|
علوم المطر على كافة دول الخليج والمملكه ( موضوع متجدد ) الأخوة زوار وأعضاء موقع مزاين . سوف يكون هذا الموضوع لأخبار المطر وعلوم الحيا شاملا لدول الخليج وجميع مناطق المملكة . وسوف يكون متجددا .. طوال فترة الوسمي . ولحين انتهاء موسوم الأمطار . ارجو من الجميع التكرم بتسجيل المستجدات ومالديهم من اخبار على شكل رد هنااا .. وذلك لتعم الفائدة .. تحياتي |
فكره رائده ياأبوثامر .. سلمت وسدد الله برايك . تقبل تحياتي |
بيض الله وجهك على الفكرة وارجوا التفاعل من الجميع |
سلمت وسدد الله برايك |
تسلم يابو ثامر فكره اكثر من رائعه |
بيض الله وجهك على الفكرة وارجوا التفاعل من الجميع |
أخي حمد السحيمي يعطيك العافية ومشكوووووووووووور على هذه الفكرة تحيتي وتقديري |
السلام عليكم نسمع ياخوان انه فيه مطر اليوم حول حايل مجهة طابه هل الكلام هذا صحيح وحول حفر الباطن والكلام واجد عن الشمال لاكن ماجانا واحد يذكر المطر شوف بالعين ارجوالافادة وجزاكم الله خير (( اللهم ياحي ياقيوم انزل علينا الغيث ولا تجعلنا من القانطين )) |
بيض الله وجهك على الفكرة وصلني ان المطر البارحه على الخفجي الله يعم الخير |
امطار على حفر الباطن واطارف من الدهناء اخوكم |
رش على الحفر وعلى أم الجماجم وشمال شرق الصمان والله يجيب الخير |
ابشروا بالمطر يالربع جاني خبر مؤكد ميه بالميه .. انه من ليلة البارحه والمطر ودان على النعيريه والمناطق المجاوره لها شمالا الى السعيره وقريه وشمال الصمان وحفر الباطن . الله سقيا رحمه لا سقيا عذاب ولاهدم ولا بلاء اللهم اغث البلاد والعباد |
بشره.. بخير... وارحم الله والديك يابو ثامر دايم وانت سباق بالعلوم الغانمه توني ابي ابشركم بالمطر وسبقتني لاعدمتك نعم المطر علينا اليوم في السفانيه وتقوى عقب ماضحينا وكلمت واحد بالنعريه ويقول ان المطر عليهم مثل ماهو علينا والله يجيب الخير ويزيد ويبارك ان شاالله لاهنت يابو ثامر |
|
السلام عليكم ورحمة اللة وبركاتة امس امطرت على جو ساقان اللة يجيب الخير للبلاد والعباد |
لاهنتو على الاخبار الطيبه وبيض الله وجيهكم |
الله يبشركم بالخير والله يحضر البركه ويجعلها سقيى رحمه |
الله يبشركم بالخير |
اللهم اغثنا ومشكور يا القريني |
أسلام عليكم بشركم الله بلخير وبشروا بلحيا كذلك على القليب وغلى الفهده والقاع الشمالي منها |
يالله تجعلها امطار خير وبركه |
يالله تجعلها امطار خير وبركه |
هطلت مساء اليوم أمطار غزيرة بفضل الله ورحمته على مدينة الدمام وضواحيها في أول يوم تشهد المدينة أمطار في هذا الموسم ،كما هطلت اليوم أمطار غزيرة مصحوبة بزخات من البرد على محافظة الجبيل . جعلها الله أمطار خير وبركة وعم بنفعها البلاد والعباد |
هطلت مساء أمس الخميس أمطار غزيرة على منطقة حائل وضواحيها وقد صاحبة هذه الأمطار الغزيرة زخات من البرد سالت على إثرها الأودية والشعبان وشملت هذه الأمطار محافظة بقعاء والشعلانية والشيحية وضبيعة وأم رقاتين وكامب الثنيان والحميمة وحقروصين وغيره من القرى جعلها الله أمطار خير وبركة ونفع بها البلاد والعباد . http://www.sabq.org/inf/newsm/4324.jpg |
اقتباس:
واليوم جاتنا رشه خفيفه في الحبل وعلينا غيم والله يجعلها امطار خير |
الحساء والمناطق المجاوره له رشه خفيفه والله يحضر البركه ويجعلها سقيى رحمه |
الله يحظر البركه ويجعلها امطار خير وبركه |
امطار على مدينة ابوظبي وضواحيها منذ يوم امس وقبل امس تهطل امطار خفيفه على مدينة ابوظبي وضواحيها وصباح اليوم بدأت الامطار متوسطه ولازالت مستمره حتى الساعه |
امطار غزيره على الامارات الشماليه منذ امس و اليوم في العين الله يرزقنا من فضله |
اليوم بعد الفجر الى الضحويه امطار متوسطه على حرض ولازال الغيم عليهم والله يجيب الخير ويعم به جميع المناطق |
المطر من بعد العصر الي كتابت هذه الاسطر وهومستمر على منطقة يبرين اللهم صيبا نافعا |
اليوم الاربعاء من الصباح الباكر زادت حدة المطر على العاصمه ابوظبي ولازالت مستمره حتى الساعه والله يجعلها امطار خير وبركه |
وش علوم الحيا يارجال بشرونا الله يبشركم بالجنه |
ابشررررك علوم هل الشرقيه النعيريه من يوم الاثنين رشه بسيطه ويوم الثلاثاء رشه بسيطه الصبح الين اضحينا هم جانا عج يدفن الى الساعه 12.30 ومن بعدها وعلينا رش الى اليوم رشا طيب والله ينفع به |
من مدينة الرياض إلى القصيم وهو سيل وذلك يوم الأربعاء ليلة الخميس الموافق 3/4/1429هـ الله ينزل البركة ويزيدنا من فضله ملاحظة ياأخواني على جميع المسلمين التوعية من خطر تبذير الأنعام خصوصاً في المناسبات والأنكار عليهم لعل الله ان يديم علينا هذه النعمة |
أبشروا بالحيا بين الرياض والخرج من مصدر من منتديات مكشات أيقول المصدر أنها سيول والله أعلم |
الله يجعلها امطار خير وبركه |
الله ينزل البركة ويزيدنا من فضله |
الله يطرح البركه |
اقتباس:
|
| الساعة الآن 07 : 12 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |