القعود ضرابه زين ومايلقح
 

الاخوان اهل الخبرة اشتريت قعود مزيون قبل سنه راعيه يقول لقى وانا اظن انه لبنى المهم السنه ذى القعود خلع وضرابه زين وهديته فى العيد ولسه مالقحت عليه ولاناقة وبعض البل عاود ضربها ولافيه فايدة هل صغر السن يكون السبب الراى والمشوره يالربع تكفون

مرحبا ياعلي

البعير صغير سن اصبر عليه شوووووي

الاخوان قاسم وعبدالعزيز شكرا على مروركم ومشاركتكم وهل كثر ضرابه للبل بدون ماتلقح يضرها ويمنع القاح مستقبلنا

البل مايضرها لاكن يضره هو

شوري عليك ارجع واربطه ولا تهده إلا بعد المربعانيه

لاتلطم القعود يمكن قروه مامر ويضر القعود

اصبر عليه لاتهده الحين

اتفق مع الربع بس ايضا يضر الابل بالوذم

اخوي الزمول الوقت هذا قليل متعشر اصبر عليها شوي بعد المربعانيه

شكرا لجميع الاخوان المشاركين

قالوا لك الإخوة

قعودك توه صغير . وأصلاً الفحول الأيام هذي عشارها ضعيف .

لازم تربط البعير وتنتظر لين بعد المربعانية عشان ماينظر من كثر الضراب .

اصبر على القعود شوي
والبل يضرها الاضراب ويوصخها احذر طال عمره
كثر اضراب البل يسبب الحيال

القعود الجذع ما يلقح لين يتم اربع اسنين باليوم من يوم ولادته
الشي الثاني لين يعبس ثم هده و الله يبارك لك فيه ويمنحك

القعود الي أول هداد له مايلقح الى في أخر الوقت ودام ان اضاربه زين خله وولقح ابلك بغيره لين اخر الوقت اضرب عليه ثنتين وثلاث علشان تشوف أنتاجه لانه كلها الزمان الجاي بتجي صيفيه والصيفيه مهيب نفس الشتويه في زينها والله يرزقك منه الأنتاج الطيب بأذن الله

[ [ كثر الضراب الحين يشين الفحل خله بالشبك للمربعانيه واطلب من الله ان يبارك لك فيه

شكرا لجميع الأخوة الله يعطيكم العافية ويبارك فيكم الاخ علوش ياريت توضح معنى( يعبس) لانى ماعرفت ايش المقصود بها والله يجزيك الجنة انت وجميع الأخوة المشاركين