|
( استفسارات ارجوا المساعدة .. ) السلام عليكم ورحمة الله وبركاته .. واسعد الله اوقاتكم بكل خير .. شباب انا في السودان الآن والكل يعلم ما للهجن السودانيات من شأن كبير في الجري وناوي ان شاء الله اذا تسهلت الأمور اجيب معي قعود سبوق عليه الكلام لأن البكار ممنوعة التصدير الكلام ربعنا في السعودية بيدخلون القعود ولا لا .. ؟؟ وهل فيه شروط وقوانين وانظمة بهذا الخصوص .. ؟؟ بعدين انا حضرت كم سباق هنا في السودان وبصراحه شي جميل جداً .. لكن وش رايكم عن افضل توقيت للحق 3 كيلو و4 و5 و6 و7 كيلوا عشان ما اشتري واتعب على خافي بلوش :) واذا فيه نصائح اخرى ياليت تفيدوني لطفاً لا امراً .. وااستفسار اخير .. وش رايكم لو جبت القعود لأبو ظبي .. ؟؟ ااو الدوحة ؟؟ وكيف النظام هناك .. ؟؟ وجزاكم الله كل خير .. اخوكم فهد العوسجي .. |
ياخي الله يحفظك بس ممنوع دخولها وفيه صعوبه جدا لان واحد توه حاول ولا قدر |
اخوي الله يعينك على ضني صعب دخول وربع بيفيدونك بذن الله ان كان فيه طريقة وتسلم |
المري .. المطيويعي .. الصعوبة تكمن في ايش بالظبط .. ؟؟ وياليت يالمري تقول لنا تجربة اللي حاول ولا قدر ولا عليك امر شكراً للجميع .. |
دخول الحلال من السودان الى الدوحه او بوظبي صعب جدا ممنوع اصلا بس الحلال اللي يوصلنا من السودان عن طريق التهريب من السودان الى اريتريا ومن ثم الى اليمن واخر شي السعوديه شي منه يموت وشي يسلم |
موفق خير يا فهد |
نعم ياطويل العمر الصعوبة تكمن في السودان نفسها المنع من حماية الثروة عندهم ودول الخليج ماعندهم مانع |
عليك بالرشايده هم يقدرون يطلعون الحلال بالتهريب |
شكراً لكم جميعاً سأوافيكم بالمستجدات في وقتها .. يعطيكم العافيه وبيض الله وجيهكم .. |
انتبه تراهم نصابين وكذابين بالتوفيق |
اقتباس:
الا ياشباب ما قلتوا لي افضل توقيت للـ 4 و 5 و 6 و 7 كيلوا ؟؟ وبعدين وش اجيب اللي تقطع كم كيلوا .. ؟؟ وشكراً لكم .. |
عليك بأبل الانتاج |
شكراً لك ياحسن .. شباب ما قلتوا لي سعر القعود السوداني العنافي او البشاري حوالي كم في دول الخليج ؟؟ وشكراً لكم .. |
الموضوع سهل جدا والمنع فقط على تصدير الابكار اما القعدان فأسهل مما تتخيل اما بالنسبة للتواقيت أعتقد أن السودان لازالو يركضون بالاطفال ف 3 كم اللي يكسر 4:45 يعتبر ممتاز 4كم اللي يكسر 6:20 يعتبر جيد 5 اللي يكسر 8:15 يعتبر سبوق الخ...... والسلام |
الله يردك بالسلامه وانتبه ترانا يا اهل الخليج طيبين ومن جانا وحلف لنا صدقناه وهو الله يعلم به واخبرنا بعد ما ترجع بالسلامه |
اخوي فهد والله توني اقرا الموضوع لاكن مايمنعون انا اخبرلك واحد جايب ابل مجاهيم من السودان القحات وبكار جابها عن طريق الطائرة القطرية موجودة هناك بس تراها بسرا والمبلغ ياخذون على كل راس 8000 ريال واي معلومات ابشر بها |
اقتباس:
فيه ناس يستخدمون الاطفال في السباق والبعض الآخر يستخدم الجهاز .. اشكرك فلقد قدمت لي معلومات كنت احتاجها خصوصاً في التوقيت يعني لو لقيت بكرة تقطع الخمسة كيلوا في 8:15 اتوكل على الله واشتري ..؟؟ يعني بتاخذ الأول .. ؟؟ وشكراً لك ..[/color] |
اقتباس:
وفعلاً ا حنا طيبين وهذا مايدفع الآخرين لاستغلالنا للأسف شكراً لك .. ولنصيحتك .. |
اقتباس:
بالمناسبة كان عندي مزرعة في حرض وصادقت عيال عمك هناك .. والله ونعم الرجال .. :) يارجال 8000 عادي اهم شي يعطونا التصريح .. يوم الاحد بروح لهم مع بداية الدوام .. المشكلة اني منيب في الخرطوم وبعيد عنها ولا كان ولا كان عرفت وش موضوع التصاريح .. المهم انا الحين ابي التوقيت اللي يخلي البكرة أو القعود ياخذ الأول .. عشان اشتري وانا متطمن .. شكراً جزيلاً لك واذا فيه معلومات جديدة علمني جزاك الله خير .. |
| الساعة الآن 46 : 08 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |