|
كتاب عن وسوم 113 قبيله عربيه حاضره وباديه .... اسئل نجب ..!@!! اسعد الله اوقاتكم بكل خير .. جاني كتاب عن وسوم القبايل والعوائل واهل القرى .. وانا هنا بخدمتكم اي واحد عنده سؤال عن وسم يسأل وباذن الله اجيب له تحياتي اخوكم .. |
ارجو تثبيت الموضوع فهد |
يامرحبا يابو حمد تراحيبة الحيا دايم متميز بمواضيعك ولا تجيب الا كل علم طيب تم تثبيت الموضوع |
أخوي فهد ممكن تعطني الكتاب والسلام |
السلام عليكم الأخ فهد بن صلبوخ الله لا يهينك على كل حال وأشكرك على جهودك الواضحه للجميع الله لا يهينك بغيت أسألك عن وسم الحمايرة من المضيان من عنزه إذا هو موجود بالكتاب وإذا ماهو موجود شف لي وسم المضيان.وشكرًا (أنا أدري أنه المطارق ولكن ليتك تشوف الكتاب وش فيه ، وإذا هو شارح عنه وين محل الوسم(الرقبه أو الفخذ) وغيرها من المعلومات) |
اقتباس:
ارحب ياجاسم وعلمك طيب وانت راعيه اخوك |
اقتباس:
يفداك ياكامل |
اقتباس:
ارحب ياخالد ومن قال مايهون وانا مالقيت الحمايره في الكتاب لكن لقيت الماضي ..!! ووسمهم شاغور ومطرق على الفخذ من يمين بهذا الشكل : http://www.mzayan.com/vb/images/uplo...518271fd59.jpg واسمح لي على القصور والقصور من الكتاب وان لقيت لهم شي ابشر بسعدك اخوك |
البقا هههههههههههه الله يهديك يابو ؟؟؟(وش أسم الولد) أنا أسألك عن وسم المضيان ماهو الماضي على كل حال بيض الله وجهك |
مرحبا ياخالد وانا قلت لك مالقيت الا الماضي وموفق ان شاء الله |
ماقصرت يابن صلبوخ |
الاخ فهد بن صلبوخ ماعنوان الكتاب واسم المؤلف وتاريخه |
أبو حمد ليتك تشوف لي وسم السلقا من عنزه وشكرًا |
اقتباس:
لانت ياخالد مرحبابك |
اقتباس:
مرحبا ياسعود واسم الكتاب (( وسوم الابل )) فالجزيره العربيه (حاضره وباديه) المؤلف : مساعد بن فهد بن نزال السعدوني الطبعه الاولى 1426هـ / 2005م |
اقتباس:
من منهم من السلقا ياخالد ..؟؟؟ حدد طال عمرك اما عن المضيان فهو المطارق وعلى الرقبه من يمين .. 111 وحدد لي منهم من السلقا وانا حاضر اخوك |
اقتباس:
وأنا سألتك عن المضيان قبل ، وماعرفته فكان بأعتقادي أنهم ماحطوا وسم المضيان فسألتك عن السلقا وبيض الله وجهك على ردك ومشكور |
لاهنت يابوحمد دائم متميز |
|
مساك الله بالخير يافهد هل لقبيلة ثقيف بالطائف وسم مذكور بالكتاب اللي عندك ووسوم القبايل التابعه لها وأكون شاكر لك ؟؟ |
اقتباس:
ولانت ياراشد ومرورك اسعدني اخوك |
اقتباس:
وهناك وسوم كثيره تشابه لهذا الوسم والوسم هذا معروف عنه انه (( الناجعي )) لفخذ الناجعه من العجمان وموفق اخوك |
اقتباس:
وانا والله قلبّت الكتاب من .. الى . والله القيت والمشكله لقيت كل المدن والقبايل الى الطايف وبني ثقيف ..!! لكن راح ابحث لك في كتب ثانيه وابشر مانيب مقصر اخوك |
السلام عليكم يا الربع من يعرف هذا الوسم ثلاث رقم على الفخذ من يمين رقمتين فوق بعض والثالثه جنبهن مثل هذا الشكل :. الثالثة تكون فوق شوي |
السلام عليكم ورحمة الله وبركاته اخوي فهد الله يحفظك / هالوسم موجود على فحل له شهر عند واحد من ربعنا وتوقعنا انه للدلابحه من الروقه واتضح ان شاهدهم رقمه على الخد الايمن وليست موجوده عليه هالوسم على الرقبه من يمين ولايوجد شاهد آخر http://www.alsowr.com/get-5-2007-2l0gk7kr.jpg |
اقتباس:
ارحب ياظافر واسمح لي على التاخير اما عن الوسم فاللي مبين لي فالكتاب انه وسم ال خويطر من العجمان 0 00 على الفخذ من يمين اخوك |
اقتباس:
ارحب ياحاتم وللأسف الصوره ما ظهرت ياليت لو تحملها من موقع مزاين ..!! التفاصيل على هذا الرابط : http://www.mzayan.com/vb/showthread....C7%E1%D5%E6%D1 اخوك |
جزاك الله خير أخوي فهد بيض الله وجهك أخوك ظافر |
أبو حمد السلام عليكم أنا عندي سؤال شاطح شوي وهو دايم أشوف الوسم على الجنب الأيمن(بالجهه اليمنى) ولكن هل شاهدة أحد يوسم على الجنب الأيسر ؟؟؟ وشكرًا |
السلام عليكم ورحمة الله وبركاته اخوي فهد انا واعوذ بالله من كلمة انا من اللي يرجعون لي عند اختلافهم في وسم لكن انا عندي ناقه اشتريتها من ابل عبد العزيزالدمخ وعليها وسم الدمخ وعليها وسم اخر وهو عندي وسم للوداعين وهو مبيعيج على الفخذ من يسار وتحته مطرق مطاوله وهي عندي للوداعين والجماعين خصوصا وانا اعرف ان العزه سبيع ياسمون ايضا المبيعيج ومن يسار ايضا واكثر الوداعين من يمين وجاءني سبيعي وقال ان الناقه من ابل سبيع العزه وليست للوداعين واكد لي 0000 ولان الناقه طيبه جدا ومن ابل التحدي فقد ادعاها الوداعين والسبعان في الاصل 0000 وانا الان اطرح الموضوع وهي ناقه صفراء خيار جدا ومن تكون هل تكون للعزه سبيع او للوداعين الدواسر شاكرا لك |
اقتباس:
السلام عليكم ورحمة الله الاخ عبدالرحمن المقباس بالنسبة للعزة من سبيع فوسم ابلهم هو المشعاب (( المبيعيج )) على الفخذ من يسار وأنا مسئول عن هذه المعلومة أما الوداعين من الدواسر فوسم ابلهم هو المبيعيج على الفخذ من يمين، ما عدا الولامين وسم ابلهم هو المشغار على الرقبه من يمين المصدر: كتاب من أشعار الدواسر وللجميع أطيب تحية |
مع كلام ابو عبدالله **************************** بالنسبة للعزة من سبيع فوسم ابلهم هو المشعاب (( المبيعيج )) على الفخذ من يسار أما الوداعين من الدواسر فوسم ابلهم هو المبيعيج على الفخذ من يمين، ما عدا الولامين وسم ابلهم هو المشغار على الرقبه من يمين |
السلام عليكم ورحمة الله الأخ فهد بن صلبوخ الله لا يهينك على كل حال وأشكرك على جهودك الواضحه للجميع الله لا يهينك بغيت أسألك عن وسوم قبيلة زعـب وشكرآ |
عساكم على القوه |
مشكور ياابن صلبوخ ولاهنت |
شكرا جزيلا اخوي فهد |
الف شكر اخوي موضوع مميز وشيق |
جهود طيبه مشـــــــــــكورين |
لاهنت وعساك ذخر يابن صلبوخ وتقبل تحياتي ,,, |
بيض الله وجهك |
| الساعة الآن 13 : 10 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |