|
سبحان الله :: ناقة مستجملة عند واحد من ربعنا :: ناقة مستجملة أول ماجا الهداد تعبنا وياها ضربها البعير كذا مرة وماشفنا فيها مواري عشار ثم قطعنا عنها ونظفناها وهدينا البعير عليها وياليل ماطولك وكذا مرة نهد البعير ولا من مواري عشار في الناقة والحاصل الناقة قعدت عند الرجال ونوى يبيعها وعود يستشيروياخذ شور ويرد شور لين ماثبت على شوره الصامل وقال مانيب بايعها والناقة راسها راس جمل كل مامرت عليه إلا وضعها مختلف عن العشاير الثانية لاهيب اللي تند عنه ولاهيب اللي تشول وتوزر والبعيركل ماشافها ويكرفها هدرولهى لين مامر عليها ثمان شهور والجنب هوهو ماكبر ولاتقول انها لقحة وسبحان الله العظيم جا يومها اللي مكتوب فيه وتخورم وتلد حوارة عفرا على ابوها وانا عرضت القصة ذي لانها نادرة وتقبلوا خالص تحياتي واشواقي |
سبحان الله العظيم وبحمده صدقت ياعالي ناقة عجيبة وبيض الله وجهك ومن يقرا |
بيض الله وجه الجميع , ولا نقول الا سبحان الله القادر على كل شي . |
سبحان الله |
اقتباس:
أكرر شكري لك ياولد وائل ولا عدمتك |
اقتباس:
|
انا عندي ناقة نفس الوضع لكن قبل ماتعارض قرب الفحل عليها وباول عرض للفحل بركت له على طول وبعد ماضربها نزل دم غريب من حياها ومن عقبها وهي ماتطيق قرب الفحل وغيرت الفحل ومافاد والى الحين مالقحت وماادري وش السواه؟ |
سبحان الله </B></I> |
سبحان الله ولاهنت على القصه الغريبه والعجيبه |
اقتباس:
الناقة يمكنها معس وعليك تدخل عليها وتنظفها وإلى كانت قصيرة والفحل اللي ضربها ناهي وجبر فاضربها ببعير على قدها وان شاالله تلقح ويطولي عمرك يالمطلق لا هنت |
اقتباس:
|
اقتباس:
مشكور ياخوي بو صنيتان لا عدمتك |
لاهنت علي الموضوع طيب عندي واحد من الجماعة حصل معاه مثل هذه السالفة عنده ناقة ضربها الفحل وماعشرت وباعها علي واحد من الربع بعد 9 شهور ويوم تمت 12 شهر ولدة الناقة وجابت قعود وللعلم الناقة كذا بعير ضربها والمكان في الكويت وأسم صاحب الناقة مبارك العازمي . |
اقتباس:
وأكثر وقع هذي البل على حسب ظني والله أعلم بالنياق الزرق لان القشارة تغلب عليها وإلى صارت أم جنب وبطين عاد سلم لي عليها يحتارون أهلها هي القحة والا لا لكن المكتوب خافي والله أعلم به سبحانه مشكور ياطلال بن عقاب وعسى الناقة مبروكة عند راعيها |
السلام عليكم... حبيت اعرض موضوعي على الاخوان المشرفين او احد الاعضاء لطرحه في منتدانا الطيب (كيف تعرف الناقه اللقح) وكل واحد يدلي بدلوه على حسب عرفه وابدا بنفسي اعرف الناقه اللقح من خلال : 1) رفع( الذيل عند قرب البعير منها) 2)............. |
وعليكم السلام ورحمة الله وبركاته حياك وبياك يابوسالم وهذي مداخلة منك مهوب بموضوع والموضوع يكتب فرد في القسم ويشارك فيه الأعضاء ومادامك سالتني ماردك ياغناتي وعلا مة اللقاح هو تشويل الذيل وتركيز الراس والموازرة المقطعة وعدم الرغا عند مقابلة الفحل وصد الفحل عنها وقت مايكرفها أتمنى اني وفقت والله يبارك فيك |
صارت لي مع فاطر |
جزاك الله خير يابوفاضل على تعزيزك للقصة وانها صارت مع فاطرك لا هنت |
البكره أول ضرابها تكون جاهله في نفسها و لا تعرف ان كانت عشرت او لا فترى بعضهن ما تشول إلا بعد مده طويلة و بعضهن ما تشول إلى ان تلد. أما بالنسبة للعشار بعض اهل الخبره يعرف الناقه من حياها إذا حياها إنكمش دليل العشار و بعضهم يعرف الناقة من دمها و خلقتها ان كانت معشر او لا و العلم عند الله اولا و أخيرا. هذا و سلامتكم. |
اقتباس:
بارك الله فيك يابن جليغم وكلامك في الأباكير صحيح واللي فهمته منك ان بعض اللقاح الجل مايبين لقاحها إلا إذا أتلت وكلامك في تغير الحال واللون يدل على العشار صحيح لكن بعضها النادر منها تحيرك قال عز من قائل عليم (( الله يعلم ما تحمل كل انثى وما تغيض الأرحام وما تزداد وكل شيء عنده بمقدار )) شكري يسبق مروري لك يا ابن جليغم |
جزاكم الله خير جميعا على المعلومات القيمه انا عندي بكره اضربها البعير فوق خمس مرات وقطعنا الصيد واضربها البعير ثلاث مرات بعد التقطيع ومابين شي عليها ومدري وش الحل فيها .. |
ياخوي تركي بارك الله فيك بين لنا سنها وخبر عن ماضيها هي قد أنتجت والا لا وبعدين لما يكرفها البعير تلد عنه والا ما تحسب له حساب وخبر عن حالها ضعيف ولا متعافية ______________________ إن كانها ياخوي سبق وانتجت بخير وحالها طيب وعافي ولما يكرفها البعير ماتلد عنه ولا تحسب له احساب فبإذن الله إنها معشر وياريتك قبل لا ضربتها حطيت ملح وتمر وعويد وهذي النياق يقال عليها دفون ______________________ الناقة إصبر عليها ياخوي ولا منها خورمت وانتجت علمنا وخبرنا عشان انبارك لك فيها وأكتب خبرها بذا الموضوع عشان تكون خير شاهد أشكرك ياخوي تركي وأتمنى لك كل خير |
البل عجايب سبحان الله انا كان عندي ناقه الصيف كله تشاول لا شافت البعير وتقول هذي لقحه وبطنها كل مالها تكبر جاء الشتاء وراح الشتاء يوم جاء الربيع نتحرها تالد الا الناقه تغير طبعها قلنا بس هذي بتالد اثاريها مجسر تبي الفحل والله وابيعها على سودانيين قلت ترها مجسر تبي الفحل عاينو فيها قالو يازول هذي لقحه ابد تشوفها تقول هذي لقحه وهي ماهي بلحقه فسبحان الله البل عجايب |
اقتباس:
كل شي ياخوي الحويماني به عجايب ونوادر أشكرك ياحسن والله يوفقك وييسر عليك كل صعب |
اقتباس:
افتشها تحت لسانها انا متآكد بتلقى ذيخ كانه صيد قصه وحط عليه ملح وضربها <<< وقد صارت عندي وقصيت الذيخ والحمد لله تلاقحن بالتوفيق |
اقتباس:
|
اخوي عالي الله يجزاك ويثيبك على حرصك واهتمامك وكثر الله من امثالك... هي بكره وسنها جذعه وحالها طيب وماتقرب من البعير تهج منه اذا جاها وقطعنا الصيد عنها مرتين والبعير كل مافكيناه ماينطلق الا عليها يلحقها لين تتعب وتبرك له من نفسها ويضربها ضراب زين وماترغي ابد وهو يضربها لاكنها ماعشرت واللحين على هي على ضراب والله كريم ان شاء الله .. اخوي الحويماني جزاك الله الف خير على النصيحه انا عندي استفسار يقولون البكر مايجي فيها ذيخ هل هذا صحيح لاني قلت يمكن فيها ذيخ قالي السوداني اللي يقطع الصيد ان البكر مايجي فيها ذيخ .. |
عالى بارك الله فيك على هالموضوع الشيق وشكرا |
اقتباس:
شكرا على المرور والإستفادة |
سبحان الذي لا يعلم ما في الارحام سواه جل شأنه تعالى,, وتشكر الاخ علي العماري على تعريفنا بهذا الحدث ويبارك لك في مالك. |
اقتباس:
ويبارك فيك يابو سالم وفي مالك |
سبحان الله |
مشكور ياخوي خالد بن سعد والله يبارك فيك |
| الساعة الآن 14 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |