|
نبي الفزعة يا أهل الفزعة السلام عليكم ورحمة الله وبركاته أخوان أعضاء ومشرفي منتدىات مزاين انا عندي موضوع غريب عجيب حن نملك ابل مقيمة لها اكثر من 26 سنة اهي ابل جدي خلف القويماني من الكويت اللله يرحمة ومسرحين فيها راعي عراقي والابل موقعها في الروضتين قبل الغزو على الكويت وعددها كان في ربيع 1990م (49 ) متن كاملة مع حيرانها والابل مغاتير فيها الشعل والحمر والشقح وكم صفرا ويوم صار الغزو على الكويت وتخبرون الديرة كلها راحت والراعي هج فالبل للعراق وانقطع اخباره من الغزو وبعد وفي سنة 1995م ارسل حرمته تتصل فينا تبينا نرسل لهم فلوس الي هي شرطة السنوي لان رحمة جدي يعطيه على السنة على حياتة 650 دينار كويتي ويوم سألنا المره على الحلال تقول على لسان رجلها الحلال الي مات والي تفجر والي ذهيب وما بقى الا 7 نياق وحن ماارسلنا لهم شي لان الكلام غير معقول وبعد مافتح الطريق للعراق قدرنا نوصل للحلال الحمد لله وابشركم اعترف بعد الضغوط والتهديد على الحلال الي عنده وسلمنا من ابلنا الي على حياة جدي 38 متن وعوض عن الباقيووووووووو وعوض عن الباقي بحلال من عند وصار عدد الحلال الحين ( 68 ) متن وابشروكم الحلال استلمناه قبل سنة ومن السنة حن نحاول اندخله ال ك الكويت او السعودية ولا حصل وعندنا صور فيديو وصور عادية ومااطول عليكم انا ابي الفزعة في الطريقة الي ادخل فيها الحلال السعودية ولا الكويت بس للعم حن حسرانين عليه اكثر من اربعين الف دينار كويتي لحد الان والراعي الي نهب الخلال استلم اكثر من 16 الف دينار كويتي شروطة والباقي راحت على الكروة و والعلف واجار ومزارع للحلال وشرط راعي وللعلم لو نجيب الحلال عن طريق ايران تكلف حول 18 الف دينار كويتي و البل مخطورة والصراحة المبلغ عالي بالحيل واليوم يا رجال نبي الفزعة منكم لاتخولنا كان عندكم حل. وسلامتكم لمزيد من الإستفسار يرجى الإتصال على الرقم 0096597876626 |
حياك الله يا القويماني والحمدلله على رجعت الحلال والله يعوضكم بالي راح لاكن الطريقه الوحيده هي إيران ولافي غيرها طريقه على حسب علمي وصحيح انها مكلفه اعتقد دخولية الناقه 450 دينار وان شاء الله تتعدل الامور في المستقبل ولا تحتاج دخوليه وتفتح الحدود مع العراق وان شاء الله تلقا من يفيدك |
ان شاء الله في المستقبل تفتح الحدود مع العراق |
الحمدلله على العقلان وعسى الله يورينا وويريك اياها مربعه في الصمان. نسمعك ولانلفهك وعسى الله يفرجك كربتك. |
مرحبا يالقويماني واهنيكم بالعقلان والله يعينكم ويفزعلكم ياخوي انا على حد علمي ان النائب سعد الخنفور الرشيدي له صله في هالموضوع واخوه اللي شارك بالمزاين كذلك والرجال راعي فزعه ونخوه وهالموقف يبي راعي الفزعه اعرض الموضوع عليه وترج من الله خير وياليتني كنت اقدر افيدك بأكر من كذا الله يفزعلكم |
الله لا يهينكم على المرور بس انا جاني رجال يسوم الحلال وهو يقول انه يدخل للسعودية عن طريق وكلا الامير سلطان |
اضرب على الكايد ليا صرت بحلان **** وعلى الولي وصل الرشا ونقطاعه مالك الا عيال ابن سعود يدخلون الرقاب فمابالك بالمطايا . |
ونعم بعيال ابن اسعود طيب كيف اوصلهم الله لا يهينكم |
أرحب يا أحمد هنيكم العقلان يا أحمد راسمالها ركعتين في جوف الليل وربك بيدبرها من عنده خذ بوصاتي وأنا أخوك. وتوكل على الله وأنت على يقين إن الله لن يخذلك. أسأل الله أن يبارك لكم في حلالكم |
أرحب يا أحمد هنيكم العقلان يا أحمد راسمالها ركعتين في جوف الليل وربك بيدبرها من عنده خذ بوصاتي وأنا أخوك. وتوكل على الله وأنت على يقين إن الله لن يخذلك. أسأل الله أن يبارك لكم في حلالكم ــــــــــــــــــــــــــــــــــــــــــــــــــ ـــــــــــــــــــــــــ عزالله انه عطاك العلم هذا هو الكلام اللي ما وراه كلام ابيض وجه وبارك الله فيك يالاحمد علمك غانم |
الله لا يهينكم على الوصاة انا اشهد ان الله مايخذل عبادة |
السلام عليكم ورحمة الله وبركاته اول شي هنيك بالعقلان واباركلك برجوع ابلك وكفو ووو يوم رديتم البل وانتم من اهلها وعزالله تستاهلون حليبها وعساها تباركلكم وتجي لوطنكم بالنسبه لدخولية البل قبل سنه تقريبا فيه واحد دخل ابله عن طريق مراكز السعوديه وهو يدعى محمد ابن دبلان الراشد من اهل الشيط فالصمان الطريقة اللي سمعت عنها وسواها يمكن بعض الزملاء بالمنتدى عنده خبر منها هي = استاجر عراقيين بردم عقم الحدود العراقيه طريق للبل لكي تعبر وسوو الطريقه طبعا باجار مبلغ مالي وركب رحوله وتوجه لحدود المملكه ونفس مافعل ساعدوه بردم العقم على ما اظن وصل لمركز الحدود او من شمال السعوديه اظن مافيه عقم لكي يتم ردمه ودخل لمركز سلاح الحدود وقال مارايح ارجع للعراق لو تذبحوني وقالو له نسلمك لسلطات قال سلموني وبعد ماسلموه لمركز سلاح الحدود بالرقعي ادعاء بان الابل ابله من قبل ازمة الكويت وانها مسروقه من ناس عراقيين قالو البل تعرض بالمزاد ولجميع المسلمين ليس شخص محدد والشخص يسجن فيها 6 شهور واول مابدا المزاد لم يتخلو عنه ربعه وبني عمه وقفو معاه وقفه مشرفه الحق ينقال حسب مانعرفه وطلبو من حضور المزاد بان لايزاودون عليهم لسبب انها عائده لشخص ولا يبغون ان يزيدون السعر عليهم ويصعب مشتراها لصاحبها الذي اخرجها من العراق بعد عنا طويل ففعلو الناس الذين وديهم يشترون ابتعدو عن الابل كمساعده لصاحبها ولم يزاودون عليه وخرجت له بما يقارب خمسة الاف ريال وهو الأن موجود في الصمان وابله موجوده بالمعنا الصحيح غامر ونجح ولو انها تكلفة عليه بعنا وسجن ومشترا اول ومشترا ثاني بعد ماخرجت من العراق واسائل الله التوفيق لي ولك واتوقع ان ايران اسهل من الطريقه التي ذكرت لك لان لايوجد بها سجن ولا يوجد بها مغامره او الانتظار لين ربك يفرجها بتحسين الامور بين العراق والكويت والسعوديه بعد مانفتحت السفارات والله يوفقك التوفيق المبارك وتقبل احترامي وتهنيتي لك اخوك الجدعي |
الله يعينك |
اقتباس:
أسأل الله ان يعينك على امرك |
الله لا يهينكم على المرور طيب عندي سؤال لو ادخل البل سورية اقدر ادخلها بعدين الكويت ولا السعودية ولا في منع بعد من سورية وشكراااااااا |
الاخ احمد هناكم العقلان وما بعد العسر الا اليسر اوصيك ونفسي بتقوى الله والاكثار من ذكره والتقرب اليه والاستغفار فهو القادر على تيسير الامور دقها وجلها اما بخصوص ايجاد الواسطات والبحث عنها فهذا شيء راجع لك ولكن اذا كنت قد دفعت للحين 40 الف وتقول انه يبيلها 18 الف ايضا وتدخل عن طريق ايران بطريقة سليمة فا اشور عليك بدفعها ودخلها بالطرق النظامية وسد حالك من حلالك وعلى ما يقولون من شال الحمل ما عجز عن باقيه اما الطرق الاخرى بمخالفة الانظمة والقوانين فا انصحك بالابتعاد عنها لانها قد تكلفك اضعاف ما انت تهرب من دفعه اللان فمغامرة الاخ الذي ذكره بعض الاخوان لا تنم الا عن جهل فاعلها ومكابرته فلو ان الحكومة طبقت بحقه النظام لاصبح حبيس السجن الى يومك ورهن التحقيق ولكن الله سلم ورسالة اود ايصالها الى جميع من يقراء الا وهي ان الانظمة وضعت لتنظيم معيشة البشر باحترام وحفظ حقوقهم وما محاولة كسرها او التحايل عليها الا سلب لحقوق غيرك فتذكر دائما ان ما تضعه الدول من انظمة يجب احترامه فهو الواقع وليست المثالية وتقبلوا تحياتي |
مبروك يا احمد وهنيكم بالعقلان انا من وجهت نظري ترفع قضيه على الجمارك وى على الهيئه الحيوانه وتشرح فيها وضعك وتجيب شهود وتحط محامي ويبي الله يدبر الامر الي يرد دخلت الابل من العراق الجمارك اذا قدرت بالواسطه تحل الموضوع احسن واحسن اما بالنسبه للسعوديه ممنوع تجيب من العراق نهائيا عن امر الامير نايف والي اعرفه انه ما استثنى احد والله يوفقكم ومبروك ردت البل |
الله لا يهينكم على المرور وشكرا |
| الساعة الآن 56 : 04 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |