|
طلوع سهيل وبدا الضراب واين نجد الفحول المنتجه ارجو المشاركه للجميع السلام عليكم ورحمة الله وبركاته اليوم دخول سهيل وسوفى يبدا موعد هياج الفحول ودعونا في هذا الموقع المبارك ندعم الاخوان والجميع وكل واحد يعرف البعير المنتج والبعارين الاصل ان يخبرنا بها وان يخبرنا عن مواقعها والناس الي تسمح بالضراب او أي واحد من الاخوان الموجودين في المنتدى عنده احد البعارين المنتجه يذكره لنا واصله لكي نتعاون في مابيننى وندعم بعضنى بعض من انواع الفحول الوضح او غيرها وان يذكر الون . وارجو من الاخوان المشاركه لتعم الفائده على الجميع . اخوكم ..................... عبدالله |
موضوع جيد وتشكر علية يا اخ عبدالله |
مساء الخير هلا اخوي عبدالله حياك الله وموضوع جيد وشيق ويستاهل النقاش فيه وايضا التثبيت من قبل المشرفين وانا اول من يبدا باذن الله 1- البعير وحيدان لصاحبه هادي بن حمد ال دمنان والبعير موجود حاليا شرق نجران ب50كم والبعير منتج واخر مابيع عليه مفرودة ب500.000 على وا دوسري يقال له ابن رده واعتقد انه من الصخابرة والرجل خير ومن الناس اللي يرحبون ويهلون بصدر رحب واذا زرته قريب صورته لكم وصورة بعض انتاجه |
جزاك الله خير ياعبدلله على هذا الموضوع و سؤالي عن أهل الفحول الطيبة (مجاهيم) في الكويت اين اماكنهم؟ وجزاكم الله خير. |
السلام عليكم ورحمة الله وبركاته والماضوع طيب وتشكر عليه وعن الفحول المنتجه في الامارات المجاهيم من غير فحول الحكام فهوه غريبان ال ساري بن بلوش المزروعي ومشري من الدواسر وقعيدان ال بن عليوه ولد قعيدان الرامس مشري من ال مره عند ابن العرق اب مليون وخمس مئه مبطي فحل علي بن محمد راعي القايد ولهان ابو مخربت ال حمود وابو بكرت بن عضيبه الي شراها عند علي وفحل حمود بن طريبيش الي من انتاجه الفحل الي حصل على الاول في مزاين الظفره في شوط الفحول المفتوح ومزعل فحل مسلم بن محمد بن حفيض المزروعي ابو الناقه الي حصلت على الثاني في مزاين الظفره الفردي المفتوح وابو مزعل فحل مسيعد بن سويد المنصوري المعروف وفحل محمد سعيد بن فطيس المنصوري ومن انتاجه مرسومه الحاصله على الاول عدت مرات وهوه مشري من علي راعي القايد ولد صغيران والفحول مافيه كلام وهل الفحول سنافيه ولا يردون حد وعذرني على الاطاله وفيه فحول طيبه لاكن ماهي في الامارات وهلها من الامارات وغير الامارات لاكن انا اتكلم عن الفحول الي في الامارات حاليين وسلامتكم |
موضوع جيد وتشكر علية يا اخ عبدالله |
لي نظر فالموضوع هل انت يامن تقول ان صاحب هاك البعير انتاجه طيب ومن هالكلام تدري هل هو راضي عن هالكلام وان بعيره طيب وتوجه الناس يمه ويمكن يلاقي من الناس احراج بسبب موضوعك اما اذا البعير انت ياللي تكتب صاحبه اوصاحب البعير فوضك بالكلام عنه فهذا صح اما غيره فيجب اخذ راي صاحب الشأن وســـــــــــلامتكم |
موضوع جيد وتشكر علية يا اخ عبدالله |
انا اتوقع اكثر هل الركاب المنتجه اللي مكانهم قريب من مزاين الشرقيه ووده يعرضه في المزاين ما راح يسمحون الا بعد انتهاء المزاين على شان ما يسلج البعير ويكون مستعد |
موضوع جيد ومافيه بدوي مايبغي ينفع الناس بلضراب |
الاخ عبدالله العلي لاهنت موضوع مهم وحساس الركاب الطيبه المنتجه واجد لكن منهو اللي يسمح للناس تضرب ببعيره ولو ان الطيبين واجد لكن انا مع الاخ دغيليب البقمي الواجب التاكد من صاحب الفحل قبل تسوق ابلك صوب فحله هل هو بيسمح ولا عنده كلام ثاني وحسب عرفي ان الضراب لايضر البعير ولايرديه قبل مزاين ولاغيره اذا نظم وقت البعير في الاضراب والبدوا كان عندهم عاده طيبه اذا جيت تستاذن في اضراب البعير يقولك البعير عذره بجنبه |
كثر خيرك على الموضوع والناس ترزق الله والله يبارك للجميع ويطعمهم الطعمه المباركه وما اعتقد ان اهل الفحول الطيبه بيردون عن الفحل لان الفحل الطيب مايحطه الا الرجل الطيب |
و انا اول من يبدا وعندي فحل طيب وانتاجه طيب والله يحيي اللي يبيجي والله يبارك لنا ولهم الفحل قريب من الرياض على ملف طريق رماح وانتاجه معه ((حياكم الله)) اللون مجهم |
السلام عليكم ورحمة الله وبركاته جميعاً اشكر الجميع على المشاركه واشكر كل من ابدا رايه بالموضوع وشكر خاص لخوي علوش العتيبي الذي تفضل بدعوه اخوان في المنتدى للي يبي يضرب عنده وهذي علوم الطيبين شرو الموجودين والله يبارك للجميع في حلالهم ومالهم وخاصه في فحولتهم .. اخوكم ........................... عبدالله |
الله يوفقكم منطقة شرق الطائف اتكلم عن نفسي ووالدي الله يحيي من يقطن هناك واسأل الله ان يرزق الجميع بالانتاج الطيب عندنا فحل تو الوالد شاريه اصله من ابل الفصام مهديه على الامير مشعل بن سعود وهو مفرود مجهم/غرابي وموقعه قرب كبري عشيره على طريق الرياض شرق الطائف ب45كم تقريبا بالتوفيق للجميع وشكر خاص لصاحب الموضوع جوال 0502286511 |
الله يبارك بصاحب الموضوع والله يبارك لاهل الفحول بحلالهم والله يرزق المسلمين بالانتاج الطيب مافيه شك بان بعض الناس يغث اصحاب الفحول ولاصاح صياح الا من بلا وتقبلوا تحياتي... |
الله يحيي الجميع .. الله يحيي هل الحمر . عندي بعير حمر وانتاجه اطيب من الطيب والحمدلله الموقع : المبيحيص |
السلام عليكم ورحمة الله وبركاته على الجميع واشكر الجميع على المشاركه واشكر كل واحد تكرم من اصحاب الفحول الي اعلن عنها كل من الاخوان وهذا ان دل على طيبتهم وحبهم للخير للناس اجمعياً ... وحبيت اسالك اخوي طراد الفحل الاحمر الي عندك وش اصله وهل هو حمر الشماليه او ايش ياليت تفصل لنا اخوي ولو ترسل رقمك للمفاهمه .. ودمتم جميعاً بصحه وعافيه والله يبارك للمسلمين اجمعياً اخوكم ................. عبدالله |
مووضوع طيب ولايجيبة الا من يحب الخير للناس اجمعين شروا القراء الاعزاء عندي قعود يضرب الزمان ذا وطيب من جهة الاصل والشكل واول مايضرب ويوسم سوف اعلن لااخواني وياهلا ومرحبا بالبعيد والقريب والماء موجود وابشرو بالخير اصل البعير من بني وريك ابوة مرجان بن وريك وابوة انباع على المناصير قبل ست سنوات بمليون وميتين وخمسين الف ريال وابوة مسيوم بمليون واربع مائة ريال وياهلا وغلاا( الموقع جنوب محافظة المزاحمية بستين كليومتر في منطقة الجفير بنساح) والرسول صلي اللة علية وسلم( لايومن احدكم حتي يحب لااخية مايحب لنفسة) |
اخوي عبدالله العلي تحياتي للجميع الفحل موجود على طريق رماح وانتاجه معه واللي يجوز له الانتاج الله يحييه تحية المطر والله يطرح البركه واللي حاب يتواصل معي على الرسايل الخاصه مرحبابه وعلى فكره انا عارض صوره لبكره من انتاجه في موضوع منزله بعنوان انتاج وقعود طيب للبيع تحياتي للجميع |
موضوع جيد وتشكر علية يا اخ عبدالله |
موضـوع في قمة الأهــميه ويالــيت الربــع يتفاعلــون معه ويفيدونا بجميع الركاب المنتجـه ألي حولهم |
السلام عليكم ورحمة الله على الجميع واشكر كل من شارك في هذا الموضوع بس ياليت اي عضو يتكرم فضل وليسى امراً اذا كان عندهم فحول او يعرفو رجال عندهم بعارين ولا يردون عن الضراب ان يوصفون لنا اماكنهم من ملاك ابل او اصحاب فحول من مغاتير او غيرها . والدال على الخير كفاعله ... اخوكم .................... عبدالله |
| الساعة الآن 16 : 01 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |