|
بخصوص تفحيل القعدان السلام عليكم ورحمة الله وبركاته,,, صبحكم الله بالخير جميع ... السؤال سلمكم الله عن الفحول المشهورة بالأنتاج كوحيدان أو خشبان أو حجاب أو تمام....... الخ هل بالضرورة عيالها تجي عليها من ناحية زين النتاج , يعني اشتر قعود من احد عيال الفحول المنتجة وانت مستريح البال أو هناك شك من كون القعود مجذوب في زين الشكل فقط ولم يجذبه ابوه في زين الانتاج والرجاء ذكر أمثلة إن امكن , والشكر موصول للجميع مقدماً |
وعليكم السلام ورحمةالله وبركاته الاخ فهد كل شي يجي بالتوفيق من الله سبحانه والعرق دساس ممكن يكون الاب ممتاز وجذب انتاجه وتكون الام دون المستوا وتجذب انتاج انتاجها والساس الطيب يجيب بأذن الله الطيب فالحرص يكون من ناحيت الفحل والناقه وفي بعض الابل يكون شكلها عادي وبطنها زين وتقبل تحياتي |
كما قال الاخ جدعان يجب ان يكون ابوه طيب وامهاته طيبات تقبل مروري |
اقتباس:
اخوي فهد الولد والقعود مخلفين العهود اذا تبي تفحل قعود لازم يكون ابوة منتج وامة طيبة وساسة طيب وتوفيق من اللة سبحانة وماهوشرط يجي انتاجة طيب لن يعتمد على البل اللي بتفكه فيها مثال تمام وعيالة غريب ولد تمام اللي كان يملكة زايد بن هجرس ونتقلت ملكيتة لبا اروس العنزي انتج انتاج ازين من انتاج اخوانه اللي يفوقونة جمالن مثال اخر يجيك فحل شكلة عادي وبناتة طيبات ولدة عادي وانتاج ولده مثل ابوه في فحول واجد يجيك انتجها طيب بس في البكار والقعدان وسط وفي فحول يجيك انتاجها طيب بس في القعدان وفي فحول جامعة طيب البكار والقعدان ماهو شرط ان الفحل يكون شكلة طيب لن الفحل اغلب انتاجة يشبة امة وخواتة |
اقتباس:
|
تفحيل القعدان له قواعد وطبعا لكل قاعده شواذ ومن القواعد اللي يعتمدون البدو عليها 1-البل هد اسرارها بمعنى حتى لو كان الفحل شكله دون يمكن يفحل اذا صارت امه طيبه وهذا اهم شي ويكون ابوه طيب وتكون خواته من الفحل طيبه 2-القاعده الثانيه الفحل هاد روحه وهو القعود اللي يجبرك زينه على تفحيله حتى لوكانت اسراره دون. 3- اما ان اجتمع الزين والاسرار الطيبه اى العموق الطيبه فهذا هو المطلوب اما الانتاج ماتقدر تحكم عليه حتى لو جمع الزين والاصل والتجارب كثيره .- |
الاخوان / جدعان الجدعان , خالد السقياني , عناد العتيبي , حسين الوايلي , علي ال مرعي... جزاكم الله خير على المرور والتفاعل والمسألة مثل ما تفضلتوا ارزاق يقسمها رب العالمين |
اقتباس:
أتفق مع أخوي علي |
اقتباس:
وانا معك في هالكلام |
الاخوان/ فهد , صنهات.... جزاكم الله خير على التفاعل وبالمناسبة ولد الناقة ردية الشكل طيبة البطن اذا كان طيب من يومه حوار يهد وإلا ردى امه يعيبه . |
كما قال الاخ جدعان يجب ان يكون ابوه طيب |
-القاعده الثانيه الفحل هاد روحه وهو القعود اللي يجبرك زينه على تفحيله حتى لوكانت اسراره دون اخوي علي ال مرعي في احد جرب اللي ذكرتة ومافشل انتاجة لن هاذي تعتبر مغامرة وش تقصد اسرارة دون يعني ساسة ردي لن اذا القعود ابوه منتج وامة طيبة هذه فحل مافية كلام ينهد بس اذا القعود ابو منتج وامة عادية شي طبيعي بيفشل |
ما اعطب المسلمين الا هااااااااااااااااااد روحة |
عز الله إنك جبتها يابو سند هذا الكلام الصحيح ( ما اعطب المسلمين الا هااااااااااااااااااد روحة ) |
هذا سوال طيب يابن شديد نبي الاجابة |
يالربع الرجل يقصد ساسه دون من بعيد ما هي أم القعود مباشرة أنها هي رديه أنا مع اخوي علي ال مرعي |
افحل الي ابوه منتج وامة طيبة ولاعلي من شكلة )افحلة وانا مغمض( محطات بيع الأبل امتلة من الفحول الي اشكالها صور لاكن بدون فايدة . انا اعرف واحد عندة جمل احمر هادة في وضح ابوة اوضح هدة في الأبل ولقحة الأبل علية وخصاة وخلاه رحوك للأبل جاء انتاجة مثل ابو الفحل ( فاخر ) |
السلام عليكم ورحمة الله وبركاته الله يعطيك العافيه يا ابو عبداللطيف على السؤال سبق التطرق لهذا الموضوع قبل هذه المره بمواضيع مختلفه واعتقد ان الفحول تهد على ساسها وليس على اشكالها لمن لا يريد ان يخاطر يعني اللي يبي يشتري قعود وغالي يجب ان يعرف جميع عائلته ( الاب والام ، الاخوات، الجد والجده للاب وللام) فهو سيكون حامل لجميع الجينات والصفات الوراثية الخاصة بالعائله اما السؤال هل اذا كان القعود من انتاج البعير المشهور الفلاني اشتريه واهده وانا مستريح فا اعتقد انه من الخطاء بمكان فعل ذلك، فهناك على سبيل المثال احد الفحول التي غطاء صيتها جميع البلاد وبدون ان نذكر الاسماء وله من الانتاج الكثير لم اشاهد احد من ابنائه انتج شيء يفوق الوصف او افضل من ابوه او حتى مثل ابوه ونرجع لسابق ما ذكرنا وهو ان اردت التفحيل فابحث عن الابل ذات الساس من عند ملاكها والتي اعتقد انهم اصبحوا قلة هذه الايام حيث توزعت ابلهم بين الناس باسباب الشراء والبيع وتقبلوا تحياتي |
الأخ نواف الرافد/ جزاك الله خير على المشاركة وحنا متفقين على طيب الأب بس الكلام على الأم الأخ ماجد الشيباني / جزاك الله خير على التفاعل واللي فهمت من كلامك لا تتعب على القعود حتى لو كان طيب جداً طالما أن امه ردية أو عاديو الأخ هادي / جزاك الله خير على المشاركة المختصرة المفيدة ومعنى كلامك نفس معنى كلام ماجد الشيباني الأخ خالد الحجي / جزاك الله خير على التفاعل ونفس المعنى السابق . (ان الله كتب مريتك بعد كم يوم) الأخ بدر العازمي / الله يطيب فالك يابدر والشباب ماقصروا عطونا الاجابة الأخ فهد الخالدي / مالك لوا يالسمي أنا اقصد أم القعود مباشرة ورداها في الشكل والا البطن طيب الأخ مبارك الرمالي /جزاك الله خير على التفاعل ومعنى مشاركتك ان تردى الأصل لا يهمك الشكل الأخ عبدالرحمن عبدالعزيز / وعليكم السلام ورحمة الله وبركاته,,, الله يعافيك يابو خالد وبعض المواضيع متجددة ولا تغيب عن الساحة وهذا منها وكلامك يابو خالد تأكيد لكلام الاخوان السابق مع توسيع رقعة الدائرة لتشمل الجد والجده من الجهتين وأنا اشوف ان الفحل اذا كان مشهور بالاننتاج فما علي من ابوه وجده الحقيقة اشكر جميع الاخوان على التفاعل الطيب وكما توقعت لا جديد في الموضوع فالتركيز على الأصل هو القاعدة لم يريد التفحيل أي ان الساس قبل الراس وإن اجتمع الاثنين فاجتمع العنبر ودهن العود , وان طاب الراس وخاب الساس فلا تغامر فهذا مصيره الفشل . طيب ياخوان فيه سؤال بسيط يطرح نفسه : ان كنا متفقين على أن الاصل هو الأساس والشكل مثل ما يقولون سموحة خاطر , لماذا ينطبق هذا الكلام على القعدان دون البكار بمعنى أن بعض البكار أمها ردية جداً والبكرة طيبة جداً وتشترى بأغلى الأثمان والشواهد كثيرة طيب....البكرة هذي بتصير ناقة وتضرب من بعير طيب وتجيب قعود طيب..... هذا القعود يفحل وإلا لا؟ ابوه طيب وأمه طيبة وهو طيب..... إن قلنا الأصل فجدته ردية واخوان أمه ما فحلوا , وان قلنا الشكل ( هاد روحه) هدمنا كلامنا الأول ... آسف يالربع طولت عليكم لكن هذي خاطرة حبيت تشاركوني فيها... وسلامتكم . |
حياك الله يافهد وملاحظتك الاخيره في محلها وفيه فحل من ازين فحول الجزيره وامه من اطيب البل وابوه كذلك وانتاجه طلع متوسط والسبب كما ذكرت الساس وليس الام فقط لذلك ودك بالقعود اللي من ابل مقيمه وطيبه. |
طيب....البكرة هذي بتصير ناقة وتضرب من بعير طيب وتجيب قعود طيب..... هذا القعود يفحل وإلا لا؟ ابوه طيب وأمه طيبة وهو طيب..... إن قلنا الأصل فجدته ردية واخوان أمه ما فحلوا , وان قلنا الشكل ( هاد روحه) هدمنا كلامنا الأول ... آسف يالربع طولت عليكم لكن هذي خاطرة حبيت تشاركوني فيها... وسلامتكم الاخ فهد بن عبدالطيف 1 صحيح تلقى بكرا طيبه وامها رديه وتنباع بقيمه عالية والسبب التنافس في المزاين اما القعود لاصارت امه ردية ماللك حاجة فية 2القعود اذا صار ابوه منتج وامة طيبه الشكل والساس وجدته من امه رديه فحلة وتوفيق من اللة |
الأخ عناد / الله لا يهينك على المشاركة وملاحظتك الأولى في محلها وهي ـ من وجهة نظري ـ اللي تفسر وجود وجود ذود من المزايين ومقهوره اكثر من ثلاثة ارباعه من المتوسط وتحت |
وعليك السلام ورحمة اللة وبركاتة اخوي فهد الولد والقعود مخلفين العهود اذا تبي تفحل قعود لازم يكون ابوة منتج وامة طيبة وساسة طيب وتوفيق من اللة سبحانة وماهوشرط يجي انتاجة طيب لن يعتمد على البل اللي بتفكه فيها مثال تمام وعيالة غريب ولد تمام اللي كان يملكة زايد بن هجرس ونتقلت ملكيتة لبا اروس العنزي انتج انتاج ازين من انتاج اخوانه اللي يفوقونة جمالن مثال اخر يجيك فحل شكلة عادي وبناتة طيبات ولدة عادي وانتاج ولده مثل ابوه في فحول واجد يجيك انتجها طيب بس في البكار والقعدان وسط وفي فحول يجيك انتاجها طيب بس في القعدان وفي فحول جامعة طيب البكار والقعدان ماهو شرط ان الفحل يكون شكلة طيب لن الفحل اغلب انتاجة يشبة امة وخواته معك اخوي عناد العتيبي |
اقتباس:
ياابوحسين |
أررررحب يا فهـــد .. أول وأهم شي في القعود اللي بتفحله شف إمــه إن كانها طيبه وساسها أطيب هده ثمن عاد أبوه له نسبه لكن أقل من الام ..... تقبل شكر واحترامـ مح ــبك تركي الكبرى |
أنا أحب أضيف شيئ بسيط وهو أن فيه ناقه يسمونها البدو أم الفحول إذا جابت قعود من بعير طيب فحلوه بغض النظر عن زين ولدها ويقولون هذا ولد فلانه من البعير الفلاني والله اعلم |
رغم التأخر في المشااااركة الا ان فيه قاعدة مهمة في ساس الفحل وهي معلومة لدى اصحاب الابل وهي انك ماتهد ولد البكر حتى لو كانت طيبة وابوه طيب وشكله طيب 0 والله اعلم تحيـــــــــــــــــــــــــاتي |
يابو شديد السلام عليكم ورحمه الله وبركاته اولا الانتاج بتوفيق الله وثانيا ساس القعود واذا كنت ظربت على القعود فخبر اليوم بقروش بكرة ببلاش اصبر وش الانتاج ورب البيت كريم |
الله يجزاكم خير على هالكلام المفيد |
السلام عليكم وما اتعدا عليكم بس اسرار القعود من صوب امه وابوه تلعب دور كبير وزبده على المنتوج ولاهنت على الموضوع اطيب تقبلو مروري |
شكرا لجميع الأخوة على مداخلاتهم القيمة |
السلام عليكم انت تقصد ان كان زقم لاكن ابوه طيب هذي تكون بحاله وحده اذا ام و ابوه طيبين وهو زقم يمكن ينتج شي زين ويمكن لا |
مالك لوا اخوي فلاح قصدي الله يحفظك ان كان القعود طيب ( هاد روحه) وابوه طيب ومسمى وأمه رديه... هذا ينهد والا ماينهد والموضوع ما قصروا الأخوان اثروه وكل ادلى بدلوه |
السلام عليكم ورحمة الله وبركاته ماني بأخبر منكم بالفحول والإنتاج لكن فيه مقوله للبدو مامدى صحتها يقولون الجمل من خواته والتيس من امهاته والطلي من قطاته (مداخله) |
~.~ لا هنت وسلمت يمينك ~.~ |
الي يدور الفحل لا يفحل الى ولد الفاطر هو يجي اطيب عمر واطيب انتاج هذي مجربه |
وعليكم السلام ورحمة الله وبركاتة بيض الله وجهك ياابوعبداللطيف على الطرح الجميل ولاهنت ياالنشمي التوفيق بيد الله سبحانة اما بنسبه للطرح البعير اهم شي يكون ساس البعير طيب ومعروف انتاجة اذكر بعير ابن صاهود العريني بعيره عويجين عياله مافيهم كلام كلهم انتاجهم طيب |
السلام عليكم ورحمة الله وبركاته اخوي فيصل ماهو صحيح لان في مواضيع سابقه طرحنا موضوع عن تفحيل ولد الناقه البكر واذا كانت طيبه واصلها طيبه وابوه طيب باذن الله انه ينتج وفيه ناس ذكرو بعارين منتجه ومشهوره من ضمنها وحيدان . |
اذا بتهد قعود شف خواته وهد |
رد: بخصوص تفحيل القعدان والله يالربع كلها توفيق وبركة من الله لكن انا ياواحد لو شريت لي ناقة طيبة واعرف ساسها انه طيب ومن ابل طيب وحملتها في ظهر الدينا ووديتها فحل مشهور زين وساس وجابت لي قعود في شكله اقل من ان يكون فحل للبل.........فالحالة هذي تمشي على قاعدة هدو اسرارها لانك تعرف ام القعود انها طيبه ومافيه اي شك والفحل كذلك اللي هذا القعود ولدة الحالة الثانية اذا شريت لك ناقة لقحه من رجال ثقه وجاب لك علوم الناقة ومدح لك ساسها بالحيل .طبعن الناقة يقول لك الرجال اللي شريتها منه انها ضربته في محوله السنة الماضيه في مفلاها ولا يدري وشهو البعير اللي ضربها ولايعرف عنه اي شي وجاب لك قعود طيب بالحيل على لونها طبعن والقعود ترشحه فحل 95% في الحاله هذي تمشي على قاعد هاد روحه هذي الطريقة اللي رح اطبقها لو دار الدهر و مرت على جميع الحالتين |
| الساعة الآن 50 : 07 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |