وش بلى الفحل يالربع
 

السلام عليكم جميعا يالربع
عندي فحل العام مضرب العشر الاواخر والسنة ذي هديته ب15/10 ويقف فوق الناقة بس مايبرك يحاول يبرك ولا يقدر احس
احس عراقيبة تهتز
حتى لو يبرك لحاله يعجز يالله يبرك

مدري وش السبب

مرحبا اخوي وهذي مواري الذيبة وتاكد اذا برك يهتز او يطيح على جنبة وتاكد من زور البعير بركتة فيها ورم لسمح اللة او جرح بين يمكن يكون فية سرر والله لايقول الثنتين .

أخوي يمكن هذي حلل برجول البعير
لان عندنا فحل كان سليم ومن العام جاه الحلل ويقعد ربع ساعه وهو مابرك

هو يقف على الناقة ويحاول يبرك ومايبرك ثم يوخر عن الناقة ويرجع مرة ثانية وبالطريقة حتى يتركها مرة

بعدين حتى مايعرف يقف على الناقة وقفته خطا لجا بيبرك

اشكركم لمروركم

اخوي البعير بدون شك فيه ذيبه والبعير اللي فيه ذيبه ماتمنعه من الضراب لكن البعير يمكن انه سمين ومابعد قفل يعني مابعد هاج ميه فالميه ولكن اصبر عليه ايام واذا هاج مضبوط واستدق بطنه راح يضرب باذن الله وهذا الشي صار عندنا من قبل.

البعير مافية لا ورم ولا شي وصحته مايحتاج والبعير هايج ويبا الضراب بس لجا يبرك ترجع رجله اليسرى لورى كانه اول مرة يضرب سبحان الله
والله انه حيرني
والله لا يهينكم على الردود

مرحبا اخوي وهذي مواري الذيبة

مع علي ال مرعي

هذي ماريه الذيبه خاصه ان كانه ينتفض لاجايبرك

والذيبه ماهو شرط انه يكون في عراقيبه انتفاخ

لكن كثير من الركاب اللي بها ذيبه تتاخر ماتبرك على الناقه

في الاخير تبرك

مرحبا اخوي وهذي الذيبة وانا متاكد ولا تضر البعير لاكن تصعب ضرابه ويضرب

هل البعير عندما يحاول يبرك تسمع صوت في وركه ؟؟؟

اذا سمعت صوت يمكن والله العام ان فيه الصبه بس تاكد من اي ورك وخل واحد يعرف يوسم عن الصبه يوسمه مكان الصبه حلقه و مشط وان شاء الله يطيب لكن ضرابه يكون صعب شوي بس احسن من حالته الحين ولا تسمن البعير

شاكرااااااا لكم مروركم

البعير ما ضرب الى لان
وش علاج الذيبة

ذيبه مافيها شك

وش علاج الذيبة