أسحب الحوار... خلها تلد وحدهاء
 

السلام عليكم ورحمه الله
أخواني أعضاء المنتدي الرائع
نلاحظ بعض الناس عند ولاده الناقه يقوم بسحب الحوار من بطن أمه.
ونلاحظ بعض الناس عند ولاده الناقه يتركها حتى تلد وحدها حتى لواستغرقه الولاده عده ساعات.
السوال هو؟ أيهما أصح وأنفع وأريح للناقه من وجهه نظرك؟

من رايي اذا تعسّرت الناقه تسحب الحوار والسحب له طريقته
اما لا صارت الولاده سهله فخلها أبرك لها لا تطير الناقه وتشغلك لأن بعضها لامنها استطارت ماعاد بركت وهذي مشكله

اشكرك علي مرورك.

فيه شايب اعرفه عمره حول المية مايقرب الناقة وقت الولادة ويمنع عيالة انهم يقربونها

ويخليها تلد بروحها ولم تحصل عنده اي مشكلة مع ابله اثناء الولادة

اما رايي انا ان الشخص يحاول يساعد الناقة برفق شديد ولايجر بقوة ويكون ذلك مع دفع الناقة

لان جر الحوار بقوة قد يؤثر على خروج المشيمة بعد الولادة ويؤدي الى احتباسها

انا من رأيي ان السحب في بعض الحلات ومثل الطريقه الي وصف فيها الأخ مبارك المري

الي هي بعض الأبل حين ولاتدها تمشي وراس حوارها طالع وممكن تبرك عليه حين جلوسها

او ممكن يقع الحوار منها وهي تمشي


وفي حلات الحسر فقط

وما الحاله العاديه فالأفضل انها تلد لوحدها
.................................................. ..................................

لان جر الحوار قد يتسبب بجر الرحم معه وهذا كبر خطر على الناقه

وقد تنفر بعض الأبل من جر الحوار حتي وان كانت ذايقه ولاده

والله سبحانه

يسهل أمر الولاده للبشر والحيوانات

مع كلام ابن شريه ولا يهونون الاخوان

أنا مع كلام اخواني مبارك وابن شريه
وعطونا الجواب الكافي

انا ارى كما يرون الشيبان اهل الابل

وهم اعرف منا واكثر تجارب

ويقولون خل الناقه ولاتقربها ولا تساعدها ابد الا في حاله ان هناك حاله تعسار

وفيه سالفه مشهوره لخضير بن شامان وهو من اشهر اهل الابل وابله من اشهر الابل وكانت معروفه ابل خضير ما يشرب معها ابل من حوضها

كان يشترط على راعيه انه ما يساعد اي ناقه مهما كانت حالتها

وفي يوم من الايام جا حيرانه مقهور ابله وهو بروك وجفله وقامت وحده من البكار وابطت وهي على ركبها ما قدرت توقف بسرعه

وصاح على الراعي ليش تجرها وانا مشترط عليك انك ما تقرب شي من الابل وقت الولاده تعذر الراعي انها ابطت وهي تولد وان البل غدت عليه وساعدها خايف البل تضيع

هنا طرده خضير وقال له مالك عندي من الشرط الا البكره اللي انت ساعدتها في الولاده

مع كلام مبارك المري

الشباب كفو ووفو .

مع كلام مبارك المري

انا بوجهة نظري المتواضعه اذا الناقه فاطر ساعدها واذا هي نشيطه خلها ابرك الا اذا كانت على بعير طيب ما ظنيت ان راعيها بيصبر يبي يعرف وش الفتشه

مع اخوي ابن شريه

أشكر الجميع علي المرور
والتفاعل المفيد.
.

مع العرق ولا هو قصور بالأخوان

اشكرك يامبارك علي مرورك
ونتظر ردود الباقين حتى تعم الفائده للجميع .

أنا أشوف ان مساعدة الناقة أحسن ودها بكر ولا فاطر
ولاكن اللي بيسحب الحوار لايسحبه مع دقيق العظم
لازم يكون السحب من فوق ركبه عشان الحوار ماينطرق
ويسحبه مع جهة حيا الناقه.

لاهنت ياراشد على ايراد قصة الفارس المشهووور خضير بن شامان الهواملة (( راعي الحرشا ))

والسالفة ما انتهت
خذا الصبي البكره اللي عطاه اياها خضير
ودارت السنين وفي يوم من الأيام ورد خضير بابله على الماء ومن عادت ابله تعدي البل من الما اللي تشرب منه
ولا يدحمها ابل عليه
ولاكنه تفاجأ براعي ابل ورد عليه ويصيح على البل ويقوول اقطع لها من جنبها عصا اقطع لها من جنبها عصا
وخضير يسمعه ويتفكر في ذا البل اللي دحمت ابله وشربة معها يوم تفهقت عن الماء ألا بعضها متسحكة جنوبها ورايح
بعض شعرها في بعض .
قال خضير ويش انت ياللي مابعد شرب مع ابلي ألا ابلك ياذا الرجال
قال ليه ماعرفتني يوم اني أصيح وأقول أقطع لها من جنبها عصا
أنا الصبي اللي ضميت عندك ذاك الزمان وعطيتني البكره
هاذي بناتها اللي تشوف
قال خضير ياحيها من أبلي ولا هيب من غيرها.

وأعذروني على الأطاله وتقبلوا تحياتي.

لاهان طارح الموضوع

ولا هانوا الاخوان اللي ادلوا برايهم وفادوا واستفادوا

ولا هان من جاب سوالف الاولين جعل اموات المسلمين في الجنه

ولاتهون أخوى خالد
اشكرك واشكرك الاخ محمد على المرور
والحمد الله لقد استفت من طرح الأخوان واتضحت بعض الأمور المتعلقه باولادة الناقه واتمنا ان يستفيد الاعضاء والزوار من الموضوع .

طيب ياأخوان : طالما ان الغالبية يحثون على ترك الناقة تلد بدون مساعدة ،،، كيف نعرف أنها تعسرت وأحتاجت للتدخل ، هل هناك ساعات محددة نعرف بعدها أن حالة الوضع غير طبيعية ، وهل يحصل التعسر بالرغم من خروج بعض من اجزاء الحوار ، أم ماذا ؟ أفيدونا مع الشكر،،،،،،،،

اشكرك اخ فارس علي مرورك
واتوقع ان الناقه اذا تاخرة في الولاده تكون متعسره.
اما اذا خرج جزء بسيط من الحوار فتوقع انها لاتكون متعسره. والأخوان يفيدونا اكثر.