|
التهجين والمزاينات كما هو معلوم لدى الجميع من تهجين ابل الجزيره بالابل الباكستانيه والسودانيه سواءً كانت مجاهيم والا مغاتير وهذا التهجين الغرض منه تحسين الشكل من كبر الراس وزين الخراطيم وطول السبال وووو الخ مع بعض التحفضات على العظا والممشا ونحو ذلك لكن على فرض السلامه نقو ل بما ان الهجن تمنع من المشاركه اذا هي خلص لكن اذا مهجنه يسمح لها بالمشاركه ليش ما يطبق نفس الكلام على المجهم والمغتر في المزاينات ويسمح للمجهم اوالامغتر المهجنه من الباكستاني او السوداني بالمشاركه مع تطبيق نظام النقاط في التحكيم حتى ما يهمل شىء منم مواطن الزين في المطيه على حساب شىء اخر مجرد فكره مطروحه للنقاش |
أعتقد أن التهجين في المغاتير والمجاهيم محد يرغب فيه من هل الابل لان اكثرهم يحب الطبع الطيب في ابل الجزيره والبنسبه الي يبغيها على شان المزاين هذولا ناس قليلين وانا من وجهت نظري أن ابل الجزيره اشكالها ازين بواجد من ابل الباكستانيات والسودانيات سواء بالطبع ولا بالشكل وتقبل مروري تحـ فهد ال زبدان يـاتـي |
تسلم على هالافكار |
اقتباس:
لاهنت على المرور يا فهد وابداء الرأي كل رمضان وانت طيب |
اقتباس:
تسلم يمينك يالغالي مبروك عليك الشهر |
مرحبا اخوي حمد بالنسبة لهذا الموضوع فتم طرح موضوع مشابه من الزميل محمد بن شريه على الرابط: http://www.mzayan.com/vb/showthread.php?t=12340 وايجازا لكلا الموضوعين اطرح التساؤلات التالية مع اجاباتها عليكم وعلى اهل المزاينات وعلى اهل المجاهيم مثلا: الوضح 1- هل الوضح تدخل مع المجاهيم في المزاين؟ لا 2- هل الناقة التي ابوها او امها وضحا ( زرقاء مجاهيم )تدخل مزاين المجاهيم؟ نعم 3-هل تصنف الزرقاء بناء على الشكل فقط ضمن المجاهيم او الوضح؟نعم ================================================ جميع الثلاث اسئلة اعيد تكرارها مع الباكستانيات: 1-هل تدخل الباكستانيات في مزاين المجاهيم؟ لا 2- هل الناقة التي ابوها او امها باكستاني (مهجنه) تدخل مزاين المجاهيم؟لا 3-هل تصنف المهجنه بناء على الشكل ضمن المجاهيم او الوضح؟لا ====== ارى من خلال الاجابه على الفقرتين الثانيه والثالثه في حالة الوضح انه يسمح بدخول زرقاء المجاهيم في مزاين المجاهيم بناء على الشكل بغض النظر عن وجود سر الوضحا فيها فلماذا لا يتم السماح للابل التي فيها سر باكستاني بالمشاركة في مزاينات المجاهيم اذا كان شكلها يصنف ضمن المجاهيم؟!!!! قد يحتاج الامر الى وقت حتى يتقبل الناس الفكرة لكن شخصيا ارى انه لامانع من مشاركة المهجنات بالباكستاني اذا انطبقت الشروط السابقة وطالما ان الامر يهدف لتحسين السلالة ============== وكل عام وانتم بألف خير |
السلام عليكم وبالنسبة لموضوع التهجين فانا لاارغب فيه لان السلالة امر مهم بغض النظر عن الزين وفي ابل مهجنة كثيرا من المغاتير والمجهاهيم حسب ماسمعت من قبل 30 سنة والله اعلم وتقبلواااااااااااااا مروري |
البقا يا مسعود وعزالله كلام في محله وتحليل منطقي ونفس االكلام يقاس على المجهم السودانيه فهي مجهم بكل المقاييس لون وجرم وشكل وعادها تفرق بزين الخشم والاذن والتهجين منها يحسن كثير من سلالات البل ويرفع البل العايديه ويزين الانتاج اما اللي ابله ما هي بعلى حاجة تهجين وفيها الزين اللي يكفيها فابقاءها على سلالاتها افضل وحنا الان نتكلم عن السماح للمهجن علنا بدخول المزايتات والا اللي يبي يقني ويبيع ماعنده مشكله وهناك سؤال للجميع اذا عينت لك بكرة سوداء غرابيه تنافس على الاول في الفردي ولكنها مهجنه ولقيت معها وحدة اخرى سنينة لها ولكنها اقل منها زين وبنفس السعر اي البكرتين بتشتري؟؟؟؟ |
السلام عليكم ورحمة الله وبركاته الاخ حمد اليامى اشكرك على الطرح الرائع وان سمحت لى اتوسع بالموضوع حسب وجهة نضرى المتواضعه وهى تشمل الهجن والمزاين مفهومى للبعير الاصيل والناقه الاصيله 1- البعير او الجمل الاصيل فى الهجن هو من يورث السبق فى معضم نسله او حيرانه 2- الناقه الاصيله فى الهجن هى من تورث السبق ايضاااا الى معضم نسلها او حيرانها 3- الناقه الاصيله فى المزاين والبعير الاصيل فى المزاين هما من يورثا جمال االشكل وحسن الموارى فى معضم نسلهم مطلوبك فى الهجن سابق ومطلوبك فى المزاين الزين وجمال الشكل فى اى سلاله تحصل مطلوبك هجن وتوكل على الله اذا توفرت الصفات السابقه فى جمال او نياق سودانيه او باكستانيه ارى من وجهة نضرى انها تشارك فى المزاين ويستفاد منها فى تحسين النسل واكبر دليل الان الهجن (اختلط الدم العمانيات مع الحراير مع السودنيات ) وانا اقصد الاصيل حسب المواصفات الى ذكرتها والنتيجه كسر فى التوقيتيات وسلالات قويه فى الختام تقبل مروري ووجهة نضرى المتواضعه جدااااا ودمتم |
مرحبا بك يالجهني كلام طيب من رجال طيب |
اخوي حمد مشكور على الموضوع ولاكن انا عندي تعليق .. انا اقول فيه نسبه خفيفه في التهجين لان من قبل في وقت الاجداد ماعمري سمعة البدو انه يمدح ناقة على زينها لا بل على مشيها ولا على كثر حليبها لانهم في ذاك الوقت يهتمون في زادهم وشرابهم اما خلال السنوات العشر الماضيه اهتمو الناس في مواصفات الابل في ان تكون لناقه سبله وانت بنفسك اذا دخلت السوق ولا حصلت لناقه اسبله يعني ماتحس انها تجذبك ولا تسر نظرتها وهذا تعليقي واتمنى ان اكون على صواب او بعض منه .. وتقبل مروري .. |
اقتباس:
كلامك صحيح يانواف التهجين حصل نوعا ما والقادم احلى ان شاء الله لكن انا ارجع واقول التهجين الايجابي اللي يطور الحلال اما السلالات الطيبه والمشهوره فلا اضن التهجين ينفعها... الا يمكن يضرها |
السلام عليكم ورحمة الله وبركاته حياك الله اخوى حمد انت وجميع المتداخلين اخوى هناك اناس كثر عندهم خلط بالتهجين التهجين نوعين 1- ايجابى وهو ينتج من انك تضرب مثلا ناقه اصيله (ومعنى اصيله انها تورث جمال الشكل لمعضم انتاجها ) من بعير اصيل ( والقصد من اصيل اى انه يورث جمال الشكل لمعضم انتاجه) والنتج ان شاء الله قعود او بكره جمال واصل ان شاء الله اى انها سواء بكره او قعود بعد ان تتنج ان شاء الله سيكون انتاجها نفس المستوى 2- سلبى وهو ان تنج من ابل فيها صفات الجمال لكن لاتنقل هذه الصفات الى انتاجها والشاهد على كلامى كثير هناك فحول جميله لكن الانتاج ليس بذاك المستوى ولاحظ ان الكثير يشاهد انتاج الفحل والسبب لكى يضمن ان ذاك الفحل او الناقه تنقل الجمال او الموصفات الجميله الى انتاجها افرض ان هناك فحل او ناقه باكستانيه جميله وانتاجهما نفس المستوى اليست افضل من ناقه او بعير من الجزيره العربيه لكن انتاجهما ليس فى نفس المستوى واحيانا مثلا فى تهجين ناقه جميله واصيله من بعير باكستانى جميل واصيل نحصل على انتاج فاخر جدااا لانه عند تباعد الدم نحن نساعد على تعزيز الموروثات الحميده وننحى الموروثات السلبيه حتى فى الامراض الخلاصه الحرص على الاصل والانتاج منه من اى نوعيه لانك تضمن ان تحصل على انتاج اصيل وتكون سلالتك اصيله وعرقه نضيف (ولك فى كلام الرسول صلى الله عليه وسلم دليل عندما جاءه الاعرابى يشكو له انه ولد له طفل اسمر وهو ابيض فقال له المصطفى صلى الله عليه وسلم اليس لك ابل قال بلى قال فما لونها قال بيض قال اليس فيها سمر قال بلى قال لما قال لعله نزئه عرق ) كل تهجين مقنن ومدروس ضمن مفهوم الاصاله ارى فيه الفائده ان شاء الله تقبل مداخلتى واسف على الاطاله |
تسلم على هالافكار |
السلام عليكم ورحمة اللة وبركاتة بخصوص التهجين على حد علمي ماهي ممنوعة ان تشارك في ام رقيبة ولو تذكرون من شروط المسابقة عدم مشاركة الاابل الجنبية وما تطرقو لتهجين يعني مسموح بمشاركتها وفي ذود كامل شارك فيه تهجين من ابل باكستانية واعضاء الجنة عندهم علم وسبب ان ماتم منعه من المشاركة ان عندهم علم انها مهجنة مو اجنبية لكن لو يجي شخص مو معروف ومعة ابل مهجنة راح يمنع من المشاركة وسبب صعب ان الواحد يفرق بين المهجنة والجنبية لكن فية حل يقسم الشخص اللي معة ابل مهجنة ان البل مهجنة وليست اجنبية وفي حل ثاني يحطون اشواط حق البل المهجنة وبشكل هذه يتم انصاف الجميع بس من وجه نضري المتواضعة بخصوص تهجين المغاتير لاتصلح ولعدة اسباب تقبلو تحياتي عناد العتيبي |
اقتباس:
|
اقتباس:
اخوي فهد صحيح ان الناقة الباكستانية راسها كبير ولها سبال وكل مافيها كبير بس فيها عيوب كثيرة وبذكرها لك 1- تركيبة الراس (ماتجيك تركيبة الراس المطلوبة) 2-السنام متقدم 3- ضهرها اعر (السنام مندفن) 4-وبره طلقة 5-خنبة (لحيها ماهو مستقعد) 6- تجيك متساوية ماتجيك متسنده 7-خفها كبير 8-ذيلها ماهو اشتر 9- ماتجيك فجحة (عراقيبها عند بعض) 10- قلتها صغيره 11- مافيها لوقه وابل الجزيره العربية تتفوق في الجمال على ابل باكستان بكثيير واهل النضر والصنف مايرغبونها |
تسلم على هالافكار |
راس البكستانيه ورقبتها معليها كلام |
اقتباس:
اخوي فهد الناقة الباكستانية عذاريبها واجد وذا عذاريب الناقة واجد اصبحت عادية بغض النضر عن مميزاتها وذا مقتنع في الباكستانية هجنها عسى اللة يوفقك والقناعة كنز لايفنا هاذي وجه نضري اخوك عناد العتيبي |
موضوع شيق جدا |
~.~ لا هنت وسلمت يمينك ~.~ |
السلام عليكم ورحمة الله وبركاته اخواني انا توني عضو جديد في المنتدى ونشالله ااستفيد منكم وافيد انا عندي تعليق على الموضوع وكلاً له وجهة نظر مايصح الا اصحيح انا ضد التهجين من اصله وفروعه لان الزين في سلالات ابل الجزيره موجوده من وضح وشعل وصفر ومجاهيم واصايل وبعدين التهجين يخرب سلالات البل المعروفه وبل الجزيره وبعدين هذا الي يبي الزين ليه مايتعب على الفحل الطيب وينتج منه البكار الزينه وللمعلوميه يوم يكون عند واحد منكم بكره طيبه وهي من ابل الجزيره يفتخر بها وبسلالتها ثانياً الزين موجود ولاهوب من التهجين مثل في المجاهيم العطيب ودهامه بن غدير وحدها والقعيسه والذاير وكثير من االبل الزيان وصفر ابن عشوان وضيدان بن اهويدي وضح الطهيمي وفنجال وشعل ابن غنيم وغيرها من البل المعروفه لاكن اضاهر انه صعب التحكم في الناس انا اقترح ان المهجنات يكون لها شوط لحالهاافضل |
| الساعة الآن 33 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |