|
ما هو رأيكم في من لا يتبع الاصول اذا اتى اهل الركاب الطيبه ؟؟؟ (( بسم الله الرحمن الرحيم )) أخواني اعضاء منتديات مزاين طرح قبل ايام موضوع عنوانه ( ماهو رأيكم في من يمنع الضراب ) وأخذ الموضوع اتجاهات عديده بعضها المرضي وبعضها الغير مرضي . رأي شخصي : صاحب الفحل الطيب المنتج اذا هد بعيره هل من المعقول ان يضرب لكل من قصدو بعيره جميعاً ؟ اكيد بيكون الجواب : لا . لماذا , لا ؟ سأقول لكل قاعده شواذ . سيقول البعض : كيف لكل قاعده شواذ ؟ سأقول لهم : هل كل اهل البل اللي جولو عنده وقصدوه وقصدو بعيره طيبين كلهم ؟ هل هم محترمين واخلاقهم طيبه كلهم ؟ هل يستحون من صاحب الفحل كلهم؟ هل هم رجال يشيمون راعي الفحل ولا يرضون له ولا لبعيره الشي الشين كلهم؟ هل يهتمون بحالة البعير الصحيه كلهم ؟ هل ابل جميع من جولو عند بعيره سالمه من الامراض المعديه ؟ *********** زاويه اخرى ************** يعني ان كان راعي البعير ما عنده مانع يضربون العرب عنده ووده بالاجر والثواب من الله اكيد بيجونه ناس ما عليهم ملاحضات ولا على ابلهم ملاحضات وذولا ما يردهم . لاكن ان جاه رجال مقصور عمر وظهرت منه تصرفات غير لايقه ولا فيها اصول وشيمه لا بالله اللي ما عليه لوم اذا رده ورفض يفك الفحل على ابله . .................................................. .................................................. ..................... ********** زاويه اخرى *********** الرأي في من يمنع عن بعيره يضرب لخلق الله . معروف ولا يحتاج نقاش ردي الله يردي حباله ان كان مانعه بدون اسباب مقنعه . .................................................. .................................................. .................... *********** زاويه اخرى *********** الرجال اللي يسب ويسوي حمله اعلاميه على صاحب الفحل وهو منع عنه البعير لاسباب مقنعه هذا رجال ناقص ولا يستحي وخوفه من الله قليل . .................................................. .................................................. .................. ********** زاويه اخرى *********** فيه ناس اذا ضربو عندك ونتجت ابلهم بحيران طيبه نسبو الحيران لبعيرهم وهذا ذنب كبير وثاني شي موجعه لصاحب الفحل اللي ما رد بعيره عن ابلهم وفي الاخير ينكرون انها على بعيره .................................................. .................................................. .................. اخواني الكبار اعضاء مزاين صلوا على محمد ولا تلحقون اصحاب الركاب الطيبه بالكلام . واتمنى اني مقدي في ما قلت . |
ماقلت الا الزين يابومحمد وانا معك في كل كلمه |
كلا مك صحيح لا كن في الزا ويه الا خيره الي بيحتسب الا جر عند الله لا يسا ل هل هو نسبوه للفحل المنتج ولا نسبوه لبعيرهم لن كلا م الليل يمحا ه انها ر وهوصا حب الجميل الا ول ولا خير ومن لا يشكر النا س لا يشكر الله والكذب حبله قصير لا كن الجبا ل اشا مخه تلتطم فيها الريا ح وتعدي والجبا ل تبقا شا مخه واشجره المثمره ما سلمة من الرجم با الحجا رة وشهود الله با الرضه والله الي يرزق صا حب البعير وهوبينقصهم ولا حول ولا قوة الا با الله |
من فتح بابه لناس اقول الله يكون في عونه الناس منهم الصالح ومنهم الطالح كفيت ووفيت والله ما قصرت بيض الله وجهك رايتك بيضا رفع الله شانك ومقدارك |
نعم مقدي في كلامك ولا يلحق كلامك قصور يابو محمد وكفيت ووفيت وشرحت عن ما يجول في خاطر بعض الناس والله يعطيك العافية |
ما قلت إلا الطيب وهذا هو الطرح المناسب يعني ما فيه رجال بيقول أن اللي يمنع بعيره بدون سبب فعله صحيح لكن الكلام على اللي بعيره في يدين الناس ولا يرد احد ومع ذلك في كل هداد يعاني الأمرين من بعض الناس الله يهدي الجميع وإذا سوى بعض التنظيم وإلا حتى تعذر انهالت عليه الشتايم وصار ردي ولا فيه خير وتناسوا أن اللي سبب المنع هو افعالهم ايضاً فيه ناس الله يستر علينا وعليهم يعيبون على من يمنع حتى لو كان مانع بسبب .... وهم مواعدين الناس بالضراب وبالخيرويوم جا الهداد سروا في ليلة مافيها قمر وغيروا جوالاتهم ومع هذا عذرناهم وسكتنا عنهم فكل انسان له ظروفه وفوق هذا يجي ويذم خلق الله مثل هذا وش تقولون فيه؟؟؟؟ |
اعيد ماقلت في موضوع الاخ سالم : أقول لهل الركاب الطيبه تذكروا قول المصطفى صلى الله عليه وسلم (لا يؤمن أحدكم حتى يحب لأخيه ما يحب لنفسه ) وأقول لهل الضرايب تذكروا قول المصطفى صلى الله عليه وسلم ( لا ضرر ولا ضرار) تقبلوا تحياتي |
السلام عليكم ورحمة الله وبركاته اخوي والله ان انت كفيت ووفيت فيه ناس يجون بالليل ويضربون البعير بابر تبع الهياج عشان يهيج ويضرب ابلهم ويضرون البعير وراعيه وهذا كله ماهمه الى نفسه وابله ولا همه صحه البعير ولا راعي البعير ولاهو معين خير , جزاك الله الف خير على الايضاح ,, اخوك ,,,, عبدالله |
كفيت ووفيت والناس غصبا بيشاركونه في حلاله واذا هو مايبغي الطيب هذا ردى على نفسه وفي الاول والاخير اهو الاولى بحلاله وخوفه عليه بعد من حقه لحد ينكر هالشي |
مساك الله بالخير يابو محمد تقول طال عمرك (( هل كل اهل البل اللي جولو عنده وقصدوه وقصدو بعيره طيبين كلهم ؟)) وانا بسئلك كيف اميز بين الرجال واعرف ان الي جاني رجال كفو وييستاهل ؟؟؟ اقول سود الله وجه من دور عذر الي يبي يدور عذر بيلقى مليون عذر وبخصوص الجزاء والشكر ونسب الحوار للفحل اهل الفحول الطيبة مايدورون غير الجزاء من الله والجميلة في الرجال المطاليق والردي مادرو عنه هو وحواره ماقول غير الله يوفق ويرزق من سبل بعيره لناس |
أخــــــــــــــــــــــــوي علي مســــــــــــــــاك الله بالخير بيض الله وجهك وجمل الله حالك أنت كفيت ووفيت وعددت نقاط و زواياء ولكن مثل ما يقولون (( رضى الناس غايه لا تدرك )) مهما فعلت او رتبت ونضمت صدقني راح يلحقك ملام ويلحقك كلام ولكن الترتيب طيب للرجال الي يعرفون وش معنى السررا وبالاسم و بالرقم هذا اشوفه انا انه طيب ووافى ويريح راعي البعير ..... ولكن ياخوي علي فيه اصحاب اركاب يتعذرون بعذار والله ثم والله مايتعذرها السفيه انا ودي انه يقول لي ماني هاد البعير على ناقتك ولا يتعذرني بعذره السخيف الغير مقبول ومن رد المسلمين عن اركابه علمه ذا في وجه وبيلقاه في كل مجلس ... ولكن بعض اهل الركاب يفتح المجال للمسلمين واذا جاء يبي يضرب أبله ما عين له فرصه والافضل الافضل انه ينتهي من أبله بالاول ويتاكد من عشارها ثم عقبها يفتح المجال للمسلمين لكن ما تدري وش راح يحصل للبعير من امراض او لاسمح الله يعطبونه الرجاجيل بعض الناس مافيه خير حتى على نفسه الله لايهينك في انتظار جديد مشاركاتك لاعدمناك |
لاهنت يابو محمد وكفيت ووفيت وفي بعض العرب يضربون ببعير ماهوب مشهور وإذا جا عندهم بكره طيبه على البعير أنسبو البكره إلى أي بعير مشهور و معروف وغالي ولاعليهم من الحلف والقسم على شان ترتفع قيمتها |
اقتباس:
يعني واحد بدر منه تصرف خطا ومنعت البعير من ابله |
اول شي مشكور ياعلي على الموضوع الرائع ثانيا اخواني كفو ووفوا |
بيض الله وجهك يابو محمد وكفيت وفيت وكلامك ماعليه قصور وكل رجال يطلب الاجر ورا فعل الخير |
ياشباب معنى علي واضح هو مايقصد الرجال الي يمنع الضراب للناس علي يقصد اللي مايعرف السرا ولايعرف الترتيب يجيك يتخبط ويبغي يضرب بأي طريقه بدون سرى وبدون ترتيب اهم شي عنده انكم تخلصونه ويطلع ولايهمه اللي قدامه ولا يهمه الاولويه اهم شي نفسي نفسي |
السلام عليكم ورحمة الله وبركاته اشكر الاخ علي على ايضاحه لكثير من الاسباب التي قد تحول دون موافقه مالك الفحل السماح بالتضريب على بعيره ولدي ملاحظتين اتمنى ان تتسع صدور الاخوان لها : 1) لماذا ندعي على من منع الناس من الضراب على بعيره!! اليس الاجدر بنا الدعاء له بان يدله الله على فعل الخير ، او على اقل تقدير تركه وعدم ذمه وسبه في كل مقام ليسلم هذا المسلم من اللسنة الناس وماذ سيستفيد من يسبه هل تعلم بانك قد تقع في مثل ذلك الموقف يوم من الايام ...... لا تقل لا يمكن ذلك فالله وحده القادر سبحانه ان يبدل الحال وان يبتليك بمثل ما ابتلاه 2) هناك امر خطير وخصوصا في مسئلة السراء وما الى ذلك فكثير من الاخوان اصحاب الركاب الطيبه يتذمرون من سواء صنيع الناس وخصوصا ان البعير اللي متعود انه ما يضرب الا نياق مياسير اصبح يعسر على الناقه الغير ميسر والسبب طبعا معروف هو رغبة صاحب الناقة في الضراب وعدم تفويت السراء حتى لو لم تلقح ناقته والنتيجه فساد طبع البعير واصبح يضرب اي ناقه تواجهه بمجرد ان يفك قيده وهذا امرا شاهدناه يا شباب كل يحب الخير لنفسه وكل منا يتمناه ولكن يجب ان نكون ايضا معقولين في الطلب والرضى بما قسم الله لنا وكان الله في عون اهل الركاب المشهوره ورزق الله المحتاجين وتقبلوا تحياتي |
اقتباس:
يعني انا ما قصدت اللي يمنع بعيره من الضراب بدون اسباب مقنعه . انا اقصد الرجال اللي منع راعي البعير بعيره ما يضرب ابله بسبب خطأ حصل منه او تصرق غير مقبول او عدم التقيد بالسرا وبعدين يقوم راعي البل بالدعاء على راعي البعير ويجعله اردى خلق الله وهذا ما يصير يا اخوان . |
اقتباس:
كلااااامك واااااااااااافي وااااااافي واااااافي ومن رجال وافي الله يبيض وجهك على عقلانيتك الكبيره والواعيه . اخوك علي اليامي |
اقتباس:
انت من اللي يشرفني مرورهم وممن يهمني رايهم . مشكووور على المداخله الطيبه |
اقتباس:
الله يبيض وجهك وكلافك واااافي وعلمك غانم يا محلفي وجعلنا وياك من الطيبين كان حن هل ركاب ولا هل ابل |
اقتباس:
الله يبيض وجهك على المداخله والراي الطيب ؟ وجعلنا وياك من الطيبين هل ركاب ولا هل ابل |
اقتباس:
مشكوووور والله لا يهينك على مشاركتك الطيبه وجعلنا وياك من الطيبين هل ركاب ولا هل ابل |
اقتباس:
جعلك تسلم وتحيا على مشاركتك الطيبه وجعلنا وياك من الطيبين هل ركاب ولا هل ابل |
اقتباس:
اشوف انها موجعه لراعي الفحل وانت ما ترضاها . الله لا يهينك |
اقتباس:
كلامك وافي ومشاركتك وافيه الله لا يهينك |
كلامك في إكس آر >>> XX LARJ فل كامل وافي وافي مثل العسل صافي بيض الله وجهك يا بن محمد واسمح لي اعلق بعض العرب ما يقدرون راع الفحل يعني بالعربي الفصيح يتحينون الفرصة اللي يطق فيها راعي البعير ويروح عنه ومن ثم جو عند البعير وهدوه على نياقهم واللي سوى سوات هذا عليه يستغفر ربه ويستسمح من راع الفحل ويستعذره والرسول صلى الله عليه وسلم قال ((( يا من أمن بالله لا تحلبن شاة أحد بغير إذنه ))) واللبيب بالاشارة يفهم ويقيس الحديث ذا على راع الفحل والسلام عليكم ورحمة الله وبركاته |
اقتباس:
الله لا يهينك وبيض الله وجهك على المداخله الطيبه وجعلنا وياك من الطيبين الخفاف على اهل الفحول |
انا رايي من راي الاخ عبدالرحمن عبدالعزيز كل واحد يعطيه ربي على نيته خل نييتك خالصه لله سبحانه وتعالى وحتى لو نسبوا انتاج فحلك لفحلهم ولا فحل مشهور ربي مايضيعك ورزقك عند الله سبحانه وتعالى مايضيع يايعطيك ياه فالدنيا ولا تلاقيه فالاخره .. |
| الساعة الآن 40 : 10 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |