|
نقاش حول الفحول بسم الله الرحمن الرحيم السلام عليكم ورحمه الله وبركاته مساكم الله بالخير اخواني اعضاء منتدى مزاين قرب على خير وقت هداد الفحول وحبيت نستفيد من بعض ببعض الامور ونناقشها وحبيت اطرح كم سؤال للاستفادة دائماً نسمع ان الفحل في اول جوله له يجي انتاجه دون شوي ولا يبين س1- هل انتاج الفحل من اول جوله يحكم على انتاجه ؟ ايضاً الكل يقول لا يهد الفحل الي اصله زين الا وهو جذع او ثني س2- هل ياثر ا ذا اضرب البعير وهو لقي ؟ يختلف الناس دائماً بوقت الهداد وهو عند ضهور سهيل البعض يفهق الهداد الى بعده بفتره عشان وقت الولاد من السنه الي بعدها س3- اي وقت الافضل بالنسبه لهد البعير في هالسنه ؟ الكل يعرف ان القعود مخلف العهود ودائماً شكله يتغير مع كل سنه او اقل تقريباً اللين يشق نابه س4- هل تتوقع ان القعود الي سبالته مهي زود وعمره لقي على وشك يجذع تزين سبالته بزود مع العمر ؟ من اكثر ما سمعنا ان البكر انتاجها مهو زود ولا يبين انتاج الفحل س5- هل يتوقع انتاج طيب من فحل ساسه طيب وابل زيان على انهم كلهم بكار والقعود اول مره ينهد ؟ س6- اذا بتحكم على انتاج قعود اول هداد له بتهده بكم من البل ؟ وسلامتكم |
ج 1 : اول انتاج الفحل باول هداده لايحكم على انتاجه . بعض الفحول يكون اول انتاجهن دون , وصغار الحجم . ومن الخطا الحكم عليه من اول بطنه , احكم عليه من ثاني بطنة . ج 2 : لم اسمع ان القعود اللقي يضرب , المعروف ان ان البعير مايهدر ولايهيج الا اذا اجذع . ج3 : الافضل انك تهد البعير من اول ظهور سهيل حتى وان لم يهيج , خله طلق مع البل , وافضل وقت للضراب هو وقت ظهور سهيل , حتى تولد البل في سهيل الي بعده ويمدي الحيران تكبر قبل اشتداد البرد . ج4 : مثل ماقلت , القعود مخلف العهود , ماتقدر تحكم عليه انه بيزين ولا بيشين , الدعوة توافيق . ج5 : حسبت مافهمت من سؤالك ان ماتقدر تحكم على الانتاج هل هو قعدان ولا بكار , مثل ماقلتلك الدعوة توافيق ج6 : اذا انتاج القعود باول هداده زين , اهده فالبل كلها . اتمنى ان اكون قد جاوبت على الاسئلة على قد فهمي للاسئلة وعلى قد خبرتي فالبل . اخوكم : طراد العتيبي |
نقا ش مفيد لكن السؤال هل الفحل منحه 00اي ممكن ينتج عندك ولاينتج عندى طبعاً الانتاج الطيب |
حياك الله يابومعيض على الموضوع المميز وبالنسبه لسؤالك يافيصل اقول نعم وهذي حظوظ ووهايب من الله. |
لا هنت ياطراد على الرد ولا هانو الاخوان على التعليق واتمنى اني اسمع رد الكل على هذا الموضع وحياكم الله |
س1- هل انتاج الفحل من اول جوله يحكم على انتاجه ؟ مالك لوا وانا آخوك بعض الركاب يجيك إنتاجها دون في البدايه وعقبها يبدا يزين ويجيك إنتاجه على مايقولون ( إكه ) ومنها ركاب معروفه وفيه ركاب إنتاجها دون ويبقى دون . س2- هل ياثر ا ذا اضرب البعير وهو لقي ؟ بعض الركاب إذا هديته وهو لقي يهجره الضراب (يبقى على شكله الحالي وعلى جرمه يعني العمر) وبعض الركاب العكس والافضل إنك تهده وهو جذع. س3- اي وقت الافضل بالنسبه لهد البعير في هالسنه ؟ إذا اروح البعير سعد هده يعني إذا طلع سهيل وإذ عاد البعير بطين جدا خله ينجرد وهده على شان ما ينفتق. س4- هل تتوقع ان القعود الي سبالته مهي زود وعمره لقي على وشك يجذع تزين سبالته بزود مع العمر ؟ يقولون الشيبان إن زين البعير يكتمل إلين يوصل للثني ويزين إنتاجه اكثر لما يوصل للرباع ولاهي بكل الركاب. س5- هل يتوقع انتاج طيب من فحل ساسه طيب وابل زيان على انهم كلهم بكار والقعود اول مره ينهد ؟ علم الغيب عند الله سبحانه وتعالى. س6- اذا بتحكم على انتاج قعود اول هداد له بتهده بكم من البل ؟ اهده فالبل كلها. هذه وجهة نظري وبعض من الخبره والراي راي الله ثم راي المطاليق اخوك حسين الوايلي |
اقتباس:
حسين كفا ووفا ولاهوب قصور فى الربع |
أخواني متى طلوع سهيل بالتاريخ وفقكم الله |
طلوع سهيل تاريخ 24-8 ميلادي. |
اقتباس:
مشكووووور أخي علي ال مرعي حفظك الله |
دائماً نسمع ان الفحل في اول جوله له يجي انتاجه دون شوي ولا يبين س1- هل انتاج الفحل من اول جوله يحكم على انتاجه ج_ الاانتاج توفيق من اللة وعطيك دليل فحل زايد بن هجرس اضرب جذع ونتاجة كفو _وحصلت واجد ان فحل يضرب ناقة وتجيب بكرة كفو ويرجع يضرب نفس الناقة وتجيب بكرة عادية س2- هل ياثر ا ذا اضرب البعير وهو لقي ؟ ج_في الغالب يوئثر الضراب في سن لقي على عمر القعود س3- اي وقت الافضل بالنسبه لهد البعير في هالسنه ؟ ج_اذا عصب بطنه وطلب الناقة عشان ماينبعج س4- هل تتوقع ان القعود الي سبالته مهي زود وعمره لقي على وشك يجذع تزين سبالته بزود مع العمر ؟ ج_الفحل يتغير شكلة في مراحل عمره ويتوقف اذا شق نابة من اكثر ما سمعنا ان البكر انتاجها مهو زود ولا يبين انتاج الفحل س5- هل يتوقع انتاج طيب من فحل ساسه طيب وابل زيان على انهم كلهم بكار والقعود اول مره ينهد ؟ ج_الناقة البكر في اغلب الحالات تنقد على انتاجها والسبب يكون بطنها صغير وتلحض ولادها او بنتها كل مافية صغير طبعن لكل قاعدة شواذ س6- اذا بتحكم على انتاج قعود اول هداد له بتهده بكم من البل ؟ ج_ هنا التوفيق من اللة ثم حضك 1_يمكن تهدةبناقة واحدة ونتاجة يكون من النوادر 2يمكن تهدة في 50 ناقة ويكون انتاجة كلة في هل فصلة وسط (اغلب الفحول المنتجة يجيب في البرق بكرة او بكرتين من النوادر وجزء طيب وجزء وسط وجزء ردي) وكل هاذا يرجع على التوفيق من اللة وشكرك على الموضوع |
لاهنتو يالربع واشكر جميع الاخوان الي عطونا من خبرتهم |
مشكور على الموضوع الطيب والاخوان ما قصروا وما خلو شي |
اقتباس:
انا معك اخوي عناد كلامك سليم ومقنع |
لاهنتو يالربع على المرور العطر واشكر من تجاوب معنا وادلى بدلوه في هذا الموضوع |
في الحقيقة إن فائدة هذه الخيمة واضحة وهي تسليط الضوء كما ذكرت على المواضيع الهادفة والتي تنمي لدى المربين الكثير من الثقافة في التربية ويعد مثل هذا الموضوع من أهم المواضيع التي تفيد المربين واشكر الأخ بندر على طرحه ولولا جلبه لهذه الخيمة لأصبح في ذيل القائمة ويسرني المشاركة فيه بما اعرف (دائماً نسمع ان الفحل في اول جوله له يجي انتاجه دون شوي ولا يبين س1- هل انتاج الفحل من اول جوله يحكم على انتاجه ؟) إن الجينات لا تختلف في الفحل من عمر لأخر وإنما يكتمل نضج الفحل في عمر جذع وحسب ما قرئت وعرفت من المختصين بان الإنتاج لا يختلف في أي عمر كان بعد سن الجذع (ايضاً الكل يقول لا يهد الفحل الي اصله زين الا وهو جذع او ثني س2- هل ياثر ا ذا اضرب البعير وهو لقي ؟) في الواقع التأثير يكون في النمو فقط حيث الفحل عندما يهيج و يعصب يقل أكله فبالتالي يضعف نموه وهذا يشمل جميع الفحول على حد سوى ناهيك عن انه لا يكتمل نضجه إلا بسن الجذع (يختلف الناس دائماً بوقت الهداد وهو عند ضهور سهيل البعض يفهق الهداد الى بعده بفتره عشان وقت الولاد من السنه الي بعدها س3- اي وقت الافضل بالنسبه لهد البعير في هالسنه ؟) من وجهة نظري فان أفضل موسم لهدد الفحل هو بعد أن تبرد الأرض وترى الثرى فيها وهذا لا يكون إلا في نجم السماك في الوسم والذي يوافق نهاية شهر أكتوبر من كل عام وقد تحدثنا عن هذا كثير ، ولكن هناك بعض الفحول التي تهيج مبكرا وخاصة الصغار في السن أو التي تكون مفكوكة مع أمهاتها وتشم الجسرة في الإبل وهي عادتا ما تبدءا في نهاية الصفري وبداية الوسم ومنها ما هو ابكر من ذلك وليست قاعدة عامه وانما الحرص يجب ان يكون على هل الناقة متهيئة للعشار في الوقت أم لا ؟؟ هذا السؤال المهم (الكل يعرف ان القعود مخلف العهود ودائماً شكله يتغير مع كل سنه او اقل تقريباً اللين يشق نابه س4- هل تتوقع ان القعود الي سبالته مهي زود وعمره لقي على وشك يجذع تزين سبالته بزود مع العمر ؟) التغيرات كما تفضلت في القعود لين يشق نابه والسباله جزء من جسم الفحل التي يشملها التغيرات فهذه لا احد يجزم بها لأنها من الغيبيات التي لا يعرفها الإنسان وتخضع للتركيبة الجينية لساس القعود ولكن الملاحظ دائما بتقدم القعود بالعمر ترتخي سبالته ولا يعني أنها قاعدة عامه من اكثر ما سمعنا ان البكر انتاجها مهو زود ولا يبين انتاج الفحل س5- هل يتوقع انتاج طيب من فحل ساسه طيب وابل زيان على انهم كلهم بكار والقعود اول مره ينهد ؟ وما المانع في ذلك ؟؟ ولا ننسى بان العرق دساس (س6- اذا بتحكم على انتاج قعود اول هداد له بتهده بكم من البل ؟) اعتقد أن اقل ما يمكن الحكم عليه هو من 7 إلى 10 من أفضل ما تملك من النوق مختلفة في العمر لكي تعرف الفرق والحقيقة هناك مفهوم أراء انه خطاء وهو كثير من أهل القعدان يهده في أردى إبله بحجة انه إذا أنتج أفضل من أمهاتها فهو طيب وهذا غير صحيح فإذا كان القعود طيب وهديته في ابل مستواها الجمالي دون فبكل تأكيد سينتج بعد توفيق الله أفضل من أمهاتها ولكن إن أردت الاختبار الصحيح فهو أن تهد القعود في أطيب البل فان أنتج أفضل من أمهاته فأحفظه وان لم ينتج فتخلص منه لأنه لن يرفع البل بل العكس أتمنى أني قد أضفت للموضوع ما يفيد وتقبلوا تحياتي |
كل الشكر اخي عبدالرحمن على مشاركتك بهذه المعلومات القيمه ومشاركتك اضافه لهذا الموضوع تقبل تحياتي |
كل الشكر للاخوان على هالمعلومات المفيده |
لاهنتو على المشاركه يا اخوان ونتمنى المزيد لاثراء معلوماتنا جميعاً بكل ما يخص الفحول وقت الهداد واساليب وطرق قد تخفى عن البعض او كيفيه تقييم انتاج القعود في اول بطنه دمتم بود |
~.~ لا هنت وسلمت يمينك ~.~ |
| الساعة الآن 12 : 03 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |