|
بياض العين الاسباب والعلاج؟ احيانا تجد في عيون بعض الابل بياض غير طبيعي ويكون مغطي على البؤبؤ علما انها لم تتعرض لاي ضربة في العين الرجاء من لدية معرفة وعلاج من الطب الشعبي اوالطب الحديث التفضل لتبادل الخبرات والتجارب |
[]اخي مسعود العماري هذه عتامة القرنيه وهي من اكثر الحالات اللتي تصيب عيون الابل ومسبباتها اما كدمه خارجيه او مضاعفات التهاب القرنيه او بسبب نقص التغذيه خصوصا عند الاصابه بنقص فيتامين أ العلاج في حالة الكدمه الخارجيه تغسل العين بالجلوكوز تركيز 10بالمئه وبمضادات الالتهاب اما في غير ذلك فتعالج بالمضادات الحيويه واسعة الطيف من مراهم او قطرات مثل TERRAMYCIN EYE OINTMENT اوNEO_HYDROPS كما يجب حقن مضادات الالتهاب تحت القرنيه مثل دواء CORTAMETHASONE اما حالة العتامه بسبب نقص فيتامين أ فيجب تعويض الحيوان باحد مستحضرات فيتامين أ وتقبل خالص التحيه اخوك [/ |
مشكور وجزاك الله خير |
السلام عليكم ورحمة الله وبركاته وبعد،، لقد حدث عندي مشكله في العام الماضي لناقه اشتريتها من السوق ان عميت تماما واصبحت عيونها بيضاء وتم نقلها لجامعة الملك سعود بالقصيم الكليه البيطريه واكتشف ان بها فقر دم كبير جدا وقد تم علاجها منه بأعطائها حقن من التالي: * فيركوبسانج ( حديد + كوبلت ) 15ملم لمدة من 3-5 ايام * اوليقوفت ( ملتي فيتامين ) 15ملم لمدة من 5-10 ايام اما العين فقد تم اعطائها قطره (3-5 نقط ) بالعين مرتين في اليوم لمدة خمسة ايام وبالامكان تركيبها من : 1ملم تترا سيكلين 1ملم مضاد حيوي بنسلين مع استرومايسين 2ملم ملتي فيتامين وحدث نفس المشكله مرة اخرى في ناقه اشتريتها حديثا وعملت نفس الاجراء وبحمد الله تم شفائها كما يفضل ان تستخدم ابرة الهيام وتكرر بعد 14 يوم كاجراء علاجي اذا كان يوجد بها ثلاريا بالدم او اجراء وقائي منه وتقبل تحياتي |
لاهنت اخوي عبدالرحمن على المرور والتعليق واثراء الموضوع ولك جزيل الشكر |
اخي عبدالرحمن شكرا جزيلا لتزويدنا بتجاربك وهذا من طيبك هنا يتضح دور التغذيه السليمه فلازالت هي الاساس وهي الدواؤء قبل العلاج فالناقه المعافاه تكون لديها المناعه الكافيه للحمايه من الامراض واكرر شكري وتقديري ودمت بود اخوك |
شكراً جزيلاً للأخوان عيد المنصوري و عبد الرحمن وأريد التنويه إلى أن الأماكن التي تتواجد فيها الغبار بشكلل متكرر وتكون الإبل متواجدة في مكان محصور يزيد من احتمالية الإبيضاض بسبب الجراثيم المتواجدة بالغبار إضافة إلى ذلك تلعب الحشرات ( الذباب ) دوراً رئيسياً في نقل المرض والإصابة به وبالنسبة إلى الحقن تحت القرنية يفضل الحقن في منطقة تحت الجفن Sub conjunctival وذلك المساعدة على التخلص من الإصابة وكل ما تفضلتم به فيما يتعلق بنقص الفيتامين أ فهو صحيح على فرض أن الجمل في وضع صحي جيد أما كون الجمل ضعيف ونقص الدم فقد حدث الإبيضاض كنتيجة إلى الضعف بسبب التربس وشكراً |
اشكر الاخوان جميعا على المعلومات الجيد |
السلام عليكم الاخوان ماقصروا لكن هذا عندنا يسمونه (( الظفارة )) مؤشراته اوالا كثرة الدمع من العين تتركها ثلاث ايام واذا ماخف تجد داخل الانف من جهة العين الي تدمع غضروف تكسره باليد واذا كان قوي بعود او قفا الملعقة لين يخرج الدم ,,, وهو سبب بياض العين ... اذا ماانتبهت الا بعد ما بيضت العين تكسرها وتكوى بمطرق من خلف الاذن مطرق واحد وتشفى باذن الله ,,, مجرب فيه ناس يقولون انه لها كي كمان حول العين وعلى الانف لكن انا اكتفي بالمطرق الي خلف الاذن ,,, هذا والله اعلم |
أنا عندي ناقه وحدة من عيونها صارت بيضاء وبعد علاجها بالأبره والمرهم راح البياض وباقي مثل النقطة الصغيرة لكن الناقة لا ترى بعينها وصار لها الآن أكثر من ستة شهور إذا أحد يقدر يفيدنا بشيئ |
اشكر الاخوان جميعا على المعلومات الجيده |
المرض هذا يقاله الضواء يسبب بياض العين ويقولون بعض الشيبان انه معدي ولابد عزل المصاب من الابل عن جمع الابل واما علاجه ما اعرف عنه شي ونشا الله الاخوان ما راح يقصرون |
السلام عليكم ورحمة الله وبركاته حبيت اشارك بهالموضوع وانا رايي من راي اخوي سامر الحربي هذي يقالها ظفاره وحلها بسيط جدا وهي ادخال الاصبع في خشم الناقه وكسر الغضروف . تقبلوا تحياتي |
رد: بياض العين الاسباب والعلاج؟ العلاج السحري لبياض العين سكر ناعم تحت الجفن ويومين وهي طيبه مجرب لااكثر من ناقه ولله الحمد شفيت ولااعلم وش ارتباط السكر ببياض العين |
رد: بياض العين الاسباب والعلاج؟ تجربتي الشخصيه السكر المطحون اذا استخدم في بداية المرض وحده بوحده باذن الله يسحب الماده البيضاء / علميا تسمى الخاصية الاسموزيه واخر استخدام له قبل فتره بسيطه وجدت ان عندي فاطر ماتشوف بوحده من عيونها وعينها بيضاء تماما وحطينا السكر وخلال يومين مافيها الا العافيه تقبلوا تحياتي |
رد: بياض العين الاسباب والعلاج؟ عندي ناقة حصلها طقة علي العين وصارت بيضا ولاتشوف فيها ا والناقة مخروشة ولانقدر نمسكها كل مرة ونعالجها. كويناها مطرق صغير أمام العين وخلفها وتحت العين وبعد 5أيام صارت تشوف ولافيها شر الحالة الثانية بكره صغيرة صارت عينها فيها بياض وأذا رفعت الجفن من فوق تشوف لحمة صغيرة زايدة أخذنا من الدكتور مرهم وعلاجناها أكثر من شهر ولافاد يخف شوي ويرجع . قمنا كويناها مطرق صغير خلف العين وقدام العين ,,والحمدلله زال شرها ... |
رد: بياض العين الاسباب والعلاج؟ ابو محمد كيف نفرق بين الظفارة والامراض الي تقولونها ؟ خصوصا اذا كان الغضروف ضاهر ؟ |
رد: بياض العين الاسباب والعلاج؟ السلام عليكم ورحمة الله وبركاته الشهر مبارك عليكم جميعا اذا كان البياض نتيجة ضربه اسهل وافضل علاج الماء والملح تاخذ ملء فمك وتبجه في عين الناقه وتكرره مرتين الى ثلاث ايام واذ بقي له اثار تاخذ سكر نبات مطحون ومخلوط بالماء وتبجه في العين وباذن الله يزول تماما هذا عن تجربه شخصيه وبناء على نصائح الشيبان اهل البل اخوكم ابو عبدالله |
رد: بياض العين الاسباب والعلاج؟ اذا كان العين تدمع فالعلاج ابرة AD3 لشبكية العين مكتوب على البرة |
رد: بياض العين الاسباب والعلاج؟ السلام عليكم ورحمه الله وبركاته الله يبيض وجزاكم الله خير تقبل الله منا ومنكم قيامنا وصيامنا في هذا الشهر الفضيل اخواني عندي ثلاث مفاريد وبكرتين وقعود صابهم عمى قبل ثلاث شهور عالجتهم بالمرهم والملح ولا فاد الزبده الحين بكره انعمت خير شر وبعتها قصب وهي كانت غاليه باقي القعود والبكره تشوف شوف بسيط وعيونها بيض (تهجس هجس) ويا اخواني القعود غالي جدااااااااااا وعليه سوم طيب لكن حاله شان هل في امل انه يرجع طبيعي ويروح البياض من عينه تكفون يا الربع من عنده حل او علاج لايبخل علينا وجزاكم الله خير علما بان لها اكثر من الشهرين لم اعالجها في انتظار ردودكم وفزعتكم كما تعودنا منكم في هذا المنتدى العريق |
رد: بياض العين الاسباب والعلاج؟ اقتباس:
أخوي شباب الدوسري الاخوان ماقصرو ذكرو لنا تجاربهم طبق التجارب وان شاء الله تنفع معاك وبشرنا بالنتايج تحيااااااااتي لك ,,, |
رد: بياض العين الاسباب والعلاج؟ بيض الله وجه من سأل وجاوب |
رد: بياض العين الاسباب والعلاج؟ اقتباس:
مطرق صغير خلف العين وقدام العين و4أيام وأن شاء الله تشوف التغير عندي ناقة وبكرة ماخليت علاج وأخرها الكوي وأبشرك كلهن سلمن .. |
رد: بياض العين الاسباب والعلاج؟ الحربي جزاكم الله خير وجاري الكوي ولكن هل ينفع بعد ثلاث شهور دون علاج الشمري والنافع الله |
رد: بياض العين الاسباب والعلاج؟ اقتباس:
اقضب الحاشي وقطر في عينه بنسلين يوم بعد يوم ويروح باذن الله |
رد: بياض العين الاسباب والعلاج؟ اخوي انا كان عندي بكره مفروده وجاها بياض في عيونها الثنتين عطاني لها الدكتور فيتامينات بالابره ومرهم يقول فيها نقص نوع فيتامين نسيت اسمه لكن الحمدلله راح البياض وتعافت |
رد: بياض العين الاسباب والعلاج؟ السلام عليكم ورحمة الله وبركاته ياجماعه ماذا عن بعير مايشوف احمرت عينه اثنتين وبعدها صارت سوداء كامله الدكتور عندنا يقول ان شبكيه العين هي المشكله لايوجد لها علاج فيا اخوان الذي يعرف طريقه لعلاج العمى بسبب الشبكيه وجزاكم الله خير |
رد: بياض العين الاسباب والعلاج؟ بياض العين انا جربت البنسلين اقطر بعين الناقة واضربها مضاد حيوي والحمدالله شفاها الله |
رد: بياض العين الاسباب والعلاج؟ انا عن نفسي مجرب الكي تحت العين اكثر من ناقة وحاشي اصابها واستخدمت الكي تحت العين وتم الشفاء والحمد لله |
رد: بياض العين الاسباب والعلاج؟ هالزمان قعود عندي راحت عينه بيضاء بالكامل وعمره اسبوع ... جربت مراهم وابر وبدون نتيجه ... واصلنا على ماء وملح مره ي اليوم وبعد اسبوعين انجمعت البياضه في وسط العين وتحسنت من فضل الله |
رد: بياض العين الاسباب والعلاج؟ جزاكم الله الف خير ... |
رد: بياض العين الاسباب والعلاج؟ العلاج مجربه شخصا اكئر من عشر نياق (المايسين AL 300) بالخويرم يوم وترك 5ملى غسول العين من نفس العلاج فيتامين الف جرعه20 + قطره كرتزون للبياض داخل العين |
رد: بياض العين الاسباب والعلاج؟ ارجو التواصل معي 0507833162 |
| الساعة الآن 36 : 01 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |