الــــتجــــاره يــــامـــدور لـــلتـــجاره = فـي عـطايـا الله ولاهـي بـالـتجـوري
أشــتر الـطيـب تـرى مـاهـو خـساره = إشـتره لـو زاد سـعره طـيع شـوري
زيـن شـوف الـذود فـي جـوٍ خضاره = عــقب وسـمٍ مـاوطـاه الا الـطيـوري
تنشرح نفسك وتنسى اهل الحضاره = ولاتـفكـر بـالـغيـاب وبـالـحضـوري
إنــطل الــجوال فــي وســط الـغمـاره = ولا تـجاوب لـو يـقول أنه ضروري
خـــل ولـــد اللأش يـــاجــعلــه وداره = يـــنثـــبر يـــاجــعلــه الله لــلثــبوري
أتــرك أهــل الــمدن كــلٍ وسـط داره = والـشوارع مـابـها الا أزعاج بوري
لاقــعمــت الــنار فـي راس الـزبـاره = بـالـحطـب سـويـت لـك دله وغوري
ثــم جـوك الـلي لـهم بـالـطيـب شـاره = كـل مـنهـم لـه بـفعـل الـطيـب دوري
جــيت الــلي مــثلــهم تــجلا الــمراره = نــقوةٍ مــافــيهــم الــلي بـه غـروري
لاتـــقبـــل مـــن أحـــدهـــم أعـــتذاره = عـن كـرامـتهـم تـرى مانت معذوري
ولاتـــقهـــويـــتم مــن الــبن وبــهاره = طاب كيف الراس وارتاح الشعوري
عــطف الــخلــفه وقــربـلك غـضاره = وحـلب الـلي لانـحوس ولاجضوري
وخــل رغــوه يـرتـكز مـثل الـمنـاره = ثــم عــده لــلربــع طــازج و فــوري
والـعشـاء فـي خـضبةٍ وسـط القراره = ريـــحهــا مــاكــنه الا ورد جــوري
والـصبـح قـرب حـطبـك وشـب ناره = ولاتــقهــوو قــم وجــهز لــلفـطوري
والـــغداء عـــجلـــه فـــي أول نــهاره = كـود ربـعك عـندهم بعض الاموري
وعــسى يــمنــاك يــالــطيـب مـجاره = مـن صـواديـف الـليـالي والشروري
قـــمت بـــالــواجــب وكــلٍ واقــتداره = والــمراجــل مــاتــبي كـذبٍ وزوري
والــشطــاره خـلهـا لاهـل الـشطـاره = خـــلهـــا لــلي يــحبــون الــتجــوري

المشاركة الأصلية كتبت بواسطة صنهات الدوسري (المشاركة 160067) صح لسانك وبيض الله وجهك

المشاركة الأصلية كتبت بواسطة صنهات الدوسري (المشاركة 160067) صح لسانك وبيض الله وجهك

المشاركة الأصلية كتبت بواسطة بدن بن فهد السبيعي (المشاركة 164122) التـجـاره يـامـدور للتـجـاره في عطايا الله ولاهـي بالتجـوري صح لسانك ياهاجد على القصيده الرائعه ومشكورررررررر

المشاركة الأصلية كتبت بواسطة حاصل اليامي (المشاركة 201585) صح لسااانك يابو صنيدح وننتظر المزيد طال عمرك

صح لسانكـ
ولاهــنت على النقل
الطـــيب
***

كفو
صح
لسانك
هاجد صنيدح السبيعي
ارجو ان
تقبل
مروري