الحقوا قبل الغلا
 

بلغني احد الشباب وهو مشارك في اخبار الجوال
ان الدعم للاعلاف خصم الى 700 ريال من 1200 ريال
واللى عنده مخزن من الحين يبدا

ويطبق الكلام من نهايه الشهر

ونسأل الله العووون

جزاك الله خير

أخوي علي جزاك الله خير
الحمدالله رب العالمين أني مستغني من الشعير وأنا من يوم مارفعو سعره إلى 52 وأنا مقاطع الشيعر والحمدالله في السوق مكعبات وفيه أعلاف أخرى تكفينا من الشعير ولو كل هل الحلال يقاطعون الشعير كان يرخص

اخي علي وش معنى هذا الكلام يعني العلف بيغلى
ان اقول بإذن الله انه متوجه للرخص وليسى للغلا
وان شاء الله بناخذه على 7 ريال اذا الله ارسل السماء علينا مدرارا
وانا من واقع معرفتي انه بإذن الله بيرخص فلا تجزعوا من ذلك
واذا غلا العلف فيةطرق ثانية وخل حريملاء تطيح في كبد اهلها

والله ونا خوك هذا اللي سمعته صرحوا فيها وبيقل الدعم
والشعير يا استاذ ظافر ماله بديل
والله يعين الجميع

الشعير له بديل واول بديل مكعب الوافي وهوكان أرخص من الشعير أيام الغلا والخبز بديل للشعير والذره الحبوب بديل وفيه أعلاف كثير بدل الشعير
أن شاءالله مايرتفع الشعير وأذا أرتفع أن شاءالله ينشب في حلوقهم

يعطيك العافيه اخوو ي... طيب وعلوم البرسيم .. والتبن الله يكرمكم .. وش بيصير فيها .. هل بترتفع والا بتنزل

اذا نزلت اسعار الشعير عالميا سيقل الدعم

وان شاء الله السعر للمستهلك لن يتأثر

---------------------------------------

يا خوان الشعير في بلد المنشأ مثل استرالية وغيرها هذي السنة المحصول وافر وكثير ورخيص ، وجميع المحاصيل الزراعيه أيضا

وأما السنة إلي طافت كان عندهم جفاف في غالب الدول الأسيويه وأستراليا وهذا أثر على جميع المحاصيل الزراعيه

وإذا الحكومة نزلت الدعم ما يعني هذا رفع السعر ولكن تثبيته على الأسعار الحاليه يعني بين 18 و 21 ريال لأن الأسعار العالميه في نزول ولو استمر هذا النزول مع هذا الدعم الكبير الذي خصص لأزمة الشعير التي طافت راح يكون سعر الكيس يمكن 13 ريال
فالعمليه عملية موازنه بين السعر العالمي والدعم الحكومي حتى يصبح بسعر مناسب للمواطن وغير مكلف للدوله في نفس الوقت

لكن الارتفاع بدا يبين
انا الشهر اللي راح شريته 23 من سوق الجنادريه غدران
ويقولن وصل 26 وهنا مكتوبه فالقسم هذا
يعني بين على بدا يبين فيه

واذا تقول عالمي بينزل شوف سعر الطن بكم لان حنا نستورد بالطن ولانستورده بالكيس
الدعم لانعلم ليه نقصوه لكن ناخذ الحذر احسن

وبالنسبه للبرسيم لارتفع الشعير كل شئ بيطير وانتم تذكرون وقت ازمه الاعلاف كم وصل البرسيم والرودس

وعسى الله يكون فالعون بس

ياأخوان إبتعدوا قدر الإمكان عن نشر الشائعات والأخبار الغير مؤكده .

وتفائلوا بالخير تجدوه وتذكروا قول الرب عز وجل في الحديث القدسي (.........أنا عند ضن عبدي بي )
توكلوا على الله فهو المتكفل بأرزاقكم وارزاق بهائمكم ...

وأكثروا من الإستغفار واللجوء اليه فهو المنقذ وحده (سبحانه وتعالى)

سعر الشعير أبشركم في نزول أمس عند شركة المعجل في ميناء الدمام
17.75ريال وأن شاء الله بينزل سعره

محمد بن سعيد
الله يسمع منك وياليت والله