|
ثورة الإخصاب تجتاح عالم الابل السلام عليكم ورحمة الله وبركاته مع تطور الطب خصوصا في امور التخصيب وتحديد الجنس طلع لنا مركز اماراتي واتواقع اسمه مركز تناسل الابل قبل سنه صار يستقبل 40 ناقة والسنه هذي يستقبل 600 ناقة وقفلوا لازم تحجز من الحين لسنة الجاية فكرة المركز طالت عماركم مثلا عندك ناقة مزيونة وطيبة وتبي تنتج منها بكار فقط وتحمل مواصفات الناقة المزيونه والبعير اللي تبيه تاخذ طال عمرك بويضات الناقة المزيونه وبول الفحل اللي تبيه ويحطونها مثلاً في 50 ناقة وتجيب لك بكار من صفات الناقة المزيونه والفحل الطيب ولو ماتت الناقة ولو بعد 10 سنين هم يحفضون البويضات وتنتج . بس المشكلة لا نشدوك الرياجيل وقال امها منهي وش تقول ؟ -_+ اذا لقيت تشجيع من الاعضاء بحاول اجمع المعلومات بالمصدر والتفصيل الممل |
هههههههههههههههههههه لانشدوني أقول معربة أبوها مزيون وأمها مزيونه وأنشدوا المركز لاهنت على الخبر تقديري لكـ |
بقول هذي بنت الفحل المشهور ((المركز )) هههههههههههه مشكور اخوي مناحي .. موضوع جدير بالمناقشه |
سبحان الله.. سبحان الله .. سبحان الله .. سبحان الله .. سبحان الله موضوع سمعت عنه من قبل ولاكن لم يكن لدي أي فكره عنه ياريت لو اتجيب معلومات اكثر ولو في صور عن الموضوع وعن المختبرات لانه مفيد واتوقع اذا لقى نجاح ان اسعار الأبل سوف تنزل بشكل كبير ولن يهتم احد للأنتاج الطبيعي الصعب وسوف يتجه الي الصناعي السهل اشكرك على طرح موضوع راقي مفيد للمنتدي سبحان الله.. سبحان الله .. سبحان الله .. سبحان الله .. سبحان الله |
مرحبا يامناحي هذا الكلام صحيح وموثق بشهادة من المركز تثبت نسب القعود او البكرة بان امه فلانة وابوه فلان وطبق في الهجن السبق ونجح نجاح باهر بالانتاج في السبق ويسمونه مثل جبار المختبر وغزيل المختبر . |
مشكور يا مناحي على الخبر وبالنسبة لطب الابل وتناسلها ما زال يحتاج لمزيد من الاهتمام ولايقارن بالطب البشري وخاصة في العالم العربي ونتمنى من شخصك الكريم تزويدنا بالمعلومات التي من شأنها رفع مستوى الفكر والثقافة لملاك الابل وتقبل خالص الشكر والتقدير |
مرحبا يامناحي والطيب اذا جابه الله وبارك فيه اشتهر مصدره مثل مكز الطيور اللي في الامارات اول يقولون فارسي ولا باكستاني او روسي وعقب الفالكون سنتر قامو ينسبون الطيور على فالكون سنتر يدورون للشهره ويقولون انتاج الفالكون سنتر والمختبر اذا اشتهر انتاجه الفاخر قامو ينسبون عليه مثل خشبان العصلب ومشعوفان الفصام وقعيدان رامس ووحيدان ويمكن يكون اقوى شهره من الركاب المسميه والاقبال على انتاجه اقوى واغلا اسعار من انتاج الركاب الطبيعي |
خطووووووووووه ممتازة تنفع اهل البل وخاصة بالمحافاظة على الانتاااااج الطيب تحياااااااتي لك ’’’ |
بيض الله وجهك على المعلومات الطيبه وعز الله إذا إنتشرت هذي الطريقه بعد مده تدق أسعار الزيان لكثرتها وترتفع أسعار الحراسيس لقلتها ههههههههههههه |
[جزاك الله خير على المعلومات المفيدة وكان عندك زيادة لا تحرمنا واتوقع اذا نجح المشروع ان اسعار الأبل سوف تنزل بشكل كبير ولن يهتم احد بلأنتاج الطبيعي الصعب وسوف يتجه الي الصناعي السهل |
بيض الله وجهك والله لايهينك يا ابو دسمان على الموضوع الطيب وانت بـ كلامك تخدم اهل الابل والله لايهينك ويبض وجهك |
الامر ليس كما تتخيلون من السهولة والعدد اللي يمكن اخذه من الناقة سنويا محدود جدا فلا يتعدى 3 الى 4 لقاحات ناجحة يعني يمكن يؤخذ من الناقة عدد اكبر من البويضات ولكن عند تلقيحها بالحيوانات المنوية ووضعها في الناقة المستقبلة لاينجح منها ويتحول الى لقاح حقيقي الا القليل وسمعت ان هذا المركز يستقبل الجميع وبتكلفة 15000 ريال للقاح الواحد |
العام انا مكلمهم هم مركزين في الامارات واحد في دبي للشيخ محمد بن راشد ولا يستقبل احد والثاني في ابو ظبي والناقه تكلف 25000 خمس وعشرين الف وتختار من الفحول الي عندهم والموضوع كله ترا بس لهل الهجن فقط ما عندهم لا مجاهيم ولا غيره هجن في هجن الا اذا احد عنده يبي يلقح مجهم بعماني والا مهجن ويدفع 25000 ترجع له ودمتم |
ههههههههههههاى عاد اذا قالوا وش اصل بكرتك :) اقول اصلها ابو ظبي وخواجة تهجين :) ما ندري ولكن فعلاً الامر خطير ودايماً التجار لا بد يكون لهم ضحايا وضحايا تلك الفكره يعتبرون ضحية التجار دام اللقاح با 25 الف ريال للناقه وحده والحجز قفل :) شف 600 ناقه بكم تطلع .. المهم بأن التهجين والمركز اللي في ابو ظبي خاص بس با الهجن فقط لا غير . يعني باقي الابل مافيه والحمد الله يوم باقي الابل مافيه والا كان تشوفون صافين سراء حنا وابلنا وكلن يقول ابغى تمام والا ابغى الباتل :) والا ابغى سلالة مشعوفان :) لا هنت على الموضوع القيم ويعطيك العافيه تحياتي .. |
اقووووووووووووول يازينا كذاء اضرب عند افلان ويضرب عندي ا فلان |
الله لايهينك وياليت تنزل موضوع كاملاً عن المركز لان الي يبي يروح لة ماراح يشاوور بس حنا نبي للطلاع والمعرفقة فقط ولا راح يقفلونة اذا العدد هذة السنة 600 وشلون السنوات المقبلة |
اقتباس:
|
اقتباس:
|
اقتباس:
ابن شرية لا يهمك انا الحين بحرك لي موضوع اكثر تفصيل |
اقتباس:
|
اقتباس:
قال تعالى ( افلا ينظرون الى الابل كيف خلقت) والابل مليئة بالاسرار والتفكر فيها شيء جميل وعبادة |
اقتباس:
|
اقتباس:
|
اقتباس:
|
اقتباس:
|
شي طيب وعساه صدق المعروف ان لقاح المختبر صعب ومكلف |
أمها وابوها مركز تناسل الابل |
بيض الله وجهك على المعلومات الطيبه |
والله ما قصرت يا مناحي كفيت ووفيت |
مرحبا يامناحي موضوع المختبر طويل وعريض بالنسبه للمختبرات بالامارات اصبحت تحديدا اربعه والمفتوح منها للعامه واحد وسوف يفتتح آخر في نهاية العام بسعر رمزي للمواطنين وليس كما ذكر الاخوان للهجن فقط بل لكل انواع الابل لدينا من انتاج المختبر ابل مجاهيم بسن رباع وفحول اكبر من ذلك نحن نتكلم عن مخلوق غريب وعجيب فسبحان اللذي خلق الابل فكما ذكر الاخ مبارك المري يمكن ان تعطيك الناقه خمس بويضات او اقل وبعد ذلك يمكن ان تستمر الخمس او تكسر الناقه المستضيفه وانت وحضك وحده ثنتين وطريقته كالتالي ان اردت التلقيح عليك احضار الناقه وتجهيزها وفحصها من قبل فريق متخصص وبعد ذلك تظربها للفحل وتعيدها للمختبر ان كان الفحل لديك ثم تكون سلفا قد احضرت النوق المستقبله وعلى فكره ليس كل ناقه تلقح وتلد تصلح كمستقبله فلله في خلقه شئون ويتم فحص الناقه للمره الثانيه لمعرفة البويضات وعددها وهل هي صالحه ام لا والطريقه صعبه ومتعبه وتعتمد بالشكل الرئيسي على الطبيب وليس الاجهزه بالنسبه للعدد اللذي يمكن ان يستقبله المختبر ليس كما ذكر بل لا يتعدى مئة ناقه حتى الساعه ولمعلومات الجميع لايمكن الاحتفاض ببويضات الابلhttp://www.mzayan.com/vb/images/uplo...f89dc653fa.jpg |
يازينهاء طبيعه لو يجي الحوار وجهه كنه رمح ذياب ابن غانم ولا البربسه والصمقه الابل عودت للخواجه خيل البلهاء راعيهاء هههههههههه لا وتدفع 25000 اشيل ناقتي وااورد علا الفحول اطيبه وضربها قدام عيني والخمسه وعشرين اشتريلي منايح اشرب حليبهاء وغني البدو شدو من المقطان== تغيبو وخلو العدي |
لا هنت وسلمت يمينك |
انتظروا التحديث لهذا الموضوع |
سبحان الله ومهما وصل الانسان سيبقى...( وما اوتيتم من العلم الا قليلا ) وبارك الله فيك على المعلومات |
الأخوة السلام على الجميع ورحمة الله وبركاته بنوك التخصيب أو بنك الحيونات المنوية موجودة في بعض الدول الأجنبية المتقدمة ولها أكثر من عشر سنين وتدار بطريقة تجارية ونحن في الوطن العربي دخولنا في هذا المجال دخول متأخر. شكراً |
مساء الخير مناحي وبيض الله وجهك... انا اقول كل شي له مساوء ومحاسن بس لو حبينا نحكم على الامر لابد من معرفت المحاسن والمساوء التلقيح او التخصيب واذا كانت المحسن تزيد على المساوء ولو بنسبات10% هنا يكون التقيم بجودت التلقيح ولاخصاب وعدمه 1- من اطلاعي الشخصي وعلاقتي باخصائي تخصيب وتاسل (( طبيب بيطري ممارس للمهنه الخصيب اكثر من 17 سنه)) 2- وقد اطلعني على الكثير من الامور احول اتذكرها لك (( الله هم اعني وذكرني ما نسيت)) ـــــــــــــــــــــــــــــــــــــــــــ 3- من اهمها ----- زيادت ععد لانتاج والكل عارف بهاذا الشي 4-يس الي ما عرفه انا غلب البل عندها مشاكل في القاح وهوا ما يسببه انتلقيح الطبيعي من التهابات وذالك بسبب كثرت لاناث الي تبرك للبعير وهنا يصبح البعير اداه لنقل الجراثيم التي تتضاعف مع السنين وتقل من انتاج الناقه ويرفع نسبت الكسر عندها 5- وكذالك للبعير شوف على الوقع وتعرف القصدي وهوا انا البعير الي يضرب في الموسم اعداد كبيره من البل يهلكه المرض المفاصل والكل يعرفه وعانى منه انا اقولكم من واقع تجربه . ويقصر عمر البعير (( والعمار بيد الله )) بس كل ش له اسبابه وهنا نوعز على البكتيريا وطفيليات الي قلتها لكم (( لا حد يقول ابوانا كانو يضربون طبيعي وماسمعنا لا بكتيريا ولا طفيليات )) باعلمك وسمعني: ماكنو يطعمون طعامنا اليوم والي يطعم يطعم طعام بسيط ويعتمد على الطبيعه اكثر والماء كان انضف من اليوم : اما بنسبه لنا الوضع تغير اصبح التلوث عي كل شي لنا اصناعه دخلت في كل شي في العلف وغيره من المواد امابنسبه للماء كان يستخرج من البير بدلو واليوم بدنمو يعني حديد ويترول وقيره مثل قرب السيارات الماء من البئر وما يتسرب من بترول وديزل الى البر ويلوثه والله ما تذكر النسب تلوث ابار المياه( المروا )عندي دراسه علميه عليه ماتحضرني بس والله كانت كبيره 6- بعدين نبي نرفع نسبت المزين ونقلل من ندرتها وحض اسلالة ولتساع قاعدات هل البل لابد من مرجع لهم لمعرفت اسلاله ولا لزم حد يجينا من برا وثب انساب البل مثل ماصار بالخيل العربيه ونعود نجمعها من هنا وهناك لابد من تحرك قوي والي يتكلم عن لانساب وقول ويش نسميه نسميه ولد المختبر ولابنت المختبر احسن من قولت مادري والقصدمن ذالك حفضها للجيال القدمه محد يضيع ولا يختلط انسب من فلان ولا افلان يكون كل شي موثق ومعتمد وتــــــــــــــــــــــــــــــــــــــــــســـــ ــــــــــــــــــــلم يا مناحي: تقبل مشاركتي |
اقتباس:
|
ممكن ننسب للفحل مركزيان :p على وزن مشعوفان |
لاهنت يامناحي على طرح هذا الموضوع المهم وهذا يعتبر مركز للابحاث مختص بالابل ومنها حفظ للسلالات الطيبه من الركاب النادره وان شفت مره برنامج عنه على التلفزون وبصراحه مابهرني مثل اللي كان شتغلون تخلوا جابو لهم ذلول وبركوها وكان يبون ياخذون منها على ماظن بويضه حتى يلقحونها وكان التقرير يقول ان هذه العمليه حتى ان الناقه تستمر في مظمار الهجن وتسابق وفي نفس الوقت تنتج تعرفون من اللي قام بالادخال عليها امراءه شقراء غربيه ادخلت عليها فانا كنت مستغرب ان اللي يسوي كذا من الغرب ومن الحريم ومشكور يامناحي على الموضوع |
خطووووووووووه ممتازة تنفع اهل البل وخاصة بالمحافاظة على الانتاااااج الطيب تحياااااااتي |
| الساعة الآن 11 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |