|
اذكرو تجاربكم مع الوافي ارسكو بخوان نبي نطلع بعلومه عن علف وافي الي يمدح والي يقوال يطلع خواريج وشرايكم فيه وهل يساعد في اعشار البل صحيح نتمنى من كل من جرب يذكر ماشاف وكم الفتره للفايده |
رد: اذكرو تجاربكم مع الوافي ارسكو خراج ريح شين لمراح البل وبدنه عجله ونقضته اعجل قاطعه من سنتين ابشرك اما العشار فما اعرف انسب من البرسيم ناقع |
رد: اذكرو تجاربكم مع الوافي ارسكو تسلم يابوعبدالرحمن بس لاهنت كيف البرسيم ناقع |
رد: اذكرو تجاربكم مع الوافي ارسكو اعتقد ابو عبدالرحمن كتب البرسيم نافع وليس ناقع واتا معه علي البرسيم اما الوافي خوارج وبقوه تقبل تحياتي |
رد: اذكرو تجاربكم مع الوافي ارسكو ابشر والله بالخرجان و وبرها ينبت بسرعه تحلق ولا ماتحلق والشعره تجيك طلقه حنا جربنها من اربع سنين والخرجان لهالحين فالبل |
رد: اذكرو تجاربكم مع الوافي ارسكو أترك عنك الوافي عز الله مهوب وافي ... .. وابو فالح يقصد بناقــــع : ( أنك ماتخليه يغلق من مضارمهـــا ).. .. |
رد: اذكرو تجاربكم مع الوافي ارسكو الوافي ممتاز كغذاء كامل للبل من حيث زين الوبرة والشحم وكثرة الحليب ولكن مشكلته السلبية واللي ترجح الميزان مقارنة بالايجابيات هي النواجم والحظا واللي تلعب في البل لعبة وتبقى فترة طويلة وانت تعاني منها وتعالجها حتى ولو قطعته |
رد: اذكرو تجاربكم مع الوافي ارسكو يجماعه ممكن صحيح يضهر الخواريج بعد فتره بس عندي الخواريج تجي معني ماطعم الا شعير ونا مترددالى الان وننتضر المشاركات يسلمون الجميع |
رد: اذكرو تجاربكم مع الوافي ارسكو الوافي زين غذا كامل وطلعت الوبره السريعه هذا دليل على صحة البل والخواريج تطلع من الشعير بعد لكن الوافي نافع لذوي الدخل المحدود لانه يغني من البرسيم والشعير بس لازم تخلط تبن في وجه العدو حتى تبدن البل وما تظمر بطونها وزين للي عنده ذود اما للمنايح حليب لا انصح به لانه يسبب المالطيه ولكن المالطيه لست متاكد منها لكن سمعت وانا لا استعمل الا البرسيم للمنايح الحليب وفي التلقيح والعشار سمعت ايضا انه ينشط البويضات للمساعدة في التلقيح |
رد: اذكرو تجاربكم مع الوافي ارسكو علف (( وافي وحدة كافي )) 1- ريحة شين (( عزكم الله )) 2- على الأبل زين 3- مخلوط بجميع الأعلاف ومنها (( الرودس - البرسيم - الذرة - الفاصوليا - الدبس - الشعير - و غيرها )) و أنا علف أبلي وافي بس كن سعرة بيرتفع شوي و أتمنا أني أفتك و شـــــكــــرًا |
رد: اذكرو تجاربكم مع الوافي ارسكو اقتباس:
ناقع اي في الحوض ما يفاخته قبل الضراب باسبوع حتى يتم العشار |
رد: اذكرو تجاربكم مع الوافي ارسكو أبشر بالخراريج والحضى ،، واذا صار له فتره عند راعيه والا طقته الشمس يصبح أشبه بالسم . الميزه فيه انه تردم عليه البل بسرعه ، وتزين شعرتها بس تنقض أسرع من لحظ العين اذا غيرت العلف . |
رد: اذكرو تجاربكم مع الوافي ارسكو أنا مو قاهرني الا دعاية الوافي وانا بعرف شركة ومسوية زحمه وكل اهل الحلال يشتكون منه انا بس اطعمت البل عليه شهرين وكل شوي طالع خراريج فيها مافي مثل مكعب الصواااامع بس وين نلقااااه متوفر |
رد: اذكرو تجاربكم مع الوافي ارسكو تسلمون على مروركم الكريم ونتمنى يشاركنا احد من الي اطعم وافي من سنه وفوق ونسمع الايجابيات والسلبيات |
رد: اذكرو تجاربكم مع الوافي ارسكو الوافي " سلال خافي " |
رد: اذكرو تجاربكم مع الوافي ارسكو السلام عليكم ورحمة الله وبركاته مرحبا بالجميع كل بأسمه ... أنا علفت وافي أكثر من سنة وما شفت منه إلا كل خير لا خراج ولا مشاكل ولا غيره بالعكس البل كانت شبعانه وراكدة وعليها أي خلاف .. لكن عندي مشكلة أن البل إذا ولدت غالباً تموت حيرانها ونصحني رجال بتغيير علف البل من وافي لأنه حسب كلامه وتوقعه أنه حار على معدة البل . وبالفعل غيرت علف البل وصرت أطعم مهروس من أكثر من سنة ونصف أو أكثر ولكن بالعكس طلعت الخواريج اللي ما كنت أشوفها مع علف وافي والبل ما تشبع وصرت مجبور أعلف حشايش مع الشعير ومع وافي ما كنت أعطي البرسيم إلا للخلفات فقط . وبالنسبة لموت الحيران لم يتغير شيء من المشكلة بمعنى أن علف وافق بريء من المشكلة براءة الذيب من دم يوسف عليه السلام . لكن مشكلته أنه ينقطع بعض الأحيان وتتوهق معه .. هذا بإختصار تجربتي مع علف وافي وأنا عني شخصياً أيده وبقوة . ولكم تقديري .. أبوعبدالرحمن |
رد: اذكرو تجاربكم مع الوافي ارسكو انحش عن الوافي قصدي الهافي ويرزقك الله كنت اعلف به قبل سنتين تقريباااا وابشررك معاد اتعامل معه :) عليك بالشعير عطايا الله .. |
رد: اذكرو تجاربكم مع الوافي ارسكو الوافي كان سابقاً ممتاز لاني اطعمته ثلاث سنوات ولكن من يوم جتنا هالدعايات وهم منتكسين الحين ماينفع بررررررررررررررررريال انحش عنه السنوات التاليه ماينفعك افتك منه |
رد: اذكرو تجاربكم مع الوافي ارسكو انا اعلاف ابلي لي ما يقارب سنتين وانا اعلف الوافي وانا اعاكس كلام الاخوان والله ما شفت منه الحمدلله الخواريج ولا موت الحيران |
رد: اذكرو تجاربكم مع الوافي ارسكو تسلمون على تجاوبكم وهاذ القصد من طرح الموضوع لتعم الفايده بمشاركت الجميع |
رد: اذكرو تجاربكم مع الوافي ارسكو بالنسبه لراعي المغاتير ( الوظح) عز الله ماينفع جربته قبل سنه من قبل يغلا الشعير واستمريت تقريباً مايقارب 6 شهور او اكثر الابل سمان وحالها طيب بس وبرتها دمار ( تقول شعرت نعيميه):mwalat19: وغير كذا مراحها ماتطبه الا متلطم ولا ودك تقارد للناقه من الريح وبالنسبه للخراج الحمدالله ماشفت ولا ناقه جاها وغير كذا الوافي يختلف عن الشعير لو جاه مطر او رطوبه يخرب يتعفن ويصير سام لانه مركب اما الشعير مايجيه شئ مغير ينبت فالكيس ولا سنبل احصده:mwalat19: وهم يقولون مايجي الا بعد ماتقطعه وانا ماشفت شئ وبطونها كنها لقحات اما الشعير للسنام سيده وقعطته ورجعت للشعير والله من اسبوعين اختلفت 180 درجه لونها يسر وريح عبسها زين كنه عطر شانيل( قويه صح) الزبده ان الوافي مهوب شين مره بس الشعير افضل والشعير فيه عيب اكل الدمن تكرمون بس له حل شبعها شعير صدقني ماتاكل الدمن والدمن اتوقع انه عاده فالناقه اذا تعودت عليه ماتخليه بس انصحك علف شعير وحط معه تبن واخلطه ببرسيم والله ان تحمد ربك على حال ابلك والبرسيم بدى يرخص اتمنى اكون افدتك وافدت الاخوان ان اصبت فمن الله اون اخطئت فمن نفسي |
رد: اذكرو تجاربكم مع الوافي ارسكو الوافي يا الوافي من علف بك قال يا كافي والله اعلف بالتبن ( تكرمون ) ولا اعلف بالوافي لمن عرفت عنه انه يحطون فيه عظام من ارجل ورؤؤس وجلود الحيوانات وخاصة الدجاج بعد طحنها وإلي اعلمني بذلك مهندس بالزراعة في الكشف المخبري قلته ليش قال عشان الاملاح وبعض المركبات تكون طبيعية ،،،،،، بعدين ما يصلح لتخزين تأثر عليه عوامل المناخ وخاصة الحرارة غير الامراض وخاصة الخراريج والله ما كنا نعرفها في البل الا يوم جانا وافي ،،،،،، في دعايتهم له قالوا كنز الا خسارة ومن فود ،،،،،،،، يعني ذا الشركات تبغونها تعطي شيء يفيد لا والله الا تبغاك تكب من ذا الدراهم مرة في علفهم الي مصنعينه ومرة في فم شركات البيطرة في العلاجات التي تشتريها لحلالك من سبب الامراض الت احدثتها هذه الاعلاف المصنعة لأن كل من هذه الشركات ( شركات الاعلاف المصنعة ،،،، شركات البيطرة ) كل وحدة تشيل الثانية والخاسر بينهم هو راعي الحلال ،،،،، قاطعوه خلوه يخيس والله لو تواصلون عليه لسوف يتم منع لزراعة الاعلاف ( الحشائش ) ويمنع استيراد الشعير لأنه في الاونة الاخيرة نرى تركيز وزارة الزراعة على الاعلاف المركبة المصنعة بحجة المحافظة على المخزون المائي ومن ثم يقولون اهل الحلال ما يردون الا هذا العلف المركب المصنع ،،،، اتركوه |
رد: اذكرو تجاربكم مع الوافي ارسكو والله يااخواني علف وافي علف فاشل مايجي منه خير ابد لني كنت اعلف به والحمدلله صارت البل افضل بعد ماقطعته وانصحكم تعلفون (مكاعب المعجل او مهروس المعجل ) لني اعلفبه وحصلت فرق عن جميع الاعلاف |
رد: اذكرو تجاربكم مع الوافي ارسكو اقتباس:
عز الله انه سلال للحلال ابشر بالشحم وغيره وكل الله ويجيب الخراريج |
| الساعة الآن 22 : 10 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |