افضل طريقة لفك الركاب من بعضها
 

مرحبا يافيصل

أنا جربت طريقة ونجحت على بعير كان بيذبح بعير أخر وهو أنك تعميه تلبس عيونه شئ ماتخليه يشوف وتضربه ويقوم بكل سهولة المهم مايشوف وراء الغطاء

وعليمك السلام ورحمة الله وبركاته

وافضل طريقه ترش وجه البعير بالبترول

مرحبا يافيصل فيه طريقه انا ماجربتها ويقولون مفيده تدخل الخيزرانه في خشم البعير . فيه مقطع مشهور لركاب تعاقرت ومات فيه بعير والاخوان يصورون والراعي يحاول فكها من بعض وكان الحل بسيط بس مع الاسف كان بامكان راعي السيارة يلمس البعير الصدام ويدفره بالموتر ويمنعهم من بعض بس يالله تؤخذ العبر من المصائب .

تحيه
 

وعليكم السلام ورحمة الله وبركاته

الاخ فيصل

كل واحد له طريقه في فك البعاريين عن بعضها اما في ماء ولا يحطون على راسه خيشه
ولا بضرب بعصي وحديد ولا يحطون حبل من عند نحره ويسحبونه

وكل هاذي طرق تاخذ وقت ويمكن واحدن من البعاريين يذبح الثاني وهم ما فكوه

ولكن طال عمرك فيه طريقه مجربه ونافعه جدا وجربها كثير من اهل الابل وهي
في نظري افضل طريقه لفك البعاريين عن بعضها وفي وقت بسيط مايحتاج الا ثواني



وهي انك تاخذ ابره من الابر الكبيره وتسحب فيها بنزين وتضغط الابره في خشم البعير
تلقاه ينقز ويفك البعير الثاني في لمحه عين

وهاذي الطريقه مجربه مثل ما قلتلك ونفعت كثير من اهل الابل

المزحمي

طريقة مجربة
إقبعه بالعجرة مع معذره

ماقصرتوا
 

المااااااااء افضل واسرع واسهل طريقه

بسّه في وجه واحد منهم وتشوفه يختلف

معلومات طيبه ومفيدة ولكن لي سؤال ياجماعة ـ لو افترضنا ان الفراع استطاع قمع البعير الظالم ، اليس من الممكن ان ينحرف عليه ويحطه بدل البعير الاخرو، هل لدى احد منك تجارب في مثل هذه الحاله0

اخوي انا جربتها وبعلمك بالتحديد خذيت لي طال عمرك عود سلمة توني قاطعه وانا القى بعير عمي كبر السكس وأكول محد يقربه باركن على الاخر وادخل العود في خشمه وقام وانصفق والبعير لا اوميت عليه العصى مايجيك وان وصلك عطه على زمام خشمه . والطريقة انا مجرببها اما طريقة الماء ماقد جربتها والعيال مدحوها .

مثل ماقال أخوي سالم

كلامك سلييم ياسالم

وطريقه بسيطه وسريعه

الطرق واجد
لاكن ابعطيك الطريقه المجربه والمظمونه
جبلك كيس شعير والا كيس خييشه وانقعه ولا صب علااه بنزين وداخله في راس البعيرر \\وظربه\\
وبذن الله دقيقه الاوهوو فاااااااز
وهاذي الطريقه مجربهاا وفادت معي وجربوهاا ربعن لي ونجحت امعهم

ياخوان لو سمحتولي
طريقة سكب الما أو الزيت أو تغطية الوجه أو ... أو ...
هي مفيده .
لكن لو صارت في الخلا الخالي لا من شاف ولا من درى ولا عندك ماء ولا خياش ولا ولا
أنا بظني في ذي الحالة ما ينفع معها إلا العصا الصمله والجيدة وموقع الضرب يكون عند المعذر وهذي طريقة مجربة وبالحيل مجدية عند فقد الطرق الأخرى

تحياتي للجميع ...

تواجهت علينا وحن شادين ولا حولنا ما ولا غيره وربطنا كل واحد منها في سياره وسحبناه الين ابعد من رفيقه لكن مع الانتباه ليد البعير لا تمزع

لازلت بإنتظار اجابات المجربين ، فلاتبخلون ياكرام اللحاء0

بسه والله فكرة لكن وين بيلاقيها وهي تطوف على رزقها

لكن عندي حل إفسخ ثوبك وغم عيون المطروح
وخذ عصا وعلى البعير الطارح في معذره وخشمه وكراعه عشان ينفرع منه ويفز من خويه وان مالقيت العصا فعليك تملى وجهه وعيونه بالتراب والحصب وضربة كراعة على شان يبرك ولا يركع والى منه برك هان على الثاني
وقام وهو مغمى بعيونه
وان شاالله سأخبركم عن أنواع العصي اللي ما تتجزع ولا يصيبها أي مكروه عند الضرب

انا افضل العجرا في المقذعه

انا جربت الخيزرا نه في فم البعير تدخلها بشدق البعير وتطلع مع الشدق المقا بل تضغط عليها نحو ضروس البعير يبلش البعير با لعصا وهي الي متوفره مع كل را عي وبسرع يفا رق البعير اثا ني ولا يلحقه ضرر

اخوي سويلم وين الراعي اللي بيقرب من البعير اكثر من متر والركاب متقابضه لانها في سرعة البرق تدور مثل المروحه والي حولها رايح والراعي ماهو بقارب منها اكثر من متر

الاخوان ماقصروا اهم شي انك ماتظرب البعير بالعصى لانه ماراح يفيد معه الابيزيده

تعنت وظغط على البعير الثاني خاصه ان كانه تحته

انا اشوف ان رش الماء على وجهه غير كافي لانه وان قام راح يرجع وبسرعه على البعير

لكن مادري يمكن الاخوان اللي جربوا البانزين يكون افيد لانه ماينتهي مفعوله بسرعه مثل الماء

او انك تدعمه بالصدام وهذا اخر حل اشوفه قبل مايموت البعير الاخر

اسهل حل بانزين ترشه في وجه الفحل وينتهي الموضوع

انا ما جربت عصا الكهرب ولكن اسمع ان عصا الكهرب لة مفعول السحر مجرد لمس البعير بالعصاااااا يكهرب مخة
هذا والعلم عند الله