|
استشارة هل تفحل قعود امة بكر او ولاد لها ام لا ؟؟ السلام عليكم ورحمة الله وبركاته اخواني جميعاً ودي اطرح موضوع وكان ودي الجميع يشارك فيه القعود الي امه ناقه بكر يعني القعود بكرها والقعود زينه قاطع ومافيه هرج وامه طيبة ابل مزاين يعني امه تسوى خمسمية الف وجدته طيبة تسوى ثلاثمائه الف وابوه طيب واصله طيب واخوات القعود مفاريد على مائتين الف ومائتين وخمسين الف هل هذا الفحل يفحل او لا والبدو اول يقلون ولد الناقه البكر مايفحل هل هذه النظريه صحيحة وهل احد شايف عكس النظرية هذي او لا وهل يتفحل .؟؟ والبدو اول يمكن عشان عندهم اول الغذاء او بان الاصل ماصار الي في الخاطر وفشل وقالو ان القعود ولد البكر مايفحل ارجو من الجميع او من لديه خلفيه للمناقشة للوقوف على النظرية الصحيحة من الجميع وحاب نطبق نظريه هذا او لا ؟؟ اخوكم .... عبدالله |
اذا القعود على المواصفات اللي تقولها انا شخصيآ بهدّه لان الزين كايد ومطلوب وبالنسبه لنظرية ولد البكر كلنا نسمعه ولكن مافيه شي منطقي يحول بينك وبين هداد قعودك وحنا هدينا عيال اباكير وانتجت بناء على شكلها واسرارها مثلها مثل غيرها من الفحول. |
باختصر لك الموضوع وحيدان امه بكر يوم ولدت به يعني هو بكر ها ..... وسلااااااااااااااااااااااااااااااااااااااااامتك ,,, |
عليك السلام ورحمه الله وبركاته فحله البكر دايم يجيك انتاجها ادون الراس صغير والعمر ردي لكن اذا كان طيب فحله ولتنشد |
البدو من اول مايفحلون ولد البكر لانه يجي صغير بسبب ضعف امه يوم يغطها اللقاح وقلة الغذاء اما الصفات الوراثية فمالها دخل الان البل بخير ولا يضره انه ولد بكر الله يبارك لك فيه |
عليكم السلام ورحمة الله وبركاته مرحبا يا عبدالله هد القعود اذا كان على كلامك ان شكله طيب والبدو يقولون ولد البكر مايهد لان بناته يقولون ان حليبها ماهو بواجد والبدو هذاك الوقت اهم شي عندهم الناقه اللي حليبها واجد وسلامتك طال عمرك |
أنا رايي من راي الإخوان كانه طيب وساسه طيب فحله والله يرزقك منه |
السلام عليكم ورحمة الله وبركاته اخوي عبد الله هد القعود والسوالف القديمه اللي تقول ولد البكر ما يهد لا اساس لها من الصحه كلها سوالف وحتى اكثر الاولين ما يعتمد ون عليها بس سوالف 00 الله يبارك لك في قعوودك هده والله يجعله ينتج الانتاج الطيب بس هاه يا اخوي عبدالله اللي يجي عندك يضرب لا ترده 00 والله يوفقك |
وحيدان آل جهيّم ولد بكر |
اقتباس:
اكبر برهان وحيدان وهوه من ازين ومن اشهر الفحول بلنتاج وزين |
لكل قاعده شواذ..... وانت ابخس بقعودك لكن خل غيرك يشوفه يمكن يختلف النظر. |
الاخ العزيز الكلام هذا خاطء واكبر دليل فحلين من خيره الفحول المنتجه الطعم ووحيدان |
مرحباا ومسهلا هد الفحل ولا وين محله نشريه منك اعرف فحول واجد بكر امهاتها |
بكر والافاطر .. القعود كانه زين واصله طيب فحله ولا تنشد |
الفحل على ساسة (الاصل) وهذا المعترف بة اذا كان القعود مثل ماتقول فحل واتكل على الله والله يبارك لك فية |
السلام عليكم ورحمة الله وبركاته اشكركم جميعاً على المشاركة في هذا الموضوع ... نعم فيه ناس تقول ان القعود ولد البكر مايفحل وانا بكل صراحه اشوف ان ليس صحيح لان الشي الاصل ولو امه بكر ينتج باذن الله وانا ما اقول عشان القعود عندي او عند غير بس حاب تشاركوني في هذا النقاش فقط والوقوف على هذه النظريه على الوجه الصحيح فقط ومن يعرف بعارين امه بكر يذكر لنا اسم البعارين للتثبيت للبعض من الناس الي غير مقتنعين بتفحيل ولد البكر .. اشكر الجميع على المشاركه وبانتظار تجارب الباقين من الاعضاء في المنتدى اخوكم ..... عبدالله |
مرحبا بالجميع كلن يدلي بدلوه انا مفحل هالسنة ولد فاطر وولدبكر والزمان الجاي اعلمكم انشالله بالي بينتج كلها قعدان اول هداد |
عليكم السلام ورحمة الله وبركاته مرحبا يا عبدالله هد القعود اذا كان على كلامك ان شكله طيب والبدو يقولون ولد البكر مايهد لان بناته يقولون ان حليبها ماهو بواجد والبدو هذاك الوقت اهم شي عندهم الناقه اللي حليبها واجد وسلامتك طال عمرك |
ان كانه على كلامك فحله |
السلام عليكم ورحمة الله وبركاته اخوي عبدالرحمن المري الله يجزاك خير على المشاركه في الموضوع وابدا رايك فيه ومانستغني اخوي عنك او عن الاخوان في المنتدى عن المشاركه او ابدا الراي من الجميع لاتبادل الخبره والمنفعه للجميع .................................................. ............................ اخوي عبدالله النعيمي الله لايهينك اخوي على المشاركه وبيض الله وجهك اخوي ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,, اخوكم .... عبدالله |
انا عن تجربتي اطيب قعود ولد عندي العام الماضي ولد بكره والبكره كانت اردى الخلفات عندي وها القعود هو الي ظهر من بد الحشوا كله وزي ما قالوا الاخوان يعطيهم العافيه |
السلام عليكم ورحمة الله وبركاته اشكرك خوي عبدالعزيز على المشاركه في الموضوع والله لايهينك |
السلام عليكم ورحمة الله وبركاته بدون ادناة شك الموضوع لا يعدو اكثر من مقوله قديمة وليس لها اي دعم علمي على العكس فان الصفات الوراثية في البكر افضل منها بمراحل في الناقه المتقدمة بالسن يعاب على انتاج البكر صغر حجم الحوار عند الولادة فقط ومن ثم يبداء بالنمو الطبيعي مع الرضاعة والتغذيه وبالمناسبة ليس لكمية الحليب اي دور في النمو الاهم مكونات الحليب فهناك بعض الابل يكون الحليب فيها قليل ولكنه غني جدا بالعناصر الغذائية والتفحيل من وجهة نظري التي سبق ان كتبتها من قبل ولا يمنع من ذكرها اللان يتعمد بالدرجة الاولى على الساس (الاصل) وبنسبة كبيره ومن ثم شكل الام والاب ويليه شكل الحوار المراد تفحيله وتقبلوا تحياتي |
السلام عيكم ورحمة الله وبركاته اخي عبدالله لاهنت على الطرح ولا هانو الإخوان على الردودو وانا عندي بعض الإضاح على قول البكر ما يهد ولدها ولم تقال من فراغ وذلك ان البكر لم تكتمل (اي لم يكتمل زينها . من جل العضم وكبر الديد والطول )؛((يعني تبنك)) وعندما تثني الإنتاج يبين كل شئ ؛ وعندما يكون بنك البكر طيب . وبنك البعير طيب .والحوار طيب. يهد فحل والباقي على الله. هذا على حسب عرفي وسلامتكم |
السلام عليكم ورحمة الله وبركاته اخوي غانم اشكرك على الموداخله في الموضوع ولاكن الصفات الجينيه في القعود لا يوجد له اي صله بان تكون الام ثنيه اوغيره لان بعض الاخوان شاركونى الموضوع وعلى حسب علم البعض فيه بعارين امهاتها بكر وانتجت قعدان وصارت فحول وامهاتها ابكار اول لهم ولده . على العموم التجربه خير برهان لان الفحل المشهور في الجزيره العربيه وحيدان امه بكر وهذا يكفي اعتقد تقبل فائق تقديري |
السلام عليكم ورحمة الله وبركاته أخي عبدالله الله لايهينك تمعن في الإضاح والزقما ما أحدا بيهد ولدها سواء بكر او عوان وسلامةٍ بالطول والعرض تكسيك |
السلام عليكم ورحمة الله وبركاته اشكرك اخوي على على الاضاح وبيض الله وجهك وجعل ربي يخليك تقبل تحيات اخوك ... عبدالله |
السلام عليكم ورحمة الله وبركاته البدو الاوليين مايقولون شي الا عن خبرة وتجربه وسنين. ومع ذلك كلام الاخوان منطقي وعلمي. وانصحك انك تجرب بناقتين ثلاث وتشوف انتاجه والله يرزقك الانتاج الطيب ويبارك لك. |
السلام عليكم ورحمة الله وبركاته اشكرك اخوي يوسف واشكر كل الاخوان الباقين الي شاركو في الموضوع وكلامك منطقي وكلام الاخوان من الناحيه العلميه منطقيه ولاكن فيه بعارين معروفه امهاتها بكار وانتجت انتاج طيب والله يرزق الجميع . |
السلام عليكم ورحمة الله وبركاته اشكر الجميع على المشاركة بالموضوع وبانتظار تجارب الباقين الي لهم تجارب في هذا الشي او شافو بعارين امهاتم ابكار وانتجو انتاج طيب ,, بانتظار الجميع للمشاركه والمداخله بالراي , اخوكم ,,, عبدالله |
والله السنه هذي انا هاد ولد بكر والموسم الجاي ابعلمكم بالنتايج ومن وجهة نظري الطيب طيب ولد بكر والا ولد فاطر |
السلام عليكم ورحمة الله وبركاته اما ولد البكر يا يعمر ولا يدمر هذا كلام الشيبان وسلامتك |
السلام عليكم ورحمة الله وبركاته اشكر الجميع على المشاركه من الجميع وياليت الي عنده تجارب سابقه بانه فحل قعود امه بكر يعني هو بكرها ياليت يذكر لنا وش صار معهم وهل انتج او لا وهل كان شكله طيب وامه طيبه من ابل مزاين او ابل مقاني واهم شي الاصل الطيب ,, اخوكم ,,, عبدالله |
السلام عليكم ورحمة الله وبركاته هد القود مدام ساسه طيب وموضوع ولد البكر ماينهد هذا كلام البدو قبل وتقول هذا كلام مثل المثل . وتوفيق من رب العالمين سواء كان من بكر ولا فاطر |
السلام عليكم ورحمة الله وبركاتة حياك الله اخوي طلال على المشاركه بالموضوع واشكر الجميع على ابدا رائيهم في الموضوع وبانتظار مشاركة الجميع وانتظار من له اي تجربه او شاف قعود امه بكر وانتج انتاج طيب ,,, تحياتي للجميع ,,, اخوكم ,,, عبدالله |
أنا رايي من راي الإخوان كانه طيب وساسه طيب فحله والله يرزقك منه |
اقتباس:
ان وحيدان بعير ابن جهيم المري والطعم بعير الكربي على حسب كلام القريبين منهم عيال اباكير وهذي هي من خيرة الفحول المنتجه |
يالربع البدو يوم قالوا الكلام هذا كانت المعايير تختلف عندهم عنها في الوقت الحاضر.. على وقت الشيبان الناقه علشان اهد ولدها لازم أعرف طبع الناقه ترا الناقه اذا لقحت وغدت خلفه يختلف وضعها ولازم اعرف انتاجها هل انتاجها زين واللا شين والزين هنا له معايير عديده تختلف عنها الحين مثل زين الشكل جبر العظام كثر الحليب الممشا زين الطبع وعلشان اعرف زينها من شينها لازم اشوف لها كم من بطنه علشان اهد ولدها واللا ماهده يا اخي يمكنها زينه ولا تجيب اللا سكاريب هاثم يجيب لي ولدها سكاريب مثل بناتها اللي مابعد شفتها. هذي وجهة نظري ولكم كل التقدير. |
| الساعة الآن 45 : 07 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |