قلب العصب
 

يا اخوان اتصل بي احد الاخوه ممن يملكون الابل الممتازه
يفيدني بان احد القعدان عنده من النوع الفاخر يضلع وضلعه غريب لما احضرنا
الطيبيب البيطري افاد بانه مصاب ( قلب العصب )
يااخوان هل له علاج
افيدونا حفظكم الله

مرحبا ياسلطان

قلب العصب خلق الله له واظن انه وراثي تلقى في ساسه قلب العصب

قلب العصب اللي فالقعود خفيف ولا قوي...؟

يعني اذا قام القعود رجله كنها معقوله ........هل تنطلق رجله بسرعه من قلب عصبها ولاتبطي لين تنطلق..؟

عندي ناقه فيها قلب عصب وجدها فيه قلب عصب وبنتها فيها قلب عصب.....ولكن قلب العصب اللي فيها خفيف وهي من خيرة ابلنا وبعنا من انتاجها بقيمه غاليه

مرحبا ياسلطان وقلب العصب يبين اذا قام القعود و رجله كنها معقوله اذا تاكد الامر فهو يكون قوي اذا المصاب بة سمين وفي الشتاء مع البرد ايضا يزيد والوقت هذا ماسمعنا له علاج واللة يخلف على راعية .

مرحبا ياسلطان
مافهمته من مشاركتك ان القعود لم يكن يضلع سابقا وان الضلع حديث
فاذا كان كذلك فانصح بان يعطيه ابرة ديكسافينيل عشرون ملي بالعضل للجذع فما فوق وعشره لما هو اصغر وتعاد الكره بعد يومين

لا علاقه لقلب العصب بالضلعه

للعلم قلب العصب ما يبين إلا إذا قامت الناقه من بركتها وبعدها بشوي ما يبين عليها ضلاع

ياجماعه ياليت تبينون لنا ماهو قلب العصب ؟؟

اخو فهد القعود اذا مشاء رجله اليمنى من بين العرقوب والثفنه العصب الموجود هناك يرتخي ومشيته غير متزنه

أرحب يا سلطان

إذا برك القعود .. حاول إنك تقومه
إذا شفته وهو يقوم كن رجله معقوله ويحاول يفكها فهو قلب عصب صحيح
أما أن كان قومته عاديه فهذا موضوع ثاني.

بارك الله فيكم