|
كم عدد ابلك واعلمك وش علفها اخواني كماتعلمون ان ازمة الشعير هي الهاجس الاكبر لمربين الابل وباقي الحلال لاحظ الجميع عن طرق التعليف الجديده والتخبط في البدائل مثل الارز, والطحين,الخ. وتكلفتها طائله وغير نافعه للابل بل تكاد قاتله اولا المقاطعه مكعب وافي: مكعب وافي قتل عندي من الابل عدد 3 من خراريج داخليه وغيرها من الامراض وهالامر مثبت فالمقاطعه هي الحل الشعير: استغلال وظلم لهل الحلال ومع ذالك نرى السراوات واصله بالكيلوات والناس متعلقه فيه بشكل غريب المقاطعه هي الحل لحد انتهى الازمه ثانيا البدائل الحشائش هي البدائل انا صاحب تجربه بالبدائل ولقيت اني مظلوم عشرسنوات بالشعير والمكعب ابلي حول ثلاثين وقبل المقاطع كنت اعطيها 3 اكياس مكعب138 ريال بعد تعب في تامينه رودس حبه 140 ريال الخلفات 4 بالات برسيم 76 ريال المجموع354 ريال لاكن الاطيب بعد ماحطيت البديل 5 بالات برسيم سعر 95 ريال 4تبين سعر 60 ريال 4 ذره سعر 72 حبة رودس يوميه سعر 140 ريال الاجمالي 367 ريال تقريبا الابل تغيرت ولله الحمد للافضل ردمت شحم ,الدمن معد عودت له,خواطرها زانت, الشعره زانت للافضل , قلت جميع الامراض ولله الحمد من واقع تجربه اتمنى من الجميع المشاركه وعن حال حلالهم مع كمية الاعلاف المستهلكه والكل يستفيد بتجربة الاخر |
رد: كم عدد ابلك واعلمك وش علفها بيض الله وجهك مووووووووضوع رائع وفعلاً هذا وقته مع الازمه الحاليه ولكن عندي سؤال:- كيف حال المفاريد عندك والحقايق؟وكذلك الخلفات او العشاير؟ |
رد: كم عدد ابلك واعلمك وش علفها عدد الابل 43 عطنا التعليف المناسب ولاهنت موضوع مميز ويفيد كثير من اصحاب الماشية |
رد: كم عدد ابلك واعلمك وش علفها اقتباس:
ابشرك الابل رادمه شحم لامفاريدها ولاحقايقها ولاخلفاتها ولاعشايرها ولافحولتها مع العلم اني مالي الا شهرين وشوي في هالبرنامج الغذائي وابشرك مستمر عليه لو يصير الشعير بعشره بس انتهى الازمه يقلل من سعر الحشائش بنسبة لي علمنا نبي اعلافك وعدد الابل يامحمد عشان نستفيد من تجربتك |
رد: كم عدد ابلك واعلمك وش علفها اقتباس:
على العموم بعطيك الكميه المتوقعه لابلك 5 بالات برسيم 6تبن 6 ذره تخلط بشكل جيد وتوزع بالمعالف بالتساوي بالخلط حبة رودس يوميه وياليت تزودنا بعلومات اعلافك وحال ابلك |
رد: كم عدد ابلك واعلمك وش علفها الاخ محمد نشكرك على الموضوع معنى كلامك انك تعلف ابلك الثلاثين يومي ب 367 ريال وفي الشهر ب 11010ريال وهذا بصراحة مكلفة جداً واكيد على ها الكمية تبي تبني شحم انا ابلي جلها 30 ناقة وبحشوها اربعين اعطيها اربعة[ 2 شعير و2 مكعب وافي] وحوالها طيبه والتكلفة اليومية 150 ريال والشهر 4500ريال ولك ان تلاحظ فرق التكلفه 11010 مقارنة ب4500 وعموما منك نستفيد |
رد: كم عدد ابلك واعلمك وش علفها عدد الذود 60 متن |
رد: كم عدد ابلك واعلمك وش علفها اقتباس:
ماتعطيها حشائش ابد؟ خلفاتها كم عددها ووش علف الخلفات؟ وكم الأسعار بنسبة للشعير والمكعب عندكم وهل هي متوفره |
رد: كم عدد ابلك واعلمك وش علفها ااارحب يا محمد يا راعي العلووم الطيبه البل عددها 50 الله يطرح فيها البركه نعطيها الغدير 4 أكياس و الذره 10 ربطات هذي البل بخلفاتها وبركابها وحشوانها والحمدلله حالها تسرك وشحوومها جبال الله يبارك فيييها والتكلفه ما حسبتها بس اظن ان التكلفه اقل ونبي نسمع منك ولاهنت يا محمد على الموضووع المفيييد المميز |
رد: كم عدد ابلك واعلمك وش علفها يا مرحبااااا اخوي محمد ابلي 26 اعطيها كيسين شعير انا اخذه 80 كيس من 55 احسب كيسين شعير + ولبنتين تبن الله يكرمك كل يوم وابشرررك حالها لا يعلا عليه طـــــــــــــــــيب الحمد لله |
رد: كم عدد ابلك واعلمك وش علفها اقتباس:
ورودسة يومي وحالها طيب |
رد: كم عدد ابلك واعلمك وش علفها اخوي محمد لي رجعه وتعقيب على موضوعك الله يحفظك |
رد: كم عدد ابلك واعلمك وش علفها بسم الله الرحمن الرحيم اخواني الافاضل اسمحو لي ادلي بدلوي معكم ونتناقش في الموضوع بشكل ادق ونبحثه من عدة جوانبا اهمها الجانب الاقتصادي والجانب الصحي وقبل بعلق بعد اذنك ياصاحب الموضوع على اخواني الي سبقوني بالردود اولا المقارنة من حيث عدد الابل دون ذكر لونها غير صحيحه من وجهة نظري الخاصة الابل اكلها مهوب سوى اطبعا اشرهن المجاهيم دون منازع اذا مادخلنا الباكستانيات في المقارنة الي يمشي مع الشعلا والوضحاء مايناسب المجهم علف سلطان الدلبحي اكيد للمغاتير وانا اشوفه مناسب واكيد تبي تشيل شحم لكن لو هي مجاهيم اعتقد قليل جدا عليها الكيسين يعني لاعبرة بالعدد دون ذكر النوع وطبيعة الارض والي ابله مشبوكة او في ديرة وخمة ولا ارضه جرداء مابها شي لايقارنها بالابل في الحمض والديرة الريم مثل راعي ابو جلال عساها السيل تركي الحويقل تركي في طراف وادي الرشاء في نجد في ارض من خيرة المراتع في الجزيرة واربعه اكياس في ديرة تركي واجد لانها تجد الرمث وجثيا وشوك بختصار مهوب في حاجة الحشايش ابدا (( الا في هالايام يمكن الرمث صار خضر )) ارجع لك اخوي محمد لاناقشك في صلب الموضوع اولا ماشاء الله عليك مصلاح جدا في ابلك الله يبارك لك فيها ومبالغ جدا في علفك لكن المسئله وانا اخوك والله نفسية فقط انت ترى انك احسنت التصرف وان الابل زادت بعد تغير علف لكن انت غلطان وابي افصل معك الموضوع تدري انت وش سويت بختصار بدلت 150 كيلو من المكعب ((4 ذرة 4 تبن ولبنة برسيم )) ولا فيه مقارنة بين العلفين ابد ابد ابد تخيل سين من الناس يعلف ابله 3 مكعب وغالبا بتكون حول 30 ولا يعطيها معه شي اخر ثم غيره ل4 ذرة 4 تبن 1 برسيم تبي تشوف الابل تنزل الليل والنهار ثم تبي تموت هزل بعد شهر لكن لان ابلك طيبة ومصلحها من اول الزمان ماشفت الفرق بعد قطعت المكعب واصلا علفك الاول طيب جدا واكثر من اللازم وعلفك الان ممتاز واكثر من طيب وانا اجزم ان ابلك مشبوكة او ارضكم مافيها شي واكيد مجاهيم (( وانا والله مدري وش ابلك )) لكن بعطيك علف افضل من علفك وبنص التكلفه 4 شعير + ثلاثه برسيم فقط = 160 + 57= 217 * 30 = 6510 وينها عند 1101 ؟ وانا اشوف انه اخير للابل غير انه بيوفر عليك واجد تجربتي ان الرودس المفروض يغير اسمه لخسارة سي جدا على شعرة المطية يشهب بالحلال سئ جدا في العشار من خلال تجربتي الخاصة مطيته ياسرع ماتنزل وشحم مافيه بس ربخه بطن على الفاضي تقول لقحة (( الا الناقه الشاحم من قبل تمسك شحمها)) وانا اكرهه زود بسبب اسلاكه مشاكلها واجد دايم تكسر الحلال (( هذا سبب لدعم الحجة وابي اعيفكم فيه :mwalat19: )) لي شهرين اتجنب الكلام في هالموضوع لكن صدقوني لا عوض في الشعير رضينا ام ابينا خصوصا لذوي الدخل المحدود والبدو الي في الصحاري لانه مايعلفون غير الشعير فقط ولا يعترفون بالحشايش اسف اخواني على الاطاله |
رد: كم عدد ابلك واعلمك وش علفها بارك الله فيك يا اخ محمد نعم الحشائش بديل فعال ... بالنسبه للتكلفه يمكن وزنها وارى ان البرسيم صافي مسمن فعال جدا انا غير مقتنع بالرودس ولا استخدمه نهائيا وارى ان افضل الأعلاف المتوفره الان البرسيم والذره فقط شحم وحليب وزين شعره وربك يعين |
رد: كم عدد ابلك واعلمك وش علفها اقتباس:
انا عندي تحفظ على المكعب بجميع اشكاله مجموع اعلاف حلالكم اليوميه هي 374 ريال تقريبا انا اقول لو يقطع المكعب وبقيمته يشترى برسيم وتخفف الذره ويحل محلها تبن بوجه العدو خصوصا في ظل الازمه راح تشوف الحلال غير |
رد: كم عدد ابلك واعلمك وش علفها اقتباس:
وحقيقه اقتصاديه طريقتك في حالة ان الابل رادمه شحم اوافقك الراي في حال انتهى الازمه الحاليه |
رد: كم عدد ابلك واعلمك وش علفها اقتباس:
انا اتكلم عن الاعلاف في ظل الازمه ياوافي الناس تعبت نفسياتها مع البحث عن الشعير ومتابعة اخباره ونشوف الناس تعلف رز , وجزر!!! لنا حول الاربع اشهر والسوق مجفف من الشعير علمني اللي يعلف اربع اكياس يوميه ونقاط البيع تعطيك باليوم خمس اكياس بعد سراء يوم كامل هذا ان وجد نقاشنا في ظل الازمه ياوافي الرودس وتحليله المخبري عن طريق الاخ عيد المنصوري يوجد فيه فوائد لايستهان بها من بروتين والياف بنسبه لاسلاكه علاجها سهل حط الفه وقطع اسلاكها والاخ تركي الحويقل مشاء الله سالم من المخاسير في حالة ان ابله رادمه شحم ودياري دهر ياوافي امشيها عصير ولا لها وقفه من جرد الارض وهي مجاهيم مثل ماتفضلت ابيك تعطيني وش ممكن اعلفها واعتبر ان الشعير والمكعب ممنوع من بيعه مثل ماهو الحال الان {الابل حول الثلاثين مجاهيم والارض دهر} |
رد: كم عدد ابلك واعلمك وش علفها [Sالسلام عليكم جميعا الاخوان الكرام شكرا للاخ محمد على طرح الموضوع والاخوان المشاركين فى المناقشة والحقيقة ان الشعير لا غنى عنة البل عددها 40 مع الحشو اعلفها سابقا شعير مضغوط وكنت في ضواحى النعيرية عساها السيل وكانت الابل طيبة جدا ونقلت البل للقصيم وغيرت للوافى لعدم توفر المضغوط الان العشاير ضعاف والعلف 3 مكعب الوافى و6 تبن و3 ذرة مع العلم الارض ما فيها حمض اعطيها املاح ملونة ارجو من الاخوان ابدا ء الراى شاكرا للجميع |
رد: كم عدد ابلك واعلمك وش علفها حنا 60 ناقة كل يوم 5 كياس شعير 130 ريال وشوار قمح 60 ريال المجموه 180 الشهر 5400 افضل حل للتوفير هذا الحل طن الشعير يصير 8 طن http://www.mzayan.com/vb/showthread....D3%CA%E4%C8%CA |
رد: كم عدد ابلك واعلمك وش علفها اخوي محمد اللهم أشفي والدتك وجميع مرضا المسلمين ياربنا يارب البيت العتيق اللهم أعتقها من مرضها اللهم عجل بعافيتها اللهم كللها بالشفاء اللهم أبدل ضعفها قوة و سقمها عافية اللهم رب الناس إذهب البأس أشفِ أنت الشافي شفاء لا يبارح سقما نسأل الله العظيم رب العرش العظيم أن يشفيها و مرضى المسلمين اللهم أجعل لها لكل داء دواء و لكل مرض شفاء الله يشفيها ويشفى كل مريض اللهم آمين ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ والاخ وافي وافي وانا بعد اشهد ان لك في اسمك نصيب ذكر لي واحد من الربع ان فيه مصنع ورخيص ويصلح للي قريب من المزارع وخصوصا النخل هذا الله يسلمكم يجمع عسيب النخل والجريد ويطحنه ويضيف له مكعب وشعير وبرسيم وذره وتمر ويصنعه في الاخير مكعبات و ونسبة جريد النخل فيه تقريبا 90% ومثل الماء عند خشومهن يكب في اليوم ثلاث مرات ويطلع عليه الكيس تقريبا بـ 15 ريال ننتظر تجارب الاخيرن شرواكم ولا يهون اخونا وافي الله يطول عمرك ومن يقرا |
رد: كم عدد ابلك واعلمك وش علفها اقتباس:
367 ضرب 30 =11010 إحدا عشر آلف وعشره ريال وعدد الإبل حول الثلاثين آجل وين الربح لراعي الإبل المقاني يامحمد ؟؟ هههههههه:mwalat19: لو تصل عندي التكلفه الشهريه لهذا المبلغ وإبلي في حدود الثلاين أبيعها وأتخلص منها حتى لو خسرت في قيمتها !!! لكن أقووول الله يبيض وجهك على إجتهادك ..:mwalat10: |
رد: كم عدد ابلك واعلمك وش علفها اقتباس:
خذ هالبرنامج وبتدعي لي 6 برسيم 6 تبن 6 ذره رودس بشكل يومي وشف حلالك وتمنظر فيه |
رد: كم عدد ابلك واعلمك وش علفها اقتباس:
هلا ومرحبا والساعه المباركه اللي شرفتنا بزيارتك ياراشد هذا موضوع ثاني انفتح ياراشد ان الابل تغطي خسايرها ولا لا اعتقد لا والف لا انا حاطها ولع ياراشد وغلاها من غلا عيالي يعني اذا اشوفها شبعانه ولااخليها لهلها ولانحسب الريال ومربين الابل ثلاث ارباعهم ولع والربع الاخر تجاره وتكون في السوق وبيع فوري وانا والله حلف ان ماقنيتها تجاره والزبون اللي ينشد عنها في مراحها انزعج منه والربح معروف من هو له لراعي الشبك اللي فالسوق او راعي الابل المزاين اللي نسمع اسماءهم في المزاينات من وجهة نظري واتمنى منك ياراشد تسوي استبيان فالقسم المخصص الابل تغطي خسايرها ولا لا في ظل الازمه نبي نعرف طريقة اعلافك ياراشد لتعم الفائده وتكتمل وجهات النظر |
رد: كم عدد ابلك واعلمك وش علفها اقتباس:
اللي فهمته انك ماتعطيها حشائش مع الشعير وشوار القمح خلفاتها وش وضعها يافلاح وش وضع الحليب ياليت تعقب على الموضوع مره اخرى وتفصل الأعلاف اكثر |
رد: كم عدد ابلك واعلمك وش علفها شكرا على الموضوع الطيب ابلنا كلها مع الحشو حول 100 نعطيهــا 12 لبنة رودس الظهر والمغرب نحط لها 8 اكياس مكعب طبعا في حال عدم توفر الشعير وحالها طيب والديره اللي البل فيها كلها حمض وش رايك في علفها .. |
رد: كم عدد ابلك واعلمك وش علفها اولا اخوي محمد ماعليك زود وشهادتكم وسام على صدري انت واخوي عبدالعزيز ولي عودة لتعقيب |
رد: كم عدد ابلك واعلمك وش علفها اقتباس:
|
رد: كم عدد ابلك واعلمك وش علفها سؤال هل البل تسرح ؟ ومشكور على الموضوع المفيد |
رد: كم عدد ابلك واعلمك وش علفها اقتباس:
الاخوان ارئهم مختلفه فالمثال على الاخ تركي الحويقل وتعليفه وكذالك الاخ فلاح الرشيدي ولااعلم عن المقياس لردم الشحم عند الاخوان ابلي اراضيها جردا ولايوجد بها شي غير وقت الربيع وعندي قناعه ان الابل لابد تدعم بالحشائش مع الشعير او المكعب خصوصا خلفاتها |
رد: كم عدد ابلك واعلمك وش علفها شكرا لك اخوي محمد على الموضوع البل عشر مابين خلفات ولقحات 4 لبنات رودس و2 برسيم وسطل خبز وبعض الاحيان لبنة تبن في وجه العدو والشعير من يوم غلا غلاه الاول وانا قاطعه الا عن الحيران والحمدلله ابلى طيبه وفي زود ياربي لك الحمد وموسعه خاطري وراح اجرب الجزر واشوف ممكن ملاحظاتك اخوي محمد على البرنامج |
رد: كم عدد ابلك واعلمك وش علفها بسم الله الر حمن الرحيم اخوي الفاضل محمد بارك الله فيك اولا بيض الله وجهك على حرصك الواضح على اخوانك وعلومك كلها غانمة وانا مقدر حنقك على تجار الشعير ولا الومك والله يلوم من يلومك (( في نفسي اكثر مما في نفسك عليهم )) يعيفونا حلالنا الله لايوفقهم لكن للاسف هم شر لابد منه مانقدر ننحاش من الرمضاء ونطيح في النار وانت طال عمرك تذكرني بالوالد الله يطيل في عمره يقول شبعها ولا بعها وهذا صعب بيعها صعب بالحيل واني اخليها تاكل علي يدها اصعب ودنا والله بس في هالوضاع وهالازمات مانقدر لكن اببشرك ولله الحمد ماباتت يوم عندي جوعانه والله لايجعلها تجوع يقول هالكلام شخص مسخر راتبه كله لها ومازاد منه مشيت به وضعي وعلفها عندي الطحين + الخبز اليابس + التمر + المكعب + مانحصل من شعير + البرسيم + الذرة + المخلوط+ تبن اعزكم الله... (( مانيب معلمكم عن باقي الخلطات السريه :mwalat29: )) والله ييرزقها بالعشب وترعى القفر عاجل غير اجل ويفكها من الشعير والحشايش ونجلس في المرباع يالتميمي نتعير على تجار الشعير ولا الومك يالتميمي في حبها عطايا الله وانت كريم من كرام والكريم مايرضى على عطايا الله وادنى مايجزعه فيها لكن الوسطيه مطلوبه اذا انت ناوي تورثها لعيالك بعد عمر طويل عمي باع الابل الخيار بسبب هالقاعده لذلك اكرهها جدا لان شي اشوى من شي خل احوالها وسط اخير من شوف الشريطيه وسطها ويعزلون فيها هذا والله الي يخلي الكبد تفتت صدق ولا احد يفهم من كلامي اني ابي اجوعها ولا اخليها هزلا لا ابدا الي بيهينها يبيعها اخير له ولعطايا الله والي بيتكلم من الجانب الاقتصادي الابل مافيها مردود ابد ابد تسحب ولا تعطي الا الوناسه والطنخة ومعرفة الرجال والديار لا احد يستكثر مايدفع فيها من مصروف اذا الشخص قادر ولا يكون على حساب بيعها بعد فترة اذا صارت الابل عليها كبر روسها وشعرتها طيبه وبطونها رابخه هذا كافي في نظري في هالضروف للحديث بقيه لكن بسئلك قبل انت ضد الشعير بشكل عام ولا ضد الازمة فقط يعني لو توفر الشعير وصار سعره 20 ريال هل بتعلف به ولا ؟؟ ولا تبي تستمر على الحشايش ؟ |
رد: كم عدد ابلك واعلمك وش علفها اقتباس:
ابك البقا يامحمد وانت كريم من كرام وغالين من غالين عدد الابل 30 دق وجل وكنت قبل اعلف 2شعير 4 برسيم 6تبن من 3شهور صرت اعلف 10 بريسم 4تبن فقط رودس ما اعلف فيه الا كذا فسقه فالسنه مره لانه غثيث وشيله وتنزيله يبيله عمال ودربها لاتدربيها....وغير كذا التبن افود منه قبل ازمة الشعير كنت اعلف 3اكياس شعير و5 تبن وحالها 1000000000000% حالن يسر واللحين اللقحات حالها طيب والعشاير لاوالله مع اني اشملها من الصبح الى المغرب والدق مخطي ومصيب بعضها حالها طيب وبعضها وسط مع العلم ان العشاير مهيب ضعاف بس انا من وجهة نظري لابغيت تعرف راع الابل مكرم ابله والا لا شف عشايره وان طعتني عود على الشعير وبتحمد ربك اوفر واحسن وبره وشكل وكلش ومن ناحية الدمن غير مراحك كل اسبوعين والا اسبوع وبس وانت طريقة علفك 1000% بس التكلفه غاليه مره وصدقني لو تشد شده طويله نقض حال ابلك وحب اعقب علا كلام وافي ابن موطان كلامه عزالله سليم مفيه غنا عن الشعير قلناها وبنقولها لو يوصل سعر الكيس 100ريال بس بصراحه فيه تناقض بطريقة التعليف كيف انه ضد الحشائش وع الشعير ويعلف طحين وتبن وبرسيم وتمر وخبز وشعير مكلف مره وغير مفيد وفيه خطوره على الابل وحتى حليبها مايشرب والمراح.......!!. باختصار يالربع هذي ابل مدري وش اقول:- بس والله انه يضيق صدري لاشفت احد يعلف خبز وتمر وطحين الابل من اول حتى الماء لاصار مهوب صافي ماتشربه واى الان كذا مدري كيف غييرتوها وصارت تاكل طحين وغيره |
رد: كم عدد ابلك واعلمك وش علفها كيف الحال يالربع كلن باسمه اخ محمد عدد البل الكلي 45 عطنا العلف المناسب مع انها تسرح والارض وسط علفها الحالي 7 برسيم 2 ذره 1 وافي |
رد: كم عدد ابلك واعلمك وش علفها اقتباس:
|
رد: كم عدد ابلك واعلمك وش علفها اقتباس:
مرحباً عبدالعزيز ويعلها تبارك ابسئلك البل وين محلها والشعير متوفر في الديره اللي انت فيها برنامج طيب بس اذا كان الشعير في متناول اليد وبدون عنا جيبته واسعاره معقوله واللي اعرف ياعبدالعزيز انك من اهل الكويت الحبيبه ولا لي علم عن الأعلاف واسعارها عندكم |
رد: كم عدد ابلك واعلمك وش علفها اقتباس:
والي بيتكلم من الجانب الاقتصادي الابل مافيها مردود ابد ابد تسحب ولا تعطي الا الوناسه والطنخة ومعرفة الرجال والديار لا احد يستكثر مايدفع فيها من مصروف اذا الشخص قادر ولا يكون على حساب بيعها بعد فترة اذا صارت الابل عليها كبر روسها وشعرتها طيبه وبطونها رابخه هذا كافي في نظري في هالضروف تكفيني هالسطور ياوافي وكلامك عين العقل سوالك عن الشعير ونزوله أنا مو ضد الشعير ياوافي أنا ضد هالازمه لعبة في النفسيات حديث المجالس هالشهور اللي فاتت يااخي اقل صفعه لهم اننا نقاطعم ونبحث عن البدائل ولقينا البدائل حتى لو زاد مصروفها شوي اهم شي لإيفهم مربي الابل ان ابله ماتعيش بدون شعير. اقوله ترا فيه بدائل افضل من الشعير ولو صار الكيس بعشرين اسعار الأعلاف بتكون اقل مثلا برسيم شد متر8 ريال تبن شد متر 6 ريال رودس لفه ب 70 ريال يعني نقع عند خشومها البرسيم |
رد: كم عدد ابلك واعلمك وش علفها اقتباس:
في نظري ان علفك فيه موازنه بس ياليت تخلط لك لبنتين تبن مع هالبرنامج ويكتمل البرنامج بنشدك عن حالها الحين ومن متى انت ماشي في هالبرنامج |
رد: كم عدد ابلك واعلمك وش علفها اقتباس:
وعشايرها عليك بحبوب الدود وافرد عيالها تدريجيا اما عن الشعير يبطون امسك سرا واحط رقبتي في يديهم ولا انتهت الازمه الكل بيعين خيرر الله يبارك لك ياابوعمير في حلالك [/COLOR] |
رد: كم عدد ابلك واعلمك وش علفها عدد البل 20 خابط علفها كيس ونص مكعب + لبنتين برسيم + لبنة تبن بوجه العدو واحوالها طييبه بلحيل شايلة شحم وقلة امراضها ولا نعرف الخراجات ولله الحمد والمنة |
رد: كم عدد ابلك واعلمك وش علفها اقتباس:
وعشايرها عليك بحبوب الدود وافرد عيالها تدريجيا اما عن الشعير يبطون امسك سرا واحط رقبتي في يديهم ولا انتهت الازمه الكل بيعين خيرر الله يبارك لك ياابوعمير في حلالك |
| الساعة الآن 45 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |