأحسـاء ليكون متوسط المنطقه الشـرقيه وقريب من باقي الدول المجاوره مثل قطر والإمارات وصــراحه أتمنى بأن يتم العمل بهذا الأقـتراح من اليوم وأكــيد أن رجال الأعمال لو راؤ هذا الأقتراح أو سمعو به لقامو بالدعم المادي وشـكـرا" مره أخـرى للأخ الفاضـل / راشــد العـرق |
مرحبااااا اخوي راشد اقتراحك عين الصواب |
مرحبا يا راشد والطيب ما يجيب الا طيب انا مو وجهت نظري بنقدر نسويها كا اعضاء منتدى بس بخطه مدروسه ومحكومه ولي عوده على الموضوع |
توكلنا على الله السلام عليكم ورحمة الله وبركاته بيض الله وجهك اخوي راشد العرق على الفكره الجهنميه الطيبه جدا والنادره وبيض الله وجيه الاخوان كلهم على ردودهم وافكارهم وحماسهم وانطباعهم الطيب تجاه الفكره واخص بالذكر اخوي مبارك المري المبدع اللي حاول انه يضع التصورات واستراتيجيه الملتقى واوفقه الرأي بأن الاهم والاولى انه يكون حقوق الفكره والملتقى لمنتدانا منتدى مزاين محفوظه وهذا لكي يكون لنا كيان صريح وبارز وله كلمته ووزنه على مستوى الخليج بل والوطن العربي وبذلك نكون قد اصبنا عصفورين بحجر 1 فدنا اصحاب وملاك الابل الطيبه وحافظنا على السلالات الطيبه وعطيناها حقها 2 جعلنا لإسم منتدى مزاين ماركه مسجله وكيان يفرض هيبته ولا غبار عليه اما بخصوص الافكار والنقاشات وتفاصيل التنفيذ يجب ان تكون بشكل منظم ومنطقي ومتزن وواقعي جدا وان يكون بعيد عن المخالفات او ان تكون فيه اي شبهات لأهدافنا الساميه 1 ان تجتمع لجنه من المشرفين وإدارة المنتدى لمناقشة الموضوع وابعاده كامله وعلى رأسهم الاخ العزيز حمد السحيمي اللي له باع طويل بالمشاريع الضخمه واللي ما يبخل علينا ولا على الابل بدون ادنى شك لا بتصوراته ولا بأفكاره ولا بواسطته ولا وجاهته إذا استدعى الامر لذلك 2 ان نكون على اتم الاستعداد للتبرع والدعم المادي الحر اي ما يكون هناك إجبار لأي الاعضاء للتبرع اللي بيتبرع ابيض وجه واللي ما يستطيع ابيض وجه ولا عليه اي ملامه والمتبرع حقه محفوظ ودعمنا المادي يكون للدعايه والاعلان والتسويق للسوق في الانترنت وفي المجلات المختصه بالابل وكذلك القنوات التلفزيونيه المناسبه برأي الاخوان فإذا كان هناك تبرع من قبل التجار وكبار ملاك الابل والشركات ورعاه رسميين اكرم وانعم وتشكيل اللجان يجب ان تكون هناك لجنه مسؤله عن زيارات الملاك التجار المهتمين وتطرح عليهم الفكره وتسوق لها عند كبرى الشركات امثال شركات الاعلاف وشركات السيارات تيوتا ونيسان وشركات السيارات الكبيره كالتريلات و التناكر ( الوايتات ) 3 يتم تشكيل لجان من المشرفين المسجلين بالمنتدى وان يبدأ العمل بفريق واحد متكامل وان ينفصل إلى قسمين رئيسيين عند التنفيذ وقبل الموعد باسبوعين قسم المجاهيم وقسم المغاتير وان تبقى الإداره العليا كما هي وان تشرف على الجهتين بنفس الوقت وهم قدها بإذن الله إذا الله وفق ــــــــــــــــــــــــــــــــــــــــ هذي مجرد وجهة نظر واقتراحات عسى ان تعجب الاخوان القائمين على المنتدى وكذلك خطوه اولى لو خطيناها ابشركم اننا بنمشي وبنبدأ بأول خطوه نحو النجاح بجهود الاخوان العالمين والمخلصين وجزاكم الله خير الجزاء اخوكم المحب / ابو غازي |
بيض الله وجهك ياراشد وناا شهد بالله ان كلاامك عين الصوااب وحناا معك قلب وقالب |
نفتخر حقيقة ان منتدانا له السبق في كثير من الافكار التي خدمت ملاك البل ولعل هذا احدها وتم تنفيذه فعليا على ارض الواقع من قبل قناة الساحة وقناة الاماكن والى الامام معا لخدمة هذا التراث الاصيل |
اشكر الاخ ابو علي على طرح مثل هذه الفكره ابو محمد بدون ادناة شك ان مثل هذه الاعمال ليست اعمال هواة انما اعمال تجاريه وما اقدمت عليه قناة الساحة والاماكن الا تطوير لمزادات الابل البائسه كا اللتي في الجنادريه ومن على شاكلتها وان اردنا ان ينجح مثل هذا المزاد فليكن بنفس التنظيم والمنطق الذي طبق به بمعنى دعم التسويق باللاعلام فالاماكن والساحه منابر اعلاميه ولا يقل منتدى مزاين عنها اعلاميا فهل مالك الموقع يرغب في الاستثمار ؟؟ او لديه الرغبه في اتاحة الفرصة لمستثمر بان يستخدم هذه القناة الاعلاميه (المنتدى) للتسويق ؟؟ كما انه بالامكان ان نخرج بفكرة مغايره لما اقدمت عليه الساحه والاماكن بحيث يكون المكان متنقل وليس ثابت مرة في الشرقيه ومرة في الشماليه ومرة في الوسطى وهكذا وهنا تكون لديك ميزتين نوعيه عن تلك القنوات الا وهي : 1) تقريب المسافه للعارضين عند الذهاب لهم في مناطقهم 2) في القنوات المرئية انت بانتظار موعد العرض التلفزيوني للمادة الاعلاميه للمزاد اما المنتدى فبالامكان الدخول على العروض في كل وقت وزمان ومكان وتقبلوا تحياتي |
بيض الله وجهك يا راشد اقتراح طيب ومفيد |
اقتراح طيب وفعال اخوي راشد وبالفعل يسهل للزبون الي يبي الزيان تلقى يطلع من هالشبك ويلقى بالشبك الثاني اطيب بس انت خابر الي اباعرهم شحم ومورى فيها تلقاها يرزها مع البل الزينه وماراح يكون بالسوق لجنه يردعونهم يعني يبيلها امر صارم وتجهيزه بلجنة للسوق انه مايدخل هالسوق الا شي طيب من احد الامراء |
مرحبا يا راشد راين مبارك وانتو فصلو وحنى نلبس |
~.~ لا هنت وسلمت يمينك ~.~ |
مرحبا ومسهلا بالجميع واشكر كل من شارك بهذ الموضوع والموضوع نبيه للاستفاده من ارائكم واقتراحاتكم بهذا الخصوص ولكي نطلع بفكره جميله تجد من يتبناها ويطبقها على ارض الواقع وهذا هو الهدف من هذه الافكار |
الله لا يهينك على الموضوع الموميز ارجوت تقبل اصراحه لان الموضوع يتكرار كثير ولابد من حزم وكلامي ليس موجه لحد بعينه مجرد مشاركه بكل حياديه ------ الي يرفح اسوق البل عوامل مرتبطه ببعض ولو نص واحد من هاذي العوامل يكون هناك خلل في اسوق ولاسعار وليست المزينات لوحدها مثل البل المزين لو لا هناك مزينات وتتافس شريف على التميز وناموس لاما ارتفعت لاسعر مثال لو انا ليسى هناك تنافس ولا مزاينات وجوائز ليش الملك يشترون الغالي ويتعبون على الانتاج هاذا ميخص المزينات ------ والمقارنات بسيطه في الفتره الي ماكان فيها مزاتينات والفتره الحاليه وشوف وضع البدو قبل كم سنه والوضع الحالي وشوه من استفاد ومن تضرار (الي يدعي انه تضرار هاذا له اطماع ولا ابيك تسمعله حاججه وشوف رده يبي اسوق ينزل ويرجع يطالب بالمزينات) يستفيد واحد وتضررون الف رجال بين لنا محاس انجمع ومساوئه وكذالك المزيبات عش الكل يحدد رايه موضوع قوي وجريء تشكل عليه والله |
مرحبا ياعبد الرحمن وتكرار المواضيع اذا كانت نافعه وهادفه ما يقلل من اهميتها ولا اعتقد ان الموضوع مكرر لا في منتدانا ولا في منتديات اخرى حسب اعتقادي وما اعرفه وبالنسبه لمحاسن الملتقى:- 1 ) انه يجمع بين من يعرض السلعه الطيبه ومن يبحث عنها يشهر الطيب من الحلال ويشهر من يحرك السوق من الرجال ويشجع من يتعب في الانتاج ويتاجر فيه 2 ) لا يخالف قرار منع المزاين لانه ليس هناك مزاين ولا تنافس 3 ) الرجال اللي يبي يشترى يشوف بعينه ويقرر ويشترى على نظره ونظر من يستشيره ولا يؤثر عليه قرار اللجنه او ترقيمها فكم من لحنه استاء منها الجمهور قبل المشاركين وبهذا التجمع نظمن عدم الوقوع في مثل هذا التاثير 4 ) المزاينات مافيها من المشاكل الا التعصب المبالغ فيه عند البعض وهذا من نقص العقل عندهم لان هذا مهرجان يجمع الحلال الطيب والطيب يستاهل الفوز والمفروض ان العاقل خصيم نفسه وقبل قرار اللجنه وهو داري كم رقمه في الشوط واللي ماهو عاقل هو اللي خرب المزاينات وتسبب في منعها |
وانا والله ودي اقتنع بفكرة منع المزينات بس مافيه سباب مقنع الا انها اراء شخصيه وانا احترمها وحق كل انسان حرة التفكير معا نفسه بس عند ما تكون الفكره مطروحه امام الغير المفروض تكون هناك اساس وبراهين حتى الغير يقتنع بالفكره. 2ـ صح وانا ايدك في فكرة الجتماع وفكره اكثر من رايعه والله يعطيه العفيه الي قام بطرحها 3ـ وفي هاذي اايدك بحراره الجان تضلم لمحسوبيات انت تعرفها ولا تجهل غيرك_______ الا في اشوط المفتوح مافيه محسوبيه والعلم عند الله 4ـ والعصبيه في المزينات طبيعيه مثل التعصب ارجال الخوانه وعيال عمه وقبيلته وطنه وعروب___ وبرك من اتعصب لكرة القدم والله يا راشد يخوك مادام ما فيه تعدي قبيله على قبيله ماشوفها غلط بلعكس تجمع ولا تفرق هاذا رايي وحتم ردود الكل عليه ويا مرحبا بكم كلكم |
فكره طيبه وممتازه والحقيقة سوق اللابل هو المكان الانسب حسب اقتراح الاخ حاصل اليامي الشي المهم في الموضوع هو تحديد المكان في احد الاسواق لوجود مقومات النجاح وبالتالي لان يكون هناك احتياج لطلب موافقه على الاقل للفتره التجريبيه الشي المهم الاخـــر لنجاح الفكره هو تحديد وقت العرض بين الذي يرغب العرض وبين من يحتاج الي الشراء وهذه مهمتنا جميعا تقبلوا احترامي وتقديري اخوكم علي فاضل |
[TABLE1="width:100%;background-image:url('http://www.mzayan.com/vb/mwaextraedit4/backgrounds/115.gif');background-color:sandybrown;border:9px outset red;"] | [/TABLE1]بيض الله وجهك اخوي راشد العرق والله يوفق الجميــع |
| الساعة الآن 30 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |