|
هل ظلمت فزاعة ام استحقت المزرفل الفوز السلام عليكم ورحمة الله وبركاته مساكم الله بالخير السؤال واضح وارجو منكم ان نبتعد عن التعصب ومن اراد ان يشارك ويدلي بدلوه فليكتب رأيه بدون تعصب ودن تحقير ودون ذكر اسماء او ذكر ملاك لهم مكانه في قلوبنا وعند كثير من العرب وعند ربعهم ارجو ان تقتصر المشاركة على ابداء الرأي في الناقة التي تستحق الفوز فقط وسلامتكم ملاحظه : ارجو من الاخوان في الادارة حذف اي مشاركة يكون فيها تطاول او اسائه او خطأ في حق كائنا من كان |
رد: هل ظلمت فزاعة ام استحقت المزرفل الفوز فزاعه كفوووووووووو وملكة جمال المجاهيم لسنين طويله وتستاهل لكن المزرفل تستاهل الفوز وكنت متأكد من إنها راح تأخذ اللقب لأن تفاصيلها أجمل من وجهة نظري الشخصيه مع إحترامي لمن يختلف معي فإختلاف الرأي لايفسد للود قضية تحياتي |
رد: هل ظلمت فزاعة ام استحقت المزرفل الفوز المزرفل تعتبر منافس لفزاعة لكن فزاعة مازالة ملكة جمال المجاهيم في نظري. |
رد: هل ظلمت فزاعة ام استحقت المزرفل الفوز اللجنه اللي عطت المزرفل لجنة قديره وانا متاكد انك ماتشكك في مصداقيتها السؤال هو هل المزرفل دخلت المنافسه مع فزاعه من قبل ولا لا؟ |
رد: هل ظلمت فزاعة ام استحقت المزرفل الفوز اول مرره تدخل المزرفل مع فزاعه وانا في نظري المزرفل تستحق الاول لانها حاويه جميع نقاط الزين |
رد: هل ظلمت فزاعة ام استحقت المزرفل الفوز تبون الصدق انا ماشفت اطول واجمل من فزاعة ناقة وانا شفتها مغطيه على المزرفل طول رقبة وزين ضهر ومواطي لكن عيب فزاعة الوحيد صغر الراس المزرفل احلى واكبر راس من فزاعة واضن هذا السبب الي جعل اللجنة تقدم المزرفل |
رد: هل ظلمت فزاعة ام استحقت المزرفل الفوز فزاااااااااااعه مافي الحكي فائده تذكر |
رد: هل ظلمت فزاعة ام استحقت المزرفل الفوز السلام عليكم .. ومرحبا اخوي الفاضل فهد الاحمد وعوده حميده ,,, المزرفل والفزاعه كلهن من خيار الحلال والتنافس بينهن قوي ,,, وبخصوص فزاعة انا اقول صعبه جداااا وحتى الى الان وهي من النوع الصعب والشكل النادر والتي لاتتصف بشي من الحلال من فئتها ,,, ولكن بوجهة نظري واسباب تقدم المزرفل على فزاعة هو القبله والعرض والناقة توها شبب وفزاعه معها كبر سن ,,, http://mzayan.com/mlffat/files/9344.jpg |
رد: هل ظلمت فزاعة ام استحقت المزرفل الفوز فـــــزاعـــــة ملكـة جـمـال المجاهيـم ولاكـن الـمـزرفـل جـات بـكـل الـزيـن و الـتـنـافـس كـان قـوي ولاكـن المزرفـل لـهـا الأول من يـوم جـات ولاهنت يـا فـهـد على الموضوع المميـز وشكرًا |
رد: هل ظلمت فزاعة ام استحقت المزرفل الفوز فزاعه ومزرفل حايزات على الزين كله لكن قوة فزاعه مقابل المزرفل في الجبر والطول واتوقع انها بتمر سنين طويله ماله مثيل وقوة المزرفل مقابل فزاعه الراس والسن والعرض من ناحية الترتيب فلا اعتقد ان هناك ظلم لان اللجنه تحكم عن قرب وبالتفصيل تقبل تحياتي |
رد: هل ظلمت فزاعة ام استحقت المزرفل الفوز ما على كلااااااااام الاخ حاتم تعدي |
رد: هل ظلمت فزاعة ام استحقت المزرفل الفوز كلها ملكات جمال وفيه اختلاف واتمنا ان الثنتين تشارك في مزاين الكويت ومع اختلاف اللجنه يظهر من تستحقه بجداره المجاهيم السنه هذي لجنه التحكيم قليله والنظر يختلف من شخص لاخر المزرفل (ام الذهب )كان فازت عليها ناقه في الظفره والي فازت عليها قابلت فزاعه في الكويت واخذت فزاعه الأول والله اعلم بصدق الكلام والله يوفقهم وكلهم غالين |
رد: هل ظلمت فزاعة ام استحقت المزرفل الفوز اشكر كل من شارك في الموضوع ومازلت انتظر بقية الاخوان المطلوب من الاخوان إبداء وجهة نظرهم بعد ما صدرت النتيجه هل ظلمت فزاعة ام استحقت المزرفل الفوز دون التطرق لأعضاء لجنة التحكيم بالتشكيك او الانحياز نحن هنا نعيد تقييم النتيجه من وجهة نظرنا فقط وهي آراء لن تقدم او تأخر في الموضوع فالشوط سجل باسم المزرفل وهي ان شاء الله تستحق الفوز كما هو الوضع لفزاعة فهي أيضاً كفو وتستحق الفوز علما بانها تربعة على عرش الفوز لست سنوات متتالية ونحن هنا نريد فقط سماع وجهات النظر من الجميع وإبداء الراي في النتيجة النهائية من دون تعصب وسلامتكم |
رد: هل ظلمت فزاعة ام استحقت المزرفل الفوز يكفي ان فزاعة حازت على سبع سنوات وهي ملكة المجاهيم وكذلك المزرفل ام الذهب فيها زين وطول وجبر بس فيها حاجه بسيطه وقد تكلمنا فيها بان المزرفل فيها قصر لحي بمعنى ان لحيها قصيررر وكلن له وجهة نظررر فزاعة مشاء الله عليها كامله والكامل وجه رب العالمين ...ولكم تحياتي |
رد: هل ظلمت فزاعة ام استحقت المزرفل الفوز وجهـة نظر خاصـه بي أنـا : (( أن المزرفـل لولا صغر سنهاا ما اخذتها على فزاعـه )) .. |
رد: هل ظلمت فزاعة ام استحقت المزرفل الفوز عزالله ان فزااااااااااااااااااعة نادرة الله يبارك لراعيها فيها ولكن .. عن أنس قال: كانت ناقة رسول الله صلى الله عليه وسلم تُسَمَّى العَضْباء وكانت لا تُسبق فجاء أعرابي على قعود له فسبقها ، فشق ذلك على المسلمين . فقال : ما لكم فقالوا: سُبقت العضباء فقال : ( إنه حقُ على الله عز وجل ألاّ يرتفع شيء من الدنيا إلا وضعته ). البخاري- الفتح ( 6/ 86) رقم ( 2872) |
رد: هل ظلمت فزاعة ام استحقت المزرفل الفوز اشكرك اخوي بو فيصل على طرحك لمثل هذا الموضوع وفزاعه من نوادر البل صعب تلاقي مثيل لها انا اذكر وقفت عليها قبل 6 او 7 سنوات من اروع نوادر البل الي شاهدتها ولكن يجب ان لانقلل في المزرفل فهي ام الذهب نادره جداً وزينها شي لايوصف من اهم اسباب فوز المزرفل من وجهة نظري هو تقدم فزاعه بالسن |
رد: هل ظلمت فزاعة ام استحقت المزرفل الفوز لا والله ماظلمت غير جاتها المزرفل زين وجه وجبر ولون والناقه قده فاطر فلو ان راعيها ريحها ذا السنه كان افضل له.. |
رد: هل ظلمت فزاعة ام استحقت المزرفل الفوز المزرفل السنه هذي بختاارها على فزااعه وفزاعه لن ينساها التااريخ |
رد: هل ظلمت فزاعة ام استحقت المزرفل الفوز فزاعه فيها من الزين إللي أهلها سبع سنين مضت وخلاها متربعه على كرسي الفردي عدة سنوات .. ولكن جاتها المزرفل ملكة مجاهيم الحاضر والمستقبل, وأبعدتها من كرسي الفردي وتربعت عليه,وبإذن الله لن تتزحزح منه إلا بعد سنوات لاتقل عن سنوات فزاعه في الماضي..!!! |
رد: هل ظلمت فزاعة ام استحقت المزرفل الفوز السلام عليكم ورحمته وبركاته اولاً كلام الاخ سعد بن سالم عين الصواب وباقي الاخوان ما قصروا والثنتين كلها من نوادر المجاهيم بس المزرفل العام في الظفره ماخذه الثاني والي ماخذه عليها الاول اخذت الثاني ورا فزاعه في الكويت على العموم من وجهة نظري انا اقول لو اني في اللجنه كان اعطيت المزرفل الاول لعدة اسباب 1 _ سنها اصغر من سنها وفزاعه فاطر وجلب يعني حايل ما تلقح 2 _ عظمها اجبر من عضمها وخفها اكبر يمكن فزاعه اطول بس هذي اجبر 3 _راسها اكبر بواجد هذا حسب رايي وانا بشر اصيب واخطي تحياتي للجميع |
رد: هل ظلمت فزاعة ام استحقت المزرفل الفوز لو المزرفل مشاركة مع فزاعة من اول سنة كان فزاعة ماعرفت الاول فزاعة الله يبارك فيها لراعيها لكن ماتستحق ان تكون افضل المجاهيم وهناك الكثير من المجاهيم غير المزرفل اطيب من فزاعة قد يخالفني الكثير في رايي ولكن لا يهمني لاني اعلم ان كثير من الناس لا يعرف زين المجهم وقد لا يعرف الزين في البل بشكل عام فقط مع الخيل يا........ |
رد: هل ظلمت فزاعة ام استحقت المزرفل الفوز لاهنت يابو فيصل وانا عندي استفسار في السنوات الست الماضيه هل سمعنا ان فزاعه عليها خطر من منافستها اول مره نسمع ترشيحات على فوز غير غزاعه هذا العام وقبل الكل يقول ماعليها من المنافسين واتمنى ان تشارك الثنتين العام القادم وسوف ترون منافسه قويه وقد تتاخر فزاعه الى ثالث او رابع من قوة المنافسين لها فزاعه كبيره وزينه وهذا العام في قمة زينها وجاهزيتها ولكن مالها جاذبيه والسنه الجايه بنشوف منافسه كبيره وقويه على فردي المجاهيم ويمكنيطلع ناقه ولا اكثر من ناقه اقوى من الثنتين وانا اتوقع ذلك |
رد: هل ظلمت فزاعة ام استحقت المزرفل الفوز تستاهل المزرفل الفووووز 100% |
رد: هل ظلمت فزاعة ام استحقت المزرفل الفوز اقتباس:
|
رد: هل ظلمت فزاعة ام استحقت المزرفل الفوز اقتباس:
فزااااعه تبي تبطي سنينك ما كحلت عينك بمثلها :: لعلمك المزرفل العام ماخذه الثاني في الظفره واللي خذت الاول على المزرفل شاركت مع فزاعه في مزاين الكويت وحذفتها فزاعه وراها :: ولا انسى المزرفل فيه فرديه تستاهل و تملك ميزه واحده فقط عن فزاعه ( كبر الراس ) وباقي الميزات كلها في صالح فزاعه الله يبارك لبن مرسان وعزالله انه يستاهل .. وحظ اوفر لأبن شايع .. والوعد قدام |
رد: هل ظلمت فزاعة ام استحقت المزرفل الفوز فزااعه اخذة حقهااا في السنواات الماضيه والمزرفل تستحق الفرردي هذه السنه وبقووه ولكن حالها حال النايله وسلطانه فرديات فنجال سابقن وحالين مع المواط سلطانه كانت محتكره الفردي جاات بكره هيف ضني اسمها الحاكمه واخذتها ثم احتكرتها لعدة سنواات ثم جاات حشااره وراحة حشااره مع الامير وبعدها مضيمه ولمدة سنتين وبعدها الان خزاامه فا انا ضد احتكااار الفردي او تجديد الدم مطلووب ولو قعدت النااقه كم سانه على نفس المركز سووف نمل وحلووو يجي في المزااين تناافس هذا اللي يبيه الجمهور |
رد: هل ظلمت فزاعة ام استحقت المزرفل الفوز سلام عليكم انا اقول ان هذي عطايا الله كلها فيها خير وبركه وجمال مايوصف لاكن حنا نعرف البل واهل ابل من قديم ونعرف وكلن له راي ويقوله ولحدن يقول انا حاكرن الطيب كله لاكن بالنسبه لفزاعه والمزرفل ولايهون احد من ملاكها فزاعه تستاهل وراعيها يستاهل لاكن فزاعه احتكرة الفردي لمدة ست او سبع سنوات محد اخذها لان ماشارك معها ابل تنافسها اضن بعد ان بعض السنوات انها تشارك لحالها او معها وحده او ثنتين لاكن المزرفل تستحق هالسنه الفردي 100% ولافيه شك اوجدل مافي فزاعه قصور لاكن غطة عليها المزرفل بميزات عده منها كبر الجرم وجل العضم وطول السبال والجمب والسن له دور وفزاعه لوجاء ابل منافسه معها من قديم ماكان هذا مستواها وتستاهل بالنسبه للي يقول ان الي اخذت الاول على المزرفل في الظفره اخذه الثاني فالكويت بعد فزاعه اللجان تختلف والانظار تختلف والكويت مزاين توه مبتدي وينقصه بعض الخبره من اللجان و الزبده الي عطا المزرفل الاول عاااادل بكل ماتعني الكلمه .. |
رد: هل ظلمت فزاعة ام استحقت المزرفل الفوز بوجهة نظري فزاعة / لان كل مافيها زين وعذروبها سنها / واذا االمزرفل افضل راس ترا راس مغيضه بنت الباتل ماشفع لها وهي افضل من مضيمه راس وبالنسبه للاخ / جابر ال جابر اسلوبك ماهو اسلوب نقاش ان لم تكن معي فــ أنت ضدي خليت ان الناس ماتعرف زين المجهم مايعرفه الانت هذا مو اسلوب تقول مع الخيل ياشقراء علشان ما توافقو معك وبعدين فزاعه احتكرت الفردي لست سنوات ودخل معها منافسات بس الزين يفرض نفسه واللجنه خلال السنوات الست الماضيه تغيرت مع رئيسها وتبقى فزاعه هي الاولى وفي مزاين الكويت الاولى يعني حتى اللجان مع الخيل ياشقراء . |
رد: هل ظلمت فزاعة ام استحقت المزرفل الفوز السلام عليكم ياطويل العمر فزاعه ضرها ذا الزمان انها فطرت جدا ولون المزرفل دخلت معها عاما وغدام عاما ماكان قدمت عليها والضفره يوم فازت على المزرفل مهيب ازين منها لاغير اكبر منها وطول منها وارقتها اطول والمزرفل قويه ذا الزمان واجد والمزرفل تستاهل الفوز على فزاعه |
رد: هل ظلمت فزاعة ام استحقت المزرفل الفوز وجهة نظري الخاصّة إن المزرفل شكلها كثير جدا أما فزّاعة لا والله نادرة ولا شنّاها هالسنة إلا كبر سنّها تحياتي للجميع |
رد: هل ظلمت فزاعة ام استحقت المزرفل الفوز الاخ العزيز فهد شكرا على الموضوع باسئلكم يااخوان لو دخلوكم في الشبك وقالو لكم اختارو وحده من الثنتين وبتصير مللك لك اي وحده بتختارون؟؟ المهم بالنسبه ل فزاعه باذكر لكم محاسنها وعيوبها بالنسبه لمحاسنها طول الرقبه وعرض الجنب والطول فووق وكبر الراس وعيوبها الورك والفقاره رديه ومعذرها ردي واذنها قصيره بالنسبه ل للمزرفل مافيها من العيوب الا انها اصغر جرم من فزاعه ولحيه قصير شي بسيط لاكن غطا عليه رهاوه السبله والا الفقاره فقاره فرس والورك مبرمه والعظم زين وفجحاء وشولاء والرقبه طويله والراس طيب والاذن طويله طيب باترك لكم الخيارفي اختيار الاول بناء على الكلام المكتوب فوق الشي الثاني من اللي بيسوي فيني خير ويعلمني عن سلاله فزاااعه ل 5 سنين اسئل ولا حد علمني عن سلالتها |
رد: هل ظلمت فزاعة ام استحقت المزرفل الفوز ياصاحب الموضوع انت ماعندك علم ان العرب من قديم الازل اتفقو الا يتفقو ههههههههههههههههههههههههههههههههههههه انت الله يجزاك خير سببت بموضوعك بلبله بين الاعضاء وقام بعضهم يتخبط بلكلام رجاااااااااااااااااااااااي من الاداره حذف الموضوووووووع مع حترامي لصاحبه |
رد: هل ظلمت فزاعة ام استحقت المزرفل الفوز سبب فوز المزرفل على فزاعه والله العالم أنه كبر السن وذلك له دور كبير جداً |
رد: هل ظلمت فزاعة ام استحقت المزرفل الفوز اتمنى مشاركتهم جميعاً في شوط تحدي بمزاين الكويت فزاعه + المزرفل + الظفره |
رد: هل ظلمت فزاعة ام استحقت المزرفل الفوز الاخوه الكرام يجب عدم الخروج عن صلب الموضوع فهو موضوع حواري مطلوب تقديم فيه وجهات النظر فقط وليس التراشق والاستهزاء اتمنى تفهم ذلك وعدم تكرار ذلك مستقبلاً حتى لانضطر لانذار اي شخص |
رد: هل ظلمت فزاعة ام استحقت المزرفل الفوز انا اشوف ان حنا في المنتدي تكلمنا وتناقشنا اكثير عن مزرفل وفزاعة واتمنا من كل قلبي قفل الموضوع نهايا عن الناقتين وذالك بسبب حساسيه الموضوع |
رد: هل ظلمت فزاعة ام استحقت المزرفل الفوز بالنسبة لفزاعة طيبة لكن عذروبها صغر الراس وردى الفقار وماهيب فجحا وكبر السن آما المزرفل طيبة ومافيها الاالقصر وقصر الحي وصغيرة سن والله يوفقك الجميع |
رد: هل ظلمت فزاعة ام استحقت المزرفل الفوز صبحكم الله بالخير بالنسبة للاخوان اللي يطالبون باقفال الموضوع هل هذا هو العلاج الفعلي والمناسب لنفرض احترامنا لأنفسنا وبقية الاخوان الذين يخالفوننا في الرأي اعتقد باننا اكبر من ان نتبع هذا الاسلوب من حقي ان اقول رأيي ومن حقك أيضاً ان تبدي رايك ولكن ليس من حق احد ان يخطئ على من يخالفه الرأي لمجرد الاختلاف في الرأي اين حرية الرأي. التي كفلها لنا المنتدى لماذا لا نلتزم بقوانين المنتدى حتى وان تم اغلاق هذا الموضوع هل سنقوم باغلاق المجالس التي يتم فيها النقاش حول هذا الموضوع أيضاً هذا المنتدى كان ومازال بالنسبة لكثير منا بمثابة المجلس الذي نجتمع فيه لمناقشة ما يستجد على الساحة من احداث ومستجدات قليلا من العقلانية يا إخوان وقدروا المجلس اللي جمعكم وسلامتك |
رد: هل ظلمت فزاعة ام استحقت المزرفل الفوز يالربع اللجنه قالوا الواحد لجاء بيشتري فبياخذ المزرفل لانها شبب وفوزوها عشان سنها بن مرسان وبن هذال ماجابوا نوقاتهم جلابه جينا يتحدون بها واللجنه ماتحكم على السن تحكم على الزين هذا الكلام اللي طلع من اللجنه وهم مخطين فزاعه ازين من المزرفل وظلموا فزاعه ومبروووك لبن مرسان يستاهل الفوز لكن الحق يقال تحيااتي لكم |
| الساعة الآن 28 : 03 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |