ضراب الفحلين
 

السلام عليكم ورحمة الله وبركاته

حي الله الجميع

عندي لقية مجهم ضربتها على فحل مجهم طيب وهي طيبة وبعد يومين
جاء فحل مغتر مقرود ودخل على الناقة وأضربها والان هي معشر وش الحل يا الربع

لأني خايف تعشر على الاوضح

وسلمتكم

الله يحيك وبركتن القاح وان كان العجم عشرت من بعد اضرابها الاول 8 او 9 ايام فهي انشاءالله انها علي البعير الاول وان كانها تاخرت الله العالم
وعسي الله يوفقك الجميع

اخوي ماتقدر تعرف اهي معشره على اي فحل الى بعد الولاده العلم عند الله
ادعو الله بالبركه ماتدري يمكن الله يباركلك في الفحل المغتر اكثر من المجهم تؤكل على الله وخلها ولاتشيل هم

الله يبارك لك في حلالك وانتبه تعطي أناقة أبره تجعلها تكسر أنا خابر رجال صار معه مثلك و أعطا ناقته إبره وصعدت والحين لها ثمان سنوات وللحين ما لقحت الله يعوضه خير في الدنيا والأخرة.

أخوك / أبو عبد اللطيف

جزاك الله خير

جزاك الله خير


جزاك الله خير أخوي أبو عبد اللطيف

كنت ناوي على الابرة ولكن كنت خايف أن الناقة تحيل

الله لا يهينكم

من الارجح ان شاء الله انها لقحة على البعير الاول

وحصلت كثير وغالباً تكون على البعير الاول وخصوصاً اذا كان فيه فارق في الوقت بين الضرابين

والله سبحانه اعلم بما في الارحام

أرحب يا محمد

هذا طال عمرك على الطاعه مجرد أجتهاد ولا يعلم ما في الأرحام إلا الله

أنت تعرف توقيت ضراب الفحل الأول للعجم ( صح )
أحسب من يوم ضرابها 8 أيام وأدخلها على الفحل .
الجو هاليومين دافي وإن شاء الله تبين معك
إن كانت ميسر هذا معناه إنها ما عشرت لا على الأول ولا على الثاني
وإن كانت ما تبي الفحل وتشاول على خفيف ولا ترغي فمعناه إن شاء الله إنها من الممكن تكون معشر على الأول
وعقب أعرضها على الفحل يوم 11 أو 12 وإنشاء الله بتكون معشر
إن وضح عليها علامات العشار فهي على الأول.

جزاك الله خير أخوي مبارك


جزاك الله خير يا ولد العم

والله يبارك للجميع بحلالهم و مالهم

الحل
توكل على الخالق
وماندري الخيره وين
والغالب انها على الاول باذن الله مادامه بعير ملقح وعلى جسره

مرحبا يابودرويش ، العجم معشر على البعير الاول وهاذي سارت معي شخصيا اكثر من مرة ولاتدري ويش الخيرة فيه منها