علامات الولاده
 

السلام عليكم ورحمة الله وبركاته
مساكم الله بالخير عندي ناقتين تلد هالشهر كيف ادري انها على وشك الولاده هل فيه دلائل على ولادتها وشكرا

السلام عليكم علامات الولاده 1 الناقه التخشق 2يمتلي ديدها وتكبر خلافها 3 اذا مخضت تعاف الطعام وتعتزل من الحلال وانشالله اجيب بكره

وعليكم السلام كيف تخشق الناقه والله يعطيك العافيه ويجزاك خير

الناقه التخشق ان صلا الناقه يخفق اوضحللك اكثر خويرم الناقه ينزل من يمين ويسار ويصير العظم الي بين السنام والذيل ارفع من خويرمها بشكل واضح

مع الاخ محمد

الله يعطيك العافيه ومشكور ما قصرت

اخوى الغالى من علامات قرب الولادة الناقة ماتلد الا بعد ان تعدل وضع الحوار في بطنهاااا يعنى تلاحظهااا تسدح على جنوبهااا ثانى شى شف عصب الخويرم اذا تقطع فاعرف انها قريبة من يوم الى خمسة ايام بالكثيرررر واذا قربت ساعه الولادة لازم تزل موية من حيا الناقة

اتمنا ان اكون افدت

ماقصرووو الاخوان الله يبيض وجيهم

بيض الله وجهك وما قصرت وكل اللى شارك بيض الله وجيهكم

انا مع الاخوان وتلاحض ان الناقه اتفاشق بمعنى اوضح تفتح ارجولها وتوزر بكثره
وبعضها تفتح ارجولها ولا توزر لكن من الالم

اتمنا ان اكون افدت
والله يرزقك البكار الطيبه

الله يعطيك العافيه ويجزاك خير شرفني مرورك

موضوع شيق

هل هناك علامات اخرى غير ما ذكر

وانا مع الاخوة بنفس الكلام وشفت بعينى وسبحان الله الخالق البارىء

بعض البل إذا قرب ولادها تحن حنين مميز بالولاده

مشكورين جميعا على الردود انتجت وحده من الابل قبل يومين بقعود وبنفس العلامات الى ذكروها الاخوان
لكن القعود مابعد قام لين اقومه وغير ثابت في مشيه مدري وش اسبابه

مبروك
أول يومين طبيعي ما يقوم لين تقومه ولاهو ثابت
وما يشوف شر

القعود يمكن عنده نقص فيتامين......... راجع البيطري

وهذا راجع لأن أمه كان في تغذيتها نقص اما املاح او انها لا تجد الحمض

والله اعلم

هلا بك .. مبروك عالقعود ..

شي طبيعي .. بس احرص انه يرضع أول أيامه .. وخلك علطول تنظف خلوف أمه ..

والله يوفق .