|
اختار وحده من الثنتين اسعد الله اوقات الجميع بكل خير الاسبوع الماضي كنت عند الابل مع الربع وطبعاً تفرجوا على الابل وكالعادة علت الاصوات والنقاشات (المعاياه) من حيث وجهات النظر وترشيح ناقة على اخرى ومن بين ما اختلفوا عليه مفرودتين عندي وكل واحد يقول ان هذي ازين من الثانية وقلت مافيه الا هل مزاين هم اللي بيحلون المشكلة :confused: وهذي صور البكار وكالعادة بتقولون ان الصور ماهي بواضحة ولكن هذا الموجود :mad: ولا عليكم امر ارجو ابداء الرأي وترشيح وحده من البكار (يعني لو انك بتختار وش بتختار منها ؟؟ ) http://www.mzayan.com/vb/images/uplo...776b0dd5a2.gif http://www.mzayan.com/vb/images/uplo...776b100a52.gif |
جعلها اتبارك وربي يزين زمانها والزين كل وحده تقول الزين عندي |
ارحب يامبارك والله يبارك لك فيها باختصار بختار الثانيه |
الله يبارك لك في البكرتين اختار الاولي |
الله يبارك لك فيها وكلها زينه لاكن الاولى طيبه ولا فيها حكي وسلامتك وارضاك |
مع انه مالي بالمجاهيم وعرفي فيهم قليل ولاكن بنشارك لجل خاطرك يا مبارك الاولي فارضه نفسهي وهي الاحسن بوجهت نضري |
الاولى ازين والله يبارك فيهن كلهن ... |
إما خاب ظني فالبكرة الأولى هي الثانية فالصورتين لبكرة وحده الله يبارك لك |
مرحبا اخوي مبارك الاولى عندي انها اطول وازين غارب اما الثانيه لا فهي ازين مفرع ويمكن الجلال ظالمها والله يبارك لك فيها |
انا مع الثانيه والله يبارك فيهن |
ارحب يامبارك والله يبارك لك فيها من غير امجامله كلها طيبه لكن انا اشوف الثانيه اطيب موفق |
هادي الهاجري راشد المري هلال الشيباني فهد العجمي محمد المطيري فرحان البهدل سعود القحطاني محمد الراشد خالد الحجي جاسم الجربوعي بيض الله وجيهكم واشكركم على التفاعل السريع ولكن............:mad: دخلت في دوامة مع الربع في البر وتكررت على النت وتعالوا نحسبها ونشوف الردود عشرة , اربعة رشحوا الاولى , واربعة رشحوا الثانية , واثنين محايدين يعني ((((( تيتي تيتي مثل مارحتي جيتي ))))) :(:o هههههههههههههه اشكركم مرة اخرى وتحياتي للجميع |
ابوهادي صباح الخير الان اللي با بت فيها البكار شكلها متقارب جدا جدا وانا باختار الصوره الافضل وليست البكره الافضل لان الصور غير والواقع غير افضل صاحبه الصوره الثاني مع انها منقاربه في الشكل |
الاخ مبارك الله يبارك لك في الثنتين وامهاتها انا في العمل ويوم قريت موضوعك سويت استفتاء لزملائي في العمل وفيهم بدو اهل ابل وفيهم شباب يتابعون الموقع باستمرار بدون مشاركه واتفقوا ان الاوله اطول حسب الصوره وبعضهم قال يمكن فيها ناجمه في صدغها وصورتها ماهي واضحه والثانيه ازين راس واذن والجلال مابين جرمها وانا اقول الصوره الثانيه ازين |
مرحبا يامبارك انا توقع ان الصورتين لبكرة وحده لكن نبي نختار مابين الصور انا اختار الصورة الاولى تقبل تحياتي |
الأولى يامبارك والله يبارك لك فيهن كلهن |
زين سويت ياحمد ولكن تدري لازلنا في منطقة الخطر يعني صوت واحد ونرجع مثل ماكنا راشد جعلك تسلم انت والربع اللي معك في الدوام والبكرة مافيها الا العافية ورايك رجح الثانية بفارق صوتين ... يعني على وشك الحصول على نتيجة :) عبدالله العتيبي والله ان الصورتين لبكرتين مختلفتين ...........اخترت الاولى يعني رجعنا لمنطقة الخطر محمد المطيري اعتز برأيك لكن تصدق رجعتنا للدوامة http://www.mzayan.com/vb/images/uplo...a1839cb190.gif لكن يالربع طلعت بنتيجة مهمة وهي ان الربع مالهم لايم يوم تناشبوا في البر يعني ان الثنتين زينها متقارب |
ابوهادي الان احسب النقاط وبت فيها فيه فرق بين الواقف والمتحرك الصوره الثانيه متحركه و الصوره لاولى واقفه وانا باختار الصوره الافضل وليست البكره الافضل لان الصور غير والواقع غير افضل صاحبه الصوره الثانيه ((واعتقد ان ثنتين غيرمتقاربه وبياتي بينها ارقام)) راي شخصي http://www.mzayan.com/vb/images/uplo...a2ebf0c500.jpg |
ارررحب يابو علي وتشرفت بمرورك ورايك محل اهمية تقبل تحياتي |
الفيلسوف مبارك مرحبا بك بالنسبه للبكرتين زينهن عادي بس اذا قصدك بالموجد بزينه وشينه يجب عليك أخذ صور جديده بوضع متشابه من جميع النواحي100 في 100 حتى تحصل على النتيجه المرجوه اخوك بندر البقمي .................ابو مطر |
انا مع البكره الثانيه ويمكن الجلال مغطي بعض زينها لكن انا اشوف ان راسها ازين من راس الاوله |
اخوي مبارك الله يبارك فيهن وانا بختار اللي في توقيعك <== على شان مايتوهق :) وعندي اكتشاف في موضوعك هذا واتوقع ان الاعضاء اللي قبلي ما اكتشفوها من غير قصور فيكم كلكم الا وهي : اللي اختارو البكره الاولى اهل مغاتير واللي اختارو الثانيه اهل مجاهيم صح ولا لا :) اخوك |
الاخ مبارك السلام عليكم ورحمة اللة وبركاتة لو اختار اخترت الثنتين ماشاء اللة عليها البكار الثنتين كلها تحير واللة يبارك لك فيها وسلامتك |
بندر البقمي مشاركتك بحد ذاتها مكسب حتى ولوانك ماعطيتنا رايك راشد الراشدي وجهة نظر اقدرها وسعدت بمرورك فواز الشبعان بيض الله وجهك على المشاركة وابداء الراي فهد بن صلبوخ مايصير شكلك هربت من الموضوع لازم تقول رايك ماشاء الله عليك ملاحظة في محلها ...... على كذا يمكن اصبغها بيضاء:D خالد العرجاني جعلك تسلم على المشاركة وسعيد بمرورك |
اخوي مبارك الثنتين مبروكات وهن وسط في الزين والثانيه ازين راس وغاربها زين والاولى ازين رقبه وانظر من الثانيه. وفي نظري ارشح الثانيه |
الله يبارك لك في حلالك وانا اشوف انهم كلهم زيان بس الثانيه عندي افضل من الاولى |
أخوي مبارك الله يبارك لك فيها و ما دامك طلبت الراي ام لجـلآل أزيـن و أجـثـل زيـنـها زيـن قـعـود وأعـتـقـد ان أم جلآل أكـبـر بأشـهـر |
مشاء الله انا اقول الاولى اطيب وانظر من الثانيه |
يامبارك ام اجلال راسها يسوى الاخرى كلها على حسب الصور المعروضه والجميع يدري ان اول مايبرق فيه الراس ولو تساوت يدقق على باقها من رقبه وغلرب وطول وجبر وعرض وتفهاق الظهر وكبر الخف وسع المنحر والفجحه والقصمه وزين الفرسن ومتانت الضلع واللون وتعكراش الوبره وزين الوسره وجل العكره والخ ..................وانا رويت الصور شيبان عندي ورشحو ام الجلال على اختها ومدحوا درثوم خشمها وانقدوا على وسرتها |
سعود الكبرا عبدالمحسن المقاطي محس حمد المري طالب راشد المري اشكركم جزيل الشكر على المرور وابداء الراي واشكر جميع الاخوان على التفاعل الكبير مع موضوعي والذي لم اتوقعه تحياتي |
الثانيه أطيب بعيد من الولى |
الاولى اطيب |
مافيه فرق بينهن والظاهر ان الصورة وحدة اما من ناحيت الزين فاكلهن مزاين والله يبارك لك فيهن وتقبل تحياتي |
الاولى يقع نظرك عليها من اول نظرة الثانية اطيب اذا دققت فيها . بس عذروبها رقبتها ارشح الثانية |
الثانية اطيب....... والله يبارك فيهن |
مرحبا يامبارك المري... أنا أقوول الصورة الثانيه اجمــل من الاولى لو كان متقاربات.. والله يبارك لك فيهن جميعا |
باختصار الاوله ازين جرم والثانيه ازين راس |
الاولى ازين الله يبارك فيها |
اخوي مبارك ارشح ام جلال الله يبارك فيهن وفي امهاتهن |
الله يبارك لك فيهن عندي الاولى ازين |
| الساعة الآن 17 : 05 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |