**** مفرودة مزيونه للبيع ****
 

هذه المفرودة المزيونه اعرضها لكم لمن يريد الشراء


http://www.city-love.com/up/Pictures...76c499e947.jpg

http://www.city-love.com/up/Pictures...54d88343ec.jpg

http://www.city-love.com/up/Pictures...daab6e2337.jpg




مفرودة مزيونه يملكها نايف الشايوش

من سكان محافظة عفيف

ابوها من ابل الامير سلطان بن عبدالعزيز
وامها ناقة ملحا مزيونه

علماً أن المفرودة غير موسومه ( غفل )

البيع لأعلى سعر

للمفاهمة جوال
0555992066

عفيف

الله يعطيك العافيه يا سعود والله يربح البايع والشارى بكره مزيونه ومعليه كلام وين اهل المجاهيم عنه الله يبارك لك فيها

ماشاء الله ياسعود العتيبي بكره فيها من الزين واجد الله يطرحلكم البركه.
ياليت تخبرنا إذا عليها سوم. حتى نشوف انكان لنا نضر نزود والطيب ياخذ حقه.
سؤالي المهم جداً وش سنها الأن. وهل الصوره جديده وإلا قديمه.

خالد المطيري ، تركي العتيبي

شكرا لكم على المرور والتفاعل والله يبارك لنا ولكم

سنها الان مفرودة وهي ولاد شهر 10/ 1425

والصورة جديدة مصورها قبل اسبوع

ولا عليها سوم من احد

اذا ودك تفتح بابها يا تركي الله يحييك

ماشاء الله


الله يربح البايع والمشتري

الأخ سعود العتيبي البكره ماشاء عليها وانا بفتح بابها بـ(5000) آلاف ريال.
والربع اللي عندهم زود يتفظلون.
وتراها سومة شررررررررراي.
ونتمنى التوفيق لنا ولكم وللجميع انشاء الله.

عذراٍ تأخرت عليكم لم اكن عندالنت لأنا طلعنا عند البل وتعشينا هناك


وابي اعلمكم بالعلوم كلها


كلمني تركي العتيبي وقال ابي افتح بابها بخمسة الاف وقلت سجلها على النت

ثم كلمني واحد من الشرقيه وعلمته بالسوم وقال بعشرة الاف قال راعيها يجيب الله رزق

ثم كلمني واحد والله مدري من وين وعلمته بسومة الرجال وقال ابي اشوف

الرجال راعي البكرة هقوته فيها كبيرة ولو مهيب مزيونه ما عرضناها للبيع في سوق مزاين وهي توها مفرودة واللي

اله نظر ارجو

منه ان يسجله على النت اذا كان عضو حتى يكون البقية على بينه

وحنا نعلمه باللي في خواطرنا


ارجو من الذين يريدون الاتصال يتصلون فترة العصر فما بعد

والله يرزقنا وياكم

الأخ سعود بيض الله وجهك وعلومك غانمه وعزالله انها تستاهل.
ولاتزعل من فتح الباب لوكان ماهوب اللي فالخاطر والآن ارفع السوم إلى (11000) ألف ريال.
والله يرزقنا وياكم وجميع المسلمين.
وترررررررررراي شراي.
شاور راعيها وردلي. وإذا عنده حد يلعلمنا باللي في خاطره أن جاز لنا والا الله يرزقه.

الله يوفق البايع والشاري بأذن الله
موفقين خير

أخوي علي القرني جزاك الله خير وماقصرت علمن طيب من وجهن طيب. ومشكور..

أخوك تركي العتيبي.،،،

سومة طيبه من وجه طيب

يجيب الله رزق

هقوتنا في اكبر من ذلك

ترا تونا منزلينها على النت

الأخ سعود العتيبي يسعدني بمناسبة تواجد الأخ الغالي المراقب العام خالد السبيعي

والأخ الغالي المشرف الجديد خالد المطيري

والأخ الغالي علي القريني

والأخوه الأعضاء والأخوه الضيوف أن أرفع السوم بهذه لمناسبة الطيبه إلى (12000) ألف ريال.

وأتمنى بهالمناسبة الطيبه أن تقول تم لأني بصراحه اتفائل خير بهالوجيه الطيبه.

ودمتم اخوي سعود سالم.،،،

كلكم على راسي من فوق

لكن هذي مهيب قيمتها

البكرة مزيونه وابوها مشري حوار من مزرعة الامير سلطان بن عبدالعزيز

وامها مزيونه بالحيييييييييل


يجيب الله رزق

ابي اعلمكم بالاسوام اللي جتني اليوم الجمعة 16/10

وصل السوم في النت 12000 الف ريال على تركي العتيبي

ثم جا بعدها سوم بـ 15000 الف ريال

ثم كلمني رجال من قطر اسمه جلوي بن محمد راعي ابل

وسام بـ 16000 الف ريال

ويعلم الله اني صادق فيما اقول

وحنا نقول يجيب الله رزق من عنده

يا اهل المجاهيم اللي له نظر هذي البكرة قدامكم وامها ناقة مزيونه وان كان تبون صورة امها حطيناها لكم

ترى الهقوة فيها كبيرة وهذي مهيب قيمه لها



ملاحظة : يعلم الله وهو عالم الغيب والشهادة اني ما اعرف تركي العتيبي

أخوي سعود اسعد الله مسائك بكل خير.
بالنسبة للبكره اتفق معك انها طيبه وتستاهل الزود ولكن حنا في سوق
ومثل مانت عارف بالنسبه للاسعار الخياليه هذي لها بابها ولها ناسها!!!!!!!!!!
وابل المزاين مثل منت عارف ماحنا بمجالها أبداً من وجهة نظري.
وتراي سبق وأن طلبت من أخوي انه يحدها أن كان له سعر معين يطمح له.
وأحب اوضح لك اخوي أني من فتح بابها ومن رفع سعرها إلى هذا الحد.
ولم نسمع من الأخوه المشاركين أي سومه أبداً وأخص الأخ اللي طلبت أنه يوضع سومته على النت ولم يشارك إلى الآن!!!!
ولك أخوي ألف شكر.. متمنياً أن تجد السومه اللي تسر خاطرك وتطمح لها إنشاء الله.،،،

أخوي سعود اسعد الله مسائك بكل خير.
البكره ب16500ريال قل تم
ارجو وضع صورة أمها أو ابوها ان أمكن

أخوي راشد بيض الله وجهك وما قصرت.

وانا عندي (17000) ألف ريال. والله يبارك لنا ولكم وللجميع.

وبالنسبة للسوم يعلم الله اني صامل ولاعندي تطفيف في السعر..
وبالصراحه ما حداني لرفع السعر بهذه الصوره (وهي تستاهل)، كما ذكرت سابقاً لأني أطمح
بأن تكون أول بيعه تحت إشراف المشرف الجديد للموقع الأخ خالد المطيري من نصيبي..
واقول لخوي سعود الهقوه في التطفيف بعيده انشاء الله عني وعنك وعن جميع الاخوان
لأنها لاهيب تغني زود ألف وإلا نقصها..

والله من وراء القصد.. وان قال سعود نصيبك اشهدكم الله اني لتمم البيعه
يوم غد السبت على يد الأخوه المشرفين أو بالتراضي مع أخوي سعود.

السلام عليكم ورحمة الله وبركاته
الله يعطيكم العافيه
ماقصرتو كلكم
ماشاءالله تبارك الله
اخوي سعود البكره راحت 18000 الف
وردلي خبر

سومات طيبه من وجيه سفره

الرجال صاحب البكره عنده سوّامه أهل ابل غدا السبت بيشوفون البكره على الطبيعة وبيشوفون امها

سأبلغه بآخر سوم وصلت له البكره سوم النشمي البقمي

وابي ابلغكم بسومة الرياجيل بكره السبت

والبيع والله يا رجال راجع لصاحب البكره وهو متشدد فيها وغالية عنده بالحييييييل

ويقول هذي مهيب قيمتها


والله يكتب اللي فيه الخير ويرزق البايع والشاري

وانا والله مجرد وسيط فقط

الله يرزق راعيها باللي يريده
ماشاءالله
الله يرزق البايع والشاري
وانت ياسعود ماقصرت على الموضوع الشيق

السلام عليكم جميع البكره اسومها ياسعود ب 16000

السلام عليكم يا اعضاء منتدى مزاين ابي اعلمكم اليوم السبت بعلوم السوام اللي جا البكرة اليوم


الرجال راح اليوم السبت للبكرة بحضور راعيها ورآها على الطبيعة ورآى امها

وعلمه راعي البل باسوام الانترنت قال وصلت الى 18000 الف على النت

ثم عطاه سومات طيبه اعطاه سوم الى ان وصل الى 40000 ( اربعون الف ريال )

ويعلم الله انها سومت شراي وليست للتطفيف

ولم يبع صاحب البكره




اللي له نظر يزود على سوم الرجال (( وترى الرجال شايفها على الطبيعة وليست صوره ))


وهذا رقم الرجال اللي سامها بـ 40000 اربعين الف

وهو من اهل عفيف واسمه فيحان بن علي بن عبيريد العتيبي (( رجال راعي اباعر ويبخص البل زين ))

وهذا رقم جواله لمن اراد التأكد من سومه

0505101124

ويعلم الله اني صادق فيما نقلت لكم

اخوكم سعود العتيبي

السبت 17/10

ماشاء الله سومة طيبه وتستاهل..

الله يربح الشاري ويعوض البايع خير.

وتسلم أخوي سعود على الجهد المبذول وعزالله انك تستاهل السعي الطيب.

ولايهونون جميع الأخوان..

أخوك تركي العتيبي.،،،

أخوي سعود العتيبي أسعد الله صباحكم بكل خير..

ياليت تعرض لنا صورة أم المفروده.. وإذا أمكن أبوها..

حيث تكرر مدحك لأمها في معظم ردودك.. وأعتقد أن في عرض صورة أمها فائده..

أخوك تركي العتيبي

ماشاءالله تبارك الله
سومه طيبه وتستاهل
والله يرزق البايع والمشتري
ويجزاك الله خير ياسعود على سعيك

السلام عليكم ورحمة الله وبركاته

اولا نأسف عن الانقطاع ولكن لظروف بعد البل لم اتمكن من تصوير ام البكرة الا اليوم الخميس 22/10

لكن قبل ذلك جائني اليوم اتصال من مالك ابل من دولة الامارات الشقيقة واسمه عيد المنصوري وقال لي انه رآى البكرة

على النت وقد سام البكرة بـ

50000 ( خمسون الف ريال )

وهذا رقم جوال المنصوري

00971506216126124

وهي سومة شراي


هذه صور البكر ة مع امها بتاريخ 22/10/1426 الموافق 24/11/ 2005


http://www.6rp.net/upload/file.php?eup=24114771124.jpg

http://www.6rp.net/upload/file.php?eup=2411371124.jpg

http://www.6rp.net/upload/file.php?eup=24114081124.jpg

تركي العتيبي ، راشد المري ، جلوي بن محمد ، دغيليب البقمي

بقية الاخوان اللي له نظر هذا رقم جوالي

اخوكم سعود العتيبي
0555992066

ما شاء الله سومة طيبه.. الله يربح الشاري ويعوض البايع خير..

بيض الله وجهك اخوي سعود وما قصرت..

اخوك تركي العتيبي.،،،

ما شاء الله سومة طيبه.. الله يربح الشاري ويعوض البايع خير..

بيض الله وجهك اخوي سعود وما قصرت..

اخوك دغيليب البقمي