|
بكرة صغيرة للبيع هذه صورة بكرة صغيرة عمرها تقريبا سبعة شهور للبيع على فحل طيب من ساس طيب http://www.mzayan.com/vb/images/uplo...bcda169fe6.jpg |
مرحبا بك اخي عبدالله ماشاء الله تبارك الله والله يربح البايع والشاري وياليت تحط معلومات كافيه عن البكره ابوها سومها.......الخ |
ابوها فحل طيب بالحيل وهو على بعير الباتل الدوسري المعروف |
ياليت تكمل لنا معلوماتها اخوي عبدالله اسعد الله مساك ياليت تحط جوال راعيها وموقعها وكم سيمت وصورة امها ان امكن واحنا نرد عليك والله يحفظك اخوك فارس |
ماشاء الله تبارك الله وعسى الله يربح البايع والشاري |
ماشاء الله تبارك الله وعسى الله يربح البايع والشاري |
ماشاء الله تبارك الله وعسى الله يربح البايع والشاري |
مشاء الله البكره طيبه وتستاهل والله يبارك لراعيها ويربح الشاري والبايع |
الله يربح البايع والشاري |
مرحبا طال عمرك انا ودي بالبكره واذاك بياع فانا اقول 3500 وسلامتك |
ماشاء الله تبارك الله و الله يربح البايع والشاري عطنا سومها ان كانها قد سيمت والموقع |
ماشاء الله تبارك الله و الله يربح البايع والشاري |
مشاء الله الله يربح البايع والشاري |
الاخ عبدالله السلام عليكم ورحمة الله وبركاته انا اسومها 4000 ريال. |
الله يبارك للبايع والشاري |
البكرة فتح بابها قبل ايام وقبل انزلها للموقع بـــ 30000 الف ريال واللى عنده زود يزيد اما بالنسبة للى ساموا بالثلاثة والاربعة اقول كل له نظر لو انه قصب تجيب اكثر من سومهم ومشكورين |
هلا طال عمرك انا اقول واسوم على نضري لاكن ترى البكره رديه الرقيتها صغيره جنبها صغير وعرقوبها امحق والرس ردي لابه رحين طافح ولا شي وفيها عذاريب واجده لاكن انا اقول هاذا كافي والله يزيدك والا عاد تقول سوماتنا سومت قصاب لاكن هاذا ردن عليك وسلامتك ورضاك |
اولا اخي جزاء الله القائمين على هذى المنتدي الف خير والذين يقدمون خدمة للناس يشكرون عليها . ثانيا لا احب ان يخرج الموضو ع عن نطاقه والهدف منه لاني كلامي معناها لو ابيعها قصب تجيب اكثر من من سومتك مو معني كلامي انك قصاب والا انا اسف . ثالثا : الكثير من الناس اللى شافوها يمدحونها وان فيها زين كما ازيد انه بعت بكار خواتها اردى منها بقيمة عالية منها ما بيع 30000 الف ريال 15000 الف وهذا اقل قيمة بعت فيها خواتها وفيها قعود عندي اخوها عليه سوم 25000 الف ريال وام البكرة مسومة بست واربعين الف ريال وهي الان رباع رابعا : وجهة نظرك احترمها والله يهديك كل كلامك حط كل العذاريب فيها يعني هي لا بنت جمل ولا بنت ناقة ممكن تقول وشي هي اجل يمكن حيوان اخر وسلامتك والمعذرة ترا كلامي مداعبة ومزح وشكرا لك |
ماشاءالله البكره طيبه والله يسوق النصيب |
البكره علي بــ 10000 واذا بتبيع ارسلي خاص او جوالي في التوقيع والله يكتب الي فيه الخيره |
شكرا اخوي غازي وماقصرت وجزاك الله الف ونبي من الله ازود |
البكره مازالت موجوده ولا بعتها .؟ |
مرحبا اخوي عبدالله الحمدان لازالت موجودة وتحت امرك . |
ماشــــــــــــــــــــــاء الله البكره طيبه من وجهه طيب علي انا بي 35000 والله يزيدك وهذا جوالي 0554888833 |
شكرا اخوي محمد وجزاك الله الف خير سوم طيب من رجال كله طيب ومعرفة ونظر |
الله يربح بايعها وشاريهااا ولاهنت على هالبررركه يالشمري |
اعرض لكم صورة فحل ابن باتل اللى مات قبل كم سنة وابو البكرة ولده http://www.mzayan.com/vb/images/uplo...829940c2c4.jpg |
الأخ عبدالله البكره وين موجوده فيه ومشكور على عرض صورة فحل عبدالله الباتل وعبدالله الباتل يستاهل كل خير وعيال الهرش الموجوده الان عنده ثنين كلها طيبه ويكفي من انتاجه بكرتين ام ارقيبه العام وحده حقه بيعت بــــ2مليون ومفروده بيعت بـ750 الف |
ماشاء الله تبارك الرحمن الله يربح البايع والشاري |
الاخ غازي شكرا على المرور وجزاك الله الف خير على المعلومات التى ذكرتها الاخ ناصر شكرا على المرور وعلى دعواتك اخوي |
الاخ غازي شكرا على المرور وجزاك الله الف خير على المعلومات التى ذكرتها الاخ ناصر شكرا على المرور وعلى دعواتك اخوي |
| الساعة الآن 12 : 04 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |