نصيحة واقتراح
 

السلام عليكم ورحمة الله وبركاتة
مساكم الله باالخير
نحن الايام هذي نتعرض الى طمع وكيد بعض التجار الي صارو كنهم هوامير الاسهم
برفع سعر الاعلاف بجميع انواعها وعملوا لها بورصة في مابينهم وهي بورصة الاعلاف
ومن الضحية نحن ياصغار المستثمرين انا مااحب اطيل عليكم
بس من حوالي اسبوعين شريت الرودس ب 110 ريال ومن حوالي عشر ايام ارتفع السعر
وصل ب 130 ريال وبعد يومين من الارتفاع المفاجأ ارتفع ووصل 145 ريال على طول
بس ان بعض الناس يوم ارتفع سعرة كفوا عن الشراء لمدة يومين فقط والله انا كنت متابع الوضع
فنزل الى سعر 130 ريال واستقر السعر على ذلك فسألت شخص مقرب فقال نزل السعر لعزوف الناس عنه
واتوقع باالنزول من العجيب انه يرتفع سعرة وهو كثير جدا في السوق
فلذالك نصيحة لوجه الله نحن اهل الحلال الي بيدنا بعد الله بنزول الاسعار
فيجب على الاخوان اخذ الحيطة في حال ارتفع السعر والبحث عن البدائل
ومن الملاحظة الي شفتها انا نعتمد على السوق وتجارة
وعندي لكم اقتراح ونصيحة بسيطة يجتمع بعض الاشخاص الذين لديهم حلال كثير ومستفيدون منه
ويكونون في منطقة وحدة ان ياخذوا لهم تريلة ويذهبون الى احد المزارع في القصيم او طبرجل
او وادي الدواسر واخذه بسعر جيد ويكون بذالك قل الطلب من الاسواق واهل الحلال الذي لديهم
عدد بسيط يستفيدون من السعر الرخيص الذي سوف يكثر في الاسواق لعدم وجود مشتري

وارجوا بان اكون وفيت وكفيت باالنصيحة والاقتراح الذي ارجوا من الله ان يكون ينفعكم بأذن الله
واعذروني ان حصل تقصير 00000

اخيكم /خالد العرجاني

نصيحتك في محلها ودايم سباق للعلوم الغانمه.

فعلاً أخي العزيز فالمقاطعه ثبتت فعاليتها في أنزال الأسعار.

اقتراح ممتاااااااااااااااااااااااااااااز جدا

اخوي خالد
وعليكم السلام عليكم ورحمة الله وبركاته وبيض الله وجهك على هالاقتراح و والله كنك في قلبي اني كنت افكر فيه بعد ما بديت اتصل على موزعي الاعلاف ولقيتهم فعلا ياخذون من المزارع بسعر ويضيفون نسبة ارباح عاليه.

اخوي خالد والهرج للجميع انا اتوقع ان تركت اقتراحك مفتوح كذا بدون اخذ خطوات عمليه فهو رايح ينسى لذا اقترح ان يتولى كل مشرف موجود في منطقته (حيث ان مشرفينا ولله الحمد محل ثقة الجميع من غير قصور في الاخوان الاعضاء) فتح موضوع (ويثبت) يطلب فيه من كل عضو ان يكتب كم حاجته من العلف وليكن البرسيم وبعد تجميع حاجاتهم يتولى المشرف الاتفاق مع صاحب المزرعه ووسيلة نقلها (وسنتعاون معه اذا احتاجنا) ويجمع المبالغ الماليه قيمة العلف من الاعضاء او اذا رغب العضو بامكانه الحضور مع المشرف الى المزرعه وسداد قيمة علفه.
ارجو من الجميع التفاعل مع الموضوع واثرائه باقتراحاتهم كما ارجو من المشرفين تثبيته لان العلف كل يوم بزود وها التجار ما ترحم ياجماعه توني شاري 400 لبنة برسيم على 17 ريال من نفس اللي شريتها منه قبل فتره ب 15 هذا والرجال يقالك اني عميل له

الاخ علي ال مرعي ماعليك زود وبيض الله وجهك على تشريفك للرد على الموضوع

الاخ علي البقمي شرفني مرورك الكريم ولا بد من المقاطعه والعمل على الاقتراح الي طرحته

الاخ علي بن حويل المري بيض الله وجهك على المرور الطيب

الاخ نايف الشنيفي مشكور على مرورك الغالي

الاخ ماجد الدوسري مرحبابك وجهك ابيض وهذا المفروض الي لازم يحصل بس انا حبيت اطرح هذا الموضوع
لعلكم تستفيدون منه انت تقول شريت 400 لبنة سعرها في سوق العزيزة الرياض تاخذة ب 14 ريال
وفي طبرجل او القصيم تاخذة مع التحميل ب 11 ريال لو انت وشخص ثاني يريد مثلك 400 او 500 لبنة
كان جبتوا لكم تريلة وتقاسمتوها وصار الطلب في الاسواق بسيط وغصب راح ينزل
لو حسبنا الي انت شريت مثلا 400*17 ريال= 6800 ريال
لاكن لو رحت لطبرجل وخذيتلك مع شخص ثاني مثل ماقلت كم راح تكون التكلفة
400*11 ريال =4400 واحسب اجر التريلة مثل 1200 ريال نص عليك ونص على الشخص الاخر
والتكلفة تكون 5000 ريال وتكون وفرت 1800 ريال
وانا اشوف ان هذا الاصلح ودمتم بخير والله لايسلط علينا اهل الجشع 000000

الله لايهينك ياخالد على النصيحه

فكره ممتازه

واايد الفكره بقوه

الاخ حمد المنصوري حياك الله ولاتهون وبيض الله وجهك على المرور الطيب

محمد بن شرية المطيري اسعدني مرورك وكذلك تأييدك للموضوع

بيض الله وجهك وجزاك الله خير

ومشكوووووووور ع الموضووع المهم جداااا ..

اقتراح طيب وعندي اضافة ان يتجه اهل الابل

لعملية الاكتفاء الذاتي بزراعة ما يكفي حلالهم من الاعلاف

بدل عملية الشراء وترك الاراضي بداعي التكلفة والكسل

الاخ سامر الحربي وجهك ابيض ومشكور على مرورك الطيب

الاخ مسعود العماري اقتراح جيد ومشكور على مرورك الغالي

بيض الله وجهك

انا اول واحد ابغي برسيم اذا فيه احد الاعضاء قريب من النعيريه
ويبغي برسيم واجد وده يشاركني في تريله ماعندي مشكله
وقتراح اخوي خالد في محله هناك جشع عند اهل السوق غير
طبيعي ولازام نتحرك يا هل الحلال حتي نجبرهم على البيع
بسعر المعقول والعادل لنا ولهم بعضهم اذا سمع بغلاء الاعلاف
وهو شاري كم مزرعه خزنها حتى يتحكم على كيفه
اقتراح ممتاز واامل ان يكون هناك تعاون خصوصاً بين
اعضاء المنتدى في هذا الخصوص
لاهنت اخوي خالد ويبض وجهه

الاخ فلاح الرويلي وجهك ابيض ومشكور على المرور الطيب

مرحبابك اخوي فهيد الشهراني ومشكور على تفاعلك وتجاوبك على الموضوع
والله يخفف علينا وعلى المسلمين الجشع الفاضح

ان اشهد انك كفيت ووفيت وهذا عين الحكمه

بيض الله وجهك يا خالد وجعلك تسلم

بيض الله وجهك
ان اشهد انك كفيت ووفيت وهذا عين الحكمه

الاخ وليد التميمي وجهك ابيض وجعلك سالم اهم شي نستفيد من النصائح الي تخفف علينا
الغلا الي يجي ويروح على كيف من ماندري

الاخ حمد المنصوري وجهك ابيض وانا وغيري من الاخوان لازم نجد الي يخفف عليكم وبيض الله
وجهك على المرور الطيب