|
تكفون ياهل البل تكفون بسم الله الرحمن الرحيم 0000000000000000000000 السلام عليكم ورحمة الله وبركاته اخواني الأعضاء ارجو مساعدتي في كيفية التفريق بين الجمل والناقة حيث انهم يتشابهون اذا نظرت اليهم من بعيد سألت واحد قريب مني وعنده خبره قال تعرف الجمل من سنامه اكبر من الناقه لكن احيانا في نياق سنامها يجي كبير تكفون ياهل البل كيف افرق؟؟ مع خالص الشكر |
تعرف البعير من جرمة يعني شكلة يختلف تماما عن الناقة سواءا كان قصير او طويل. وتعرفة براسة وهذي اكبر اشارة للبعير. |
أرحب ياحسن سبحان ربي العظيم 0 سؤالك هذا مادري عنه 0 لكن مانت عارف تفرق إلا بدورة ثلاثة أشهر كاملة وقت الصيفية مع هل البل في الصمان وذيك الديار 0 تحياتي |
اقتباس:
|
[QUOTE=شجاع الأكلبي;56041]أرحب ياحسن سبحان ربي العظيم 0 سؤالك هذا مادري عنه 0 لكن مانت عارف تفرق إلا بدورة ثلاثة أشهر كاملة وقت الصيفية مع هل البل في الصمان وذيك الديار 0 تحياتي[/QUOTE] صح لسانك يا شجاع عزالله جواب شافي وكافي....................... |
مع الاخ شجاع الاكلبي وشكرا |
وااله يا كلمة تكفوووووون خلتني ادخل للموضوع واقول يا الله سترك الرجال ما استخنى من شيئ هيَن لكن مالقيت شيء يحمل هذا كله ولا ادري وش الهدف من هذا السؤال تقديري |
السلام عليكم السلام عليكم ورحمة وبركاته اخواني ما أدري وش يقصد الاخ ولكن لازم له دورة في الربع الخالي لمدة 3أشهر على اقل تقدير |
[الاخون الاعضاء جالسين يستهزؤن وانا والله العظيم ماسألت السؤال الا لعدم خبرتي الكافية والله يشهد علي توقعت الاخوان بيفيدوني لكني لم اجد الا السخرية اللي يقول خذلك دورة واللي يقول وش القصد من السؤال مسوي روحه فاهم للأسف يامحترمين00000 الواحد اذا كان مبتدئ يحتاج من يمسك بيده ويساعده مو يستهزي 0 لاحد يشارك في الموضوع هذا لانه اصبح للأستهزاء |
ياالربع الرجال سأل ويحتاج إجابه مو أحد يجلس يستهزيء إذا الله اكرمك بالخبره في شيء ياتفيد اللي يسأل والا لا يجلس يستهزيء بالبشر والظاهر الرجال سأل سؤال ومادخل هالمنتدى عشان يروح دوره بالبر !!!! يابو سالم علمك طيب وسؤالك بيفيدك فيه اللي الله أكرمه بالتواضع ( ومن تواضع لله رفعه ) وس |
ياأخوان من تواضع لله رفعه لاتجلس تتعالى على الناس لأن الله أكرمك بالمعرفه والخبره!! يابو سالم علمك طيب وسؤالك مافيه شيء وبتلقى من بين الأعضاء من يجاوبك ويفيدك أما مسالة يروح ياخذ دوره بالبر وفي الصمان وليش ندخل هالمنتدى الا كل يكتسب خبره ومعرفه والسؤال حق مشروع لكل من يدخل والظاهر ان شؤاله مافيه شيء يضحك او يخلي الواحد يستهزيء !! أنا بقول للي قال هالكلام أنتم يبيلكم دوره خاصه في التواضع وتقدير الرجال !!!! وآسف إذا تطاولت لكن شيء يحز بالنفس !!! |
ياأخوان من تواضع لله رفعه لاتجلس تتعالى على الناس لأن الله أكرمك بالمعرفه والخبره!! يابو سالم علمك طيب وسؤالك مافيه شيء وبتلقى من بين الأعضاء من يجاوبك ويفيدك أما مسالة يروح ياخذ دوره بالبر وفي الصمان وليش ندخل هالمنتدى الا كل يكتسب خبره ومعرفه والسؤال حق مشروع لكل من يدخل والظاهر ان سؤاله مافيه شيء يضحك او يخلي الواحد يستهزيء !! أنا بقول للي قال هالكلام أنتم يبيلكم دوره خاصه في التواضع وتقدير الرجال !!!! وآسف إذا تطاولت لكن شيء يحز بالنفس !!! |
اقتباس:
الأخ حسن أسعد الله جميع أوقاتك مادامك حلفت بالله فنعم بالله وأنا أقول لك والله أنني فهمت سؤالك على إنه إستخفاف بعقولنا وإستهزاء 0 والمعذرة المعذرة جزاك الله خير0؟ أما إجابة سؤالك : فالدعوى مايبيلها خبرة الجمل يختلف عن الناقة في كل شئ ولا مجال للإشتباه بينهما كما الرجل والمرأة لا مجال لتشابههما 0 فحجم أعضاء الجمل أكبر من حجم أعضاء الناقة في كل شئ حتى الخفاف 0 معذرةً مرّة أخرى ولك تحياتي |
اللي يعجبني بهذا الموقع ان اللي يدخل يستفيد لانة يجمع نخبة من الخبرات بدون تحديد اسماء لكن يا اخوان مو شرط ان كل اللي يشاركون يكونون اهل خبرة لازم نتحمل بعض ونفيد بعض وكل الشكر للجميع |
يا جماعة الخير انا ما هقيتها منكم وانتم كذا تخلون الأعضاء يتحرجون انهم يسألون لكن يمكنكم فهمتو غلط اخوي حسن الناقة تكون ناعمة وتحس انها صغيرة وملمومة اما البعير يكون خشن وراسه كبير ورقبته كبيرة والتفريق يكون مع الوقت والملاحظة وشكرا واذا عندك اي سؤال اسئل وشكرا |
بسم الله الرحمن الرحيم مرحبا بالاخ حسن انت ضيف على المنتدى ياخواني الرجال سال عن شيء وباغي الاجابه الوافيه غير كذا لالالالا ماهو نعلق عليه ونسوي نفسنا عارفين صدقوني بعضكم ناقص معرفه في الابل ماصدق انه يشوف واحد اقل منه معرفه يقوم يتريق عليه ويضحك الناس وهاذي ماهي من شيم اعضاء المنتدى اقول انتم ياهل العرف تراى بعض البعارين 95يشبه الناقه من بعيد حتى راسه راس ناقه والعمر كبرها اخوي حسن اي شي تبغاه راسلني على الخاص اخوي حسن تراى المنتدى بخير وفيه منفعه كبيره وفيه ناس اهل خبره بينفعونك ومع الوقت بتعرفهم ارجو من الاعضاء الي اغلطوا على الرجال الاعتذار منه لانه ماغلط على احد وهذا الكلام محسوب على المنتدى بين المنتديات الاخراى الله يعزك يامنتدى النداوي دايم في الاعالي مكانك بين المنتديات |
الاخ حسن مرحبا ومسهلا ومنتدانا هذا يجمعنا ليكمل كل منا الاخر ويفيد من يعرف شي اخوانه الذين يجهلون هذا الشي وكل واحد منا مهما كان راعي ابل وصاحب باع طويل لابد ان يكون هناك شي جديد عليه عرفه من هذا المنتدى المبارك ومن جمعا الوجيه الطيبه شرواكم يا اعضاء المنتدى بالنسبه للتفريق بين البعير والناقه فهو بسيط اذا كان الوقت في موسم هياج الركاب فيكون البعير ماله بطن وبطنه ضامر مع كبر حجمه وكبر الراس واذا كان الوقت في الصيف والبعير فادر يعني ماهو هايج تلقى بطنه كبير وفيه حاجه وحده تفرق بين البعير والناقه من بعيد حتى الغشيم وهي كبر حجم الراس وكبر حجم بدايه الرقبه من جهة راس البعير وهي المنطقه التي تنتفخ اذا هدر البعير وسلامتك اخوي حسن ولا يهونون الربع الباقين |
أخي العزيز لاتلوم الشباب إذا فهموا سؤالك خطا لأن العنوان فيه نوع من النخي المبالغ فيه أما بالنسبه لسؤالك فالشباب ماقصروا في الرد عليك في حدود معرفتهم وإذا تبي تعرف الفرق صحيح أكيد المنطقة إللي أنت ساكن فيها فيها سوق حلال أو عزب مر هناك أكثر من مره وبعدين بتصير تميز بين الناقه والبعير وهل المعرفه ماتجي بسؤال وأنت جالس ورا شاشة كبيوتر لأن فيها نوع من الممارسه لا جمع المعلومات والإكتفاء بها والعذر من الجميع أ خوكم حمد القصير |
السلام عليكم انا قد ادليت بدلوي لكن لاحظت كلام الاخ بندر البقمي وحبيت احط هالملاحظة فقط. تعقيبا على كلامك يوم تقول "اقول انتم ياهل العرف تراى بعض البعارين 95يشبه الناقه من بعيد حتى راسه راس ناقه والعمر كبرها" اسمح لي اخي الكريم اقول ان كلامك غير صحيح ماعدا الرقم اللي حطيته وهو 95%. الرقم صحيح ولكن بالاتجاه الاخر. يعني البعير يختلف عن الناقة ب 95%. ارجوا تقبل هذه الملاحظة وان يتسع صدرك لها. ولك وللجميع تحياتي. |
اقتباس:
علي العرق سلم فمّك ورأسك ياكحيلان حنّا ماغلطنا يالأخ البقمي لأننا لم نتوقع أنه يوجد إنسان راع إبل ولا غيره مايفرق بين البعير والناقة وفهمنا سؤال أخينا بأنه إستخفاف بنا 0 وبعد أن حلف بالله إنه صادق جاوبناه الإجابه الصحيحة اللي أهل البل كلهم يوافقوني عليها 0 أما إن كان بعارينكم تشبه نياقكم بالنسبة اللي ذكرت أنت فهذي مابعد شفناها وإن شاء الله مانقناها على طول الحياه 0 وتراك أنت اللي أخطأت في حق زملاك |
مرحبا ومسهلا بالجميع الاخ / حسن بخصوص سؤالك اعتقد ان الاخوان عطوك الجوب وخاصه مشاركة راشد العرق وحمد القصير وشجاع الأكلبي من غير اقصور في باقي الاخوان موفقين |
[QUOTE=بندر مطر البقمى;57012]بسم الله الرحمن الرحيم تراى بعض البعارين 95يشبه الناقه من بعيد حتى راسه راس ناقه والعمر كبرها /QUOTE] هذا البعير من يهده في البل يا البقمي؟؟؟؟؟ حقيقة لاشفنا هالنوعية ولا سمعنا بها الله يهديك هذا وأنت راعي ابل؟؟؟ |
| الساعة الآن 54 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |