ياهل العرف نبي مشورتكم في هالناقه مزيونه والا زينه والا زوينه
 

السلام عليكم بالنسبه لناقك أخوي مبارك حليوه لاكن فيها مميزات الي هي
1ـ الجسم زين
2ـ لها عرنون خشم
3ـ لونها كايف
أما السلبيات فهي
1_ألأذاني شرف
2_الرقبه جلاله مع مطلعها وفيها عواجه
////أرجو أن تتقبل وجهة نظري /////

بيض الله وجهك يالصالحي على سرعة الرد وعلى ابداء الراي اللي اعتبره شهاده بس ودي اسالك كم تعطيها من 100

من دون مجامله يأأخ مبارك أعطيها بالنسبه لشكلها وسعر السوق 12000 أما الطبع والحليب هذا شي غير

الناقه خلفه والحليب رقم 10 الله يبارك والطبع هدايه ماشاء الله ها كم تسوى الحين يالصالحي

الحليب والهداوه له 3000ريال لحاله من غير الشكل

بيض الله وجهك على هالمعلومات وجزاك الله خير

ونشوف باقي اراء الاخوان ووجهت نظرهم

ناقتك زينه ومبروكة واقل مايقال عنها ناقة انتاج هذا اذا ماقلنا بدوية ومقنوي ومادون العشرين شي ويمكن اني ظلمتها بهالسعر

مرحبا يامبارك والناقه طيبه ويدورها القناي ويتعب عليها اما السعر صحيح ان الاخوان اجتهدوا بس ظلموها .

جزاك الله خير وبيض الله وجهك


بيض الله وجهك ماقصرت انت والاخوان والراي ماينزعل منه ونشوف باقي اراء الاخوان

وعليكم السلام ورحمة الله وبركاته

اخوي مبارك الناقة مبرووكه واتفق مع اخوي ومشرفنا العزيز محمد ابو عدوة

والناقة حلوو ومبرووكه

ماشاء الله تبارك الله
اخوي ناقتك مزيونة الله يبارك لك فيها

بيض الله وجيهكم جميعا يعني نتمسك بالناقه

تمسك بالناقه الناقه طيبه الله يباركلك

بيض الله وجه كل من شارك ودلا بدلوه جزاكم الله خير

الناقه حسب طرحك زوينه
وتمسك فيها بداوه وانتاج

الله يجزاكم خير على المشاركه

الناقة مثلها في سوق الحساء 16000 ولولا رقبتها وأذانيها كان راحت فوق

جزاك الله خير على هالمعلومه وننطر راي باقي الاخوان

ناقتك حلوه وناقة انتــــــــــــــــــــــــــــــــــــــــــ ـ ـ ـ ـــــــــــاج

جزاك الله خير يالرشيدي شهاده اعتز فيها

بسم الله ماشا الله
تحطم الرقم القياسي

الله يجزاك خير يالقرني بس عطيتها اكثر من حقها الرقم القياسي مره وحده :o

تبغاني أعود واقول شي ثاني
ولاهيب من لحيتي
قل آميـــــــــــــــــــــــــــــــــــــــــــــــ ــن
ان الله يهديك

الله يهدي الجميع وجزاك الله خير بس انا مابي المجاملات ابي الكلام الصحيح وبيض الله وجهك