ماذا تعلف أبلك
 

بسم الله الرحمن الرحيم

الأخوة الأعزاء أعضاء منتدى مزاين الموقرين

السلام عليكم ورحمة الله وبركاته


كما تعلمون مدى أهمية التغذية السليمة في حياة كل حي وحياة الأبل وهي موضوعنا اليوم ونظراً لأنه يوجد بالمنتدى أشخاص أصحاب خبرة ودراية في التغذية السليمة للأبل بجميع أعمارها وحالاتها " حيران ، مفاريد ، اللقاح ، خلفات ، حيل ، الهرش " ولتعم الفائدة وللمصلحة العامة كتبت هذا الموضوع أو الإستبيان . وكما يعلم الجميع بأنه تختلف التغذية من منطقة إلى أخرى ومن موسم إلى آخر أقصد صيف وشتاء . وكذلك تختلف التغذية بعادات أصحاب الأبل ووجودها بالشبك أو إنها تسرح وترعى بنفسها . ولكي تعم الفائدة للجميع خصوصاً لقليلي الخبرة في هذا المجال وكذلك ليستفيد الجميع حتى زوار المنتدى ، عليه نأمل من الجميع التفاعل بالمشاركة وتقديم طريقة تغذيته الخاصة بأبله لتشمل الآتي :
1- عدد مرات التعليف في اليوم الواحد وهل هي داخل الشبك أو تسرح .
2- كمية العلف في المرة الواحدة .
3- نوع العلف المستخدم .
4- تفصيل نوع العلف لكل عمر أو حاله .
5- التجارب الشخصية في التغذية أن وجدت .
6- أخرى يود المشاركة وتصب في صلب الموضوع .

ولكم مني خالص التقدير ،،،

أخوكم أبو عبدالرحمن

مشكور يااحمد على الموضوع ولي عوده ان شاء الله
تم التثبيت

أحمد الفلاح لاهنت علي الموضوع الطيب
وننتظر تجارب الاخوة الكرام

أحمد الفلاح لاهنت على الموضوع الطيب

مشكور أخوي الغالي أبو تركي أولاً على المرور ونتظر عودتك للموضوع . ومشكور على التثبيت .

مشكور أخوي أبو مطير على مرورك وننتظر المشاركة من الجميع .

مشكور أخوي أبو حويل ونحن بإنتظار تفاعل الجميع بالمشاركة لتعم الفائدة إن شاء الله تعالى .

مشكووووووووور اخووي ع الموضووع المفيد ,,

بالنسبه لنا كنا نعلف خبز وتبن اكرمكم الله ,, وماشفنا فايده ..

والان نعلف شعير صبح ومساء طبعا الشعير المجروش لان كما تعلمون الشعير الحب ماينهضم كله اكثره يخرج مع البعر اكرمكم الله ,,

ونخلط مرات برسيم لكي تجدد الاكل وتخضر بطونها شوي ...

وماشاء الله تبارك الله سمنت البل وطابت والحمدلله .. وانصح بالشعير كغذاء اساسي ...

طبعا لا نعزل خلفات ولا لقحات ولا شيء كلها تاكل مع بعضها بس اهم شيء تاخذ كفايتها لمن تشبع ....

هذي تجربه شخصيه ,,, وتحياتي لك اخووي احمد وللجميع ,, ودمتم في حفظ الرحمن ....

أحمد الفلاح لاهنت على الموضوع الطيب

مشكور أخوي سامر على تجاوبك مع الموضوع .. ولكن ما قلت لنا هل أبلك تسرح أو إنها في الشبك ؟ .

أبو عبدالرحمن

وأنت أطيب .. مشكور أخوي أبو علي على مرورك وننتظر مشاركتك لأنك من الأشخاص أصحاب الخبرة والجميع يستفيد منك .

أبو عبدالرحمن

بارك الله فيك اخوي


علف ابلي مكعب الوافي

مع برسيم للخلفات فقط

والابل تسرح

والارض فيها رمث وغضا

والله يطرح البركة لنا ولكم

بارك الله فيك اخووي احمد الفلاح

الابل تسرح ,,, ولكن هاليومين في الشبك لظروف خاصه ....


وشكراااااا.........

أخوي نواف مشكور على المرور والمشاركة ولكن كم مرة تعلف أبلك في اليوم بالإضافة لأنها تسرح وكمية العلف مقارنة بعدد الأبل يعني نسبة وتناسب . والله يطرح في أبل البركة وللجميع .

مشكور أخوي سامر على المرور والمشاركة لكن قبل أن تحطها في الشبك وش كنت تعلفها وعدد المرات والآن بعد الشبك كم مرة تعلف ونوعية العلف لو سمحت .

وبارك الله لك وللجميع في حلالنا .

اعلف ابلي علف الوافي
عددها 14 راس نص جل ونص دق
اعطيها كيس ونص من 50 كيلو
لي سنه وثلاث شهور ونا اعلف به
والبل تسرح بمعدل ساعتين الى ثلاث ساعات يوميا
وتلاقى حمض ولكن انه قليل الله يجيب الحياء
وانا اسرحها على شان تطلق
والحمدالله البل سمان وبخير وطيبه
علمان ان هناك ناس يعطون البلهم شعير وبرسيم
ولا اعطيها معه حشيش

أخوي علي ألف شكر لك على تفاعلك .. لكن ما هو الهدف من تسريحك للأبل ثلاث ساعات فقط . وهل تعلف أبلك كلها الوافي حتى منها الخلفات .؟ عسى الله يبارك لك في حلالك ويزيدك من واسع وفضله .

أخوك / أبو عبدالرحمن

اخوي احمد ابلي تسرح وترجع بهواها اسرحها الصباح وترد بروحها يعني ناهناك سبب في الثلاث ساعات
يمكن قل المرعى
وانا اسرحها على شان تطلق
وانا بعت ذا اليومين منها ناقه وصارت الابل تبقي من العلف
الخلفات نفس الطعام ولبنها واجد وقوتها زينه اي شحمها طيب

علف الوافي فقط وعلى وجبات
بالنسبه للعدد نطعم 45 كيس ل 300 راس من الابل بدون اي اضافات والبل طيبه جدا

بصراحه انا عندي حوالي 15 من الابل

وعطيها 2 من الذره و 1 من البرسيم في الصباح
وفي المساء 2 ذره و كيس مكعب الوافي

مدري هو كافي ولا أنا مقصر فيها ؟؟؟؟؟؟؟؟؟؟؟؟؟؟؟؟؟؟؟؟

الله يبارك لك في حلالك ويزيدك من فضله .

ولكم تقديري .. أبو عبدالرحمن

أرحب يا أبوأحمد .. ماشاء الله لاقوة إلا بالله .. عسى الله يبارك لك في حلالك ويزيدك من واسع فضله . لكن يا أبو أحمد هل أبلك تسرح أو لا .. وماهو قصدك بوجبات يعني كم مرة في اليوم ؟.

ولكم تقديري ... أبوعبدالرحمن

مرحباً بك أخوي أبوحمد .. سؤالي هل أبلك تسرح أو هي بالشبك .؟ وشلون صحة الأبل عندك ؟

ولكم تقديري .. أبوعبدالرحمن